Congress
പാലക്കാട് സി.പി.ഐ.എം നേതാക്കൾ കടയിൽ കയറി കോൺഗ്രസ് പ്രവർത്തകനെ മർദ്ദിച്ചെന്ന് പരാതി
പാലക്കാട് പെരിങ്ങോട്ടുകുർശ്ശിയിൽ സി.പി.ഐ.എം നേതാക്കൾ കോൺഗ്രസ് പ്രവർത്തകനെ കടയിൽ കയറി മർദ്ദിച്ചതായി പരാതി. സി.പി.ഐ.എം കുഴൽമന്ദം ഏരിയ സെക്രട്ടറിയും ബ്ലോക്ക് പഞ്ചായത്ത് വൈസ് പ്രസിഡൻ്റ് സജിതയും തമ്മിൽ ബന്ധമുണ്ടെന്ന് ആരോപിച്ച് സുജിത്ത് ചന്ദ്രൻ കത്തയച്ചതാണ് മർദ്ദനത്തിന് കാരണം. സംഭവത്തിൽ സതീഷ്, സജിത ഉൾപ്പെടെ 6 പേർക്കെതിരെ കോട്ടായി പൊലീസ് കേസെടുത്തിട്ടുണ്ട്.
കൊല്ലത്ത് സി.പി.ഐയിൽ വീണ്ടും പൊട്ടിത്തെറി; ദേശീയ നേതാവിൻ്റെ വിശ്വസ്തനടക്കം നൂറോളം പേർ കോൺഗ്രസ്സിലേക്ക്
കൊല്ലത്ത് സി.പി.ഐയിൽ വീണ്ടും പൊട്ടിത്തെറി. സി.പി.ഐ ദേശീയ സെക്രട്ടറിയേറ്റ് അംഗം അഡ്വ. കെ. പ്രകാശ് ബാബുവിൻ്റെ വിശ്വസ്തൻ നാസർ ഉൾപ്പെടെ നൂറോളം പേരാണ് പാർട്ടി വിടുന്നത്. കുന്നിക്കോട് മണ്ഡലം കമ്മിറ്റിക്ക് കീഴിലുള്ള നേതാക്കളും പ്രവർത്തകരുമാണ് പാർട്ടി വിടാൻ ഒരുങ്ങുന്നത്. കൊല്ലം ജില്ലാ സെക്രട്ടറി പി.എസ്. സുപാലിന്റെ ഏകപക്ഷീയമായ നീക്കങ്ങളാണ് കടയ്ക്കലിലും കുണ്ടറയിലും പ്രശ്നങ്ങൾക്ക് കാരണമെന്ന് പറയപ്പെടുന്നു.
കലുങ്ക് സംവാദം: ബിജെപി പ്രവർത്തകർ കോൺഗ്രസിൽ ചേർന്നു
തൃശൂർ വരന്തരപ്പിള്ളിയിൽ കലുങ്ക് സംവാദത്തിൽ പങ്കെടുത്ത ബിജെപി പ്രവർത്തകർ കോൺഗ്രസിൽ ചേർന്നു. കേന്ദ്രമന്ത്രി സുരേഷ് ഗോപിയോടുള്ള വിയോജിപ്പാണ് രാജിക്ക് കാരണമെന്ന് പാർട്ടി വിട്ടവർ അറിയിച്ചു. കലുങ്ക് സംവാദത്തിൽ തങ്ങളെ അപമാനിച്ചെന്നും ഇവർ ആരോപിച്ചു.
പുനഃസംഘടനയിൽ വ്യക്തിപരമായ പരാതികളോട് പ്രതികരിക്കുന്നില്ലെന്ന് സണ്ണി ജോസഫ്
പുനഃസംഘടനയുമായി ബന്ധപ്പെട്ട് വ്യക്തിപരമായ പരാതികളോട് പ്രതികരിക്കുന്നില്ലെന്ന് കെപിസിസി അധ്യക്ഷൻ സണ്ണി ജോസഫ്. സാധ്യമായത്രയും ആളുകളെ ഉൾപ്പെടുത്തിയിട്ടുണ്ട്. പുതിയ പട്ടിക ഉണ്ടാകുമോ എന്ന ചോദ്യത്തിന് കാത്തിരുന്ന് കാണാമെന്നായിരുന്നു അദ്ദേഹത്തിൻ്റെ പ്രതികരണം.
കെപിസിസി പുനഃസംഘടനയിൽ പ്രതിഷേധം കനക്കുന്നു; കോൺഗ്രസ്സിൽ കലാപം തുടരുന്നു
കെപിസിസി ഭാരവാഹി നിർണയത്തിനെതിരെ കോൺഗ്രസിൽ പ്രതിഷേധം ശക്തമാകുന്നു. അസംതൃപ്തരായ നേതാക്കൾ പരസ്യമായി രംഗത്ത് വരുന്നതോടെ പാർട്ടിയിൽ ഭിന്നത രൂക്ഷമാകുകയാണ്. പുനഃസംഘടന വേഗത്തിൽ പൂർത്തിയാക്കാൻ ഹൈക്കമാൻഡ് നിർദ്ദേശം നൽകിയിട്ടും തർക്കങ്ങൾ കെട്ടടങ്ങുന്നില്ല.
കെപിസിസി വൈസ് പ്രസിഡന്റായതിന് പിന്നാലെ നന്ദി അറിയിച്ച് രമ്യ ഹരിദാസ്
കെപിസിസി വൈസ് പ്രസിഡന്റായി നിയമിതയായ ശേഷം രമ്യ ഹരിദാസ് തൻ്റെ പ്രതികരണവും നന്ദിയും അറിയിച്ചു. കോൺഗ്രസ് പാർട്ടി മറ്റു പാർട്ടികളിൽ നിന്ന് എങ്ങനെ വ്യത്യസ്തമാകുന്നുവെന്നും രമ്യ തൻ്റെ കുറിപ്പിൽ വ്യക്തമാക്കുന്നു. ദരിദ്ര പശ്ചാത്തലത്തിൽ നിന്നും രാഷ്ട്രീയ രംഗത്തേക്ക് എത്തിയ തനിക്ക് ലഭിച്ച അംഗീകാരങ്ങളെക്കുറിച്ചും രമ്യ സംസാരിക്കുന്നു.
യൂത്ത് കോൺഗ്രസ് മണ്ഡലം പ്രസിഡന്റ് സിപിഐഎമ്മിൽ ചേർന്നു; വി.ഡി. സതീശനെതിരെ ആരോപണം
യൂത്ത് കോൺഗ്രസ് ഉദയംപേരൂർ മണ്ഡലം പ്രസിഡന്റ് അഖിൽ രാജ് സിപിഐഎമ്മിൽ ചേർന്നു. വി.ഡി. സതീശന്റെ നിർദേശപ്രകാരമാണ് രാഹുൽ മാങ്കൂട്ടത്തിനെതിരെ രാജു പി. നായർ പ്രവർത്തിച്ചതെന്നും അദ്ദേഹം ആരോപിച്ചു. തനിക്കൊപ്പം മറ്റ് യൂത്ത് കോൺഗ്രസ് പ്രവർത്തകരും സി.പി.ഐ.എമ്മിലേക്ക് വരുമെന്നും അഖിൽ രാജ് പറഞ്ഞു.
തദ്ദേശ തിരഞ്ഞെടുപ്പിൽ ട്രാൻസ്ജെൻഡർ സ്ഥാനാർത്ഥികളെ മത്സരിപ്പിക്കാൻ കോൺഗ്രസ്
തദ്ദേശ തിരഞ്ഞെടുപ്പിൽ ട്രാൻസ്ജെൻഡർ വിഭാഗത്തിന് പ്രാതിനിധ്യം നൽകാൻ കോൺഗ്രസ് തീരുമാനിച്ചു. കെപിസിസി അധ്യക്ഷൻ സണ്ണി ജോസഫ് ട്രാൻസ്ജെൻഡർ കോൺഗ്രസ് നൽകിയ നിവേദനം പരിഗണിക്കാമെന്ന് ഉറപ്പ് നൽകി. അഞ്ച് ട്രാൻസ്ജെൻഡർ വ്യക്തികളെ സ്ഥാനാർത്ഥികളാക്കാൻ കോൺഗ്രസ് പരിഗണിക്കുന്നു.
ബിഹാർ നിയമസഭാ തിരഞ്ഞെടുപ്പ്: കോൺഗ്രസ് 60 സീറ്റിൽ മത്സരിക്കും; തേജസ്വി യാദവ് നാമനിർദ്ദേശ പത്രിക സമർപ്പിക്കും
ബിഹാർ നിയമസഭാ തിരഞ്ഞെടുപ്പിൽ കോൺഗ്രസ് 60 സീറ്റുകളിൽ മത്സരിക്കും. ആർജെഡിയുമായി സീറ്റ് പങ്കിടൽ ധാരണയിലെത്തി. ആർജെഡി നേതാവ് തേജസ്വി യാദവ് രാഘോപൂരിൽ നിന്ന് മത്സരിക്കും.
മുൻ ഐഎഎസ് ഉദ്യോഗസ്ഥൻ കണ്ണൻ ഗോപിനാഥൻ കോൺഗ്രസിൽ ചേർന്നു
മുൻ ഐഎഎസ് ഉദ്യോഗസ്ഥൻ കണ്ണൻ ഗോപിനാഥൻ കോൺഗ്രസിൽ ചേർന്നു. എഐസിസി ആസ്ഥാനത്ത് നടന്ന ചടങ്ങിൽ അദ്ദേഹം അംഗത്വം സ്വീകരിച്ചു. ജമ്മു കശ്മീരിന് പ്രത്യേക പദവി നൽകുന്ന ആർട്ടിക്കിൾ 370 റദ്ദാക്കിയതിനെ തുടർന്നാണ് അദ്ദേഹം സർവീസിൽ നിന്ന് രാജി വെച്ചത്.
ഓപ്പറേഷൻ ബ്ലൂസ്റ്റാർ തെറ്റായിപ്പോയെന്ന് ചിദംബരം; തള്ളി കോൺഗ്രസ്
മുതിർന്ന കോൺഗ്രസ് നേതാവ് പി. ചിദംബരം നടത്തിയ ഓപ്പറേഷൻ ബ്ലൂസ്റ്റാറിനെക്കുറിച്ചുള്ള വിവാദ പരാമർശം കോൺഗ്രസ് പാർട്ടിയെ പ്രതിരോധത്തിലാക്കുന്നു. 1984-ൽ അമൃത്സറിലെ സുവർണ്ണക്ഷേത്രത്തിൽ ഖലിസ്ഥാൻ ഭീകരർക്കെതിരെ നടത്തിയ ഓപ്പറേഷൻ ബ്ലൂസ്റ്റാർ തെറ്റായിപ്പോയെന്നും ഇതിന്റെ ഫലമായി ഇന്ദിരാഗാന്ധിക്ക് ജീവൻ തന്നെ നഷ്ടമായെന്നും ചിദംബരം അഭിപ്രായപ്പെട്ടു. ചിദംബരത്തിന്റെ പ്രസ്താവനയിൽ ഹൈക്കമാൻഡ് മുതൽ സാധാരണ പ്രവർത്തകർ വരെ അതൃപ്തരാണെന്ന് റാഷിദ് ആൽവി പറഞ്ഞു, പാർട്ടിയെ നാണം കെടുത്തുന്ന പ്രസ്താവനകൾ ആവർത്തിക്കുന്നത് ശരിയല്ലെന്നും അദ്ദേഹം കൂട്ടിച്ചേർത്തു.
നിയമസഭാ തെരഞ്ഞെടുപ്പ്: സമൂഹമാധ്യമങ്ങളിൽ സജീവമാകാൻ എംഎൽഎമാർക്ക് നിർദ്ദേശം നൽകി കോൺഗ്രസ്
നിയമസഭാ തെരഞ്ഞെടുപ്പ് മുന്നൊരുക്കങ്ങളുടെ ഭാഗമായി കോൺഗ്രസ് എംഎൽഎമാർക്ക് നിർദ്ദേശങ്ങൾ നൽകി. സിറ്റിംഗ് സീറ്റുകൾ നിലനിർത്താൻ വികസന പ്രവർത്തനങ്ങൾക്ക് പ്രചാരണം നൽകണം. സമൂഹമാധ്യമങ്ങളിലൂടെയുള്ള ഇടപെടൽ ശക്തമാക്കാനും കോൺഗ്രസ് നിർദ്ദേശം നൽകി.