ഓസ്‌ട്രേലിയയ്‌ക്കെതിരായ ബോര്‍ഡര്‍ ഗവാസ്‌കര്‍ ട്രോഫി ടെസ്റ്റ് പരമ്പരയില്‍ കെഎല്‍ രാഹുലിനും ശുഭ്മാന്‍ ഗില്ലിനും പരുക്കേറ്റതിനെ തുടര്‍ന്ന് മലയാളി താരം ദേവ്ദത്ത് പടിക്കല്‍ മത്സരിക്കുമെന്ന് റിപ്പോര്‍ട്ട്. ഇന്ത്യ എ ടീമിന്റെ ഭാഗമായി ഓസ്‌ട്രേലിയയില്‍ എത്തിയ ദേവ്ദത്തിനോട് തുടരാന്‍ ബിസിസിഐ നിര്‍ദേശിച്ചതായാണ് വിവരം. ഓപ്പണിങ്ങില്‍ യശ്വസി ജയ്‌സ്വാളിനൊപ്പം ആര് ഇറങ്ങുമെന്ന കാര്യത്തില്‍ ആശയക്കുഴപ്പം തുടരുന്നതിനാലാണ് ഈ നീക്കം.
