Donald Trump
ആണവായുധ പരീക്ഷണം പുനരാരംഭിക്കുമെന്ന് ട്രംപ്
അമേരിക്ക ആണവായുധ പരീക്ഷണങ്ങൾ ഉടൻ പുനരാരംഭിക്കുമെന്ന് ഡൊണാൾഡ് ട്രംപ് അറിയിച്ചു. മറ്റു രാജ്യങ്ങൾ പരീക്ഷണം നടത്തുന്നത് കണക്കിലെടുത്താണ് തീരുമാനം. ട്രൂത്ത് സോഷ്യലിലൂടെയാണ് ട്രംപ് പ്രഖ്യാപനം നടത്തിയത്.
ട്രംപ് – ഷി ജിൻപിങ് കൂടിക്കാഴ്ച: ലോകം ഉറ്റുനോക്കുന്നു
അമേരിക്കൻ പ്രസിഡന്റ് ഡൊണാൾഡ് ട്രംപും ചൈനീസ് പ്രസിഡന്റ് ഷി ജിൻപിങും തമ്മിലുള്ള കൂടിക്കാഴ്ച ഇന്ന് ദക്ഷിണ കൊറിയയിലെ ബുസാനിൽ നടക്കും. വ്യാപാര യുദ്ധത്തിൽ അയവുണ്ടാകുമോ എന്ന് ലോകം ഉറ്റുനോക്കുന്നു. ഇരുരാജ്യങ്ങളും തമ്മിൽ ഒരു വലിയ കരാർ ഒപ്പിടുമെന്ന് ട്രംപ് സൂചിപ്പിച്ചു.
ഇന്ത്യയുമായി ഉടൻ വ്യാപാര കരാർ; പ്രധാനമന്ത്രി മോദിയോട് ബഹുമാനമെന്ന് ട്രംപ്
ഇന്ത്യയുമായി ഉടൻ വ്യാപാര കരാർ ഉണ്ടാക്കുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ്. ദക്ഷിണ കൊറിയയിൽ നടന്ന ആപെക് സിഇഒമാരുടെ യോഗത്തിൽ സംസാരിക്കുകയായിരുന്നു അദ്ദേഹം. പ്രധാനമന്ത്രി നരേന്ദ്ര മോദിയോട് തനിക്ക് വലിയ ബഹുമാനമുണ്ടെന്നും ട്രംപ് പറഞ്ഞു.
ആസിയാൻ ഉച്ചകോടിക്ക് ഇന്ന് തുടക്കം; പ്രധാനമന്ത്രി നരേന്ദ്ര മോദി വീഡിയോ കോൺഫറൻസിംഗിലൂടെ പങ്കെടുക്കും
ആസിയാൻ ഉച്ചകോടിക്ക് ഇന്ന് മലേഷ്യയിലെ ക്വാലലംപൂരിൽ തുടക്കമാകും. പ്രധാനമന്ത്രി നരേന്ദ്ര മോദി വീഡിയോ കോൺഫറൻസിംഗിലൂടെ ഉച്ചകോടിയിൽ പങ്കെടുക്കും. അമേരിക്കൻ പ്രസിഡന്റ് ഡോണൾഡ് ട്രംപ് ഉച്ചകോടിയിൽ പങ്കെടുക്കും. കംബോഡിയയും തായ്ലണ്ടും അമേരിക്കയുടെ മധ്യസ്ഥതയിൽ ഉണ്ടാക്കിയ സമാധാന കരാർ ഒപ്പിടും.
ആസിയാൻ ഉച്ചകോടിയിൽ മോദി-ട്രംപ് കൂടിക്കാഴ്ച ഉണ്ടാകില്ല
പ്രധാനമന്ത്രി നരേന്ദ്ര മോദിയും യുഎസ് പ്രസിഡന്റ് ഡൊണാൾഡ് ട്രംപും തമ്മിലുള്ള കൂടിക്കാഴ്ചയ്ക്ക് ആസിയാൻ ഉച്ചകോടി വേദിയാകില്ല. മലേഷ്യൻ പ്രധാനമന്ത്രിയുടെ അറിയിപ്പ് പ്രകാരം, പ്രധാനമന്ത്രി നരേന്ദ്ര മോദി ഈ ഉച്ചകോടിയിൽ നേരിട്ട് പങ്കെടുക്കുന്നില്ല. ഒക്ടോബർ 26 മുതൽ 28 വരെ കോലാലമ്പൂരിൽ നടക്കുന്ന ഉച്ചകോടിയിൽ വിദേശകാര്യ മന്ത്രി എസ് ജയശങ്കർ ഇന്ത്യയെ പ്രതിനിധീകരിക്കും.
ട്രംപിന്റെ സ്വപ്ന പദ്ധതി; വൈറ്റ് ഹൗസ് ഈസ്റ്റ് വിംഗ് പൊളിച്ചുമാറ്റാനൊരുങ്ങി ട്രംപ്
അമേരിക്കൻ പ്രസിഡന്റ് ഡൊണാൾഡ് ട്രംപിന്റെ സ്വപ്ന പദ്ധതിയായ ബാൾ റൂമിനായി വൈറ്റ് ഹൗസ് ഈസ്റ്റ് വിംഗ് പൂർണ്ണമായും പൊളിച്ചുമാറ്റാൻ ഒരുങ്ങുന്നു. 250 മില്യൺ ഡോളർ ചിലവിട്ട് 90,000 ചതുരശ്ര അടിയിൽ നിർമ്മിക്കുന്ന ബാൾ റൂമിന് യൂട്യൂബ് 22 മില്യൺ ഡോളർ നൽകും. നിലവിലെ കെട്ടിടത്തെ ഒരു തരത്തിലും ബാധിക്കാത്ത രീതിയിലാണ് ബാൾറൂം നിർമ്മിക്കുക എന്ന് ട്രംപ് വാഗ്ദാനം നൽകിയിട്ടുണ്ട്.
ട്രംപ്-പുടിൻ കൂടിക്കാഴ്ച റദ്ദാക്കി; മോദി-ട്രംപ് കൂടിക്കാഴ്ചയ്ക്ക് സാധ്യത
റഷ്യൻ പ്രസിഡന്റ് വ്ളാഡിമിർ പുടിനും അമേരിക്കൻ പ്രസിഡന്റ് ഡൊണാൾഡ് ട്രംപും തമ്മിൽ നടത്താനിരുന്ന കൂടിക്കാഴ്ച റദ്ദാക്കി. യുക്രെയ്നിലെ യുദ്ധം അവസാനിപ്പിക്കുന്നതിൽ കാര്യമായ ഫലങ്ങൾ ഉണ്ടാകാത്തതിനെ തുടർന്നാണ് കൂടിക്കാഴ്ച റദ്ദാക്കിയത്. അതേസമയം, മലേഷ്യയിലെ കോലാലംപൂരിൽ നടക്കുന്ന ആസിയാൻ ഉച്ചകോടിയിൽ ട്രംപും മോദിയും കൂടിക്കാഴ്ച നടത്താൻ സാധ്യതയുണ്ടെന്ന് റിപ്പോർട്ടുകൾ സൂചിപ്പിക്കുന്നു.
ട്രംപിന് നന്ദി പറഞ്ഞ് മോദി; ലോകം പ്രത്യാശയോടെ പ്രകാശിക്കട്ടെ എന്ന് ആശംസ
യുഎസ് പ്രസിഡന്റ് ഡോണൾഡ് ട്രംപിന് പ്രധാനമന്ത്രി നരേന്ദ്ര മോദി നന്ദി അറിയിച്ചു. ട്രംപിന്റെ ഫോൺ വിളിക്കും ദീപാവലി ആശംസകൾക്കും പ്രധാനമന്ത്രി നന്ദി പറഞ്ഞു. ഭീകരതയ്ക്കെതിരെ ഇന്ത്യയും അമേരിക്കയും ഒരുമിച്ച് പോരാടുമെന്നും മോദി എക്സിൽ കുറിച്ചു.
ഗസ്സയിലെ യുദ്ധം അവസാനിച്ചെന്ന് ട്രംപ് ഉറപ്പ് നൽകി: ഹമാസ് നേതാവ്
ഗസ്സയിലെ യുദ്ധം അവസാനിച്ചുവെന്ന് അമേരിക്കൻ പ്രസിഡന്റ് ഡോണൾഡ് ട്രംപും മധ്യസ്ഥരും ഉറപ്പ് നൽകിയതായി ഹമാസ് നേതാവ് ഖലീൽ അൽ ഹയ്യ പറഞ്ഞു. കൊല്ലപ്പെട്ട ബന്ദികളുടെ മൃതശരീരം തിരികെ നൽകാൻ വൈകുന്നത് അവശിഷ്ടങ്ങൾക്കിടയിൽ നിന്നും അവ കണ്ടെത്താനുള്ള ബുദ്ധിമുട്ടുമൂലമെന്നും ഖലീൽ അൽ ഹയ്യ കൂട്ടിച്ചേർത്തു. ഇസ്രായേലി തടവുകാരുടെ മൃതദേഹം അവരുടെ കുടുംബങ്ങൾക്ക് തിരികെ നൽകാനാണ് ഹമാസ് ശ്രമിക്കുന്നതെന്നും അദ്ദേഹം വ്യക്തമാക്കി.
വെടിനിർത്തൽ ലംഘിച്ചാൽ ഹമാസിനെ ഉന്മൂലനം ചെയ്യുമെന്ന് ട്രംപ്
ഹമാസ് വെടിനിർത്തൽ കരാർ ലംഘിച്ചാൽ ഉന്മൂലനം ചെയ്യുമെന്ന് ട്രംപിന്റെ മുന്നറിയിപ്പ്. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവുമായി അമേരിക്കൻ പ്രതിനിധികൾ കൂടിക്കാഴ്ച നടത്തി. യെമനിൽ ഹൂതികൾ തടഞ്ഞുവെച്ച ഐക്യരാഷ്ട്ര സഭാ ജീവനക്കാരെ മോചിപ്പിച്ചു.
പുടിന്റെ ഉപാധികൾ അംഗീകരിക്കാൻ സെലൻസ്കിയോട് ട്രംപ്; യുക്രെയ്ന് കനത്ത തിരിച്ചടി
വൈറ്റ് ഹൗസിൽ നടന്ന കൂടിക്കാഴ്ചയിൽ യുക്രെയ്ൻ പ്രസിഡന്റ് വ്ളോഡിമിർ സെലൻസ്കിയോട് റഷ്യ മുന്നോട്ട് വെച്ച നിബന്ധനകൾ അംഗീകരിക്കാൻ ഡോണൾഡ് ട്രംപ് ആവശ്യപ്പെട്ടതായി റിപ്പോർട്ട്. റഷ്യ മുന്നോട്ട് വെച്ച നിബന്ധനകൾ അംഗീകരിച്ചില്ലെങ്കിൽ യുക്രെയ്ന് സർവ്വ നാശമായിരിക്കും ഫലമെന്ന് പുടിൻ തന്നോട് പറഞ്ഞതായും ട്രംപ് സെലൻസ്കിയെ അറിയിച്ചു. യുദ്ധം അവസാനിപ്പിക്കാൻ സെലൻസ്കിയും തയ്യാറാകണമെന്ന് ട്രംപ് ആവശ്യപ്പെട്ടു.
യുക്രെയ്ൻ യുദ്ധം: ട്രംപ്-പുടിൻ കൂടിക്കാഴ്ചയ്ക്ക് കളമൊരുങ്ങുന്നു
യുക്രെയ്ൻ യുദ്ധം പരിഹരിക്കുന്നതിനായി ട്രംപ്-പുടിൻ കൂടിക്കാഴ്ചയ്ക്ക് കളമൊരുങ്ങുന്നു. ഹംഗറിയുടെ തലസ്ഥാനമായ ബുഡാപെസ്റ്റിൽ ചർച്ചകൾ നടക്കും. ഇതിന് മുന്നോടിയായി യുക്രെയ്ൻ പ്രസിഡന്റ് വോളോദിമിർ സെലെൻസ്കിയുമായി ട്രംപ് കൂടിക്കാഴ്ച നടത്തും.