cyberattack
അധിക്ഷേപ കമന്റുകൾ; നിയമനടപടിയുമായി മുന്നോട്ട് പോകുമെന്ന് നടി മഹിമ നമ്പ്യാർ
സിനിമ നടി മഹിമ നമ്പ്യാർക്കെതിരെ നടക്കുന്ന സൈബർ ആക്രമണങ്ങളെക്കുറിച്ച് നടി തുറന്നുപറയുന്നു. തന്റെ പോസ്റ്റുകൾക്ക് താഴെ അധിക്ഷേപകരമായ രീതിയിൽ കമന്റുകൾ ചെയ്യുന്ന ഒരാൾക്കെതിരെ നടി പ്രതികരിക്കുന്നു. ആവർത്തിച്ചുള്ള ഈ പ്രവർത്തി സഹിക്കാൻ കഴിയില്ലെന്നും നിയമനടപടി സ്വീകരിക്കുമെന്നും നടി മുന്നറിയിപ്പ് നൽകി.
വി.എസ്. അച്യുതാനന്ദനെ അധിക്ഷേപിച്ച കേസിൽ ജമാഅത്തെ ഇസ്ലാമി നേതാവിൻ്റെ മകനും അറസ്റ്റിൽ
വി.എസ്. അച്യുതാനന്ദനെ സാമൂഹിക മാധ്യമങ്ങളിൽ അധിക്ഷേപിച്ച കേസിൽ ജമാഅത്തെ ഇസ്ലാമി നേതാവ് ഹമീദ് വാണിയമ്പലത്തിൻ്റെ മകൻ യസീൻ അഹമ്മദിനെ പോലീസ് അറസ്റ്റ് ചെയ്തു. ഡിവൈഎഫ്ഐയുടെ പരാതിയിലാണ് പൊലീസ് നടപടി. ഇതിനു പുറമെ, വിഎസിൻ്റെ നിര്യാണത്തെ തുടർന്ന് അദ്ദേഹത്തെ അവഹേളിച്ച മറ്റൊരാളെക്കൂടി പോലീസ് അറസ്റ്റ് ചെയ്തിട്ടുണ്ട്.
പാക് താരത്തിന്റെ പോസ്റ്റ്; നീരജ് ചോപ്രയ്ക്കെതിരെ സൈബർ ആക്രമണം രൂക്ഷം
പഹൽഗാം ഭീകരാക്രമണത്തിന് ശേഷം ഇന്ത്യ ശക്തമായ തിരിച്ചടി നൽകിയതോടെ ഇരുരാജ്യങ്ങളും തമ്മിലുള്ള സംഘർഷം രൂക്ഷമായിരിക്കുകയാണ്. ഇതിനുപിന്നാലെ പാക് ജാവലിൻ ത്രോ താരം അർഷാദ് നദീം എക്സിൽ പോസ്റ്റിട്ടതിന് പിന്നാലെ ഇന്ത്യൻ താരം നീരജിനെതിരെ സൈബറാക്രമണം രൂക്ഷമായിരിക്കുകയാണ്. ഓപ്പറേഷൻ സിന്ദൂറിനെക്കുറിച്ച് ഒരു വാക്ക് പോലും മിണ്ടാതിരുന്നതാണ് നീരജിനെതിരായ സൈബർ ആക്രമണത്തിന് കാരണം.
പാക് താരത്തെ ക്ഷണിച്ചതിന് സൈബർ ആക്രമണം നേരിട്ട് നീരജ് ചോപ്ര
പാകിസ്ഥാൻ താരം അർഷദ് നദീമിനെ ഇന്ത്യയിലേക്ക് ക്ഷണിച്ചതിന് സൈബർ ആക്രമണം നേരിടുകയാണെന്ന് നീരജ് ചോപ്ര. മെയ് 24 ന് ബെംഗളൂരുവിൽ നടക്കുന്ന നീരജ് ചോപ്ര ക്ലാസിക് ജാവലിൻ മത്സരത്തിലേക്കാണ് നീരജ്, പാകിസ്ഥാന്റെ ഒളിമ്പിക് ചാമ്പ്യനായ അർഷാദിനെ ക്ഷണിച്ചത്. ക്ഷണം പിന്നീട് നദീം നിരസിച്ചു.
മ്യാൻമർ ദുരിതാശ്വാസ ദൗത്യത്തിനിടെ ഇന്ത്യൻ വ്യോമസേന വിമാനത്തിന് നേരെ സൈബർ ആക്രമണം
മ്യാൻമറിലെ ഭൂകമ്പ ദുരിതാശ്വാസ പ്രവർത്തനങ്ങളിൽ ഏർപ്പെട്ടിരുന്ന ഇന്ത്യൻ വ്യോമസേനയുടെ സി-130ജെ വിമാനത്തിന് നേരെ സൈബർ ആക്രമണം. ജിപിഎസ് സ്പൂഫിംഗ് വഴി വിമാനത്തിന്റെ ഗതിമാറ്റാൻ ശ്രമം നടന്നെങ്കിലും പൈലറ്റുമാരുടെ സമയോചിത ഇടപെടൽ മൂലം അപകടം ഒഴിവായി. ആക്രമണത്തിന്റെ ഉറവിടം ഇതുവരെ കണ്ടെത്തിയിട്ടില്ല.