Devaswom Board
കെ. ജയകുമാറിനെ അയോഗ്യനാക്കണമെന്ന ഹർജിയിൽ കോടതി നോട്ടീസ്
തിരുവിതാംകൂർ ദേവസ്വം ബോർഡ് പ്രസിഡന്റ് കെ. ജയകുമാറിനെ അയോഗ്യനാക്കണമെന്ന ഹർജിയിൽ കോടതി നോട്ടീസ് അയച്ചു. സർക്കാർ ശമ്പളം പറ്റുന്ന ഉദ്യോഗസ്ഥന് ദേവസ്വം ബോർഡ് മെമ്പറോ പ്രസിഡന്റോ ആകാൻ കഴിയില്ലെന്ന് ഹർജിയിൽ പറയുന്നു. 2026 ജനുവരി 15-ന് കോടതിയിൽ ഹാജരാകാൻ കെ. ജയകുമാറിന് നിർദ്ദേശം നൽകി.
ശബരിമലയിൽ സദ്യ വൈകും; തീരുമാനം ദേവസ്വം ബോർഡ് യോഗത്തിന് ശേഷം
ശബരിമലയിൽ കേരളീയ സദ്യ നൽകുന്നതിനുള്ള തീരുമാനം വൈകാൻ സാധ്യത. ഇതുമായി ബന്ധപ്പെട്ട തീരുമാനം ഈ മാസം അഞ്ചിന് നടക്കുന്ന ദേവസ്വം ബോർഡ് യോഗത്തിന് ശേഷമേ ഉണ്ടാകൂ. സദ്യയുടെ മെനു പരിഷ്കരിക്കുന്നതുമായി ബന്ധപ്പെട്ട് റിപ്പോർട്ട് സമർപ്പിക്കുന്നതിന് ഒരു പ്രത്യേക കമ്മിറ്റിയെ നിയോഗിച്ചിട്ടുണ്ട്.
ശബരിമലയിൽ 15 ദിവസം കൊണ്ട് 92 കോടി രൂപ വരുമാനം
ശബരിമലയിൽ മണ്ഡല-മകരവിളക്ക് തീർത്ഥാടന കാലയളവിലെ ആദ്യ 15 ദിവസങ്ങളിൽ 92 കോടി രൂപ വരുമാനം. അരവണ വിൽപനയിലൂടെ 47 കോടി രൂപയുടെ വരുമാനം ഉണ്ടായി. ഈ സീസണിൽ 13 ലക്ഷത്തോളം തീർത്ഥാടകരാണ് എത്തിയത്.
ശബരിമലയിലെ വീഴ്ച സമ്മതിച്ച് ദേവസ്വം ബോർഡ്; രണ്ട് ദിവസത്തിനകം പരിഹരിക്കുമെന്ന് ജയകുമാർ
ശബരിമലയിലെ മുന്നൊരുക്കങ്ങളിൽ വീഴ്ച പറ്റിയെന്ന് ദേവസ്വം ബോർഡ് പ്രസിഡന്റ് കെ. ജയകുമാർ സമ്മതിച്ചു. ഹൈക്കോടതിയുടെ നിർദ്ദേശങ്ങൾ നടപ്പാക്കുമെന്നും, ഭക്തർക്ക് ബുദ്ധിമുട്ടുണ്ടാകാത്ത രീതിയിൽ ദർശനം ഒരുക്കുമെന്നും അദ്ദേഹം അറിയിച്ചു. രണ്ട് ദിവസത്തിനകം പ്രശ്നങ്ങൾ പരിഹരിക്കുമെന്നും അദ്ദേഹം വ്യക്തമാക്കി.
ദേവസ്വം ബോർഡ് പ്രസിഡന്റ് സ്ഥാനത്ത് നിന്ന് സംതൃപ്തിയോടെ പടിയിറങ്ങുന്നു: പി.എസ്. പ്രശാന്ത്
ദേവസ്വം ബോർഡ് പ്രസിഡന്റ് സ്ഥാനത്തുനിന്നും പൂർണ്ണ സംതൃപ്തിയോടെയാണ് താൻ പടിയിറങ്ങുന്നതെന്ന് പി.എസ്. പ്രശാന്ത് ട്വന്റിഫോറിനോട് പറഞ്ഞു. ശബരിമലയിൽ കൂടുതൽ സൗകര്യങ്ങൾ ഒരുക്കാൻ ദേവസ്വം ബോർഡ് ശ്രമിച്ചിട്ടുണ്ടെന്നും അദ്ദേഹം കൂട്ടിച്ചേർത്തു. ശബരിമലയുടെ പേരിൽ താനൊരു രൂപ പോലും സമ്പാദിച്ചിട്ടില്ലെന്നും പാർട്ടിക്ക് തന്നിൽ പൂർണ്ണ വിശ്വാസമുണ്ടെന്നും അദ്ദേഹം വ്യക്തമാക്കി.
കെ. ജയകുമാർ ഇന്ന് തിരുവിതാംകൂർ ദേവസ്വം ബോർഡ് പ്രസിഡന്റായി ചുമതലയേൽക്കും
മുൻ ചീഫ് സെക്രട്ടറി കെ. ജയകുമാർ ഇന്ന് തിരുവിതാംകൂർ ദേവസ്വം ബോർഡ് പ്രസിഡന്റായി ചുമതലയേൽക്കും. മുൻ മന്ത്രി കെ. രാജു ദേവസ്വം ബോർഡ് അംഗമായി രാവിലെ 11:30-ന് സത്യപ്രതിജ്ഞ ചെയ്യും. രണ്ട് വർഷത്തേക്കാണ് പുതിയ ഭരണസമിതിയുടെ കാലാവധി.
ശബരിമല സ്വർണക്കൊള്ള: ദേവസ്വം ബോർഡിനും പങ്ക്, മുൻ പ്രസിഡന്റ് എൻ. വാസുവിന്റെ റിമാൻഡ് റിപ്പോർട്ട് നിർണ്ണായകം
ശബരിമല സ്വർണക്കൊള്ളക്കേസിൽ തിരുവിതാംകൂർ ദേവസ്വം ബോർഡിന്റെ പങ്ക് വ്യക്തമാക്കുന്ന റിമാൻഡ് റിപ്പോർട്ട് പുറത്ത്. മുൻ പ്രസിഡന്റ് എൻ. വാസു സ്വർണം ചെമ്പാക്കിയത് ബോർഡംഗങ്ങളുടെ അറിവോടെയെന്ന് റിപ്പോർട്ട്. മുൻ ദേവസ്വം പ്രസിഡന്റ് എ പത്മകുമാറിനെ പ്രത്യേക അന്വേഷണ സംഘം ചോദ്യം ചെയ്യും.
ശബരിമല മേൽശാന്തിമാരുടെ സഹായികളുടെ വിവരങ്ങൾ നൽകാൻ സമയം തേടി ദേവസ്വം ബോർഡ്
ശബരിമല, മാളികപ്പുറം മേൽശാന്തിമാരുടെ കൂടെ വരുന്ന സഹായികളെക്കുറിച്ചുള്ള വിവരങ്ങൾ സമർപ്പിക്കാൻ സമയം തേടി തിരുവിതാംകൂർ ദേവസ്വം ബോർഡ്. ഈ വിഷയത്തിൽ വിശദമായ സത്യവാങ്മൂലം നൽകാൻ ദേവസ്വം ബെഞ്ച് നിർദ്ദേശിച്ചിരുന്നു. ഉണ്ണികൃഷ്ണൻ പോറ്റിയുടെ നിയമനവുമായി ബന്ധപെട്ട വിവാദങ്ങളുടെ പശ്ചാത്തലത്തിലാണ് കോടതി ഇങ്ങനെയൊരു റിപ്പോർട്ട് തേടിയത്.
കെ. ജയകുമാറിൻ്റെ നിയമനം അഭിമാനം; സുതാര്യമായ ഭരണമായിരുന്നുവെന്ന് പി.എസ്. പ്രശാന്ത്
കെ. ജയകുമാറിനെ ദേവസ്വം ബോർഡ് പ്രസിഡന്റായി നിയമിച്ചതിൽ സന്തോഷമുണ്ടെന്ന് പി.എസ്. പ്രശാന്ത്. തൻ്റെ ഭരണസമിതി സുതാര്യമായി പ്രവർത്തിച്ചുവെന്നും അദ്ദേഹം പറഞ്ഞു. കാലാവധി നീട്ടുമെന്ന വാർത്തകൾ തെറ്റാണെന്നും അദ്ദേഹം കൂട്ടിച്ചേർത്തു.
കെ. രാജു തിരുവിതാംകൂർ ദേവസ്വം ബോർഡ് അംഗമാകും
മുൻ മന്ത്രി കെ. രാജുവിനെ തിരുവിതാംകൂർ ദേവസ്വം ബോർഡ് അംഗമായി നിയമിക്കാൻ തീരുമാനിച്ചു. സിപിഐയുടെ പ്രതിനിധിയായാണ് കെ.രാജു ബോർഡ് അംഗം ആകുന്നത്. കെ ജയകുമാറിനെ പ്രസിഡന്റായി സിപിഐഎം തീരുമാനിച്ചപ്പോൾ സാമുദായിക സമവാക്യം പാലിക്കേണ്ടതുണ്ടെന്ന തീരുമാനത്തിലേക്ക് സിപിഐ എത്തുകയായിരുന്നു.
വിളപ്പിൽ രാധാകൃഷ്ണനെ മാറ്റാൻ സിപിഐ; ദേവസ്വം ബോർഡ് പ്രസിഡന്റായി കെ ജയകുമാർ നിയമിതനായേക്കും
തിരുവിതാംകൂർ ദേവസ്വം ബോർഡ് അംഗമായി പരിഗണിച്ചിരുന്ന വിളപ്പിൽ രാധാകൃഷ്ണനെ മാറ്റാൻ സി.പി.ഐ തീരുമാനിച്ചു. കെ. ജയകുമാർ ഐ.എ.എസിനെ ദേവസ്വം ബോർഡ് പ്രസിഡന്റായി നിയമിക്കുന്ന സാഹചര്യത്തിലാണ് മാറ്റം. ബോർഡിലെ സാമുദായിക സമവാക്യം പാലിക്കുന്നതിനു വേണ്ടിയാണ് വിളപ്പിൽ രാധാകൃഷ്ണന് പകരം പുതിയ പേര് പരിഗണിക്കുന്നത്.
ദേവസ്വം ബോർഡ് പ്രസിഡന്റ് സ്ഥാനത്ത് സന്തോഷത്തോടെ ചുമതലയേൽക്കുന്നു; കെ. ജയകുമാർ
തിരുവിതാംകൂർ ദേവസ്വം ബോർഡ് പ്രസിഡന്റായി കെ. ജയകുമാർ നിയമിതനായി. ഔദ്യോഗിക അറിയിപ്പ് ലഭിച്ചിട്ടില്ലെങ്കിലും വാർത്തകളിലൂടെയാണ് സർക്കാർ തീരുമാനം അറിഞ്ഞതെന്ന് അദ്ദേഹം ട്വന്റിഫോറിനോട് പറഞ്ഞു. ശബരിമല തീർത്ഥാടനത്തിന് മുൻഗണന നൽകുമെന്നും കേസുകളും അന്വേഷണങ്ങളും നിയമപരമായ വഴിക്ക് മുന്നോട്ട് പോകുമെന്നും അദ്ദേഹം കൂട്ടിച്ചേർത്തു.