Election News
എസ്ഐആർ നടപടികളിൽ സമയപരിധിയില്ലെന്ന് മുഖ്യ തിരഞ്ഞെടുപ്പ് ഓഫീസർ രത്തൻ യു.കേൽക്കർ
എസ്ഐആർ നടപടികളിൽ ബിഎൽഒമാർക്ക് സമയപരിധി നൽകിയിട്ടില്ലെന്ന് മുഖ്യ തിരഞ്ഞെടുപ്പ് ഓഫീസർ രത്തൻ യു.കേൽക്കർ അറിയിച്ചു. തദ്ദേശ തിരഞ്ഞെടുപ്പുമായി ഇതിനെ കൂട്ടിക്കുഴക്കേണ്ടതില്ലെന്നും അദ്ദേഹം പറഞ്ഞു. എല്ലാവരുടെയും കൂട്ടായ സഹായത്തോടെ എസ്ഐആർ നടപടികൾ പൂർത്തിയാക്കാൻ സാധിക്കുമെന്നും അദ്ദേഹം പ്രത്യാശ പ്രകടിപ്പിച്ചു.
തദ്ദേശ തിരഞ്ഞെടുപ്പ്: പത്രിക പിൻവലിക്കാനുള്ള അവസാന തീയതി നാളെ; അന്തിമ ചിത്രം വ്യക്തമാകുന്നു
തദ്ദേശ സ്വയംഭരണ തിരഞ്ഞെടുപ്പിൽ നാമനിർദേശ പത്രികകൾ പിൻവലിക്കാനുള്ള അവസാന തീയതി നാളെയാണ്. സൂക്ഷ്മ പരിശോധനയ്ക്ക് ശേഷമുള്ള അന്തിമ കണക്ക് ഇന്ന് പുറത്തുവിടുമെന്ന് സംസ്ഥാന തിരഞ്ഞെടുപ്പ് കമ്മീഷൻ അറിയിച്ചു. മത്സര രംഗത്തുള്ള സ്ഥാനാർത്ഥികളുടെ ചിത്രം നാളെയോടെ വ്യക്തമാകും.
തദ്ദേശ തിരഞ്ഞെടുപ്പ്: 98451 സ്ഥാനാർത്ഥികൾ മാത്രം
സംസ്ഥാനത്ത് തദ്ദേശ സ്വയംഭരണ തിരഞ്ഞെടുപ്പിനുള്ള നാമനിർദ്ദേശ പത്രികകളുടെ സൂക്ഷ്മ പരിശോധന പൂർത്തിയായി. 2261 പത്രികകൾ തള്ളി. ആകെ 98451 സ്ഥാനാർത്ഥികളാണ് മത്സര രംഗത്തുള്ളത്.
വൈഷ്ണയുടെ വോട്ട് നീക്കിയതിൽ സിപിഐഎമ്മിന് പങ്കില്ല; നിലപാട് വ്യക്തമാക്കി എം.വി. ഗോവിന്ദൻ
തിരുവനന്തപുരം കോർപ്പറേഷനിലെ യുഡിഎഫ് സ്ഥാനാർത്ഥി വൈഷ്ണ സുരേഷിന്റെ പേര് വോട്ടർ പട്ടികയിൽ നിന്ന് നീക്കം ചെയ്ത വിഷയത്തിൽ സി.പി.ഐ.എമ്മിന് പങ്കില്ലെന്ന് എം.വി. ഗോവിന്ദൻ. തിരഞ്ഞെടുപ്പ് കമ്മീഷന്റെ നടപടിയിൽ സി.പി.ഐ.എമ്മിന് എന്താണ് കാര്യമെന്നും അദ്ദേഹം ചോദിച്ചു. കോഴിക്കോട് കോർപ്പറേഷനിലെ വി.എം. വിനുവിന്റെ വോട്ട് വിവാദത്തിലും അദ്ദേഹം പ്രതികരിച്ചു.
മേൽവിലാസത്തിൽ പിഴവ്; വൈഷ്ണ സുരേഷിന് തിരഞ്ഞെടുപ്പിൽ മത്സരിക്കാനാകില്ല
തിരുവനന്തപുരം കോർപ്പറേഷൻ മുട്ടട ഡിവിഷനിലെ കോൺഗ്രസ് സ്ഥാനാർത്ഥി വൈഷ്ണ സുരേഷിന് വോട്ടർ പട്ടികയിൽ പേരില്ലാത്തതിനാൽ തിരഞ്ഞെടുപ്പിൽ മത്സരിക്കാൻ കഴിയില്ല. തിരഞ്ഞെടുപ്പ് കമ്മീഷന് തിരുത്തി നൽകിയ മേൽവിലാസത്തിലും പിഴവ് സംഭവിച്ചത് കോൺഗ്രസ് പാർട്ടിക്ക് തിരിച്ചടിയായിരിക്കുകയാണ്. കെട്ടിട നമ്പറിലെ പിഴവിനെ തുടർന്ന് വൈഷ്ണ നൽകിയ വിശദീകരണം തൃപ്തികരമല്ലാത്തതിനാൽ തിരഞ്ഞെടുപ്പ് കമ്മീഷൻ്റെ ഭാഗത്തുനിന്നും നടപടിയുണ്ടായി.
മേൽവിലാസത്തിൽ പിഴവ്; മുട്ടടയിലെ കോൺഗ്രസ് സ്ഥാനാർത്ഥി വൈഷ്ണയ്ക്ക് മത്സരിക്കാനാകില്ല
തിരുവനന്തപുരം കോർപ്പറേഷനിലെ മുട്ടട ഡിവിഷൻ കോൺഗ്രസ് സ്ഥാനാർത്ഥി വൈഷ്ണ സുരേഷിന് തെരഞ്ഞെടുപ്പിൽ മത്സരിക്കാൻ കഴിയില്ല. വൈഷ്ണ നൽകിയ മേൽവിലാസത്തിൽ പിഴവുണ്ടെന്ന് കണ്ടെത്തിയതിനെ തുടർന്ന് സംസ്ഥാന തിരഞ്ഞെടുപ്പ് കമ്മീഷൻ വോട്ടർപട്ടികയിൽ നിന്ന് വൈഷ്ണയുടെ പേര് നീക്കം ചെയ്തു. സി.പി.ഐ.എം നൽകിയ പരാതിയെ തുടർന്നാണ് നടപടി.
വോട്ടർപട്ടിക പരിഷ്കരണം: ഡൽഹിയിൽ ഇന്ന് നിർണായക യോഗം; ബിഹാറിൽ മഹാസഖ്യത്തിന്റെ പ്രചാരണം ആരംഭിക്കും.
രാജ്യവ്യാപകമായി വോട്ടർപട്ടിക പരിഷ്കരണവുമായി ബന്ധപ്പെട്ട് ഡൽഹിയിൽ ഇന്ന് നിർണായക യോഗം ചേരും. മുഖ്യ തിരഞ്ഞെടുപ്പ് കമ്മീഷൻ വിളിച്ച യോഗത്തിൽ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും മുഖ്യ തിരഞ്ഞെടുപ്പ് ഓഫീസർമാർ പങ്കെടുക്കും. ബിഹാർ നിയമസഭാ തിരഞ്ഞെടുപ്പിൽ മഹാസഖ്യത്തിന്റെ പ്രചാരണം ഇന്ന് ആരംഭിക്കും.
ബിഹാറിൽ ബിജെപി പ്രചാരണം ശക്തമാക്കി; മഹാസഖ്യത്തിന്റെ സ്ഥാനാർത്ഥി പ്രഖ്യാപണം ഉടൻ
ബിഹാറിൽ സ്ഥാനാർത്ഥി പ്രഖ്യാപനം പൂർത്തിയായതോടെ ബിജെപി തെരഞ്ഞെടുപ്പ് പ്രചാരണം ശക്തമാക്കി. കേന്ദ്ര ആഭ്യന്തരമന്ത്രി അമിത് ഷായും മുതിർന്ന നേതാക്കളും പ്രചാരണത്തിനായി ബിഹാറിലെത്തും. ജെഡിയു അവരുടെ എല്ലാ സ്ഥാനാർത്ഥികളെയും പ്രഖ്യാപിച്ചു കഴിഞ്ഞു. മഹാസഖ്യത്തിന്റെ സ്ഥാനാർത്ഥി പ്രഖ്യാപനം ഉടൻ ഉണ്ടാകും.
കേരള ഫിലിം ചേംബർ തിരഞ്ഞെടുപ്പ്; പ്രസിഡന്റ് സ്ഥാനത്തേക്ക് സജി നന്ത്യാട്ട്, ശശി അയ്യഞ്ചിറ, അനിൽ തോമസ് എന്നിവർ മത്സരരംഗത്ത്
കേരള ഫിലിം ചേംബർ തിരഞ്ഞെടുപ്പിൽ സജി നന്ത്യാട്ട്, ശശി അയ്യഞ്ചിറ, അനിൽ തോമസ് എന്നിവർ പ്രസിഡന്റ് സ്ഥാനത്തേക്ക് മത്സരിക്കുന്നു. ജനറൽ സെക്രട്ടറിയായി സോണി തോമസ് എതിരില്ലാതെ തിരഞ്ഞെടുക്കപ്പെട്ടു. ജോയിന്റ് സെക്രട്ടറി സ്ഥാനത്തേക്ക് സാന്ദ്രാ തോമസ്, എം.എ. നിഷാദ്, മമ്മി സെഞ്ച്വറി എന്നിവരാണ് മത്സരിക്കുന്നത്.
ഇന്ന് പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പ്; രാകേഷ് ബി-യും സജി നന്ത്യാട്ടും മത്സര രംഗത്ത്
ഇന്ന് പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പ് നടക്കും. പ്രസിഡന്റ് സ്ഥാനത്തേക്ക് രാകേഷ് ബി, സജി നന്ത്യാട്ട് എന്നിവർ മത്സരിക്കും. സാന്ദ്ര തോമസിന്റെ പത്രിക തള്ളിയതിനെ തുടർന്ന് കോടതിയെ സമീപിച്ചിരുന്നു.
നിലമ്പൂരിൽ തെരഞ്ഞെടുപ്പ് പോരാട്ടം മുറുകുന്നു; സ്ഥാനാർത്ഥികൾ വോട്ടർമാരെ നേരിൽ കാണുന്നു
നിലമ്പൂരിൽ തെരഞ്ഞെടുപ്പ് അടുത്തതോടെ സ്ഥാനാർത്ഥികൾ വോട്ടർമാരെ നേരിൽ കാണാനുള്ള ശ്രമം ശക്തമാക്കി. എൽഡിഎഫ് സ്ഥാനാർത്ഥി എം. സ്വരാജ് വഴിക്കടവിലും, യുഡിഎഫ് സ്ഥാനാർത്ഥി ആര്യാടൻ ഷൗക്കത്ത് ചുങ്കത്തറയിലും അമരമ്പലത്തും പര്യടനം നടത്തും. മുഖ്യമന്ത്രിയുടെ പ്രസ്താവനക്ക് മറുപടിയുമായി പി.വി. അൻവർ ഇന്ന് വാർത്താ സമ്മേളനം നടത്തും.
നിലമ്പൂർ യുഡിഎഫ് കൺവെൻഷനിൽ സുധാകരനും ചെന്നിത്തലയുമില്ല; പാണക്കാട് കുടുംബവും വിട്ടുനിന്നു
നിലമ്പൂരിൽ നടന്ന യുഡിഎഫ് തിരഞ്ഞെടുപ്പ് കൺവെൻഷനിൽ കെ. സുധാകരനും രമേശ് ചെന്നിത്തലയും പങ്കെടുത്തില്ല. പാണക്കാട് കുടുംബത്തിൽ നിന്നുള്ളവരുടെ അഭാവവും ശ്രദ്ധിക്കപ്പെട്ടു. മലപ്പുറം ജില്ലയിലെ തിരഞ്ഞെടുപ്പ് പരിപാടികളിൽ പാണക്കാട് കുടുംബാംഗങ്ങളുടെ പങ്കാളിത്തം ഉണ്ടാവാറുണ്ട്.