Chhattisgarh
ഛത്തീസ്ഗഡിലെ മലയാളി കന്യാസ്ത്രീകൾ ഈ ആഴ്ച കേരളത്തിലേക്ക് മടങ്ങിയെത്തും
ഛത്തീസ്ഗഡിലെ ദില്ലിരാജറായിൽ തുടരുന്ന മലയാളി കന്യാസ്ത്രീകൾ ഈ ആഴ്ച അവസാനത്തോടെ കേരളത്തിലേക്ക് മടങ്ങിയെത്തും. കേസ് അവസാനിക്കുന്നതുവരെ ഇരുവരെയും പുതിയ ചുമതലകളിലേക്ക് മാറ്റുകയോ സ്ഥലം മാറ്റുകയോ ചെയ്യില്ല. ബജ്റംഗ്ദൾ നേതാവിനും പ്രവർത്തകർക്കുമെതിരെ പെൺകുട്ടികൾ നൽകിയ പരാതിയിൽ പോലീസ് ഇതുവരെ കേസെടുത്തിട്ടില്ല.
കന്യാസ്ത്രീകളുടെ അറസ്റ്റ്: അടിയന്തര പ്രമേയത്തിന് നോട്ടീസ് നൽകി ഹൈബി ഈഡൻ
ഛത്തീസ്ഗഢിൽ മലയാളി കന്യാസ്ത്രീകൾ അറസ്റ്റിലായ സംഭവം ദേശീയ ശ്രദ്ധയിൽ കൊണ്ടുവരാൻ വീണ്ടും ശ്രമങ്ങളുമായി ഹൈബി ഈഡൻ എംപി. വിഷയത്തിൽ ലോക്സഭയിൽ അടിയന്തര പ്രമേയത്തിന് അദ്ദേഹം നോട്ടീസ് നൽകി. കന്യാസ്ത്രീകൾക്കെതിരെയുള്ള കേസ് പിൻവലിക്കുക, ബജ്റംഗ് ദൾ പ്രവർത്തകർക്കെതിരെയുള്ള പരാതിയിൽ കാര്യക്ഷമമായ അന്വേഷണം നടത്തുക തുടങ്ങിയ ആവശ്യങ്ങളും അദ്ദേഹം മുന്നോട്ട് വെച്ചു. സഭ നിർത്തിവെച്ച് ഈ വിഷയം ചർച്ച ചെയ്യണമെന്ന് നോട്ടീസിൽ ആവശ്യപ്പെട്ടിട്ടുണ്ട്.
കന്യാസ്ത്രീകളോടൊപ്പം ജോലിക്ക് അയച്ചത് എന്റെ സമ്മതത്തോടെ; ഛത്തീസ്ഗഡിലെ പെൺകുട്ടിയുടെ അമ്മയുടെ പ്രതികരണം
ഛത്തീസ്ഗഡിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവം വിവാദമായതോടെ പ്രതികരണവുമായി പെൺകുട്ടിയുടെ അമ്മ. നിർബന്ധിത മതപരിവർത്തനം, മനുഷ്യക്കടത്ത് എന്നീ ആരോപണങ്ങൾ അവർ നിഷേധിച്ചു. കുടുംബത്തിന്റെ സാമ്പത്തിക ബുദ്ധിമുട്ടുകൾ പരിഹരിക്കുന്നതിന് വേണ്ടിയാണ് മകളെ ജോലിക്കയച്ചതെന്നും അവർ വ്യക്തമാക്കി. കന്യാസ്ത്രീകളുമായി വർഷങ്ങളായുള്ള ബന്ധമുണ്ടെന്നും ബുദ്ധിമുട്ടുകൾ ഉണ്ടായപ്പോൾ സഭ എല്ലാ പിന്തുണയുമായി കൂടെയുണ്ടായിരുന്നുവെന്നും അവർ കൂട്ടിച്ചേർത്തു.
കന്യാസ്ത്രീകളുടെ അറസ്റ്റ്: ബിജെപിക്കെതിരെ പരോക്ഷ വിമർശനവുമായി ദീപിക
ഛത്തീസ്ഗഢിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവത്തിൽ ബിജെപിക്കെതിരെ പരോക്ഷ വിമർശനവുമായി കത്തോലിക്ക സഭ മുഖപത്രം ദീപിക. കന്യാസ്ത്രീകളെ അറസ്റ്റ് ചെയ്തതും പിന്നീട് അവരെ പുറത്തിറക്കിയതും ആരെന്ന് ജനങ്ങൾക്ക് അറിയാമെന്ന് ദീപിക മുഖപ്രസംഗത്തിൽ പറയുന്നു. വർഗീയതയ്ക്ക് മേൽ മതേതര സാഹോദര്യത്തിന്റെ വിജയമാണ് കന്യാസ്ത്രീകൾക്ക് ജാമ്യം ലഭിച്ചതിലൂടെ ഉണ്ടായതെന്നും ദീപിക വിലയിരുത്തുന്നു.
ബജ്റംഗ്ദളിനെതിരായ പരാതി സ്വീകരിക്കാതെ പൊലീസ്; ദുർഗ്ഗിൽ കേസ് എടുക്കാത്തതെന്ത്?
ബജ്റംഗ്ദളിനെതിരെ പെൺകുട്ടികൾ നൽകിയ പരാതി സ്വീകരിക്കാൻ പൊലീസ് തയ്യാറായില്ല. ദുർഗ് ജില്ലയിൽ നടന്ന സംഭവമായതിനാലാണ് കേസ് എടുക്കാൻ സാധിക്കാത്തതെന്നാണ് പോലീസിന്റെ വിശദീകരണം. അതേസമയം, ഓൺലൈനായി പരാതി നൽകുമെന്ന് പെൺകുട്ടികൾ അറിയിച്ചു.
ഛത്തീസ്ഗഡിലെ കന്യാസ്ത്രീകളുടെ അറസ്റ്റ്: ജാമ്യം ലഭിച്ചതിൽ സന്തോഷമുണ്ടെന്ന് രാജീവ് ചന്ദ്രശേഖർ
ഛത്തീസ്ഗഡിൽ അറസ്റ്റിലായ മലയാളി കന്യാസ്ത്രീകൾക്ക് ജാമ്യം ലഭിച്ചതിൽ സന്തോഷമുണ്ടെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. കന്യാസ്ത്രീകളുടെ മോചനം സാധ്യമാക്കിയ ജുഡീഷ്യറിക്കും പ്രധാനമന്ത്രിക്കും അമിത് ഷായ്ക്കും അദ്ദേഹം നന്ദി അറിയിച്ചു. രാഷ്ട്രീയ നാടകങ്ങൾ നടക്കാതിരുന്നെങ്കിൽ മൂന്ന് ദിവസം മുൻപേ കന്യാസ്ത്രീകൾക്ക് ജാമ്യം ലഭിക്കുമായിരുന്നുവെന്നും അദ്ദേഹം കൂട്ടിച്ചേർത്തു.
കന്യാസ്ത്രീകൾക്ക് ജാമ്യം ലഭിച്ചത് ബിജെപി സർക്കാരിന്റെ ഇടപെടൽ ഇല്ലെന്നതിന് തെളിവെന്ന് എം.എം. ഹസ്സൻ
വ്യാജ കുറ്റങ്ങള് ചുമത്തി ഛത്തീസ്ഗഡിലെ ജയിലില് അടയ്ക്കപ്പെട്ട കന്യാസ്ത്രീകള്ക്ക് ജാമ്യം ലഭിച്ചതിനെ സ്വാഗതം ചെയ്ത് എം.എം. ഹസ്സൻ. കന്യാസ്ത്രീകൾക്കെതിരായ കേസ് അടിസ്ഥാനരഹിതമാണെന്നും തെളിവുകളില്ലാത്തതിനാൽ നിലനിൽക്കില്ലെന്നും അദ്ദേഹം പറഞ്ഞു. ബിജെപിയുടെ ന്യൂനപക്ഷ വിരുദ്ധ നിലപാടുകളാണ് കന്യാസ്ത്രീകൾക്ക് ജയിലിൽ കിടക്കേണ്ടി വന്നതിന് കാരണമെന്നും ഹസ്സൻ കുറ്റപ്പെടുത്തി.
ഛത്തീസ്ഗഢിൽ അറസ്റ്റിലായ കന്യാസ്ത്രീകൾക്ക് ജാമ്യം
ഛത്തീസ്ഗഢിൽ അറസ്റ്റിലായ കന്യാസ്ത്രീകൾ ഒൻപത് ദിവസത്തെ ജയിൽവാസത്തിനു ശേഷം ജയിൽ മോചിതരായി. ബിലാസ്പുരിലെ എൻഐഎ കോടതിയാണ് സിസ്റ്റർ വന്ദന ഫ്രാൻസിസിനും സിസ്റ്റർ പ്രീതി മേരിക്കും ജാമ്യം അനുവദിച്ചത്. 50,000 രൂപയുടെ രണ്ട് ആൾ ജാമ്യവും പാസ്പോർട്ട് സറണ്ടർ ചെയ്യണം, രാജ്യം വിട്ടു പോകരുത് എന്നീ ഉപാധികളോടെയാണ് ജാമ്യം അനുവദിച്ചത്.
മലയാളി കന്യാസ്ത്രീകളുടെ ജാമ്യം: സിബിസിഐയുടെ പ്രതികരണം ഇങ്ങനെ
ഛത്തീസ്ഗഡിൽ അറസ്റ്റിലായ മലയാളി കന്യാസ്ത്രീകൾക്ക് ജാമ്യം ലഭിച്ചതിനെ സിബിസിഐ സ്വാഗതം ചെയ്തു. ഇത് ക്രിസ്ത്യൻ സമൂഹത്തിന് ആശ്വാസമാണെന്നും സിബിസിഐ അഭിപ്രായപ്പെട്ടു. കേസ് റദ്ദാക്കുന്നതിന് നിയമപരമായ നടപടികൾ സ്വീകരിക്കുമെന്നും അറിയിച്ചു.
കന്യാസ്ത്രീകളെ ജയിലിൽ സന്ദർശിച്ച് രാജീവ് ചന്ദ്രശേഖർ; ജാമ്യം ലഭിച്ചത് നിർണായക വഴിത്തിരിവ്
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ ദുർഗ് സെൻട്രൽ ജയിലിൽ കന്യാസ്ത്രീകളെ സന്ദർശിച്ചു. കന്യാസ്ത്രീകൾക്കെതിരെ ഉന്നയിക്കപ്പെട്ട ആരോപണങ്ങൾ തെറ്റാണെന്ന് രക്ഷിതാക്കൾ കോടതിയിൽ സത്യവാങ്മൂലം നൽകിയിട്ടുണ്ട്. 50,000 രൂപയുടെ രണ്ട് ആൾജാമ്യത്തിൽ കന്യാസ്ത്രീകൾക്ക് ജാമ്യം അനുവദിച്ചു.
കന്യാസ്ത്രീകൾ ജയിലിൽ കിടന്ന സംഭവം ഭരണഘടനാവിരുദ്ധം; മന്ത്രി പി. രാജീവ്
മലയാളി കന്യാസ്ത്രീകൾ ചെയ്യാത്ത കുറ്റത്തിനാണ് ഒൻപത് ദിവസം ജയിലിൽ കിടന്നതെന്നും ഇത് ഭരണഘടനയ്ക്ക് നിരക്കാത്ത രീതിയിലുള്ള നടപടിയാണെന്നും മന്ത്രി പി. രാജീവ് അഭിപ്രായപ്പെട്ടു. കന്യാസ്ത്രീകളുടെ വസ്ത്രം കണ്ട് അവർക്കെതിരെ നടപടിയെടുക്കുന്ന രീതിയിലേക്ക് കാര്യങ്ങൾ വന്നുവെന്നും മന്ത്രി വിമർശിച്ചു. ഭരണഘടന ഉറപ്പുനൽകുന്ന മതസ്വാതന്ത്ര്യം, സഞ്ചാര സ്വാതന്ത്ര്യം എന്നീ മൗലിക അവകാശങ്ങൾക്കെതിരെയുള്ള കടന്നുകയറ്റമാണിതെന്നും മന്ത്രി പി. രാജീവ് അഭിപ്രായപ്പെട്ടു.
ഛത്തീസ്ഗഢിൽ അറസ്റ്റിലായ മലയാളി കന്യാസ്ത്രീകൾക്ക് ജാമ്യം; നന്ദിയെന്ന് സിസ്റ്റർ പ്രീതി മേരിയുടെ കുടുംബം
നിർബന്ധിത മതപരിവർത്തനം ആരോപിച്ച് ഛത്തീസ്ഗഢിൽ അറസ്റ്റിലായ മലയാളി കന്യാസ്ത്രീകൾക്ക് ജാമ്യം ലഭിച്ചു. സിസ്റ്റർ പ്രീതി മേരിയുടെ കുടുംബം, തങ്ങളെ പിന്തുണച്ച എല്ലാവർക്കും നന്ദി അറിയിച്ചു. കേസ് കെട്ടിച്ചമച്ചതാണെന്നും എത്രയും പെട്ടെന്ന് അവസാനിപ്പിക്കണമെന്നും കുടുംബം ആവശ്യപ്പെട്ടു.