കേന്ദ്രസർക്കാരിന്റെ മണ്ഡല പുനഃക്രമീകരണ നീക്കത്തിനെതിരെ ദക്ഷിണേന്ത്യൻ സംസ്ഥാനങ്ങളിലെ ബിജെപി വിരുദ്ധ മുഖ്യമന്ത്രിമാരുടെ യോഗം ചെന്നൈയിൽ ചേർന്നു. എം.കെ. സ്റ്റാലിന്റെ അധ്യക്ഷതയിൽ ചേർന്ന യോഗത്തിൽ കേരള മുഖ്യമന്ത്രി പിണറായി വിജയൻ അടക്കമുള്ളവർ പങ്കെടുത്തു. ഫെഡറൽ സംവിധാനത്തിനെതിരായ കേന്ദ്ര നീക്കത്തെ ചെറുക്കുകയാണ് ലക്ഷ്യമെന്ന് ഡിഎംകെ വ്യക്തമാക്കി.
