Dubai
ലുലു ഹൈപ്പര്മാര്ക്കറ്റില് അപ്രതീക്ഷിത സന്ദര്ശനവുമായി ഷെയ്ഖ് മുഹമ്മദ് ബിന് റാഷിദ് അല് മക്തൂം
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂം ദുബായ് സിലിക്കണ് സെന്ട്രല് മാളിലെ ലുലു ഹൈപ്പര്മാര്ക്കറ്റ് സന്ദര്ശിച്ചു. വ്യാഴാഴ്ച വൈകിട്ട് ആറ് മണിയോടെ ലുലുവിലെത്തിയ അദ്ദേഹം ഒരു മണിക്കൂറിലേറെ മാളില് ചെലവഴിച്ചു. സായുധ കാവലുകളില്ലാതെ ജനങ്ങള്ക്കിടയിലേക്ക് ഇറങ്ങിച്ചെന്ന അദ്ദേഹത്തെ കാണാന് നിരവധി ഉപഭോക്താക്കളെത്തി.
ഷാർജയിൽ ആത്മഹത്യ ചെയ്ത വിപഞ്ചികയുടെ മൃതദേഹം നാട്ടിലെത്തിക്കും; കുഞ്ഞിന്റെ സംസ്കാരം ദുബായിൽ
ഷാർജയിൽ ഭർതൃപീഡനത്തെ തുടർന്ന് ആത്മഹത്യ ചെയ്ത കൊല്ലം കേരളപുരം സ്വദേശി വിപഞ്ചികയുടെ മൃതദേഹം നാട്ടിലേക്ക് കൊണ്ടുവരും. ദുബായിലെ ഇന്ത്യൻ കോൺസുലേറ്റിൽ നടന്ന ചർച്ചയിലാണ് തീരുമാനം. വിപഞ്ചികയുടെ മകൾ വൈഭവിയുടെ മൃതദേഹം ദുബായിൽ സംസ്കരിക്കും.
ദുബായിൽ അടുത്ത വർഷം മുതൽ ഡ്രൈവറില്ലാ ടാക്സികൾ പൂർണ്ണതോതിൽ പുറത്തിറക്കുന്നു. ഇതിനായുള്ള പരീക്ഷണങ്ങൾക്ക് തുടക്കമിടാൻ ദുബായ് ആർ.ടി.എയും പോണി എ.ഐയും കൈകോർക്കുന്നു. റോഡുകളിലെ മാറ്റങ്ങൾ, വ്യത്യസ്ത കാലാവസ്ഥ, പകൽ, രാത്രി എന്നിങ്ങനെയുള്ള സാഹചര്യങ്ങളിലെ മാറ്റങ്ങൾ എന്നിവ സ്വയം നിയന്ത്രിക്കാൻ കഴിയുന്ന സാങ്കേതികവിദ്യ വാഹനങ്ങളിൽ സജ്ജമാക്കും. ഈ സഹകരണത്തിലൂടെ റോബോ ടാക്സി സേവനം കൂടുതൽ മെച്ചപ്പെടുത്താനാകുമെന്നാണ് പ്രതീക്ഷ.|
ദുബായ് ഭരണാധികാരിയുടെ ‘വൺ ബില്യൺ മീൽസ്’ പദ്ധതി വിജയം; 65 രാജ്യങ്ങളിലായി 100 കോടി പേർക്ക് ഭക്ഷണം നൽകി
ദുബായ് ഭരണാധികാരി ഷെയ്ഖ് മുഹമ്മദ് ബിൻ റാഷിദ് ആൽ മക്തൂമിന്റെ ‘വൺ ബില്യൺ മീൽസ്’ പദ്ധതി വിജയകരമായി പൂർത്തിയായി. 2022-ൽ ആരംഭിച്ച ഈ പദ്ധതിയിലൂടെ 65 രാജ്യങ്ങളിലായി 100 കോടിയിലധികം ആളുകൾക്ക് ഭക്ഷണം വിതരണം ചെയ്തു. ദരിദ്രരായ വ്യക്തികൾക്കും കുടുംബങ്ങൾക്കും പോഷകാഹാരം നൽകുന്നതിനുള്ള ഗൾഫ് മേഖലയിലെ ഏറ്റവും വലിയ ഭക്ഷ്യ സഹായ സംരംഭമാണിത്. അടുത്ത വർഷം 26 കോടി ഭക്ഷണപ്പൊതികൾ കൂടി അധികമായി വിതരണം ചെയ്യുമെന്ന് ഷെയ്ഖ് മുഹമ്മദ് അറിയിച്ചു.
ദുബൈയും അബുദാബിയും രാത്രിയിലെ സുന്ദരവും സുരക്ഷിതവുമായ നഗരങ്ങൾ; ട്രാവൽബാഗ് റിപ്പോർട്ട് പുറത്ത്
ലോകത്തിലെ ഏറ്റവും മനോഹരവും സുരക്ഷിതവുമായ നഗരങ്ങളുടെ പട്ടികയിൽ ദുബൈയും അബുദാബിയും ഇടം നേടി. യുകെ ആസ്ഥാനമായുള്ള ട്രാവൽ ഏജൻസി ട്രാവൽബാഗിന്റെ പഠന റിപ്പോർട്ട് പ്രകാരം, ദുബായ് ലോകത്തിലെ ഏറ്റവും മനോഹരമായ മൂന്നാമത്തെ നഗരമായി തിരഞ്ഞെടുക്കപ്പെട്ടു. രാത്രിയിൽ സഞ്ചരിക്കാൻ ഏറ്റവും സുരക്ഷിതമായ നഗരമായി അബുദാബി തിരഞ്ഞെടുക്കപ്പെട്ടു.
ദുബായിൽ പുതിയ റോഡ് വികസന പദ്ധതിയുമായി ആർടിഎ; യാത്രാസമയം മൂന്ന് മിനിറ്റായി കുറയും
ദുബായിൽ റോഡ് വികസന പദ്ധതി പ്രഖ്യാപിച്ച് റോഡ്സ് ആൻഡ് ട്രാൻസ്പോർട്ട് അതോറിറ്റി. അൽ സഫാ സ്ട്രീറ്റിൽ പുതിയ രണ്ട് പാലങ്ങളും രണ്ട് ടണലുകളും നിർമ്മിക്കും. പദ്ധതി പൂർത്തിയാകുന്നതോടെ യാത്രാസമയം മൂന്ന് മിനിറ്റായി കുറയും.
ആകാശ ടാക്സികളുമായി ദുബായ്; ആദ്യ പരീക്ഷണ പറക്കൽ വിജയം
ദുബായിൽ അടുത്ത വർഷം മുതൽ എയർ ടാക്സികൾ പറന്നിറങ്ങും. ഇതിന്റെ ഭാഗമായി ആദ്യ പരീക്ഷണ പറക്കൽ വിജയകരമായി നടത്തി. മണിക്കൂറിൽ 320 കിലോമീറ്റർ വേഗതയിൽ സഞ്ചരിക്കാൻ സാധിക്കുന്ന എയർ ടാക്സിക്ക് 450 കിലോഗ്രാം വരെ ഭാരം വഹിക്കാൻ കഴിയും. ദുബായ് വിമാനത്താവളം, ഡൗൺടൗൺ, മറീന, പാം ജുമൈറ എന്നിവിടങ്ങളിലാണ് ആദ്യഘട്ടത്തിൽ സർവീസ് ലഭ്യമാകുക.
ദുബായിൽ ഇന്ന് പൊതു അവധി; ഗതാഗത സേവനങ്ങളിൽ ക്രമീകരണം
ഹിജ്റ പുതുവത്സരത്തോടനുബന്ധിച്ച് ദുബായിൽ ഇന്ന് പൊതു അവധിയാണ്. വിവിധ ഗതാഗത സേവനങ്ങളുടെ സമയക്രമത്തിൽ മാറ്റങ്ങൾ വരുത്തിയിട്ടുണ്ട്. മൾട്ടി ലെവൽ പാർക്കിംഗ് കേന്ദ്രങ്ങൾ ഒഴികെയുള്ള എല്ലാ പൊതു പാർക്കിംഗ് സ്ഥലങ്ങളിലും സൗജന്യ പാർക്കിംഗ് അനുവദിച്ചിട്ടുണ്ട്.
‘ഞങ്ങള് നിങ്ങള്ക്കായി ഇവിടെയുണ്ട്’; ബോധവത്കരണ കാമ്പയിനുമായി ദുബായ്
ദുബായ് ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സിന്റെ നേതൃത്വത്തിൽ "ഞങ്ങൾ നിങ്ങൾക്കായി ഇവിടെയുണ്ട്" എന്ന ബോധവത്കരണ കാമ്പയിൻ ആരംഭിച്ചു. പൗരന്മാർക്കും താമസക്കാർക്കും ജിഡിആർഎഫ്എയുടെ സേവനങ്ങളെക്കുറിച്ച് അവബോധം നൽകുന്നതിനാണ് കാമ്പയിൻ ലക്ഷ്യമിടുന്നത്. കാമ്പയിൻ അടുത്ത വെള്ളിയാഴ്ച സമാപിക്കും.
ദുബൈയിൽ ബലിപെരുന്നാൾ തിരക്ക്; പൊതുഗതാഗത സംവിധാനം ഉപയോഗിച്ചത് 75 ലക്ഷം പേർ
ബലിപെരുന്നാൾ അവധിക്കാലത്ത് ദുബൈയിലെ പൊതുഗതാഗത സംവിധാനം ഉപയോഗിച്ച് 75 ലക്ഷത്തിലധികം യാത്രക്കാർ. ഇത് കഴിഞ്ഞ വർഷത്തേക്കാൾ 14 ശതമാനം കൂടുതലാണ്. ദുബൈ മെട്രോയിൽ 27 ലക്ഷത്തിലധികം യാത്രക്കാർ സഞ്ചരിച്ചു, ദുബായ് ട്രാമിൽ 1,20,000-ൽ അധികം യാത്രക്കാർ സഞ്ചരിച്ചു.
ദുബായിൽ ബലിപെരുന്നാളിന് സൗജന്യ പാർക്കിംഗും, മെട്രോ ട്രാം സർവീസുകൾ കൂടുതൽ സമയം
ബലിപെരുന്നാളിനോടനുബന്ധിച്ച് ദുബായ് ആർടിഎ വിപുലമായ ക്രമീകരണങ്ങൾ ഏർപ്പെടുത്തി. ജൂൺ 5 മുതൽ 8 വരെ പൊതു പാർക്കിംഗ് സൗജന്യമായിരിക്കും. മെട്രോ, ട്രാം സർവീസുകൾ കൂടുതൽ സമയം ലഭ്യമാക്കുമെന്നും അറിയിച്ചിട്ടുണ്ട്. ഉം റമൂൽ, ദയ്റ, അൽ ബർഷ, ആർടിഎ ഹെഡ് ഓഫീസ് എന്നിവിടങ്ങളിൽ 24 മണിക്കൂറും സേവനങ്ങൾ ലഭ്യമാകും.
ദുബായ് GDRFA: ഈദ് അവധിക്കാലത്തും സേവനങ്ങൾ തടസ്സമില്ലാതെ; പ്രവർത്തന സമയം പ്രഖ്യാപിച്ചു
ദുബായ് ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സ് ഈദ് അൽ-അദ്ഹ അവധിക്കാലത്തെ പ്രവർത്തന സമയങ്ങൾ പ്രഖ്യാപിച്ചു. ദുബായ് അന്താരാഷ്ട്ര വിമാനത്താവളത്തിലെ ടെർമിനൽ 3-ലെ കസ്റ്റമർ ഹാപ്പിനസ് സെന്റർ 24 മണിക്കൂറും പ്രവർത്തിക്കും. ഔദ്യോഗിക വെബ്സൈറ്റ് വഴിയും സ്മാർട്ട് ആപ്പുകൾ വഴിയും ഉപഭോക്താക്കൾക്ക് സേവനങ്ങൾ ലഭ്യമാകും.