Delhi Blast
ഡൽഹി സ്ഫോടനത്തിൽ അമിത് ഷാ മറുപടി പറയണം; സഭയിൽ ചർച്ച വേണമെന്ന് കൊടിക്കുന്നിൽ സുരേഷ്
ഡൽഹി സ്ഫോടനത്തെക്കുറിച്ച് ആഭ്യന്തരമന്ത്രി അമിത് ഷാ പാർലമെന്റിൽ മറുപടി പറയണമെന്ന് കൊടിക്കുന്നിൽ സുരേഷ് എംപി ആവശ്യപ്പെട്ടു. രാജ്യത്തിന്റെ ആഭ്യന്തര സുരക്ഷ ചോദ്യം ചെയ്യപ്പെട്ടിരിക്കുകയാണെന്നും ഈ വിഷയം സഭയിൽ ചർച്ച ചെയ്യണമെന്നും അദ്ദേഹം കൂട്ടിച്ചേർത്തു. എസ്ഐആർ, ഡൽഹി ചെങ്കോട്ട സ്ഫോടനം, വായു മലിനീകരണം, എസ് സി, എസ്ടി വിഭാഗങ്ങൾക്ക് നേരെയുള്ള ആക്രമണങ്ങൾ തുടങ്ങിയ വിഷയങ്ങളും പ്രതിപക്ഷം സഭയിൽ ഉന്നയിക്കുമെന്നും അദ്ദേഹം അറിയിച്ചു.
ഡൽഹി ചെങ്കോട്ട സ്ഫോടനക്കേസിൽ ഉത്തരാഖണ്ഡിൽ രണ്ട് പേർ അറസ്റ്റിൽ
ഡൽഹി ചെങ്കോട്ട സ്ഫോടനവുമായി ബന്ധപ്പെട്ട് ഉത്തരാഖണ്ഡിൽ രണ്ട് പേരെ എൻഐഎ അറസ്റ്റ് ചെയ്തു. ഹൽദ്വാനി ജില്ലയിൽ നിന്നാണ് ഇവരെ പിടികൂടിയത്. ഉമർ നബിയുമായി ഇവർക്ക് ഫോൺ ബന്ധമുണ്ടായിരുന്നു.
ഡൽഹി സ്ഫോടനത്തിൽ പ്രതിഷേധം; കുറ്റവാളികൾക്ക് കനത്ത ശിക്ഷ നൽകണമെന്ന് ആവശ്യം
ഡൽഹി സ്ഫോടനത്തിൽ ജീവൻ നഷ്ടപ്പെട്ടവർക്ക് ആദരാഞ്ജലി അർപ്പിച്ച് ചെങ്കോട്ടയ്ക്ക് സമീപം പ്രതിഷേധം. കുറ്റവാളികൾക്ക് കനത്ത ശിക്ഷ ഉറപ്പാക്കണമെന്ന് പ്രതിഷേധക്കാർ ആവശ്യപ്പെട്ടു. അറസ്റ്റിലായ ആറ് പേരെ ഫരീദാബാദിലെ അൽഫലാ സർവകലാശാലയിൽ എത്തിച്ച് തെളിവെടുപ്പ് നടത്തുകയാണ്.
ചെങ്കോട്ട സ്ഫോടനക്കേസ്: വിദേശത്ത് എംബിബിഎസ് പഠിച്ചവരെ കേന്ദ്രീകരിച്ച് അന്വേഷണം
ചെങ്കോട്ട സ്ഫോടനവുമായി ബന്ധപ്പെട്ട് ഡൽഹിയിലെ ആശുപത്രികളിൽ അന്വേഷണം പുരോഗമിക്കുന്നു. ബംഗ്ലാദേശ്, യുഎഇ, ചൈന, പാകിസ്താൻ എന്നിവിടങ്ങളിൽ എംബിബിഎസ് ബിരുദം നേടിയവരുടെ രേഖകൾ നൽകാൻ ആശുപത്രികൾക്ക് നിർദേശം നൽകി. മുഖ്യപ്രതി ഉമർ ഉൻ നബിയുടെ ഫോൺ കണ്ടെടുത്തത് കേസിൽ വഴിത്തിരിവായി.
ഡൽഹി ചാവേർ ആക്രമണം: ഒരാൾ കൂടി അറസ്റ്റിൽ, കേസിൽ ഏഴ് പ്രതികൾ
ഡൽഹി ചാവേർ ആക്രമണത്തിൽ ഒരാളെ കൂടി എൻഐഎ അറസ്റ്റ് ചെയ്തു. ഉമർ നബിക്ക് സഹായം ചെയ്ത സോ ഹൈബ് ആണ് അറസ്റ്റിലായത്. ഇതോടെ കേസിൽ അറസ്റ്റിലായവരുടെ എണ്ണം ഏഴായി. കാശ്മീരിൽ വലിയ ആക്രമണം നടത്താനായി സ്ഫോടക വസ്തുക്കൾ കടത്തുകയായിരുന്നു ഇവരുടെ ലക്ഷ്യമെന്നും എൻഐഎ കണ്ടെത്തി.
ഡൽഹിയിലെ ഭീകരാക്രമണം; നെതന്യാഹുവിന്റെ ഇന്ത്യാ സന്ദർശനം വീണ്ടും മാറ്റി
ഡൽഹിയിൽ ഉണ്ടായ ഭീകരാക്രമണത്തെ തുടർന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ ഇന്ത്യാ സന്ദർശനം വീണ്ടും മാറ്റിവെച്ചു. സുരക്ഷാ പ്രശ്നങ്ങൾ കണക്കിലെടുത്ത് ഈ വർഷം അവസാനത്തോടെ നടത്താനിരുന്ന യാത്രയാണ് മാറ്റിവെച്ചത്. ഈ വർഷം ഇത് മൂന്നാം തവണയാണ് നെതന്യാഹുവിന്റെ ഇന്ത്യാ സന്ദർശനം റദ്ദാക്കുന്നത്.
ഡൽഹി സ്ഫോടനക്കേസിൽ ഒരാൾ അറസ്റ്റിൽ; പിടിയിലായത് പുൽവാമ സ്വദേശി
ഡൽഹി സ്ഫോടനവുമായി ബന്ധപ്പെട്ട് പുൽവാമ സ്വദേശിയായ തുഫൈൽ നിയാസ് ഭട്ട് എന്ന ഇലക്ട്രീഷ്യനെ അറസ്റ്റ് ചെയ്തു. ഇയാൾക്ക് വൈറ്റ് കോളർ ഭീകരസംഘവുമായി ബന്ധമുണ്ടെന്ന് അന്വേഷണസംഘം കണ്ടെത്തി. കേസിൽ സംശയിക്കുന്നവരുടെ ബാങ്ക് അക്കൗണ്ടുകളും കാൾ റെക്കോർഡുകളും എൻഐഎ പരിശോധിച്ചു വരികയാണ്.
ചെങ്കോട്ട സ്ഫോടനം: അൽ ഫലാഹ് സർവകലാശാലയിലെ ജീവനക്കാരെ ചോദ്യം ചെയ്തതിൽ വൈരുദ്ധ്യം
ഡൽഹി ചെങ്കോട്ടയ്ക്ക് സമീപമുണ്ടായ സ്ഫോടനവുമായി ബന്ധപ്പെട്ട് ഫരീദാബാദിലെ അൽ ഫലാഹ് സർവകലാശാലയിലെ ജീവനക്കാരെ എൻഐഎ ചോദ്യം ചെയ്തു. ജീവനക്കാരുടെ മൊഴികളിൽ വൈരുദ്ധ്യമുണ്ടെന്ന് കണ്ടെത്തിയിട്ടുണ്ട്. ഇതിന്റെ അടിസ്ഥാനത്തിൽ കൂടുതൽ അന്വേഷണങ്ങൾ നടത്താനാണ് എൻഐഎയുടെ തീരുമാനം.
ഡൽഹി സ്ഫോടനത്തിൽ ബോംബ് നിർമ്മാണത്തിന് ഉപയോഗിച്ച യന്ത്രം കണ്ടെത്തി
ഡൽഹി സ്ഫോടനത്തിൽ ബോംബ് നിർമ്മാണത്തിന് ഉപയോഗിച്ച യന്ത്രം കണ്ടെത്തി. യൂറിയ പൊടിക്കാൻ ഉപയോഗിച്ചിരുന്ന ഗ്രൈൻഡറാണ് കണ്ടെത്തിയത്. ഡോ. മുസാമിലിന്റെ സുഹൃത്തായ കാർ ഡ്രൈവറുടെ വീട്ടിൽ നിന്നാണ് ഗ്രൈൻഡർ കണ്ടെത്തിയത്.
ചെങ്കോട്ട സ്ഫോടനക്കേസ്: അന്വേഷണം ദക്ഷിണേന്ത്യയിലേക്ക്, രാമേശ്വരം കഫേ സ്ഫോടനത്തിലും സംശയം
ഡൽഹി ചെങ്കോട്ട സ്ഫോടനവുമായി ബന്ധപ്പെട്ട അന്വേഷണം ദക്ഷിണേന്ത്യയിലേക്ക് വ്യാപിപ്പിക്കുന്നു. 2022-ലെ കോയമ്പത്തൂർ, മാംഗളൂരു സ്ഫോടനങ്ങൾക്ക് പിന്നിൽ ഒരേ സംഘമാണെന്ന് സംശയം. 2024-ലെ രാമേശ്വരം കഫേ സ്ഫോടനത്തിന് പിന്നിലും ഇതേ ഭീകരർ തന്നെയാണെന്നാണ് നിഗമനം.
ഡൽഹി സ്ഫോടനക്കേസ്: ആശയവിനിമയത്തിന് ടെലിഗ്രാം ഉപയോഗിച്ചെന്ന് എൻഐഎ
ഫരീദാബാദ് സ്ഫോടനക്കേസിൽ അറസ്റ്റിലായ വെള്ളക്കോളർ സംഘം ടെലിഗ്രാം ഉപയോഗിച്ചെന്നും സ്ഫോടകവസ്തുവിന് ബിരിയാണി എന്നും കോഡ് നൽകിയതായി എൻഐഎ അറിയിച്ചു. ഡൽഹി സ്ഫോടനക്കേസിലെ പ്രതി ഉമർ നബിയുടെ കൂട്ടാളി അമീർ റഷീദിനെ എൻഐഎ കശ്മീരിലേക്ക് കൊണ്ടുപോകും. ലഷ്കർ ബന്ധം അന്വേഷിക്കുന്ന ഏജൻസികൾ, സ്ഫോടനം ചാവേർ ആക്രമണമാണെന്ന് സ്ഥിരീകരിച്ചു.
ഡൽഹി സ്ഫോടനത്തിൽ ലഷ്കർ ബന്ധം തേടി എൻഐഎ; ഒരാൾ അറസ്റ്റിൽ
ഡൽഹി സ്ഫോടനവുമായി ബന്ധപ്പെട്ട് ലഷ്കർ-ഇ-തയ്ബ ബന്ധം ഏജൻസികൾ അന്വേഷിക്കുന്നു. സ്ഫോടനത്തിന് പിന്നിൽ ബംഗ്ലാദേശ് പങ്ക് ഉള്ളതായി സംശയിക്കുന്നു. സ്ഫോടനം നടത്തിയ കാർ ഓടിച്ചിരുന്ന ഡോക്ടർ ഉമർ നബിയുടെ സഹായി അമീർ റാഷിദിനെ എൻഐഎ അറസ്റ്റ് ചെയ്തു.