CPM

മുഖ്യമന്ത്രിയുടെ ഓഫീസിനെതിരെ ഗുരുതര ആരോപണം: മറുപടി പറയണമെന്ന് കെ.സുരേന്ദ്രൻ

സിപിഐഎം എംഎൽഎ പിവി അൻവർ മുഖ്യമന്ത്രിയുടെ ഓഫീസിനെതിരെ ഉന്നയിച്ച ഗുരുതര ആരോപണങ്ങൾക്ക് മുഖ്യമന്ത്രി തന്നെ മറുപടി നൽകണമെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ ആവശ്യപ്പെട്ടു. എഡിജിപി മന്ത്രിമാരുടെ ഫോൺ ചോർത്തുന്നുവെന്നും സ്വർണ്ണ കടത്തുകാരുമായി ബന്ധമുണ്ടെന്നുമാണ് പ്രധാന ആരോപണങ്ങൾ. കേരളത്തിലെ ക്രിമിനൽ പ്രവർത്തനങ്ങൾക്ക് മുഖ്യമന്ത്രിയുടെ ഓഫീസ് നേതൃത്വം നൽകുന്നുവെന്നും സുരേന്ദ്രൻ ആരോപിച്ചു.