കൊച്ചിയിൽ നിന്നും ലണ്ടനിലേക്കുള്ള എമിറേറ്റ്സ് വിമാനത്തിൽ യാത്രക്കിടെ കുന്നുകര സ്വദേശി ജിജിമോൻ ചെറിയാൻ (57) മരിച്ചു. ലണ്ടനിലെ ഗാറ്റ്വിക് വിമാനത്താവളത്തിൽ എത്തുന്നതിന് തൊട്ടുമുമ്പാണ് വിമാനത്തിനുള്ളിൽ വെച്ച് നെഞ്ച് വേദന അനുഭവപ്പെട്ടത്. ജ്യേഷ്ഠന്റെ മകന്റെ വിവാഹത്തിൽ പങ്കെടുക്കാൻ നാട്ടിലെത്തിയ ജിജിമോൻ ഭാര്യ അൽഫോൻസയോടൊപ്പം തിരികെ ലണ്ടനിലേക്ക് പോകുന്നതിനിടയിലായിരുന്നു അപ്രതീക്ഷിത മരണം.
