Football News
ഇന്ത്യയിലേക്ക് വീണ്ടും! ഇന്ത്യൻ ആരാധകരെ പ്രശംസിച്ച് ലയണൽ മെസ്സി
അർജന്റീനിയൻ താരം ലയണൽ മെസ്സി ഡിസംബറിൽ ഇന്ത്യ സന്ദർശിക്കും. GOAT ടൂർ ഓഫ് ഇന്ത്യയുടെ ഭാഗമായാണ് മെസ്സിയുടെ വരവ്. 14 വർഷം മുൻപ് ഇന്ത്യയിൽ വന്നപ്പോൾ നല്ല അനുഭവങ്ങളുണ്ടായി എന്നും മികച്ച ആരാധകരാണ് ഇന്ത്യയിലുള്ളതെന്നും മെസ്സി പറഞ്ഞു.
സൂപ്പർ കപ്പ് 2025: കേരള ബ്ലാസ്റ്റേഴ്സിന് ശക്തമായ ഗ്രൂപ്പ്, ആദ്യ മത്സരം ഒക്ടോബർ 30-ന്
കേരള ബ്ലാസ്റ്റേഴ്സ് എഫ്സിക്ക് സൂപ്പർ കപ്പ് 2025-ൽ ശക്തമായ ഗ്രൂപ്പ് ലഭിച്ചു. ഗോവയിൽ നടന്ന നറുക്കെടുപ്പിലാണ് ബ്ലാസ്റ്റേഴ്സിന് ഗ്രൂപ്പ് ഡി ലഭിച്ചത്. ഒക്ടോബർ 30-ന് രാജസ്ഥാൻ യുണൈറ്റഡ് എഫ്സിക്കെതിരെയാണ് ആദ്യ മത്സരം.
ഇരട്ട ഗോളുകളുമായി മെസി കളം നിറഞ്ഞപ്പോൾ ഡി സി യുണൈറ്റഡിനെതിരെ ഇന്റർ മയാമിക്ക് തകർപ്പൻ ജയം
ലയണൽ മെസിയുടെ ഇരട്ട ഗോളുകളും ഒരു അസിസ്റ്റും ഇന്റർ മയാമിക്ക് ഡി സി യുണൈറ്റഡിനെതിരെ തകർപ്പൻ വിജയം സമ്മാനിച്ചു. രണ്ടിനെതിരെ മൂന്ന് ഗോളുകൾക്കാണ് ഇന്റർ മയാമിയുടെ വിജയം. ഈ വിജയത്തോടെ ഗോൾഡൻ ബൂട്ട് പുരസ്കാരത്തിനുള്ള മത്സരത്തിൽ മെസി മുന്നിലെത്തി.
കേരള ബ്ലാസ്റ്റേഴ്സ് വിൽക്കാൻ ഉടമകൾ; ആരാധകർക്കിടയിൽ ആശങ്ക
കേരള ബ്ലാസ്റ്റേഴ്സ് ഫുട്ബോൾ ടീമിനെ വിൽക്കാൻ ഉടമകൾ ഒരുങ്ങുന്നതായി റിപ്പോർട്ടുകൾ. ഉടമസ്ഥരായ മാഗ്നം സ്പോർട്സ് 100% ഓഹരികളും വിൽക്കാൻ തയ്യാറെടുക്കുകയാണെന്നാണ് സൂചന. ഇതുമായി ബന്ധപ്പെട്ട ഔദ്യോഗിക പ്രഖ്യാപനം ഉടൻ ഉണ്ടാകുമെന്നാണ് അറിയുന്നത്.
ബെക്കെൻബ്യൂവർ സൂപ്പർ കപ്പ്: സ്റ്റട്ട്ഗാർട്ടിനെ തകർത്ത് ബയേൺ മ്യൂണിക്ക് കിരീടം ചൂടി
ഫ്രെൻസ് ബെക്കെൻബ്യൂവർ സൂപ്പർ കപ്പിൽ ബയേൺ മ്യൂണിക്ക് വിജയിച്ചു. ഒന്നിനെതിരെ രണ്ട് ഗോളുകൾക്ക് വിഎഫ്ബി സ്റ്റട്ട്ഗാർട്ടിനെയാണ് ബയേൺ പരാജയപ്പെടുത്തിയത്. ബുണ്ടസ്ലിഗയ്ക്ക് പിന്നാലെ കരിയറിലെ രണ്ടാം കിരീടം നേടാൻ ഇതോടെ ഹാരി കെയ്നിന് സാധിച്ചു.
ക്രിസ്റ്റ്യാനോ റൊണാൾഡോ ഇന്ത്യയിലേക്ക്? ആരാധകർക്ക് പ്രതീക്ഷ നൽകി സൂചനകൾ
ക്രിസ്റ്റ്യാനോ റൊണാൾഡോ ഏഷ്യൻ ചാമ്പ്യൻസ് ലീഗിനായി ഇന്ത്യയിലേക്ക് വരാൻ സാധ്യതയുണ്ട്. എഎഫ്സി ചാമ്പ്യൻസ് ലീഗിൽ എഫ് സി ഗോവയും റൊണാൾഡോയുടെ സൗദി ക്ലബ്ബായ അൽ നാസറും ഒരേ ഗ്രൂപ്പിൽ ഉൾപ്പെട്ടതാണ് ഇതിന് കാരണം. അദ്ദേഹത്തിന്റെ വരവിനായി കാത്തിരിക്കുകയാണ് ആരാധകർ.
റൊണാൾഡോയുടെ ഹാട്രിക്; സൗഹൃദ മത്സരത്തിൽ അൽ-നസ്റിന് ജയം
സൗഹൃദ മത്സരത്തിൽ ക്രിസ്റ്റ്യാനോ റൊണാൾഡോയുടെ ഹാട്രിക് മികവിൽ അൽ-നസ്റിന് ജയം. റിയോ അവ്ക്കെതിരെ എതിരില്ലാത്ത നാല് ഗോളുകൾക്കാണ് അൽ-നസ്ർ വിജയിച്ചത്. ഓഗസ്റ്റ് 19-ന് സൗദി സൂപ്പർ കപ്പ് സെമിഫൈനലിൽ അൽ ഇത്തിഹാദിനെതിരെയാണ് അൽ-നസ്റിൻ്റെ അടുത്ത മത്സരം.
മാഞ്ചസ്റ്റർ യുണൈറ്റഡിന്റെ ഗോൾകീപ്പർ മോഹം പൊലിഞ്ഞു; എമിലിയാനോ മാർട്ടിനസ് ഉണ്ടാകില്ല
ലോകകപ്പ് നേടിയ ഒന്നാം നമ്പർ ഗോൾ കീപ്പർ എമിലിയാനോ മാർട്ടിനസ് മാഞ്ചസ്റ്റർ യുണൈറ്റഡിലേക്ക് ഇല്ലെന്ന് റിപ്പോർട്ടുകൾ. ആസ്റ്റൺവില്ലയുടെ ഗോൾ കീപ്പറായ മാർട്ടിനസ്സിനെ മാഞ്ചസ്റ്റർ യുണൈറ്റ് ലോൺ അടിസ്ഥാനത്തിൽ സ്വന്തമാക്കാൻ ശ്രമിച്ചിരുന്നു. ഈ നീക്കം ആസ്റ്റൺ വില്ല തള്ളിയതോടെയാണ് ഫുട്ബോൾ ആരാധകരുടെ അഭ്യൂഹങ്ങൾക്ക് വിരാമമായത്.
മാഞ്ചസ്റ്റർ സിറ്റിയുമായുള്ള കരാറിന് ശേഷം ഫുട്ബോളിൽ നിന്ന് ഇടവേളയെടുക്കുമെന്ന് ഗ്വാർഡിയോള
മാഞ്ചസ്റ്റർ സിറ്റിയുമായുള്ള കരാറിന് ശേഷം ഫുട്ബോളിൽ നിന്ന് താനൊരു ഇടവേളയെടുക്കുമെന്ന് പരിശീലകൻ പെപ്പ് ഗ്വാർഡിയോള അറിയിച്ചു. സിറ്റിയുമായുള്ള ഈ ഘട്ടത്തിനുശേഷം താൻ വിരമിക്കുമെന്നും, കാരണം തനിക്ക് സ്വയം ശ്രദ്ധ കേന്ദ്രീകരിക്കേണ്ടതുണ്ടെന്നും അദ്ദേഹം വ്യക്തമാക്കി. എത്ര കാലം കളിക്കളത്തിൽ തുടരുമെന്ന് തനിക്കറിയില്ലെന്നും ഗ്വാർഡിയോള ഒരു അഭിമുഖത്തിൽ പറഞ്ഞു.
അർജന്റീന ഫുട്ബോൾ ടീം കേരളത്തിലേക്ക്? മന്ത്രിതല ചർച്ചകൾ പുരോഗമിക്കുന്നു
ലോകകപ്പ് ചാമ്പ്യന്മാരായ അർജന്റീനയുടെ ഫുട്ബോൾ ടീം കേരളത്തിൽ കളിക്കാൻ എത്തുന്നതുമായി ബന്ധപ്പെട്ട് മന്ത്രിതല ചർച്ചകൾ നടക്കുന്നു. ഒക്ടോബർ- നവംബർ മാസങ്ങളിൽ കേരളത്തിൽ രണ്ട് കളികൾ നടത്താനാണ് നിലവിൽ ആലോചനയിലുള്ളത്. അർജന്റീന ഫുട്ബോൾ അസോസിയേഷന് ആദ്യ ഗഡു കൈമാറ്റം ചെയ്തെന്നും മന്ത്രി സൂചിപ്പിച്ചു.
മെസ്സിയുടെ ഇരട്ട ഗോളിൽ മയാമിക്ക് തകർപ്പൻ ജയം
മേജർ ലീഗ് സോക്കറിൽ ലയണൽ മെസ്സിയുടെ ഇരട്ട ഗോളുകളും ഒരു അസിസ്റ്റുമായി ഇൻ്റർ മയാമി ന്യൂയോർക്ക് റെഡ് ബുൾസിനെ തകർത്തു. ഒന്നിനെതിരെ അഞ്ച് ഗോളുകൾക്കാണ് മയാമിയുടെ വിജയം. മത്സരത്തിൽ 14-ാം മിനിറ്റിൽ റെഡ് ബുൾസ് മുന്നിലെത്തിയെങ്കിലും പിന്നീട് മെസ്സിയുടെയും സംഘത്തിൻ്റെയും മികച്ച പ്രകടനത്തിലൂടെ മയാമി വിജയം നേടി.
വിനീഷ്യസിനായി റെക്കോർഡ് തുക വാഗ്ദാനം ചെയ്ത് അൽ അഹ്ലി
റയൽ മാഡ്രിഡ് വിങ്ങർ വിനീഷ്യസ് ജൂനിയറിനെ സ്വന്തമാക്കാൻ സൗദി പ്രോ ലീഗ് ക്ലബ് അൽ അഹ്ലി രംഗത്ത്. താരത്തെ ഗൾഫിലെത്തിക്കാൻ അൽ അഹ്ലി വലിയ ഓഫറാണ് മുന്നോട്ട് വെക്കുന്നത്. ലോക റെക്കോർഡ് തുകയായ 350 മില്യൺ യൂറോയാണ് അൽ അഹ്ലി വാഗ്ദാനം ചെയ്യുന്നത്.