Crime News
കണ്ണൂർ പെരിങ്ങോത്ത് നായാട്ടിനിടെ വെടിയേറ്റ് യുവാവ് മരിച്ചു
കണ്ണൂർ പെരിങ്ങോം വെള്ളോറയിൽ നായാട്ടിനിടെ വെടിയേറ്റ് യുവാവ് മരിച്ചു. എടക്കോം സ്വദേശി സിജോയാണ് മരിച്ചത്. സംഭവത്തിൽ പെരിങ്ങോം പൊലീസ് അന്വേഷണം ആരംഭിച്ചു. അപകടത്തിൽ മറ്റ് കാരണങ്ങൾ എന്തെങ്കിലും ഉണ്ടോയെന്ന് പൊലീസ് അന്വേഷിക്കുന്നുണ്ട്.
ജോധ്പൂരിൽ 16 ദിവസം പ്രായമുള്ള കുഞ്ഞിനെ ചവിട്ടിക്കൊന്ന് സ്ത്രീകൾ; വിവാഹം നടക്കാൻ ആചാരത്തിന്റെ ഭാഗമായുള്ള കുരുതി
രാജസ്ഥാനിലെ ജോധ്പൂരിൽ 16 ദിവസം മാത്രം പ്രായമുള്ള കുഞ്ഞിനെ ചവിട്ടിക്കൊന്ന സംഭവത്തിൽ നാല് സ്ത്രീകൾക്കെതിരെ കേസ്. വിവാഹം വേഗത്തിൽ നടക്കാൻ വേണ്ടി ആചാരത്തിന്റെ ഭാഗമായി കുരുതി നടത്തിയതാണ് കൊലപാതകത്തിലേക്ക് നയിച്ചതെന്ന് പോലീസ് പറഞ്ഞു. സംഭവത്തിൽ ഉൾപ്പെട്ടവരെ കഠിനമായി ശിക്ഷിക്കണമെന്ന് പിതാവ് ആവശ്യപ്പെട്ടു.
പാലത്തായി കേസിൽ പ്രതിക്ക് ജീവപര്യന്തം; പ്രോസിക്യൂഷന് സന്തോഷം
പാലത്തായി കേസിൽ പ്രതിക്ക് ജീവപര്യന്തം ശിക്ഷ വിധിച്ചതിൽ പ്രോസിക്യൂഷൻ സന്തോഷം പ്രകടിപ്പിച്ചു. കേസിൽ നീതി ദേവത കൺതുറന്നുവെന്നും കുട്ടിയ്ക്ക് നീതി ലഭിച്ചുവെന്നും പ്രോസിക്യൂഷൻ അഭിപ്രായപ്പെട്ടു. പ്രതിക്ക് മരണം വരെ ജീവപര്യന്തം തടവ് ശിക്ഷയാണ് കോടതി വിധിച്ചിരിക്കുന്നത്.
കൊല്ലത്ത് വനിതാ പൊലീസുകാരിക്ക് ഡ്യൂട്ടിക്കിടെ ലൈംഗികാതിക്രമം; സീനിയർ ഉദ്യോഗസ്ഥനെതിരെ കേസ്
കൊല്ലം നീണ്ടകര കോസ്റ്റൽ പൊലീസ് സ്റ്റേഷനിലെ വനിതാ പൊലീസുകാരിക്ക് ഡ്യൂട്ടിക്കിടെ ലൈംഗികാതിക്രമം. സീനിയർ സിവിൽ പൊലീസ് ഓഫീസർ നവാസിനെതിരെ കേസ്. നൈറ്റ് ഡ്യൂട്ടിയിലുണ്ടായിരുന്ന പൊലീസുകാരിയെ കടന്നുപിടിക്കാൻ ശ്രമിച്ചെന്നാണ് പരാതി.
ഡൽഹി സ്ഫോടനക്കേസിൽ രണ്ട് ഡോക്ടർമാർ കൂടി കസ്റ്റഡിയിൽ
ഡൽഹി സ്ഫോടനക്കേസിൽ രണ്ട് ഡോക്ടർമാരെ കൂടി പോലീസ് കസ്റ്റഡിയിലെടുത്തു. അൽ-ഫലായിൽ നിന്നുള്ള ഡോക്ടർമാരെയാണ് സ്പെഷ്യൽ സെൽ കസ്റ്റഡിയിലെടുത്തത്. സ്ഫോടനത്തിന് ഉപയോഗിച്ച അസംസ്കൃത വസ്തുക്കൾ വാങ്ങിയ കടകൾ അന്വേഷണ സംഘം കണ്ടെത്തി.
കൊച്ചിയിൽ 12 വയസ്സുകാരനെ ക്രൂരമായി മർദിച്ച കേസിൽ അമ്മയും സുഹൃത്തും അറസ്റ്റിൽ
കൊച്ചിയിൽ 12 വയസ്സുള്ള കുട്ടിയെ ക്രൂരമായി മർദിച്ച കേസിൽ അമ്മയും സുഹൃത്തും അറസ്റ്റിലായി. എളമക്കര പോലീസ് ആണ് ഇവരെ അറസ്റ്റ് ചെയ്തത്. കുട്ടിയുടെ തല ചുവരിൽ ഇടിപ്പിക്കുകയും ശരീരത്തിൽ മുറിവുകൾ ഏൽപ്പിക്കുകയും ചെയ്തു.
രാത്രി ഡ്യൂട്ടിയിലുണ്ടായിരുന്ന പോലീസുകാരിയെ ലൈംഗികമായി ഉപദ്രവിച്ച കേസിൽ കോൺഗ്രസ് നേതാവിനെതിരെ കേസ്
കൊല്ലത്ത് രാത്രി ഡ്യൂട്ടിയിലുണ്ടായിരുന്ന പോലീസുകരിയെ ലൈംഗികമായി ഉപദ്രവിച്ചെന്ന പരാതിയിൽ കോൺഗ്രസ് നേതാവിനെതിരെ കേസ്. ചവറ സ്വദേശി നവാസിനെതിരെയാണ് കേസ് എടുത്തിരിക്കുന്നത്. സിസിടിവി ദൃശ്യങ്ങൾ പരിശോധിച്ചതിൽ നിന്നും നവാസ് സംഭവസ്ഥലത്ത് ഉണ്ടായിരുന്നെന്ന് കണ്ടെത്തി.
കോഴിക്കോട് ഹൈബ്രിഡ് കഞ്ചാവുമായി യുവാവ് പിടിയിൽ; പിടികൂടിയത് 10 ലക്ഷം രൂപയുടെ കഞ്ചാവ്
കോഴിക്കോട് വിപണിയിൽ വൻ വിലയുള്ള ഹൈബ്രിഡ് കഞ്ചാവുമായി യുവാവിനെ പേരാമ്പ്ര പൊലീസ് പിടികൂടി. കൊയിലാണ്ടി നടേരി സ്വദേശി അമാൻ അബ്ദുള്ള (23) ആണ് പിടിയിലായത്. ജില്ലാ പൊലീസ് മേധാവിയുടെ ഡാൻസാഫ് ടീമും പേരാമ്പ്ര പൊലീസും ചേർന്നാണ് ഇയാളെ പിടികൂടിയത്. ലഹരി വിരുദ്ധ നിയമപ്രകാരം ഇയാളെ അറസ്റ്റ് ചെയ്തു.
കോഴിക്കോട് നഗരത്തിൽ എംഡിഎംഎ വേട്ട; കരുവന്തുരുത്തി സ്വദേശി പിടിയിൽ
കോഴിക്കോട് നഗരത്തിൽ ഡാൻസാഫ് സംഘവും പൊലീസും ചേർന്ന് നടത്തിയ എംഡിഎംഎ വേട്ടയിൽ കരുവന്തുരുത്തി സ്വദേശി റംഷാദ് പിടിയിലായി. 257 ഗ്രാം എംഡിഎംഎയാണ് ഇയാളിൽ നിന്ന് പിടിച്ചെടുത്തത്. ബംഗളൂരുവിൽ നിന്നാണ് ഇയാൾ രാസലഹരി എത്തിച്ചത്.
വര്ക്കല ട്രെയിന് സംഭവം: പ്രതിയെ തിരിച്ചറിഞ്ഞു; സുപ്രധാന തെളിവുകളുമായി സിസിടിവി ദൃശ്യങ്ങള്
വര്ക്കലയില് ട്രെയിനില് നിന്ന് പെണ്കുട്ടിയെ തള്ളിയിട്ട കേസില് പ്രതിയെ തിരിച്ചറിഞ്ഞു. തിരുവനന്തപുരം സെന്ട്രല് ജയിലില് നടന്ന തിരിച്ചറിയല് പരേഡിലാണ് സുഹൃത്ത് അര്ച്ചന പ്രതി സുരേഷിനെ തിരിച്ചറിഞ്ഞത്. പുകവലി ചോദ്യം ചെയ്തതിനാണ് പെണ്കുട്ടിയെ ആക്രമിച്ചതെന്ന് പോലീസ് പറയുന്നു.
ഉള്ളൂരിൽ അതിർത്തി തർക്കം; അയൽവാസിയുടെ മർദ്ദനത്തിൽ 62കാരി ICUവിൽ
തിരുവനന്തപുരം ഉള്ളൂരിൽ അയൽവാസിയുടെ ക്രൂര മർദ്ദനത്തിനിരയായി 62 വയസ്സുള്ള സ്ത്രീ മെഡിക്കൽ കോളേജിൽ ICU-ൽ ചികിത്സയിൽ. അതിർത്തി തർക്കത്തിന്റെ പേരിലാണ് അയൽവാസി സന്ദീപ് ഉഷയെ മർദ്ദിച്ചത്. മതില് കെട്ടിയപ്പോള് വഴിക്ക് വീതി കുറഞ്ഞുപോയെന്ന് ആരോപിച്ചായിരുന്നു ആക്രമണം. സംഭവത്തിൽ പോലീസ് വധശ്രമത്തിന് കേസെടുത്തു.
തിരുവനന്തപുരത്ത് അതിർത്തി തർക്കം; അയൽവാസിയുടെ മർദ്ദനത്തിൽ വയോധികയ്ക്ക് ഗുരുതര പരിക്ക്
തിരുവനന്തപുരത്ത് അതിർത്തി തർക്കത്തിന്റെ പേരിൽ വയോധികയ്ക്ക് ക്രൂര മർദനം. ഉള്ളൂർ പുലയനാർക്കോട്ട സ്വദേശി ഉഷയ്ക്കാണ് അയൽവാസിയായ സന്ദീപിന്റെ മർദ്ദനത്തിൽ ഗുരുതരമായി പരുക്കേറ്റത്. പ്രതിക്കെതിരെ പൊലീസ് വധശ്രമത്തിന് കേസെടുത്തു.