Devaswom Board
കെ. ജയകുമാർ തിരുവിതാംകൂർ ദേവസ്വം ബോർഡ് പ്രസിഡന്റ്
റിട്ട. ചീഫ് സെക്രട്ടറി കെ. ജയകുമാറിനെ തിരുവിതാംകൂർ ദേവസ്വം ബോർഡിന്റെ പുതിയ പ്രസിഡന്റായി നിയമിക്കാൻ സിപിഐഎം തീരുമാനിച്ചു. നിലവിലെ പ്രസിഡന്റ് പി.എസ്. പ്രശാന്തിനെതിരായ സ്വർണക്കൊള്ള ആരോപണങ്ങളുടെ പശ്ചാത്തലത്തിലാണ് ഈ സുപ്രധാന തീരുമാനം. കെ. ജയകുമാർ നിലവിൽ ഐ.എം.ജി. ഡയറക്ടറാണ്.
ദേവസ്വം ബോർഡ് പ്രസിഡന്റ് സ്ഥാനത്തേക്ക് കെ ജയകുമാറിനെ പരിഗണിക്കുന്നു: സി.പി.ഐ.എം
തിരുവിതാംകൂർ ദേവസ്വം ബോർഡ് പ്രസിഡന്റ് സ്ഥാനത്തേക്ക് റിട്ട. ചീഫ് സെക്രട്ടറി കെ. ജയകുമാറിനെ പരിഗണിക്കാൻ സി.പി.ഐ.എം തീരുമാനിച്ചു. മുഖ്യമന്ത്രിയുമായി കൂടിയാലോചന നടത്തിയ ശേഷം അന്തിമ തീരുമാനമെടുക്കും. സ്വർണ്ണക്കൊള്ള വിവാദത്തിന്റെ പശ്ചാത്തലത്തിൽ പരിചയസമ്പന്നനായ ഒരാളെ നിയമിക്കാനുള്ള ശ്രമമാണ് കെ. ജയകുമാറിലേക്ക് എത്തിയത്.
തിരുവിതാംകൂർ ദേവസ്വം ബോർഡ് ഭരണസമിതി ഉടൻ മാറും: എം.വി. ഗോവിന്ദൻ
തിരുവിതാംകൂർ ദേവസ്വം ബോർഡ് ഭരണസമിതി ഉടൻ മാറും എന്ന് സി.പി.ഐ.എം സംസ്ഥാന സെക്രട്ടറി എം.വി. ഗോവിന്ദൻ അറിയിച്ചു. പുതിയ പ്രസിഡന്റിനെ തീരുമാനിച്ചു കഴിഞ്ഞെന്നും ഔദ്യോഗിക പ്രഖ്യാപനം ഉടൻ ഉണ്ടാകുമെന്നും അദ്ദേഹം പറഞ്ഞു. ഭക്ഷ്യകൂപ്പൺ വിഷയത്തിൽ കോൺഗ്രസിനെതിരെയും മാധ്യമങ്ങൾക്കെതിരെയും അദ്ദേഹം വിമർശനം ഉന്നയിച്ചു.
ദേവസ്വം ബോർഡ് ഭരണസമിതിയിൽ തീരുമാനമായില്ല; മുഖ്യമന്ത്രിയുമായി ആലോചിച്ച് തീരുമാനമെടുക്കുമെന്ന് മന്ത്രി
ദേവസ്വം ബോർഡ് ഭരണസമിതിയിൽ ഇതുവരെ തീരുമാനമായില്ലെന്നും മുഖ്യമന്ത്രിയുമായി ആലോചിച്ച് തീരുമാനമെടുക്കുമെന്നും മന്ത്രി വി.എൻ. വാസവൻ അറിയിച്ചു. നിലവിലെ ബോർഡിന്റെ കാലാവധി നീട്ടേണ്ടതില്ലെന്നും ധാരണയായിട്ടുണ്ട്. ശബരിമല സ്വർണ്ണക്കൊള്ളയിൽ പ്രതികളായ ദേവസ്വം ഉദ്യോഗസ്ഥരുടെ അറസ്റ്റ് ഉടൻ ഉണ്ടാകുമെന്നും റിപ്പോർട്ടുകളുണ്ട്.
ദേവസ്വം ബോർഡ് അധ്യക്ഷനെ ഇന്ന് അറിയാം; സ്വർണ്ണമോഷണക്കേസിൽ വഴിത്തിരിവ്
ദേവസ്വം ബോർഡ് അധ്യക്ഷ സ്ഥാനത്തേക്ക് പി.എസ്. പ്രശാന്തിൻ്റെ പിൻഗാമിയെ സി.പി.ഐ.എം ഇന്ന് തീരുമാനിക്കും. മുൻ എം.പി. എ. സമ്പത്ത് ഉൾപ്പെടെയുള്ള നേതാക്കളെ ദേവസ്വം ബോർഡ് അധ്യക്ഷ സ്ഥാനത്തേക്ക് സി.പി.ഐ.എം പരിഗണിക്കുന്നുണ്ട്. ശബരിമല സ്വർണ്ണമോഷണക്കേസിൽ മുരാരി ബാബുവിനെയും സുധീഷ് കുമാറിനെയും വീണ്ടും കസ്റ്റഡിയിൽ വാങ്ങാനുള്ള എസ്.ഐ.ടി.യുടെ അപേക്ഷ ഇന്ന് കോടതി പരിഗണിക്കും.
ശബരിമലയിലെ സ്വത്തുക്കളുടെ കൈകാര്യത്തിൽ വീഴ്ച സംഭവിച്ചെന്ന് കമ്മീഷണറുടെ കത്ത്
ശബരിമല ക്ഷേത്രത്തിലെ സ്വത്തുക്കളുടെ കാര്യക്ഷമമല്ലാത്ത നടത്തിപ്പിനെക്കുറിച്ച് 2019-ൽ തിരുവാഭരണം കമ്മീഷണർ ദേവസ്വം ബോർഡ് പ്രസിഡന്റിന് അയച്ച കത്ത് ട്വന്റിഫോറിന് ലഭിച്ചു. ശബരിമലയിൽ ദേവസ്വം മാനുവൽ പാലിക്കപ്പെടുന്നില്ലെന്നും, ഉരുപ്പടികളുടെ രജിസ്റ്ററുകൾ കൃത്യമായി സൂക്ഷിക്കുന്നില്ലെന്നും മുൻ ദേവസ്വം ഡെപ്യൂട്ടി കമ്മീഷണർ ആർ.ജി. രാധാകൃഷ്ണൻ ട്വന്റിഫോറിനോട് വെളിപ്പെടുത്തി. ഈ വിഷയത്തിൽ ദേവസ്വം ബോർഡ് തുടർനടപടികൾ സ്വീകരിച്ചില്ലെന്നും അദ്ദേഹം കൂട്ടിച്ചേർത്തു.
പി.എസ്. പ്രശാന്തിന്റെ കാലാവധി നീട്ടില്ല; ദേവസ്വം ബോർഡ് അധ്യക്ഷ സ്ഥാനത്ത് പുതിയൊരാൾ
തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്. പ്രശാന്തിന്റെ കാലാവധി നീട്ടേണ്ടതില്ലെന്ന് സർക്കാർ തീരുമാനിച്ചു. ശബരിമല സ്വർണക്കൊള്ളയുമായി ബന്ധപ്പെട്ട് ഹൈക്കോടതി നടത്തിയ നിരീക്ഷണങ്ങളാണ് ഇതിലേക്ക് നയിച്ചത്. നാളെ ചേരുന്ന സിപിഐഎം സംസ്ഥാന സെക്രട്ടേറിയറ്റിൽ അന്തിമ തീരുമാനമുണ്ടാകും.
ദേവസ്വം ബോർഡ് ഓർഡിനൻസിൽ ഒപ്പിടരുത്; ഗവർണറോട് ബിജെപി
തിരുവിതാംകൂർ ദേവസ്വം ബോർഡിന്റെ കാലാവധി നീട്ടാനുള്ള സർക്കാർ നീക്കത്തിനെതിരെ ബിജെപി രംഗത്ത്. ദേവസ്വം ബോർഡിന്റെ കാലാവധി നീട്ടാൻ പിണറായി സർക്കാർ കൊണ്ടുവരുന്ന ഓർഡിനൻസിൽ ഒപ്പിടരുതെന്ന് ഗവർണറോട് അഭ്യർഥിക്കുമെന്ന് ബിജെപി സംസ്ഥാന അധ്യക്ഷൻ ശ്രീ രാജീവ് ചന്ദ്രശേഖർ അറിയിച്ചു. ശബരിമലയിലെ സ്വർണ്ണക്കൊള്ള അടക്കമുള്ള അഴിമതികൾ പുറത്തുവന്നിട്ടും ബോർഡിന് വീണ്ടും അവസരം നൽകുന്നത് പ്രതിഷേധാർഹമാണെന്നും അദ്ദേഹം കൂട്ടിച്ചേർത്തു.
ശബരിമല സ്വര്ണക്കൊള്ള: ദേവസ്വം ബോര്ഡിന് വീഴ്ച പറ്റിയെന്ന് ഹൈക്കോടതി
ശബരിമലയിലെ സ്വർണ്ണക്കൊള്ളയിൽ തിരുവിതാംകൂർ ദേവസ്വം ബോർഡിന് വീഴ്ച പറ്റിയെന്ന് ഹൈക്കോടതി. സ്പോൺസറായി വന്ന ഉണ്ണികൃഷ്ണന് ശബരിമലയിൽ കൂടുതൽ സ്വാതന്ത്ര്യം ലഭിച്ചതിലും കോടതി സംശയം പ്രകടിപ്പിച്ചു. കേസ് മൂന്നാഴ്ചത്തേക്ക് മാറ്റി വെച്ചു.
ശബരിമല സ്വർണ കുംഭകോണം: ദേവസ്വം ബോർഡ് അധികാരികളെ കേന്ദ്രീകരിച്ച് അന്വേഷണം
ശബരിമല സ്വർണ കുംഭകോണവുമായി ബന്ധപ്പെട്ട് തിരുവിതാംകൂർ ദേവസ്വം ബോർഡ് അധികാരികളെ കേന്ദ്രീകരിച്ച് പ്രത്യേക അന്വേഷണ സംഘം അന്വേഷണം ആരംഭിച്ചു. 2019 മുതൽ 2025 വരെയുള്ള കാലയളവിലെ ബോർഡ് അംഗങ്ങളെ ചോദ്യം ചെയ്യാനാണ് നിലവിലെ തീരുമാനം. ഇതിന്റെ ഭാഗമായി അന്നത്തെ മിനിറ്റ്സ് രേഖകള് അന്വേഷണസംഘം ശേഖരിച്ച് വിശദമായ പരിശോധന നടത്തും.
പി.എസ്. പ്രശാന്തിന്റെ കാലാവധി ഒരു വർഷം കൂടി നീട്ടി; തിരുവിതാംകൂർ ദേവസ്വം ബോർഡ് പ്രസിഡന്റായി തുടരും
തിരുവിതാംകൂർ ദേവസ്വം ബോർഡ് പ്രസിഡന്റായി പി.എസ്. പ്രശാന്ത് തുടരും. അദ്ദേഹത്തിന്റെ കാലാവധി ഒരു വർഷത്തേക്ക് കൂടി നീട്ടാൻ തീരുമാനിച്ചു. ശബരിമലയിലെ ദ്വാരപാലക ശിൽപത്തിലെ സ്വർണ്ണക്കൊള്ളയിൽ പി.എസ്. പ്രശാന്തിന്റെ രാജി പ്രതിപക്ഷം ആവശ്യപ്പെടുന്ന ഈ സാഹചര്യത്തിലാണ് അദ്ദേഹത്തിന് കാലാവധി നീട്ടി നൽകുന്നത്.
ശബരിമല സ്വർണ കുംഭകോണം: ഹൈക്കോടതിയെ സമീപിക്കാൻ ദേവസ്വം ബോർഡ്
ശബരിമലയിലെ സ്വർണക്കൊള്ളയുമായി ബന്ധപ്പെട്ട് തിരുവിതാംകൂർ ദേവസ്വം ബോർഡ് ഹൈക്കോടതിയെ സമീപിക്കുന്നു. 2025-ലെ ദേവസ്വം ബോർഡിനെതിരായ പരാമർശം നീക്കണമെന്നാണ് പ്രധാന ആവശ്യം. ഉണ്ണികൃഷ്ണൻ പോറ്റിയെ സഹായിക്കുന്ന തരത്തിലുള്ള ഒരു നിലപാടും ഇപ്പോഴത്തെ ബോർഡ് സ്വീകരിച്ചിട്ടില്ലെന്ന് ദേവസ്വം ബോർഡ് പ്രസിഡന്റ് അറിയിച്ചു.