football
ക്രിസ്റ്റ്യാനോ റൊണാൾഡോയുടെ കരിയറിൽ 950 ഗോൾ നേട്ടം
പോർച്ചുഗീസ് താരം ക്രിസ്റ്റ്യാനോ റൊണാൾഡോ തന്റെ കരിയറിലെ 950-ാം ഗോൾ എന്ന നാഴികക്കല്ല് പിന്നിട്ടു. സൗദി പ്രോ ലീഗിൽ അൽ നസ്റിനുവേണ്ടി ഗോൾ നേടിയതോടെയാണ് ഈ നേട്ടം സ്വന്തമാക്കിയത്. കരിയറിൽ ഇതിനോടകം 1279 മത്സരങ്ങളിൽ നിന്നായി 950 ഗോളുകൾ അദ്ദേഹം നേടിയിട്ടുണ്ട്.
മെസിയുടെ നാട്ടിൽ ബാഴ്സലോണയുടെ കളിയില്ല; ലാലിഗയുടെ സ്വപ്നം ഉപേക്ഷിച്ച് ബാഴ്സ
ലയണൽ മെസിയുടെ തട്ടകമായ മിയാമിയിൽ ബാഴ്സലോണയുടെ മത്സരം നടത്താനുള്ള മോഹം നടക്കില്ല. ബാഴ്സലോണയും വിയ്യാ റിയലും തമ്മിൽ ഡിസംബറിൽ നടത്താൻ തീരുമാനിച്ചിരുന്ന ലാലിഗ സീസൺ മത്സരം പിൻവലിച്ചു. ലാലിഗ ഫാൻസും റയൽ മാഡ്രിഡും എതിർപ്പ് അറിയിച്ചതിനെ തുടർന്നാണ് ലാലിഗയുടെ ഈ തീരുമാനം.
റൊണാൾഡോയുടെ മകന് പോർച്ചുഗൽ അണ്ടർ 16 ടീമിലേക്ക് ആദ്യമായി ക്ഷണം
ക്രിസ്റ്റ്യാനോ റൊണാൾഡോയുടെ മകൻ ക്രിസ്റ്റ്യാനോ റൊണാൾഡോ ജൂനിയർക്ക് പോർച്ചുഗൽ അണ്ടർ 16 ടീമിലേക്ക് കന്നി ക്ഷണം. പിതാവ് കളിക്കുന്ന അൽ നസർ ടീമിന്റെ ജൂനിയർ ടീമിലാണ് നിലവിൽ താരം കളിക്കുന്നത്. ഒക്ടോബർ 30 മുതൽ നവംബർ നാല് വരെ തുർക്കിയിൽ നടക്കുന്ന യൂത്ത് ടൂർണമെന്റിലാണ് പോർച്ചുഗൽ ടീം മത്സരിക്കുന്നത്.
ഫിഫ ലോകകപ്പ് ടിക്കറ്റുകൾ ചൂടപ്പം പോലെ വിറ്റുപോകുന്നു; 10 ലക്ഷം കടന്നു
അടുത്ത വർഷം നടക്കാനിരിക്കുന്ന ഫിഫ ലോകകപ്പിനായുള്ള ടിക്കറ്റുകൾ അതിവേഗം വിറ്റുപോകുന്നു. ഇതിനോടകം 10 ലക്ഷത്തിലധികം ടിക്കറ്റുകൾ വിറ്റുതീർന്നു. ലോകകപ്പിന് ആതിഥേയത്വം വഹിക്കുന്ന രാജ്യങ്ങളായ യുഎസ്, കാനഡ, മെക്സിക്കോ എന്നിവിടങ്ങളിൽ നിന്നുള്ളവരാണ് ടിക്കറ്റ് വാങ്ങിയവരിൽ മുൻപന്തിയിൽ.
മെസ്സിയുടെ മാന്ത്രിക പ്രകടനം; പ്യൂർട്ടോറിക്കയെ തകർത്ത് അർജന്റീനയ്ക്ക് ഗംഭീര ജയം
സൗഹൃദ മത്സരത്തിൽ ലയണൽ മെസ്സിയുടെ മികച്ച പ്രകടനത്തിൽ പ്യൂർട്ടോറിക്കയെ തകർത്ത് അർജന്റീന. അർജന്റീന എതിരില്ലാത്ത ആറ് ഗോളുകൾക്ക് വിജയം നേടി. മത്സരത്തിൽ അലെക്സിസ് മാക് അലിസ്റ്ററും, ലൗത്താരോ മാർട്ടിനെസും ഇരട്ട ഗോളുകൾ നേടി.
ഇസ്രായേലിനെതിരെ തകർപ്പൻ ജയം; ലോകകപ്പ് മോഹവുമായി ഇറ്റലി
ഇറ്റലിയിലെ ഉഡിനിൽ നടന്ന മത്സരത്തിൽ ഇസ്രായേലിനെതിരെ ഇറ്റലി മൂന്ന് ഗോളുകൾക്ക് വിജയിച്ചു. മറ്റെയോ റെറ്റെഗുയിയുടെ ഇരട്ട ഗോളുകളാണ് ഇറ്റലിയെ വിജയത്തിലേക്ക് നയിച്ചത്. ഈ വിജയം ലോകകപ്പ് സ്വപ്നം സജീവമാക്കി നിലനിർത്താൻ ഇറ്റലിയെ സഹായിക്കും.
ലോകകപ്പിൽ കേപ് വെർദെ പന്തുതട്ടും; യോഗ്യത നേടുന്ന രണ്ടാമത്തെ ചെറിയ രാജ്യം
ആഫ്രിക്കൻ രാജ്യമായ കേപ് വെർദെ ലോകകപ്പിൽ പന്തു തട്ടാൻ യോഗ്യത നേടി. ലോകകപ്പിന് യോഗ്യത നേടുന്ന ഏറ്റവും ചെറിയ രണ്ടാമത്തെ രാജ്യമാണ് കേപ് വെർദെ. എസ്വാനിറ്റിയെ 3-0ത്തിന് തോൽപ്പിച്ചാണ് കേപ് വെർദെ ലോകകപ്പ് ടിക്കറ്റ് സ്വന്തമാക്കിയത്.
കേരള സൂപ്പർ ലീഗ്: തൃശ്ശൂർ മാജിക് എഫ്സിക്ക് ആദ്യ ജയം
കേരള സൂപ്പർ ലീഗിൽ തൃശ്ശൂർ മാജിക് എഫ്സിക്ക് ആദ്യ ജയം. ക്യാപ്റ്റൻ മെയിൻസൺ ആൽവസ് നേടിയ ഗോളിലാണ് തൃശ്ശൂർ വിജയം കണ്ടെത്തിയത്. മലപ്പുറം എഫ്സി കണ്ണൂർ വാരിയേഴ്സ് എഫ്സിയെ അടുത്ത മത്സരത്തിൽ നേരിടും.
അസർബൈജാനെതിരെ തകർപ്പൻ ജയം; ഫ്രാൻസിനായി ഗോൾ നേടി എംബാപ്പെ തിളങ്ങി
ലോകകപ്പ് യോഗ്യതാ മത്സരത്തിൽ അസർബൈജാനെ മറുപടിയില്ലാത്ത മൂന്ന് ഗോളുകൾക്ക് ഫ്രാൻസ് തോൽപ്പിച്ചു. കൈലിയൻ എംബാപ്പെ ഒരു ഗോൾ നേടുകയും മറ്റൊന്നിന് വഴിയൊരുക്കുകയും ചെയ്തു. മത്സരത്തിൽ ലിവർപൂൾ താരം ഹ്യൂഗോ എകിറ്റികെ ആദ്യമായി അന്താരാഷ്ട്ര മത്സരത്തിനിറങ്ങി.
ക്രിസ്റ്റ്യാനോ റൊണാൾഡോ ആദ്യ ‘ബില്യണയർ’ ഫുട്ബാളർ
പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോ ലോകത്തിലെ ആദ്യത്തെ 'ബില്യണയർ' ഫുട്ബാളറായി. ബ്ലൂംബെർഗ് ബില്യണയർ ഇൻഡെക്സ് പ്രകാരം താരത്തിന്റെ ആസ്തി 1.4 ബില്യൺ ഡോളറാണ്. സൗദി പ്രോ ക്ലബ്ബ് അൽ നസറുമായുള്ള പുതിയ കരാറാണ് റൊണാൾഡോയെ ഈ നേട്ടത്തിലേക്ക് എത്തിച്ചത്.
അർജന്റീനയുടെ കൊച്ചിയിലെ മത്സരം; ഒരുക്കങ്ങൾ വിലയിരുത്തി മുഖ്യമന്ത്രിയുടെ യോഗം
അർജന്റീന ഫുട്ബോൾ ടീമിന്റെ മത്സരത്തിനായുള്ള ഒരുക്കങ്ങൾ വിലയിരുത്തുന്നതിനായി മുഖ്യമന്ത്രി പിണറായി വിജയന്റെ അധ്യക്ഷതയിൽ ഉന്നതതല യോഗം ചേർന്നു. നവംബറിൽ കൊച്ചി ജവഹർലാൽ നെഹ്റു സ്റ്റേഡിയത്തിലാണ് മത്സരം നടക്കുന്നത്. മത്സരവുമായി ബന്ധപ്പെട്ട കാര്യങ്ങൾ ഏകോപിപ്പിക്കുന്നതിന് ഒരു ഐ.എ.എസ്. ഉദ്യോഗസ്ഥനെ നിയമിക്കും.
സൂപ്പർ ലീഗ് കേരളക്ക് ആവേശത്തുടക്കം; ഉദ്ഘാടന മത്സരത്തിൽ കാലിക്കറ്റ് എഫ്.സിക്ക് ജയം
സൂപ്പർ ലീഗ് കേരളയുടെ രണ്ടാം പതിപ്പിന് കോഴിക്കോട് തുടക്കമായി. ഉദ്ഘാടന മത്സരത്തിൽ ആതിഥേയരായ കാലിക്കറ്റ് എഫ്.സി, ഫോഴ്സ കൊച്ചിയെ ഒന്നിനെതിരെ രണ്ട് ഗോളുകൾക്ക് തോൽപ്പിച്ചു. ഇഞ്ചുറി ടൈമിൽ അരുൺ കുമാറാണ് കാലിക്കറ്റിന്റെ വിജയഗോൾ നേടിയത്.