cinema
മലയാളത്തിന്റെ പ്രിയനടൻ മോഹൻലാൽ കൈരളി ടിവിക്ക് നൽകിയ അഭിമുഖത്തിൽ സിനിമാ ജീവിതത്തിലെ അനുഭവങ്ങളും സഹ അഭിനേത്രിമാരെക്കുറിച്ചും സംസാരിക്കുന്നു. എല്ലാ നടിമാരുമായും വീണ്ടും അഭിനയിക്കാൻ ആഗ്രഹമുണ്ടെന്നും, നടി ശോഭനയുമായിട്ടാണ് കൂടുതൽ സിനിമകളിൽ അഭിനയിച്ചതെന്നും അദ്ദേഹം പറഞ്ഞു. അന്യഭാഷാ നടിമാരുടെ പ്രൊഫഷണലിസത്തെക്കുറിച്ചും അവരുടെ കഠിനാധ്വാനത്തെക്കുറിച്ചും മോഹൻലാൽ സംസാരിച്ചു.
ഏഴ് മാസത്തെ ഇടവേളയ്ക്ക് ശേഷം മമ്മൂട്ടി വീണ്ടും സിനിമയിലേക്ക്
ഏഴ് മാസത്തെ ഇടവേളയ്ക്ക് ശേഷം മമ്മൂട്ടി വീണ്ടും സിനിമയിലേക്ക് തിരിച്ചെത്തുന്നു. ആരോഗ്യപരമായ കാരണങ്ങളാൽ സിനിമയിൽ നിന്ന് വിട്ടുനിന്ന അദ്ദേഹം ഒക്ടോബർ ഒന്നിന് ഹൈദരാബാദിൽ ഷൂട്ടിംഗിൽ പങ്കെടുക്കും. മഹേഷ് നാരായണൻ സംവിധാനം ചെയ്യുന്ന ചിത്രത്തിലാണ് മമ്മൂട്ടി അഭിനയിക്കുന്നത്.
മോഹൻലാലിന് ദാദാസാഹേബ് ഫാൽക്കെ പുരസ്കാരം; അഭിനന്ദിച്ച് മമ്മൂട്ടി
മോഹൻലാലിന് ദാദാസാഹേബ് ഫാൽക്കെ പുരസ്കാരം ലഭിച്ചതിൽ നടൻ മമ്മൂട്ടി അഭിനന്ദിച്ചു. മോഹൻലാൽ സിനിമാ ലോകത്ത് ജീവിക്കുകയും സിനിമയെ ശ്വാസമെന്നോണം കൊണ്ടുനടക്കുകയും ചെയ്യുന്ന യഥാർത്ഥ കലാകാരനാണെന്ന് മമ്മൂട്ടി പറഞ്ഞു. ഈ പുരസ്കാരം മോഹൻലാലിന്റെ കഠിനാധ്വാനത്തിനും സിനിമയോടുള്ള ആത്മാർത്ഥതയ്ക്കുമുള്ള അംഗീകാരമാണെന്നും മമ്മൂട്ടി കൂട്ടിച്ചേർത്തു.
ആയുഷ്മാൻ ഖുറാന ചിത്രത്തിന്റെ ഷൂട്ടിംഗിനിടെ അണിയറപ്രവർത്തകന് ആക്രമണം; ഒരാൾ അറസ്റ്റിൽ
ഉത്തർപ്രദേശ് പ്രയാഗ്രാജിൽ ആയുഷ്മാൻ ഖുറാന - സാറാ അലി ഖാൻ കേന്ദ്രകഥാപാത്രങ്ങളാകുന്ന സിനിമയുടെ ചിത്രീകരണത്തിനിടെ അണിയറപ്രവർത്തകന് ആക്രമണം. ബിആർ ചോപ്ര ഫിലിംസിന്റെ ബാനർ ഹെഡ് സോഹൈബ് സോളാപൂർവാലെയാണ് ആക്രമണത്തിനിരയായത്. സംഭവത്തിൽ ഒരാളെ അറസ്റ്റ് ചെയ്തെന്നും പൊലീസ് അറിയിച്ചു.
രാജ്യാന്തര ഹ്രസ്വ ചലച്ചിത്രമേള: രണ്ടാം ദിനം മത്സര ചിത്രങ്ങൾ പ്രദർശിപ്പിക്കും
17-ാമത് രാജ്യാന്തര ഹ്രസ്വ ചലച്ചിത്രമേളയുടെ രണ്ടാം ദിനത്തിൽ മത്സര വിഭാഗത്തിലെ ചിത്രങ്ങൾ പ്രദർശനത്തിനെത്തും. ചലച്ചിത്ര വിദ്യാർത്ഥികൾ ഒരുക്കിയ 10 ചിത്രങ്ങളാണ് കാമ്പസ് മത്സര വിഭാഗത്തിൽ ഉൾപ്പെടുത്തിയിരിക്കുന്നത്. മേളയോടനുബന്ധിച്ച് മീറ്റ് ദ ഡയറക്ടർ, ഫേസ് റ്റു ഫേസ്, മാസ്റ്റർ ക്ലാസ്, പാനൽ ഡിസ്കഷൻ എന്നിവയുമുണ്ടാകും.
അമ്മയുടെ പുതിയ ഭരണസമിതിയുടെ ആദ്യ യോഗം നാളെ; പ്രധാന അജണ്ട ഭിന്നതകൾ അവസാനിപ്പിക്കൽ
താരസംഘടനയായ അമ്മയുടെ പുതിയ ഭരണസമിതിയുടെ ആദ്യ യോഗം നാളെ നടക്കും. സംഘടനയിലെ ഭിന്നതകൾ അവസാനിപ്പിക്കുക എന്നതാണ് പ്രധാന അജണ്ട. അമ്മയുടെ പ്രസിഡന്റായി തിരഞ്ഞെടുക്കപ്പെട്ട ശ്വേത മേനോൻ ഓരോ അംഗങ്ങളുമായി വ്യക്തിപരമായി സംസാരിക്കും.
അവാര്ഡുകള് തോന്നിയപോലെ കൊടുക്കുന്നതും വാങ്ങി പോകുന്നതും അംഗീകരിക്കാനാവില്ല: ഉര്വശി
ദേശീയ പുരസ്കാരങ്ങള് നല്കുന്നതിലെ മാനദണ്ഡങ്ങളെ ചോദ്യം ചെയ്ത് നടി ഉര്വശി. പുരസ്കാരങ്ങള് നല്കുന്നതില് വ്യക്തത വേണമെന്ന് ഉര്വശി ആവശ്യപ്പെട്ടു. അര്ഹിക്കുന്ന പലരും ഇനിയും വരുമെന്നും തന്റെ കാര്യത്തിലെങ്കിലും ക്ലാരിഫൈ ചെയ്തിട്ടില്ലെങ്കില് പുറകെ വരുന്ന ആളുകള്ക്ക് എന്താണ് വിശ്വാസമെന്നും ഉര്വശി ചോദിച്ചു.
സിനിമ കോൺക്ലേവിന് ഇന്ന് സമാപനം; സമാപന സമ്മേളനം അടൂർ ഗോപാലകൃഷ്ണൻ ഉദ്ഘാടനം ചെയ്യും
സംസ്ഥാന സർക്കാരിന്റെ ചലച്ചിത്ര നയരൂപീകരണത്തിന്റെ ഭാഗമായുള്ള സിനിമ കോൺക്ലേവ് ഇന്ന് സമാപിക്കും. രണ്ടു ദിവസങ്ങളിലായി തിരുവനന്തപുരത്ത് നടക്കുന്ന കോൺക്ലേവിൽ 600 ഓളം പ്രതിനിധികൾ പങ്കെടുക്കുന്നു. സമാപന സമ്മേളനം അടൂർ ഗോപാലകൃഷ്ണൻ ഉദ്ഘാടനം ചെയ്യും.
നടനാക്കിയത് വായനശാലകളും പുസ്തകങ്ങളും; ഇന്ദ്രൻസ്
സിനിമാ നടനാകാൻ തന്നെ സഹായിച്ചത് വായനശാലകളും പുസ്തകങ്ങളുമാണെന്ന് ഇന്ദ്രൻസ്. പുസ്തകങ്ങൾ വായിച്ച് അതിലെ കഥാപാത്രങ്ങളെ അനുകരിച്ച് താൻ അഭിനയിക്കാറുണ്ടെന്നും അദ്ദേഹം പറഞ്ഞു. കണ്ണൂർ ജില്ലാ പഞ്ചായത്ത് ഹാളിൽ നടന്ന ചടങ്ങിൽ സാഹിത്യകാരൻ ടി. പത്മനാഭൻ പരിപാടി ഉദ്ഘാടനം ചെയ്തു.
മിമിക്രി കളിച്ചു നടന്ന കാലം, പ്രതിഫലമായി കിട്ടിയത് നല്ല പൊറോട്ടയും സാമ്പാറും: ബിജു കുട്ടൻ
മലയാളി പ്രേക്ഷകരുടെ പ്രിയപ്പെട്ട നടനാണ് ബിജു കുട്ടൻ. തന്റെ മിമിക്രി ജീവിതത്തിലെ അനുഭവങ്ങളെക്കുറിച്ച് അദ്ദേഹം സംസാരിക്കുന്നു. 'ആലുവ മിമി വോയ്സ്' എന്ന ട്രൂപ്പിനെക്കുറിച്ചും, സിനിമയിലെത്തിയതിനെക്കുറിച്ചും ബിജു ഓർത്തെടുക്കുന്നു.
ജാനകി സിനിമയ്ക്ക് സെൻസർ തടസ്സം: പ്രതിഷേധവുമായി ഫെഫ്ക
ജാനകി വേഴ്സസ് സ്റ്റേറ്റ് ഓഫ് കേരള എന്ന സിനിമയ്ക്ക് സെൻസർ സർട്ടിഫിക്കറ്റ് തടഞ്ഞുവെച്ച സംഭവത്തിൽ ഫെഫ്ക പ്രതിഷേധം രേഖപ്പെടുത്തി. സെൻസർ ബോർഡ് ഓഫീസിനു മുന്നിൽ തിങ്കളാഴ്ച ഒരു ദിവസം നീണ്ടു നിൽക്കുന്ന സമരം നടത്തുമെന്ന് അറിയിച്ചു. സിനിമയുടെ പേര് മാറ്റണം എന്ന് സെൻസർ ബോർഡ് പറയുന്നത് അംഗീകരിക്കാനാവില്ലെന്നും ഫെഫ്ക വ്യക്തമാക്കി.
ശ്രീലങ്കൻ പാർലമെന്റിൽ മോഹൻലാലിന് ആദരം; നന്ദി അറിയിച്ച് മോഹൻലാൽ
മോഹൻലാലും മമ്മൂട്ടിയും ഒന്നിക്കുന്ന പുതിയ സിനിമയുടെ ഷൂട്ടിംഗിനായി ശ്രീലങ്കയിലെത്തിയ മോഹൻലാലിനെ ശ്രീലങ്കൻ പാർലമെന്റ് ആദരിച്ചു. ഡെപ്യൂട്ടി സ്പീക്കർ ഡോ. റിസ്വി സാലിഹിന്റെ ക്ഷണപ്രകാരമാണ് മോഹൻലാൽ പാർലമെന്റിലെത്തിയത്. തനിക്ക് ലഭിച്ച ആദരവിന് മോഹൻലാൽ സോഷ്യൽ മീഡിയയിലൂടെ നന്ദി അറിയിച്ചു.