Delhi News
ഡൽഹിയിൽ മലയാളി വിദ്യാർത്ഥികൾക്ക് പൊലീസ് മർദ്ദനം; അമിത് ഷായ്ക്ക് കത്തയച്ച് മുഖ്യമന്ത്രി
ന്യൂഡൽഹിയിൽ മലയാളി വിദ്യാർത്ഥികൾക്ക് പോലീസ് മർദ്ദനമേറ്റ സംഭവത്തിൽ ആഭ്യന്തര മന്ത്രി അമിത് ഷായ്ക്ക് മുഖ്യമന്ത്രി കത്തയച്ചു. സംഭവത്തിൽ ഉന്നതതല അന്വേഷണം നടത്തണമെന്ന് കത്തിൽ ആവശ്യപ്പെട്ടിട്ടുണ്ട്. കുറ്റക്കാരായ പോലീസ് ഉദ്യോഗസ്ഥർക്കെതിരെ കർശന നടപടി സ്വീകരിക്കണമെന്നും കത്തിൽ ആവശ്യപ്പെട്ടിട്ടുണ്ട്
17 പെൺകുട്ടികളെ പീഡിപ്പിക്കാൻ ശ്രമം; സ്വാമി ചൈതന്യാനന്ദ സരസ്വതി അറസ്റ്റിൽ
ഡൽഹി ശ്രീ ശാരദാനന്ദ മാനേജ്മെൻ്റ് ഇൻസ്റ്റിറ്റ്യൂട്ട് മുൻ ഡയറക്ടർ സ്വാമി ചൈതന്യാനന്ദ സരസ്വതിയെ 17 വിദ്യാർത്ഥിനികളെ പീഡിപ്പിക്കാൻ ശ്രമിച്ച കേസിൽ അറസ്റ്റ് ചെയ്തു. ഒളിവിൽ കഴിഞ്ഞിരുന്ന ഇയാളെ ആഗ്രയിൽ നിന്നാണ് ഡൽഹി പൊലീസ് പിടികൂടിയത്. സാമ്പത്തിക ക്രമക്കേടുകളിലും പീഡനശ്രമത്തിലും കേസ് രജിസ്റ്റർ ചെയ്തതിനെ തുടർന്ന് ഇയാൾ ഒളിവിൽ പോവുകയായിരുന്നു.
ദില്ലിയില് സ്വാമി ചൈതന്യാനന്ദ സരസ്വതിക്കെതിരെ ലൈംഗിക പീഡന പരാതികളുമായി വിദ്യാർത്ഥിനികൾ
ദില്ലിയിലെ വസന്ത് കുഞ്ചിലുള്ള പ്രധാന ആശ്രമത്തിന്റെ ഡയറക്ടറും ശ്രീ ശർദ ഇൻസ്റ്റിറ്റ്യൂട്ട് ഓഫ് ഇന്ത്യൻ മാനേജ്മെൻ്റിലെ സ്വാമി ചൈതന്യാനന്ദ സരസ്വതിക്കെതിരെ ലൈംഗിക പീഡനാരോപണവുമായി നിരവധി വിദ്യാർത്ഥിനികൾ രംഗത്ത്. ഇയാൾക്കെതിരെ 15-ൽ അധികം വിദ്യാർത്ഥിനികൾ പരാതി നൽകിയിട്ടുണ്ട്. സ്ഥാപനത്തിൽ നിന്നും പ്രതിയെ പുറത്താക്കിയതായി അധികൃതർ അറിയിച്ചു.
രേഖ ഗുപ്തയ്ക്ക് Z+ സുരക്ഷ; 40 പൊലീസുകാരെ നിയോഗിച്ചു
ഡൽഹി മുഖ്യമന്ത്രി രേഖ ഗുപ്തയ്ക്ക് Z+ സുരക്ഷ നൽകാൻ തീരുമാനിച്ചു. ഇതിന്റെ ഭാഗമായി 40 ഡൽഹി പൊലീസുകാരെ സുരക്ഷയ്ക്കായി നിയോഗിച്ചു. സിആർപിഎഫ് സുരക്ഷ പിൻവലിച്ചതിന് പിന്നാലെയാണ് ഈ നടപടി.
ഡൽഹി മുഖ്യമന്ത്രിയെ ആക്രമിച്ച കേസിൽ വധശ്രമത്തിന് കേസ്
ഡൽഹി മുഖ്യമന്ത്രി രേഖാ ഗുപ്തയെ ആക്രമിച്ച സംഭവത്തിൽ ഗുജറാത്ത് സ്വദേശി രാജേഷ് ഖിംജിക്കെതിരെ വധശ്രമത്തിന് കേസ് എടുത്തു. തെരുവ് നായ്ക്കളെ ഷെൽട്ടറുകളിലേക്ക് മാറ്റണമെന്ന സുപ്രീം കോടതി വിധിയിൽ അസ്വസ്ഥനായതിനാലാണ് ഇയാൾ ആക്രമണം നടത്തിയതെന്ന് പ്രാഥമിക അന്വേഷണത്തിൽ കണ്ടെത്തി. ഡൽഹി, ഗുജറാത്ത് പൊലീസ് സംയുക്തമായി കേസ് അന്വേഷിക്കുന്നുണ്ട്.