Election Commission
തിരഞ്ഞെടുപ്പ് കമ്മീഷനും ബിജെപിയും വോട്ട് മോഷ്ടിക്കാൻ ഗൂഢാലോചന നടത്തുന്നു: രാഹുൽ ഗാന്ധി
തിരഞ്ഞെടുപ്പ് കമ്മീഷനും ബിജെപിയും ചേർന്ന് വോട്ട് മോഷ്ടിക്കാൻ ഗൂഢാലോചന നടത്തുന്നുവെന്ന് രാഹുൽ ഗാന്ധി ആരോപിച്ചു. ബീഹാറിൽ ഒരു വോട്ട് പോലും നഷ്ടപ്പെടുത്താൻ അനുവദിക്കില്ലെന്നും അദ്ദേഹം പറഞ്ഞു. താൻ ഉന്നയിച്ച ചോദ്യങ്ങൾക്കൊന്നും തിരഞ്ഞെടുപ്പ് കമ്മീഷൻ മറുപടി നൽകുന്നില്ലെന്നും രാഹുൽ ഗാന്ധി കുറ്റപ്പെടുത്തി.
തെരഞ്ഞെടുപ്പ് കമ്മീഷനെതിരെ ആഞ്ഞടിച്ച് രാഹുൽ ഗാന്ധി; കമ്മീഷനെ ശക്തമായി നേരിടുമെന്ന് മുന്നറിയിപ്പ്
രാഹുൽ ഗാന്ധി തിരഞ്ഞെടുപ്പ് കമ്മീഷനെതിരെ വിമർശനവുമായി രംഗത്ത്. കേന്ദ്രത്തിലും ബിഹാറിലും ഇൻഡ്യ മുന്നണി സർക്കാർ അധികാരത്തിൽ വന്നാൽ കമ്മീഷനെ ശക്തമായി നേരിടുമെന്ന് അദ്ദേഹം പറഞ്ഞു. വോട്ട് മോഷണ ആരോപണങ്ങളിൽ വിശദീകരണം ആവശ്യപ്പെട്ടതിന് പിന്നാലെയാണ് രാഹുൽ ഗാന്ധിയുടെ പ്രതികരണം. നിങ്ങൾ ശരിയായ രീതിയിൽ പ്രവർത്തിച്ചില്ലെങ്കിൽ കടുത്ത നടപടികൾ നേരിടേണ്ടിവരുമെന്ന് രാഹുൽ ഗാന്ധി കമ്മീഷന് മുന്നറിയിപ്പ് നൽകി.
തിരഞ്ഞെടുപ്പ് കമ്മീഷനെതിരെ വിമർശനവുമായി ഇന്ത്യാ സഖ്യം
വോട്ടർ പട്ടിക ക്രമക്കേട് ആരോപണത്തിൽ തിരഞ്ഞെടുപ്പ് കമ്മീഷനെതിരെ ആഞ്ഞടിച്ച് ഇന്ത്യാ സഖ്യം. മുഖ്യ തിരഞ്ഞെടുപ്പ് കമ്മീഷണർ രാഷ്ട്രീയ പാർട്ടികളോട് ചോദ്യങ്ങൾ ചോദിക്കുകയാണെന്നും, സുപ്രീം കോടതി ഉത്തരവിനെക്കുറിച്ച് വിശദീകരിക്കാൻ തയ്യാറാകുന്നില്ലെന്നും ആരോപണം. കമ്മീഷൻ പ്രതിപക്ഷ പാർട്ടികൾക്കെതിരെ യുദ്ധം പ്രഖ്യാപിച്ചിരിക്കുകയാണെന്നും നേതാക്കൾ ആരോപിച്ചു.
തിരഞ്ഞെടുപ്പ് കമ്മീഷനെതിരെ ഇംപീച്ച്മെൻ്റിനൊരുങ്ങി ഇന്ത്യ മുന്നണി
തിരഞ്ഞെടുപ്പ് കമ്മീഷനെതിരെ ഇംപീച്ച്മെൻ്റ് നടപടികളുമായി മുന്നോട്ട് പോകാൻ ഇന്ത്യ മുന്നണി. പ്രതിപക്ഷ പാർട്ടികളുടെ യോഗത്തിലാണ് ഇതുമായി ബന്ധപ്പെട്ട ചർച്ചകൾ നടന്നത്. വോട്ട് ചോർച്ച ആരോപണത്തിൽ തിരഞ്ഞെടുപ്പ് കമ്മിഷനെ പ്രതിരോധത്തിലാക്കുക എന്നതാണ് പ്രതിപക്ഷത്തിന്റെ ലക്ഷ്യം.
രാഹുൽ ഗാന്ധി മാപ്പ് പറയണം; തിരഞ്ഞെടുപ്പ് കമ്മീഷൻ
രാഹുൽ ഗാന്ധി വോട്ട് കൊള്ള ആരോപണം ഉന്നയിച്ചതിന് പിന്നാലെ, രാഹുൽ ഗാന്ധി മാപ്പ് പറയണമെന്ന് ആവശ്യപ്പെട്ട് തിരഞ്ഞെടുപ്പ് കമ്മീഷൻ രംഗത്ത്. ആരോപണങ്ങൾ അടിസ്ഥാനരഹിതമാണെങ്കിൽ ഉന്നയിച്ചവർ മാപ്പ് പറയണമെന്ന് കമ്മീഷൻ വ്യക്തമാക്കി. ഏഴ് ദിവസത്തിനകം സത്യവാങ്മൂലം സമർപ്പിക്കണമെന്നും കമ്മീഷൻ ആവശ്യപ്പെട്ടു.
രാഹുൽ ഗാന്ധിയുടെ ആരോപണം തള്ളി തിരഞ്ഞെടുപ്പ് കമ്മീഷൻ
രാഹുൽ ഗാന്ധിയുടെ വോട്ടർപട്ടികയിലെ ക്രമക്കേടുകൾക്കെതിരായ ആരോപണങ്ങളെ തിരഞ്ഞെടുപ്പ് കമ്മീഷൻ തള്ളി. രാഷ്ട്രീയ ലക്ഷ്യങ്ങൾ മാത്രം മുൻനിർത്തി ഉന്നയിക്കുന്ന ഇത്തരം ആരോപണങ്ങളെ വോട്ടർമാരോ തിരഞ്ഞെടുപ്പ് കമ്മീഷനോ ഭയപ്പെടുന്നില്ലെന്നും കമ്മീഷൻ അറിയിച്ചു. തിരഞ്ഞെടുപ്പ് കമ്മീഷൻ സുഗമമായി പ്രവർത്തിക്കുന്നുണ്ടെന്നും ഗ്യാനേഷ് കുമാർ വ്യക്തമാക്കി.
രാഹുൽ ഗാന്ധി വോട്ടർമാരെ രാഷ്ട്രീയ ആയുധമാക്കുന്നു: തിരഞ്ഞെടുപ്പ് കമ്മീഷൻ വിമർശനം
രാഹുൽ ഗാന്ധി വോട്ടർമാരെ രാഷ്ട്രീയ ആയുധമാക്കുന്നുവെന്ന് മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ ആരോപിച്ചു. അനുമതിയില്ലാതെ വോട്ടർമാരുടെ ചിത്രങ്ങൾ ഉപയോഗിച്ചെന്നും അദ്ദേഹം കുറ്റപ്പെടുത്തി. വോട്ട് കൊള്ള പോലുള്ള പ്രയോഗങ്ങൾ ഭരണഘടനയ്ക്ക് എതിരാണെന്നും അദ്ദേഹം കൂട്ടിച്ചേർത്തു.
വോട്ടർപട്ടിക സുതാര്യമാക്കേണ്ടത് തിരഞ്ഞെടുപ്പ് കമ്മിഷൻ; മറുപടി തള്ളി കെ.സി. വേണുഗോപാൽ
വോട്ടർപട്ടികയിലെ ക്രമക്കേടിൽ തിരഞ്ഞെടുപ്പ് കമ്മീഷന്റെ മറുപടി തള്ളി എഐസിസി ജനറൽ സെക്രട്ടറി കെ.സി. വേണുഗോപാൽ. വോട്ടർപട്ടിക സുതാര്യമാക്കേണ്ടത് തിരഞ്ഞെടുപ്പ് കമ്മിഷൻ ആണെന്നും രാഷ്ട്രീയ പാർട്ടികളുടെ മേൽ ഉത്തരവാദിത്തം അടിച്ചേൽപ്പിക്കാൻ കഴിയില്ലെന്നും അദ്ദേഹം പറഞ്ഞു. സിസിടിവി ദൃശ്യങ്ങൾ നൽകാത്തതിനെയും അദ്ദേഹം വിമർശിച്ചു.
തൃശ്ശൂരിലെ വോട്ടർപട്ടിക ക്രമക്കേട്; ടി.എൻ. പ്രതാപന് മറുപടിയുമായി തിരഞ്ഞെടുപ്പ് കമ്മീഷൻ
തൃശ്ശൂരിലെ വോട്ടർ പട്ടിക ക്രമക്കേട് ആരോപണത്തിൽ ടി.എൻ. പ്രതാപന് മറുപടിയുമായി തിരഞ്ഞെടുപ്പ് കമ്മീഷൻ രംഗത്ത്. സുരേഷ് ഗോപി വ്യാജ രേഖകൾ ഉപയോഗിച്ച് വോട്ട് ചേർക്കാൻ ശ്രമിച്ചു എന്നായിരുന്നു ടി.എൻ. പ്രതാപന്റെ പ്രധാന ആരോപണം. പരാതികൾ ഉണ്ടെങ്കിൽ ഹൈക്കോടതിയെ സമീപിക്കാമെന്നും തിരഞ്ഞെടുപ്പ് കമ്മീഷൻ അറിയിച്ചു.
വോട്ട് കൊള്ള ആരോപണം: പ്രതികരണവുമായി തിരഞ്ഞെടുപ്പ് കമ്മീഷൻ
വോട്ട് കൊള്ള ആരോപണത്തിൽ തിരഞ്ഞെടുപ്പ് കമ്മീഷൻ പ്രതികരിച്ചു. രാഷ്ട്രീയ പാർട്ടികൾക്ക് വോട്ടർപട്ടികയിൽ തിരുത്തലുകൾ വരുത്തുന്നതിന് അവസരം നൽകിയിരുന്നുവെന്നും, അപ്പോഴൊന്നും അവർ ഇടപെട്ടില്ലെന്നും കമ്മീഷൻ കുറ്റപ്പെടുത്തി. രാഹുൽ ഗാന്ധിയുടെ ആരോപണങ്ങളെ പൂർണ്ണമായി തള്ളാതെയാണ് തിരഞ്ഞെടുപ്പ് കമ്മീഷന്റെ പ്രസ്താവന.
രാഹുൽ ഗാന്ധിയുടെ ആരോപണങ്ങൾക്ക് മറുപടിയുമായി തിരഞ്ഞെടുപ്പ് കമ്മീഷൻ നാളെ
രാഹുൽ ഗാന്ധിയുടെ 'വോട്ട് കൊള്ള' ആരോപണങ്ങൾക്ക് മറുപടിയുമായി കേന്ദ്ര തിരഞ്ഞെടുപ്പ് കമ്മീഷൻ രംഗത്ത്. നാളെ വൈകീട്ട് മൂന്ന് മണിക്ക് തിരഞ്ഞെടുപ്പ് കമ്മീഷൻ വാർത്താസമ്മേളനം നടത്തും. മുഖ്യ തിരഞ്ഞെടുപ്പ് കമ്മീഷണർ ഗ്യാണേഷ് കുമാർ ഉൾപ്പെടെയുള്ളവർ വാർത്താ സമ്മേളനത്തിൽ പങ്കെടുക്കും.
ബിഹാർ വോട്ടർ പട്ടിക ക്രമക്കേട്: ഒഴിവാക്കിയ വോട്ടർമാരുടെ വിവരങ്ങൾ പ്രസിദ്ധീകരിക്കാൻ സുപ്രീം കോടതി
ബിഹാർ വോട്ടർ പട്ടികയിലെ ക്രമക്കേടിൽ സുപ്രീം കോടതിയുടെ നിർണായക ഇടപെടൽ. തിരഞ്ഞെടുപ്പ് കമ്മീഷൻ വെബ്സൈറ്റിൽ നിന്ന് ഒഴിവാക്കിയ 65 ലക്ഷം വോട്ടർമാരുടെ വിവരങ്ങൾ പ്രസിദ്ധീകരിക്കാൻ ഉത്തരവ്. വിവരങ്ങൾ ബൂത്ത് തിരിച്ചും, ഒഴിവാക്കാനുള്ള കാരണവും വെളിപ്പെടുത്തണം. പരാതിയുള്ളവർക്ക് ആധാർ കാർഡുമായി സമീപിക്കാം.