Crime News
എകെജി സെന്റർ കൊലക്കേസ്: പ്രതിക്ക് ജീവപര്യന്തം തടവ് ശിക്ഷ വിധിച്ച് കോടതി
എ.കെ.ജി സെന്ററിന് സമീപം ഉറങ്ങിക്കിടന്ന ആളെ തലയ്ക്കടിച്ച് കൊലപ്പെടുത്തിയ കേസിൽ പ്രതിക്ക് ജീവപര്യന്തം ശിക്ഷ വിധിച്ച് കോടതി. കടക്കാവൂർ സ്വദേശി അക്ബർ ഷായാണ് ശിക്ഷിക്കപ്പെട്ടത്. ബീമാപള്ളി സ്വദേശിയായ ഷഫീക്കിനെയാണ് അക്ബർ ഷാ കൊലപ്പെടുത്തിയത്.
കിളിമാനൂരിൽ മദ്യപാനത്തിനിടെ സുഹൃത്ത് യുവാവിൻ്റെ കഴുത്തറുത്തു; പ്രതി കസ്റ്റഡിയിൽ
കിളിമാനൂരിൽ മദ്യപാനത്തിനിടെയുണ്ടായ തർക്കത്തിൽ യുവാവിന് ഗുരുതരമായി പരുക്കേറ്റു. സുഹൃത്തിന്റെ ആക്രമണത്തിൽ കഴുത്തിന് വെട്ടേറ്റ കാനാറ സ്വദേശി അൻസീറിനെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സംഭവത്തിൽ പ്രതിയായ കിളിമാനൂർ പുതിയകാവ് സ്വദേശി വിഷ്ണുവിനെ പോലീസ് കസ്റ്റഡിയിലെടുത്തു.
ചേന്ദമംഗലം കൂട്ടക്കൊലക്കേസ്: പ്രതി റിതു ജയന് കാപ്പ ചുമത്തി
ചേന്ദമംഗലം കൂട്ടക്കൊലക്കേസിലെ പ്രതി റിതു ജയനെ കാപ്പ ചുമത്തി ജയിലിലടച്ചു. റൂറൽ ജില്ലാ പൊലീസ് മേധാവി എം. ഹേമലതയുടെ റിപ്പോർട്ടിന്റെ അടിസ്ഥാനത്തിലാണ് നടപടി. വേണു, ഭാര്യ ഉഷ, മകൾ വിനിഷ എന്നിവരെ റിതു ക്രൂരമായി മർദ്ദിച്ച് കൊലപ്പെടുത്തിയിരുന്നു.
പീഡനക്കേസ് പ്രതിയെ കോടതിയിൽ മർദിച്ച് പെൺകുട്ടിയുടെ അമ്മ; പ്രതിക്ക് 64 വർഷം കഠിന തടവ്
തിരുവനന്തപുരം കോടതി വളപ്പിൽ പീഡനക്കേസ് പ്രതിയെ പെൺകുട്ടിയുടെ അമ്മ മർദിച്ചു. വിചാരണക്കിടെയാണ് സംഭവം നടന്നത്. തുടർന്ന്, പ്രതിക്ക് കോടതി 64 വർഷം കഠിന തടവ് വിധിച്ചു.
ലഹരിക്ക് അടിമയായ ഭർത്താവിന്റെ ക്രൂര മർദ്ദനം; യുവതിയും മകളും ആശുപത്രിയിൽ
കോഴിക്കോട് താമരശ്ശേരിയിൽ ലഹരിക്ക് അടിമയായ ഭർത്താവിന്റെ മർദനത്തിൽ യുവതിക്കും മകൾക്കും പരിക്ക്. നൗഷാദ് എന്നയാളാണ് ഭാര്യയെയും മകളെയും ക്രൂരമായി മർദിച്ചത്. നാട്ടുകാർ ഇവരെ ആശുപത്രിയിൽ പ്രവേശിപ്പിച്ചു, പോലീസ് അന്വേഷണം ആരംഭിച്ചു.
എറണാകുളത്ത് പോലീസ് ചമഞ്ഞ് പണം തട്ടിയ കേസിൽ എക്സൈസ് ഉദ്യോഗസ്ഥർ പിടിയിൽ
എറണാകുളത്ത് പോലീസ് ചമഞ്ഞ് അതിഥി തൊഴിലാളികളിൽ നിന്ന് പണം തട്ടിയ കേസിൽ രണ്ട് എക്സൈസ് ഉദ്യോഗസ്ഥർ ഉൾപ്പെടെ മൂന്ന് പേരെ തടിയിട്ടപറമ്പ് പോലീസ് അറസ്റ്റ് ചെയ്തു. വാഴക്കുളം കീൻപടിയിൽ നിന്നാണ് 56000 രൂപയും നാല് മൊബൈൽ ഫോണുകളും കവർന്നത്. സിസിടിവി ദൃശ്യങ്ങൾ പരിശോധിച്ചതിൽ നിന്നും പ്രതികളെക്കുറിച്ച് സൂചന ലഭിച്ചു.
വഞ്ചിയൂർ കോടതിയിൽ വനിതാ അഭിഭാഷകയെ മർദിച്ച കേസിൽ സീനിയർ അഭിഭാഷകൻ അറസ്റ്റിൽ
വഞ്ചിയൂർ കോടതിയിലെ ജൂനിയർ അഭിഭാഷകയെ മർദിച്ച കേസിൽ അഡ്വ. ബെയിലിൻ ദാസിനെതിരെ പൊലീസ് കേസെടുത്തു. ജാമ്യമില്ലാ വകുപ്പുകൾ ചുമത്തിയാണ് കേസ് രജിസ്റ്റർ ചെയ്തിരിക്കുന്നത്. സംഭവത്തിൽ അഡ്വ. ബെയിലിൻ ദാസ് ഒളിവിൽ തുടരുകയാണ്.
പോലീസ് ചമഞ്ഞ് തട്ടിപ്പ്; എക്സൈസ് ഉദ്യോഗസ്ഥർ പിടിയിൽ
പോലീസ് ചമഞ്ഞ് തട്ടിപ്പ് നടത്തിയ എക്സൈസ് ഉദ്യോഗസ്ഥരെ എറണാകുളം തടിയിട്ടപറമ്പ് പോലീസ് അറസ്റ്റ് ചെയ്തു. പെരുമ്പാവൂർ എക്സൈസ് ഓഫീസിലെ സലിം യൂസഫ്, ആലുവയിലെ സിദ്ധാർഥ് എന്നിവരാണ് അറസ്റ്റിലായത്. ഇവർ ചേർന്ന് 56000 രൂപ തട്ടിയെടുത്തു.
വഞ്ചിയൂർ കോടതിയിൽ ജൂനിയർ അഭിഭാഷകയ്ക്ക് സീനിയർ അഭിഭാഷകന്റെ ക്രൂര മർദ്ദനം
വഞ്ചിയൂർ കോടതിയിൽ ജൂനിയർ അഭിഭാഷകയ്ക്ക് സീനിയർ അഭിഭാഷകന്റെ ക്രൂര മർദ്ദനം. ജൂനിയർ അഭിഭാഷക ശ്യാമിലിക്ക് ഗുരുതരമായി പരുക്കേറ്റു. സീനിയർ അഭിഭാഷകൻ ബെയ്ലിനാണ് മർദ്ദിച്ചതെന്ന് പരാതി.
പൊള്ളാച്ചി കൂട്ട ബലാത്സംഗ കേസ്: ഒമ്പത് പ്രതികൾക്കും ജീവപര്യന്തം തടവ്
പൊള്ളാച്ചി കൂട്ട ബലാത്സംഗക്കേസിൽ ഒമ്പത് പ്രതികൾക്കും ജീവപര്യന്തം തടവ് ശിക്ഷ വിധിച്ച് കോടതി. പരാതിക്കാരായ എട്ട് സ്ത്രീകൾക്കായി എൺപത്തിയഞ്ച് ലക്ഷം രൂപ നൽകാനും കോടതി ഉത്തരവിട്ടു. ബലാത്സംഗം അടക്കം ചുമത്തപ്പെട്ട എല്ലാ വകുപ്പുകളും സംശയാതീതമായി തെളിയിക്കപ്പെട്ടതായി കോടതി കണ്ടെത്തി.
മാമി തിരോധാന കേസ്: അന്വേഷണ ഉദ്യോഗസ്ഥരെ മാറ്റിയതിൽ ദുരൂഹതയെന്ന് ആക്ഷൻ കമ്മിറ്റി
കോഴിക്കോട് മാമി തിരോധാന കേസ് അന്വേഷിക്കുന്ന ഉദ്യോഗസ്ഥരെ സ്ഥലം മാറ്റിയതിനെതിരെ പരാതി. സ്ഥലം മാറ്റത്തിന് പിന്നിൽ ബാഹ്യ ഇടപെടൽ ഉണ്ടെന്ന് ചൂണ്ടിക്കാട്ടിയാണ് മാമി ആക്ഷൻ കമ്മിറ്റി മുഖ്യമന്ത്രിക്ക് പരാതി നൽകിയത്. അന്വേഷണം കഴിയുന്നതുവരെ ഉദ്യോഗസ്ഥരെ മാറ്റരുതെന്നും ആക്ഷൻ കമ്മിറ്റി ആവശ്യപ്പെടുന്നു.
കാഞ്ഞങ്ങാട് അപകടത്തിൽ മരിച്ച യുവാവിന്റെ പേരിൽ വ്യാജ പണപ്പിരിവ്; പോലീസ് അന്വേഷണം ആരംഭിച്ചു
കാഞ്ഞങ്ങാട് വാഹനാപകടത്തിൽ മരിച്ച യുവാവിന്റെ പേരിൽ വ്യാജ പണപ്പിരിവ് നടക്കുന്നതായി പരാതി. പഴയ കടപ്പുറം സ്വദേശി ആഷിക്കിന്റെ പേരിലാണ് പണം പിരിക്കുന്നത്. സംഭവത്തിൽ ബദ്രിയ നഗർ സ്വദേശികളായ ഷിയാൻ, അസീം എന്നിവർക്കെതിരെ ആഷിക്കിന്റെ മാതാവ് ഹോസ്ദുർഗ് സ്റ്റേഷനിൽ പരാതി നൽകി. സൈബർ സെല്ലിന്റെ സഹായത്തോടെ ഹോസ്ദുർഗ് പോലീസ് അന്വേഷണം ആരംഭിച്ചു.