Education Seminar

വിഷൻ 2031: കേരളത്തിലെ സ്കൂൾ വിദ്യാഭ്യാസം മെച്ചപ്പെടുത്താൻ സെമിനാർ

സംസ്ഥാന രൂപീകരണത്തിൻ്റെ 75-ാം വാർഷികത്തിൽ കേരളത്തിലെ സ്കൂൾ വിദ്യാഭ്യാസം എങ്ങനെയായിരിക്കണം എന്നതിനെക്കുറിച്ചുള്ള കാഴ്ചപ്പാട് രൂപീകരിക്കുന്നതിനായി പൊതുവിദ്യാഭ്യാസ വകുപ്പ് ‘വിഷൻ 2031’ സെമിനാർ സംഘടിപ്പിക്കുന്നു. ഒക്ടോബർ 13-ന് തിരുവനന്തപുരം ടാഗോർ തിയേറ്ററിൽ രാവിലെ 10 മണിക്ക് നടക്കുന്ന പരിപാടി മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. വിദ്യാഭ്യാസ വിദഗ്ധർ, അധ്യാപകർ, വിദ്യാർത്ഥി പ്രതിനിധികൾ, പൊതുജനങ്ങൾ എന്നിവരുടെ അഭിപ്രായങ്ങൾ ക്രോഡീകരിച്ച് ഭാവി കേരളത്തിനായുള്ള വിദ്യാഭ്യാസ നയരേഖയ്ക്ക് രൂപം നൽകുകയാണ് സെമിനാറിൻ്റെ പ്രധാന ഉദ്ദേശം.