Exam Postponed
തദ്ദേശ തിരഞ്ഞെടുപ്പ്: പിഎസ് സി പരീക്ഷകൾ ഫെബ്രുവരിയിലേക്ക് മാറ്റി
തദ്ദേശ തിരഞ്ഞെടുപ്പ് പ്രഖ്യാപിച്ചതോടെ ഡിസംബറിൽ നടത്താനിരുന്ന പിഎസ് സി പരീക്ഷകൾ ഫെബ്രുവരിയിലേക്ക് മാറ്റി. ഡിസംബർ 8 മുതൽ 12 വരെ നടത്താൻ നിശ്ചയിച്ചിരുന്ന പരീക്ഷകളാണ് മാറ്റിയത്. പുതുക്കിയ പരീക്ഷാ തീയതി പിന്നീട് അറിയിക്കും.
പി.എസ്.സി പരീക്ഷകൾ മാറ്റിവെച്ചു; പുതുക്കിയ തീയതി പിന്നീട്
2025 ജൂലൈ 23-ന് നടത്താനിരുന്ന പി.എസ്.സി. പരീക്ഷകൾ മാറ്റിവെച്ചു. പൊതുമരാമത്ത്, ജലസേചന വകുപ്പുകളിലെ സെക്കൻഡ് ഗ്രേഡ് ഓവർസിയർ/ഡ്രാഫ്റ്റ്സ്മാൻ, കേരള സംസ്ഥാന പട്ടികജാതി/പട്ടികവർഗ്ഗ വികസന കോർപ്പറേഷനിലെ ട്രേസർ തസ്തികകളിലേക്കുള്ള പരീക്ഷകളാണ് മാറ്റിയത്. അഭിമുഖങ്ങൾ മുൻനിശ്ചയിച്ച പ്രകാരം നടക്കുമെന്നും പുതുക്കിയ തീയതി പിന്നീട് അറിയിക്കുമെന്നും പി.എസ്.സി. അറിയിച്ചു.
വി.എസ്.അച്യുതാനന്ദന്റെ നിര്യാണം: എം.ജി. സർവകലാശാല പരീക്ഷകൾ മാറ്റി
മുൻ മുഖ്യമന്ത്രി വി.എസ്. അച്യുതാനന്ദന്റെ നിര്യാണത്തെ തുടർന്ന് സംസ്ഥാനത്ത് പൊതു അവധി പ്രഖ്യാപിച്ചതിനാൽ, മഹാത്മാഗാന്ധി സർവകലാശാല നാളെ നടത്താനിരുന്ന എല്ലാ പരീക്ഷകളും മാറ്റിവെച്ചു. പുതുക്കിയ പരീക്ഷാ തീയതി പിന്നീട് അറിയിക്കും. സംസ്ഥാനത്ത് മൂന്ന് ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്.
യു.ജി.സി. നെറ്റ് പരീക്ഷ മാറ്റിവച്ചു
2025 ജനുവരി 15-ന് നടത്താനിരുന്ന യു.ജി.സി. നെറ്റ് പരീക്ഷ മാറ്റിവച്ചു. മകര സംക്രാന്തി, പൊങ്കൽ തുടങ്ങിയ ഉത്സവങ്ങൾ കണക്കിലെടുത്താണ് പരീക്ഷ മാറ്റിവച്ചത്. പുതുക്കിയ തീയതി പിന്നീട് അറിയിക്കും.