Doha
പതിനഞ്ചാമത് മില്ലിപോൾ ഖത്തർ പ്രദർശനം നാളെ ആരംഭിക്കും
ഖത്തർ ആഭ്യന്തര മന്ത്രാലയത്തിന്റെ കീഴിലുള്ള ആഗോള സുരക്ഷാ പ്രദർശനമായ പതിനഞ്ചാമത് മില്ലിപോൾ ഖത്തർ ഒക്ടോബർ 29 മുതൽ 31 വരെ ദോഹയിൽ നടക്കും. 250-ലധികം കമ്പനികളും 350 ഔദ്യോഗിക പ്രതിനിധികളും പങ്കെടുക്കുന്ന ഈ പ്രദർശനത്തിൽ സുരക്ഷാ മേഖലയിലെ പുതിയ സാങ്കേതിക വിദ്യകൾ പ്രദർശിപ്പിക്കും. സൈബർ സുരക്ഷ, സിവിൽ ഡിഫൻസ്, എയർപോർട്ട് സുരക്ഷ തുടങ്ങിയ വിഷയങ്ങളിൽ സെമിനാറുകളും സംഘടിപ്പിക്കും.
പ്രവാസി വെൽഫെയറിന്റെ പത്താം വാർഷികം: ദോഹയിൽ ‘സർവീസ് കാർണിവൽ’ നടക്കും
പ്രവാസി വെൽഫെയറിന്റെ പത്താം വാർഷികാഘോഷങ്ങളുടെ ഭാഗമായി 'സർവീസ് കാർണിവൽ' 2024 നവംബർ 29 ന് ദോഹയിൽ നടക്കും. വിവിധ മേഖലകളെ കുറിച്ച് ചർച്ചചെയ്യുന്ന ഈ കാർണിവൽ പ്രവാസികൾക്ക് പ്രയോജനപ്പെടുമെന്ന് സംഘാടകർ പറഞ്ഞു. പഠന ക്ലാസുകളും സർവീസ് കൗണ്ടറുകളും ഉൾപ്പെടുന്ന പരിപാടിയിൽ വിവിധ പ്രമുഖർ പങ്കെടുക്കും.
ഖത്തര്‍ സ്റ്റാര്‍സ് കപ്പ് ഫുട്ബാള്‍ മത്സരങ്ങള്‍ ആഗസ്റ്റ് 30ന് ആരംഭിക്കും
ഖത്തര്‍ സ്റ്റാര്‍സ് കപ്പ് ഫുട്ബാള്‍ മത്സരങ്ങള്‍ ആഗസ്റ്റ് 30ന് ദോഹയില്‍ ആരംഭിക്കും. ടൂര്‍ണമെന്റിലെ മത്സര നറുക്കെടുപ്പ് പൂര്‍ത്തിയായതായി അധികൃതര്‍ അറിയിച്ചു. ചാമ്പ്യന്‍ ക്ലബായ അല്‍ സദ്ദ് ഈ വര്‍ഷത്തെ മത്സരത്തില്‍ പങ്കെടുക്കുന്നില്ല.
സംവിധായകൻ സിദ്ദിഖിന്റെ സ്മരണയ്ക്കായി ദോഹയിൽ അനുസ്മരണ സംഗമം
പ്രമുഖ സംവിധായകൻ സിദ്ദിഖിന്റെ സ്മരണയ്ക്കായി ദോഹയിൽ അനുസ്മരണ സംഗമം സംഘടിപ്പിക്കുന്നു. 'ഓർമകളിൽ സിദ്ദിക്ക' എന്ന പേരിൽ വെള്ളിയാഴ്ച വൈകീട്ട് ഐ.സി.സി അശോക ഹാളിൽ നടക്കുന്ന പരിപാടിയിൽ സംവിധായകൻ ലാൽ ജോസ് അനുസ്മരണ പ്രഭാഷണം നടത്തും. ഇന്ത്യൻ കമ്മ്യൂണിറ്റി നേതാക്കളും കലാ-സാസ്കാരിക പ്രവർത്തകരും പങ്കെടുക്കും.
