Forest Department
ബന്ദിപ്പൂരിൽ കാട്ടാനയ്ക്കൊപ്പം സെൽഫിയെടുക്കാൻ ശ്രമിച്ച വിനോദസഞ്ചാരിക്ക് 25,000 രൂപ പിഴ ചുമത്തി
ബന്ദിപ്പൂർ ടൈഗർ റിസർവിൽ കാട്ടാനയ്ക്കൊപ്പം സെൽഫിയെടുക്കാൻ ശ്രമിച്ച വിനോദസഞ്ചാരിക്ക് 25,000 രൂപ പിഴ ചുമത്തി. വനംവകുപ്പിന്റെ കർശന നിർദ്ദേശങ്ങൾ ലംഘിച്ചതിനാണ് ഈ നടപടി. വന്യജീവി സങ്കേതങ്ങളിലൂടെ യാത്ര ചെയ്യുമ്പോൾ വാഹനത്തിൽ നിന്ന് പുറത്തിറങ്ങരുതെന്നും, വന്യമൃഗങ്ങളെ പ്രകോപിപ്പിക്കരുതെന്നും വനംവകുപ്പ് മുന്നറിയിപ്പ് നൽകുന്നു.
ചികിത്സയ്ക്ക് ശേഷം പി.ടി ഫൈവ് കാട്ടാനയെ വനത്തിലേക്ക് തുരത്തി
പാലക്കാട് ജനവാസ മേഖലയിൽ തമ്പടിച്ച പി.ടി ഫൈവ് എന്ന കാട്ടാനയെ ചികിത്സ നൽകി വനത്തിലേക്ക് തുരത്തി. ആനയെ റേഡിയോ കോളർ ധരിപ്പിച്ചാണ് കാട്ടിലേക്ക് തിരിച്ചയച്ചത്. 20 ദിവസം ആനയെ നിരീക്ഷിക്കും.
അട്ടപ്പാടിയിൽ 200 കിലോ ചന്ദനവുമായി എട്ട് പേർ പിടിയിൽ
അട്ടപ്പാടിയിൽ 200 കിലോയോളം ചന്ദനവുമായി എട്ട് പേരെ വനം വകുപ്പ് പിടികൂടി. തമിഴ്നാട് തിരുവണ്ണാമല സ്വദേശികളായ മുരളി, കുപ്പുസ്വാമി, സെന്തിൽ, കുമാർ, തങ്കരാജ് എന്നിവരും വല്ലപ്പുഴ സ്വദേശി ഹുസൈൻ, വെള്ളിയാമ്പുറം സ്വദേശി ഗഫൂർ അലി എന്നിവരുമാണ് പിടിയിലായത്. ഷോളയൂർ മരപ്പാലത്ത് നിന്ന് ചന്ദനം മുറിച്ച് കാറിൽ കടത്താൻ ശ്രമിക്കുമ്പോഴാണ് ഇവരെ പിടികൂടിയത്.
കസ്റ്റഡി മരണം: തമിഴ്നാട്ടിൽ രണ്ട് വനം വകുപ്പ് ഉദ്യോഗസ്ഥർക്ക് സസ്പെൻഷൻ
തമിഴ്നാട് വനം വകുപ്പിന്റെ കസ്റ്റഡിയിൽ മറയൂർ സ്വദേശിയായ ആദിവാസി മരിച്ച സംഭവത്തിൽ രണ്ട് ഉദ്യോഗസ്ഥരെ സസ്പെൻഡ് ചെയ്തു. ഉടുമൽപേട്ട ഫോറസ്റ്റ് ഓഫീസിലെ വാച്ചർ സെന്തിൽ കുമാർ, ഫോറസ്റ്റർ നിമിൽ എന്നിവർക്കെതിരെയാണ് നടപടി. കൃത്യവിലോപം ചൂണ്ടിക്കാട്ടിയാണ് ഇരുവരുടെയും സസ്പെൻഷൻ.
വീരൻകുടി അരേക്കാപ്പ്: പുനരധിവാസ നീക്കം തടഞ്ഞ് വനംവകുപ്പ്, ദുരിതത്തിലായി 47 കുടുംബങ്ങൾ
തൃശൂർ വീരൻകുടി അരേക്കാപ്പ് ഉന്നതിയിലെ ആളുകളെ പുനരധിവസിപ്പിക്കാനുള്ള നടപടികൾ വനംവകുപ്പ് തടസ്സപ്പെടുത്തുന്നു. ഇതോടെ 47 കുടുംബങ്ങൾ ദുരിതത്തിലായി. മാരാങ്കോട് കണ്ടെത്തിയ ഭൂമിയിലേക്ക് ഇവരെ മാറ്റാനുള്ള തീരുമാനം വനംവകുപ്പ് തടഞ്ഞതാണ് കാരണം.
പ്ലാസ്റ്റിക് മാലിന്യം തള്ളിയെന്ന് കള്ളക്കേസ്; ഭിന്നശേഷിക്കുടുംബം ഒളിവില്, ഉദ്യോഗസ്ഥനെതിരെ ആരോപണം
പ്ലാസ്റ്റിക് മാലിന്യം വനത്തിൽ തള്ളിയെന്നാരോപിച്ച് ഭിന്നശേഷിയുള്ള കുടുംബത്തിനെതിരെ കള്ളക്കേസെടുത്ത സംഭവം ഉണ്ടായി. അറസ്റ്റ് ഭയന്ന് ഓട്ടിസം ബാധിച്ച മകളുമായി കുടുംബം ഒളിവിൽ കഴിയുകയാണ്. കേസൊഴിവാക്കാൻ ഉദ്യോഗസ്ഥൻ പണം ആവശ്യപ്പെട്ടെന്ന് കുടുംബം ആരോപിച്ചു.
ഇടുക്കി ശാന്തന്പാറയില് ഏലം കൃഷിയുടെ മറവില് വന് മരംകൊള്ള; കേസ്
ഇടുക്കി ശാന്തന്പാറയില് സിഎച്ച്ആര് ഭൂമിയില് വന് മരംകൊള്ള. ഏലം പുനര്കൃഷിയുടെ മറവില് 150-ലധികം മരങ്ങള് മുറിച്ചു കടത്തി. സംഭവത്തില് വനംവകുപ്പ് കേസെടുത്ത് അന്വേഷണം ആരംഭിച്ചു. മതികെട്ടാന് ചോല ദേശീയ ഉദ്യാനത്തോട് ചേര്ന്ന് കിടക്കുന്ന പ്രദേശത്താണ് മരംകൊള്ള നടന്നത്.
പുലിപ്പല്ല് ലോക്കറ്റ് ധരിച്ചതുമായി ബന്ധപ്പെട്ട് കേന്ദ്രമന്ത്രി സുരേഷ് ഗോപിക്കെതിരെ ഉയർന്ന പരാതിയിൽ വനംവകുപ്പ് അദ്ദേഹത്തിന്റെ മൊഴിയെടുക്കും. ഇതിനായി വനംവകുപ്പ് മന്ത്രിക്ക് നോട്ടീസ് അയയ്ക്കും. മാലയിലെ ലോക്കറ്റിൽ ഉപയോഗിച്ചിരിക്കുന്നത് ഒറിജിനൽ പുലിപ്പല്ലാണോ എന്ന് പരിശോധിക്കും. യൂത്ത് കോൺഗ്രസ് നേതാവ് നൽകിയ പരാതിയിലാണ് നടപടി.
കാളികാവ് നരഭോജി കടുവയെ ഉടൻ കാട്ടിലേക്ക് വിടില്ല; വനം വകുപ്പ് സംരക്ഷിക്കുമെന്ന് മന്ത്രി എ.കെ. ശശീന്ദ്രൻ
കാളികാവിൽ പിടികൂടിയ നരഭോജി കടുവയെ ഉടൻ കാട്ടിലേക്ക് വിടില്ലെന്ന് മന്ത്രി എ.കെ. ശശീന്ദ്രൻ അറിയിച്ചു. കടുവയെ വനം വകുപ്പിന്റെ സംരക്ഷണയിൽ സൂക്ഷിക്കും. വിദഗ്ദ്ധരുമായി ആലോചിച്ച് തുടർനടപടികൾ തീരുമാനിക്കുമെന്നും മന്ത്രി വ്യക്തമാക്കി.
കോന്നിയിൽ കാട്ടാന ആക്രമണം; 8 വനം വകുപ്പ് ജീവനക്കാർക്ക് പരിക്ക്
പത്തനംതിട്ട കോന്നി കുമരംപേരൂരിൽ കാട്ടാനയുടെ ആക്രമണത്തിൽ 8 വനം വകുപ്പ് ജീവനക്കാർക്ക് പരിക്കേറ്റു. കാട്ടാനക്കൂട്ടം നാട്ടിലിറങ്ങുന്നത് പതിവായതോടെ വനം വകുപ്പ് ആനയെ തുരത്താനുള്ള ദൗത്യം ആരംഭിച്ചിരുന്നു. വിവിധ ഫോറസ്റ്റ് സ്റ്റേഷനുകളിൽ നിന്നായി 64 ജീവനക്കാർ ദൗത്യത്തിൽ പങ്കെടുത്തു.
ഇടുക്കി ഡാം വ്യൂ പോയിന്റിൽ യാത്രാവിലക്ക്; കാരണം സുരക്ഷാ പ്രശ്നങ്ങൾ
സമൂഹമാധ്യമങ്ങളിൽ വൈറലായ ഇടുക്കി ഡാം വ്യൂ പോയിന്റിലേക്ക് സഞ്ചാരികൾക്ക് വിലക്ക് ഏർപ്പെടുത്തി. സുരക്ഷാ ക്രമീകരണങ്ങൾ ഇല്ലാത്തതിനാലാണ് വനം വകുപ്പിന്റെ ഈ നടപടി. ആളുകൾ പ്രവേശിക്കുന്നത് തടയാൻ മുളകെട്ടി വഴി അടച്ചിട്ടുണ്ട്.
വഴിക്കടവിൽ പതിനഞ്ചുകാരൻ ഷോക്കേറ്റ് മരിച്ച സംഭവം: പ്രതിക്കെതിരെ വനം വകുപ്പ് കേസ് എടുത്തു
വഴിക്കടവിൽ ഷോക്കേറ്റ് മരിച്ച അനന്തുവിന്റെ മരണത്തിൽ പ്രതി വിനീഷിനെതിരെ വനം വകുപ്പ് കേസെടുത്തു. മൃഗവേട്ട നടത്തിയതിനാണ് കേസ്. പഞ്ചായത്ത് ഓഫീസിലേക്കും കെഎസ്ഇബി ഓഫീസിലേക്കും പ്രതിഷേധ മാർച്ചുകൾ നടക്കും.