Election
കൊച്ചി കോർപ്പറേഷൻ തിരഞ്ഞെടുപ്പ്: എൽഡിഎഫും എൻഡിഎയും സ്ഥാനാർത്ഥികളെ പ്രഖ്യാപിച്ചു
കൊച്ചി കോർപ്പറേഷൻ തിരഞ്ഞെടുപ്പിൽ എൽഡിഎഫും എൻഡിഎയും ആദ്യഘട്ട സ്ഥാനാർത്ഥികളെ പ്രഖ്യാപിച്ചു. എൽഡിഎഫ് 70 ഡിവിഷനുകളിലെ സ്ഥാനാർത്ഥികളെ പ്രഖ്യാപിച്ചപ്പോൾ എൻഡിഎ 32 പേരുടെ പട്ടിക പുറത്തുവിട്ടു. എൻഡിഎയിൽ ഭിന്നത പരസ്യമാക്കി ബിഡിജെഎസ് സ്ഥാനാർത്ഥി പ്രഖ്യാപനത്തിൽ നിന്ന് വിട്ടുനിന്നു.
കണ്ണൂരിൽ സി.പി.ഐ.എം സ്ഥാനാർത്ഥി പട്ടികയിൽ പുതുമുഖങ്ങൾ; പി.പി.ദിവ്യക്ക് സീറ്റില്ല
കണ്ണൂർ ജില്ലാ പഞ്ചായത്ത് തിരഞ്ഞെടുപ്പിൽ സി.പി.ഐ.എം പുതുമുഖങ്ങളെ അവതരിപ്പിക്കുന്നു. എസ്.എഫ്.ഐ മുൻ സംസ്ഥാന പ്രസിഡന്റ് അനുശ്രീയും മത്സര രംഗത്തുണ്ട്. അതേസമയം, മുൻ പഞ്ചായത്ത് പ്രസിഡന്റ് പി.പി. ദിവ്യക്ക് ഇത്തവണ സീറ്റില്ല. ജില്ലാ പഞ്ചായത്തിലെ സ്ഥാനാർത്ഥികളെ ബി.ജെ.പി.യും ഇന്ന് പ്രഖ്യാപിച്ചു.
ട്രംപിനെ വളർത്തിയ നഗരം തന്നെ തോൽപ്പിച്ചെന്ന് മംദാനി; ട്രംപിന്റെ മറുപടി ഇങ്ങനെ
ന്യൂയോർക്ക് മേയർ തെരഞ്ഞെടുപ്പിൽ വിജയിച്ച സൊഹ്റാൻ മംദാനിയുടെ പ്രസംഗത്തിന് മറുപടിയുമായി ഡൊണാൾഡ് ട്രംപ് രംഗത്ത്. ട്രംപിനെ വളർത്തിയ നഗരം അദ്ദേഹത്തെ തോൽപ്പിക്കുന്നതെങ്ങനെയെന്ന് കാണിച്ചു കൊടുത്തുവെന്ന് മംദാനി പരിഹസിച്ചു. ഇതിന് പിന്നാലെ 'ആന്റ് സോ ഇറ്റ്സ് ബിഗിൻസ്' എന്ന് ട്രംപ് പ്രതികരിച്ചു.
എക്സ്.ഏണസ്റ്റ് ജില്ലാ സ്പോര്ട്സ് കൗണ്സില് പ്രസിഡന്റായി വീണ്ടും തിരഞ്ഞെടുക്കപ്പെട്ടു
ജില്ലാ സ്പോർട്സ് കൗൺസിൽ പ്രസിഡന്റായി എക്സ്.ഏണസ്റ്റ് വീണ്ടും തിരഞ്ഞെടുക്കപ്പെട്ടു. സ്പോർട്സ് കൗൺസിൽ ഹാളിൽ നടന്ന തിരഞ്ഞെടുപ്പിൽ എതിരില്ലാതെയാണ് വിജയം നേടിയത്. വൈസ് പ്രസിഡന്റായി കെ. രാധാകൃഷ്ണനും, സംസ്ഥാന സ്പോർട്സ് കൗൺസിൽ പ്രതിനിധിയായി എൽ. അനിലും തിരഞ്ഞെടുക്കപ്പെട്ടു.
കണ്ണൂർ സർവകലാശാല സെനറ്റ് തിരഞ്ഞെടുപ്പിൽ കെഎസ്യുവിന് സമ്പൂർണ്ണ പരാജയം; ഏഴ് സീറ്റുകളിൽ എസ്എഫ്ഐക്ക് ജയം
കണ്ണൂർ സർവകലാശാല സെനറ്റ് തിരഞ്ഞെടുപ്പിൽ കെഎസ്യുവിന് സമ്പൂർണ്ണ പരാജയം നേരിട്ടു. ഏഴ് സീറ്റുകളിൽ എസ്എഫ്ഐ വിജയിച്ചപ്പോൾ മൂന്ന് സീറ്റുകൾ എംഎസ്എഫിന് ലഭിച്ചു. പരാജയത്തെ തുടർന്ന് കണ്ണൂർ കെ.എസ്.യുവിൽ പോര് രൂക്ഷമായിരിക്കുകയാണ്.
രാജ്യത്തിന്റെ പതിനഞ്ചാമത് ഉപരാഷ്ട്രപതിയെ ഇന്ന് അറിയാം
രാജ്യത്തിന്റെ പുതിയ ഉപരാഷ്ട്രപതിയെ ഇന്ന് തിരഞ്ഞെടുക്കും. എൻഡിഎയുടെ സി.പി രാധാകൃഷ്ണനും, പ്രതിപക്ഷത്തിന്റെ ബി സുദർശൻ റെഡ്ഢിയുമാണ് മത്സര രംഗത്തുള്ളത്. രാവിലെ 10 മുതൽ വൈകിട്ട് 6 വരെയാണ് വോട്ടെടുപ്പ്.
എ.എം.എം.എ പ്രസിഡന്റ് തിരഞ്ഞെടുപ്പ്; ജഗദീഷ് പിന്മാറി, മത്സരം ശ്വേതാ മേനോനും ദേവനും തമ്മിൽ
താരസംഘടനയായ എ.എം.എം.എയുടെ പ്രസിഡന്റ് സ്ഥാനത്തേക്ക് ശ്വേതാ മേനോനും ദേവനും തമ്മിൽ മത്സരിക്കും. പ്രസിഡന്റ് സ്ഥാനത്തേക്ക് മത്സരിക്കാനുണ്ടായിരുന്ന ജഗദീഷ് മത്സരത്തിൽ നിന്ന് പിന്മാറി. നാമനിർദ്ദേശ പത്രിക പിൻവലിക്കാനുള്ള അവസാന തീയതി ഇന്നായിരുന്നു.
അമ്മ പ്രസിഡന്റ് തിരഞ്ഞെടുപ്പിൽ നിന്ന് പിന്മാറില്ല; ആരോപണവിധേയരെ തോൽപ്പിക്കാൻ അംഗങ്ങൾക്ക് അവകാശമുണ്ടെന്ന് ദേവൻ
താരസംഘടനയായ എ.എം.എം.എയുടെ പ്രസിഡന്റ് സ്ഥാനത്തേക്ക് മോഹൻലാൽ വരുമെന്ന പ്രതീക്ഷയിലായിരുന്നു താനെന്നും എന്നാൽ അദ്ദേഹം മത്സരത്തിനില്ലെന്ന് കണ്ടതോടെയാണ് താൻ മത്സരിക്കാൻ തീരുമാനിച്ചതെന്നും നടൻ ദേവൻ വ്യക്തമാക്കി. എ.എം.എം.എക്ക് ഒരൊറ്റ നിയമമേ ഉള്ളൂ എന്നും അത് വ്യക്തികൾക്ക് വേണ്ടി മാറ്റിയെഴുതരുതെന്നും ദേവൻ കൊച്ചിയിൽ മാധ്യമങ്ങളോട് പറഞ്ഞു. ആരോപണവിധേയർ മത്സരിക്കുന്നുണ്ടെങ്കിൽ അവരെ വോട്ട് ചെയ്ത് തോൽപ്പിക്കാൻ അമ്മയിലെ അംഗങ്ങൾക്ക് അവകാശമുണ്ടെന്നും അദ്ദേഹം കൂട്ടിച്ചേർത്തു.
‘അമ്മ’ സംഘടനയിൽ തെരഞ്ഞെടുപ്പ്; മോഹൻലാൽ പ്രസിഡന്റാകാൻ വിമുഖത
താരസംഘടനയായ 'അമ്മ'യുടെ പുതിയ ഭാരവാഹികളെ തിരഞ്ഞെടുക്കുന്നതിനായി തെരഞ്ഞെടുപ്പ് നടത്താൻ തീരുമാനിച്ചു. മോഹൻലാലിന്റെ നിർദ്ദേശത്തെ തുടർന്ന് അഡ്ഹോക് കമ്മിറ്റിയാണ് ഈ തീരുമാനമെടുത്തത്. മൂന്ന് മാസത്തിനകം തെരഞ്ഞെടുപ്പ് നടത്താനാണ് നിലവിൽ ധാരണയായിരിക്കുന്നത്.
മോഹൻലാൽ സ്ഥാനമൊഴിയുന്നു; അമ്മയിൽ തിരഞ്ഞെടുപ്പ് പ്രഖ്യാപിച്ചു
മോഹൻലാൽ പ്രസിഡന്റ് സ്ഥാനത്ത് തുടരാനില്ലെന്ന് അറിയിച്ചതിനെ തുടർന്ന് അമ്മയിൽ തിരഞ്ഞെടുപ്പ് നടക്കും. ജനറൽ സെക്രട്ടറി സ്ഥാനത്തേക്ക് ബാബുരാജിനെ പരിഗണിക്കുന്നതിനെതിരെ ഒരു വിഭാഗം രംഗത്തെത്തിയിട്ടുണ്ട്. അഡ്ഹോക് കമ്മിറ്റിയുടെ കാലാവധി അവസാനിക്കാന് മൂന്ന് മാസങ്ങള് ബാക്കിയുണ്ട്.
നിലമ്പൂരിൽ പരസ്യ പ്രചാരണം അവസാനിച്ചു; ഇനി നിശ്ശബ്ദ പ്രചാരണം
നിലമ്പൂരിൽ പരസ്യ പ്രചാരണം അവസാനിച്ചു. ബുധനാഴ്ചയാണ് പോളിംഗ്. ഇരുമുന്നണികളും അവസാനവട്ട തന്ത്രങ്ങൾ മെനയുകയാണ്.
നിലമ്പൂരിൽ തിരഞ്ഞെടുപ്പ് പ്രചാരണം അവസാന ഘട്ടത്തിൽ; കൊട്ടിക്കലാശം നാളെ
നിലമ്പൂരിൽ തിരഞ്ഞെടുപ്പ് പ്രചാരണം അവസാന ഘട്ടത്തിലേക്ക്. പരസ്യ പ്രചാരണം അവസാനിക്കാൻ മണിക്കൂറുകൾ മാത്രം ബാക്കി നിൽക്കെ മുന്നണികൾ അവസാനവട്ട പ്രചരണങ്ങളിൽ. നാളെ വൈകുന്നേരം അഞ്ചു മണിക്കാണ് കൊട്ടിക്കലാശം നടക്കുക.