CPI
സവർക്കറെ പുകഴ്ത്തി; സി.പി.ഐ നേതാവിനെതിരെ നടപടി
വി.ഡി. സവർക്കറെ പ്രശംസിച്ച ആലപ്പുഴ വെൺമണി ലോക്കൽ സെക്രട്ടറി ഷുഹൈബ് മുഹമ്മദിനെതിരെ സി.പി.ഐ നടപടി സ്വീകരിച്ചു. പ്രാഥമിക അംഗത്വത്തിൽ നിന്ന് ഷുഹൈബ് മുഹമ്മദിനെ സസ്പെൻഡ് ചെയ്തു. വാട്സാപ്പ് ഗ്രൂപ്പിലൂടെ സവർക്കറെ പുകഴ്ത്തി സംസാരിച്ചതിനെ തുടർന്നാണ് നടപടി.
സവർക്കറെ പുകഴ്ത്തി സി.പി.ഐ നേതാവ്; വിവാദത്തിൽ വെണ്മണി ലോക്കൽ സെക്രട്ടറി
സി.പി.ഐ ആലപ്പുഴ വെണ്മണി ലോക്കൽ സെക്രട്ടറി വി.ഡി. സവർക്കറെ പുകഴ്ത്തിയ സംഭവം വിവാദത്തിൽ. കോൺഗ്രസ് നേതാവുമായുള്ള തർക്കത്തിനിടയിലാണ് സവർക്കറെ പ്രശംസിച്ചുകൊണ്ടുള്ള ശബ്ദ സന്ദേശം അയച്ചത്. തന്റെ ഫോൺ ആരോ ഹാക്ക് ചെയ്തതാണെന്നാണ് ശുഹൈബ് പറയുന്നത്.
പത്തനംതിട്ടയിലെ സിപിഐ വിമർശനം സിപിഐഎമ്മിനെതിരെ
പത്തനംതിട്ട ലോക്സഭാ തിരഞ്ഞെടുപ്പിലെ പരാജയത്തില് സി.പി.ഐ.എമ്മിനെ വിമര്ശിച്ച് സി.പി.ഐ ജില്ലാ സമ്മേളനം. സിറ്റിംഗ് എം.പിക്ക് എതിരായ വികാരം ഉണ്ടായിട്ടും യു.ഡി.എഫ് ഭൂരിപക്ഷം നേടിയത് ഭരണവിരുദ്ധ വികാരം മൂലമാണെന്ന് വിലയിരുത്തി. സി.പി.ഐ.എം പ്രാദേശിക നേതൃത്വം ആത്മാർത്ഥമായി പ്രവർത്തിച്ചില്ലെന്നും കണ്ടെത്തൽ.
എൽഡിഎഫിൽ വേണ്ടത്ര ചർച്ചയില്ല; സി.പി.ഐ ജില്ലാ സമ്മേളനത്തിൽ വിമർശനം
എൽഡിഎഫിൽ വേണ്ടത്ര ചർച്ചകൾ നടക്കുന്നില്ലെന്ന് സി.പി.ഐ തിരുവനന്തപുരം ജില്ലാ സമ്മേളനത്തിലെ പ്രവർത്തന റിപ്പോർട്ടിൽ വിമർശനം. മുന്നണിയിൽ ഫലപ്രദമായ ചർച്ചകളോ കൂടിയാലോചനകളോ നടക്കുന്നില്ലെന്നും റിപ്പോർട്ടിൽ പറയുന്നു. സി.പി.ഐ ഇടതുമുന്നണി വിടണമെന്ന് തിരുവനന്തപുരം ജില്ലാ സമ്മേളനത്തിന്റെ പൊതുചർച്ചയിൽ ആവശ്യം ഉയർന്നു.
സിപിഐ തിരുവനന്തപുരം ജില്ലാ സമ്മേളനത്തിൽ സർക്കാരിനും സിപിഐഎമ്മിനുമെതിരെ വിമർശനം
സിപിഐ തിരുവനന്തപുരം ജില്ലാ സമ്മേളനത്തിൽ സർക്കാരിനും സിപിഐഎമ്മിനുമെതിരെ രൂക്ഷ വിമർശനം. സർക്കാരിന് ഇടതുപക്ഷ സ്വഭാവം നഷ്ടപ്പെടുന്നുവെന്നും, ഗവർണർ വിഷയത്തിൽ സിപിഐഎമ്മിന് ഇരട്ടത്താപ്പെന്നും വിമർശനമുണ്ട്. എല്ലാ മേഖലകളിലും സിപിഐയെ താഴ്ത്തിക്കെട്ടാനാണ് സിപിഐഎമ്മിന്റെ ശ്രമമെന്നും സമ്മേളനം കുറ്റപ്പെടുത്തി.
സര്ക്കാരിനും മുന്നണിക്കും വിമര്ശനം; സിപിഐ മലപ്പുറം ജില്ലാ സമ്മേളനം
സിപിഐ മലപ്പുറം ജില്ലാ സമ്മേളനത്തില് സംസ്ഥാന സര്ക്കാരിനും മുന്നണി നേതൃത്വത്തിനുമെതിരെ രൂക്ഷ വിമര്ശനം. നിലമ്പൂര് ഉപതെരഞ്ഞെടുപ്പില് സ്വരാജിനെ സ്ഥാനാര്ഥിയാക്കിയതും ഭരണവിരുദ്ധ വികാരവും തിരിച്ചടിയായി. മുസ്ലീം വോട്ടുകള് യുഡിഎഫിന് അനുകൂലമായി ഏകീകരിച്ചതും പിവി അന്വറിനെ വിലയിരുത്തുന്നതില് വീഴ്ച പറ്റിയതും സമ്മേളനത്തില് വിമര്ശനത്തിന് ഇടയാക്കി.
മുഹമ്മദ് മുഹ്സിനെ സംസ്ഥാന സമ്മേളന പ്രതിനിധിയാക്കാതെ സിപിഐ; ജില്ലാ കൗൺസിലിൽ നിലനിർത്തി
പട്ടാമ്പി എംഎൽഎ മുഹമ്മദ് മുഹ്സിനെ സിപിഐ സംസ്ഥാന സമ്മേളന പ്രതിനിധിയാക്കാതെ പാർട്ടി. എന്നാൽ, അദ്ദേഹത്തെ ജില്ലാ കൗൺസിലിൽ നിലനിർത്തി. വിവിധ വർഗ്ഗ ബഹുജന സംഘടനകളുടെ ആളുകളെ ഉൾപ്പെടുത്തുന്നതിനാലാണ് ഒഴിവാക്കിയതെന്ന് സിപിഐയുടെ വിശദീകരണം. രണ്ട് ദിവസമായി വടക്കഞ്ചേരിയിൽ സിപിഐ ജില്ലാ സമ്മേളനം നടക്കുകയാണ്.
സിപിഐ നേതൃത്വത്തിന് വഴങ്ങി സി.സി. മുകുന്ദൻ; പാർട്ടി തീരുമാനം അംഗീകരിക്കും
സിപിഐ നേതൃത്വവുമായി ഇടഞ്ഞ നാട്ടിക എംഎൽഎ സി സി മുകുന്ദൻ ഒടുവിൽ പാർട്ടിക്ക് വഴങ്ങുന്നു. സംസ്ഥാന സെക്രട്ടറി ബിനോയ് വിശ്വവുമായുള്ള കൂടിക്കാഴ്ചയ്ക്ക് ശേഷമാണ് സി സി മുകുന്ദൻ നിലപാട് അറിയിച്ചത്. പാർട്ടി എന്ത് തീരുമാനമെടുത്താലും സ്വീകരിക്കുമെന്ന് സി സി മുകുന്ദൻ പറഞ്ഞു.
സിപിഐ നേതൃത്വവുമായി ഇടഞ്ഞ് സി.സി മുകുന്ദൻ; ഇന്ന് പാർട്ടി ആസ്ഥാനത്ത് ഹാജരാകാൻ നിർദ്ദേശം
സി.സി. മുകുന്ദൻ എംഎൽഎയെ സിപിഐ നേതൃത്വം വിളിച്ചു വരുത്തി. തൃശൂർ ജില്ലാ സമ്മേളനത്തിന് ശേഷം നടത്തിയ പരസ്യ പ്രതികരണത്തിൽ വിശദീകരണം തേടും. പാർട്ടിക്ക് വഴങ്ങിയില്ലെങ്കിൽ നടപടിയെടുക്കാൻ സാധ്യതയുണ്ട്.
കെ.ഇ. ഇസ്മയിലിന്റെ അംഗത്വം പുതുക്കാൻ സിപിഐ എക്സിക്യൂട്ടീവ്; ജില്ലാ ഘടകത്തിന്റെ ശിപാർശ തള്ളി
മുതിർന്ന നേതാവ് കെ.ഇ. ഇസ്മയിലിന്റെ പാർട്ടി അംഗത്വം പുതുക്കാൻ സിപിഐ എക്സിക്യൂട്ടീവ് നിർദേശം നൽകി. അംഗത്വം പുതുക്കരുതെന്ന പാലക്കാട് ജില്ലാ ഘടകത്തിന്റെ ശിപാർശ തള്ളി. സസ്പെൻഷൻ കാലാവധി അവസാനിക്കാനിരിക്കെയാണ് സംസ്ഥാന എക്സിക്യൂട്ടീവിന്റെ തീരുമാനം.
സി.പി.ഐ ജില്ലാ കൗൺസിലിൽ നിന്ന് ഒഴിവാക്കിയതിന് പിന്നാലെ സി.സി. മുകുന്ദന് മറ്റ് പാർട്ടികളിൽ നിന്നും ക്ഷണം
സി.പി.ഐ. തൃശ്ശൂർ ജില്ലാ കൗൺസിലിൽ നിന്ന് ഒഴിവാക്കിയതിനെ തുടർന്ന് മറ്റ് പാർട്ടികളിൽ നിന്ന് ക്ഷണം ലഭിച്ചതായി സി.സി. മുകുന്ദൻ എം.എൽ.എ. സി.പി.ഐ.എം., കോൺഗ്രസ്, ബി.ജെ.പി. നേതാക്കൾ ഫോണിൽ ബന്ധപ്പെട്ടുവെന്നും അദ്ദേഹം പറഞ്ഞു. പാർട്ടി ആവശ്യപ്പെട്ടാൽ വീണ്ടും നാട്ടികയിൽ മത്സരിക്കാൻ തയ്യാറാണെന്നും സി.സി. മുകുന്ദൻ അറിയിച്ചു. തന്റെ പ്രശ്നങ്ങൾ പാർട്ടി ഇടപെട്ടാൽ തീരാവുന്നതാണെന്നും എല്ലാ കാര്യങ്ങളും ഉൾപ്പെടുത്തി പാർട്ടിക്ക് പരാതി നൽകിയിട്ടുണ്ടെന്നും അദ്ദേഹം വ്യക്തമാക്കി.
തൃശൂരിൽ സി.പി.ഐക്ക് വോട്ട് ചോർച്ച; ജില്ലാ സമ്മേളന റിപ്പോർട്ടിൽ വിമർശനം
തൃശൂർ ലോക്സഭാ തിരഞ്ഞെടുപ്പിൽ സി.പി.ഐക്ക് വോട്ട് ചോർച്ചയുണ്ടായെന്ന് ജില്ലാ സമ്മേളന റിപ്പോർട്ട്. പാർട്ടിയുടെ ശക്തികേന്ദ്രങ്ങളിൽപ്പോലും വോട്ട് ചോർച്ചയുണ്ടായി. എൽ.ഡി.എഫ് കൺവീനറുടെ പ്രസ്താവന ന്യൂനപക്ഷങ്ങളെ അകറ്റിയെന്നും റിപ്പോർട്ടിൽ വിമർശനമുണ്ട്.