Chhattisgarh
ചത്തീസ്ഗഢിലെ കന്യാസ്ത്രീ അറസ്റ്റ്: ബിജെപി സംസ്ഥാന നേതൃത്വത്തെ വിളിപ്പിച്ച് ആർഎസ്എസ്
ചത്തീസ്ഗഢിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവം ഒത്തുതീർപ്പാക്കിയിട്ടും ബിജെപി സംസ്ഥാന നേതൃത്വം വീണ്ടും ഉയർത്തിക്കൊണ്ടുവന്നതിൽ ആർഎസ്എസ് അതൃപ്തി അറിയിച്ചു. ഇതിന്റെ ഭാഗമായി സംസ്ഥാന അധ്യക്ഷൻ രാജീവ് ചന്ദ്രശേഖർ, ജനറൽ സെക്രട്ടറി എസ്. സുരേഷ്, മുൻ സംസ്ഥാന അധ്യക്ഷൻ കുമ്മനം രാജശേഖരൻ എന്നിവരെ ആർഎസ്എസ് കാര്യാലയത്തിലേക്ക് വിളിച്ചു വരുത്തി. കന്യാസ്ത്രീകളുടെ കുടുംബമാണ് രാജീവ് ചന്ദ്രശേഖറിനെ കാണാൻ താല്പര്യം അറിയിച്ചതെന്ന് ബിജെപി വൈസ് പ്രസിഡന്റ് അനൂപ് ആന്റണി പറഞ്ഞിരുന്നു.
ഛത്തീസ്ഗഢിൽ മാവോയിസ്റ്റ് ആക്രമണം; ഐഇഡി സ്ഫോടനത്തിൽ ജവാന് വീരമൃത്യു
ഛത്തീസ്ഗഢിൽ മാവോയിസ്റ്റ് വിരുദ്ധ ഓപ്പറേഷനിടെയുണ്ടായ സ്ഫോടനത്തിൽ ഒരു ജവാന് വീരമൃത്യു. മാവോയിസ്റ്റുകൾ ഒളിപ്പിച്ചുവെച്ച ഐഇഡി പൊട്ടിത്തെറിച്ചാണ് അപകടമുണ്ടായത്. പരുക്കേറ്റ ജവാന്മാരെ ആശുപത്രിയിൽ പ്രവേശിപ്പിച്ചു.
അറസ്റ്റിലായ മലയാളി കന്യാസ്ത്രീകൾ രാജീവ് ചന്ദ്രശേഖറിനെ സന്ദർശിച്ചു
ഛത്തീസ്ഗഡിൽ മതപരിവർത്തനം ആരോപിച്ച് അറസ്റ്റിലായ മലയാളി കന്യാസ്ത്രീകൾ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിനെ സന്ദർശിച്ചു. ജാമ്യം ലഭിച്ചതിന് നന്ദി അറിയിക്കാനും കേസ് പിൻവലിക്കാൻ ഇടപെടണമെന്ന് അഭ്യർഥിക്കാനുമാണ് കൂടിക്കാഴ്ച നടത്തിയത്. ബിജെപി എല്ലാ സഹായവും നൽകുമെന്നും അനുകൂല സമീപനം പ്രതീക്ഷിക്കാമെന്നും അനൂപ് ആന്റണി അറിയിച്ചു.
ഛത്തീസ്ഗഢിൽ ക്രിസ്ത്യൻ മിഷണറിമാർക്കെതിരെ പ്രതിഷേധം
ഛത്തീസ്ഗഢിൽ അന്താരാഷ്ട്ര തദ്ദേശീയ ജനതാ ദിനത്തിൽ ക്രിസ്ത്യൻ മിഷണറിമാർക്കെതിരെ ആയിരക്കണക്കിന് ആളുകൾ പ്രതിഷേധിച്ചു. ആദിവാസി വിഭാഗങ്ങളെ നിർബന്ധിച്ച് മതപരിവർത്തനം ചെയ്യാൻ അനുവദിക്കില്ലെന്ന് പ്രതിഷേധക്കാർ പ്രഖ്യാപിച്ചു. റാലിയുടെ പിന്നിൽ ബിജെപിയാണെന്ന് കോൺഗ്രസ് ആരോപിച്ചു.
കന്യാസ്ത്രീകളുടെ അറസ്റ്റ്: സി.പി.ഐ സമരത്തിന് ഛത്തീസ്ഗഢിൽ നിയന്ത്രണം
കന്യാസ്ത്രീകളുടെ അറസ്റ്റുമായി ബന്ധപ്പെട്ട് സി.പി.ഐ നടത്താനിരുന്ന സമരത്തിന് ഛത്തീസ്ഗഢ് സർക്കാർ നിയന്ത്രണം ഏർപ്പെടുത്തി. 300 പേരിൽ കൂടുതൽ പേർക്ക് സമരത്തിൽ പങ്കെടുക്കാൻ അനുമതിയില്ല. കന്യാസ്ത്രീകൾക്കെതിരെയുള്ള എഫ്.ഐ.ആർ റദ്ദാക്കണമെന്നാണ് പ്രതിഷേധക്കാരുടെ ആവശ്യം.
കന്യാസ്ത്രീകൾക്ക് മാവോയിസ്റ്റ് ബന്ധമെന്ന് സംശയം; അന്വേഷണം വേണമെന്ന് ബസ്തർ എംപി മഹേഷ് കശ്യപ്
ഛത്തീസ്ഗഢിലെ സംരക്ഷിത മേഖലയിൽ നിന്ന് പെൺകുട്ടികളെ കൊണ്ടുപോകാൻ ശ്രമിച്ച കന്യാസ്ത്രീകൾക്കെതിരെ ആരോപണവുമായി ബസ്തർ എംപി മഹേഷ് കശ്യപ്. കന്യാസ്ത്രീകൾക്ക് മാവോയിസ്റ്റ് ബന്ധമുണ്ടെന്നും, വിഷയത്തിൽ പോലീസ് അന്വേഷണം വേണമെന്നും അദ്ദേഹം ആവശ്യപ്പെട്ടു. പുറത്തുനിന്നുള്ളവർക്ക് പ്രവേശനമില്ലാത്ത ഈ മേഖലയിൽ കന്യാസ്ത്രീകൾ എത്തിയെങ്കിൽ അതിന് പിന്നിൽ മതപരിവർത്തനം നടന്നിരിക്കാമെന്നും കശ്യപ് ആരോപിച്ചു.
കന്യാസ്ത്രീകളെ സ്വീകരിക്കാൻ പോയത് ബിജെപിയുടെ നിലപാടല്ല; രാജീവ് ചന്ദ്രശേഖറിനെ തള്ളി വിഎച്ച്പി
ഛത്തീസ്ഗഢിൽ കന്യാസ്ത്രീകളെ അറസ്റ്റ് ചെയ്ത വിഷയത്തിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിനെ തള്ളി വിഎച്ച്പി ദേശീയ നേതൃത്വം. കന്യാസ്ത്രീകളെ സ്വീകരിക്കാൻ പോയത് ബിജെപിയുടെ നിലപാടല്ലെന്ന് വിഎച്ച്പി ദേശീയ ജോയിന്റ് സെക്രട്ടറി ഡോ.സുരേന്ദ്ര ജയിൻ പറഞ്ഞു. വിഷയത്തിൽ അന്വേഷണം നടക്കണമെന്നും അദ്ദേഹം ആവശ്യപ്പെട്ടു.
ഛത്തീസ്ഗഢ്: കന്യാസ്ത്രീകളുടെ അറസ്റ്റ്; കേസ് റദ്ദാക്കാൻ ഉടൻ കോടതിയെ സമീപിക്കില്ലെന്ന് റായ്പൂർ അതിരൂപത
ഛത്തീസ്ഗഡിൽ അറസ്റ്റിലായ മലയാളി കന്യാസ്ത്രീകളുടെ കേസ് റദ്ദാക്കുന്നതിനായി നിലവിൽ കോടതിയെ സമീപിക്കാൻ ആലോചനയില്ലെന്ന് റായ്പൂർ അതിരൂപത വക്താവ് അറിയിച്ചു. കേസ് എടുത്തതിൽ തന്നെ പോലീസിന് പിഴവുകൾ സംഭവിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി. ബിലാസ്പൂർ എൻഐഎ കോടതി ജാമ്യം അനുവദിച്ചതിനെ തുടർന്ന് സിസ്റ്റർമാരായ പ്രീതി മേരിയും വന്ദനാ ഫ്രാൻസിസും മോചിതരായി.
ഛത്തീസ്ഗഡിലെ മലയാളി കന്യാസ്ത്രീകൾ ഈ ആഴ്ച കേരളത്തിലേക്ക് മടങ്ങിയെത്തും
ഛത്തീസ്ഗഡിലെ ദില്ലിരാജറായിൽ തുടരുന്ന മലയാളി കന്യാസ്ത്രീകൾ ഈ ആഴ്ച അവസാനത്തോടെ കേരളത്തിലേക്ക് മടങ്ങിയെത്തും. കേസ് അവസാനിക്കുന്നതുവരെ ഇരുവരെയും പുതിയ ചുമതലകളിലേക്ക് മാറ്റുകയോ സ്ഥലം മാറ്റുകയോ ചെയ്യില്ല. ബജ്റംഗ്ദൾ നേതാവിനും പ്രവർത്തകർക്കുമെതിരെ പെൺകുട്ടികൾ നൽകിയ പരാതിയിൽ പോലീസ് ഇതുവരെ കേസെടുത്തിട്ടില്ല.
കന്യാസ്ത്രീകളുടെ അറസ്റ്റ്: അടിയന്തര പ്രമേയത്തിന് നോട്ടീസ് നൽകി ഹൈബി ഈഡൻ
ഛത്തീസ്ഗഢിൽ മലയാളി കന്യാസ്ത്രീകൾ അറസ്റ്റിലായ സംഭവം ദേശീയ ശ്രദ്ധയിൽ കൊണ്ടുവരാൻ വീണ്ടും ശ്രമങ്ങളുമായി ഹൈബി ഈഡൻ എംപി. വിഷയത്തിൽ ലോക്സഭയിൽ അടിയന്തര പ്രമേയത്തിന് അദ്ദേഹം നോട്ടീസ് നൽകി. കന്യാസ്ത്രീകൾക്കെതിരെയുള്ള കേസ് പിൻവലിക്കുക, ബജ്റംഗ് ദൾ പ്രവർത്തകർക്കെതിരെയുള്ള പരാതിയിൽ കാര്യക്ഷമമായ അന്വേഷണം നടത്തുക തുടങ്ങിയ ആവശ്യങ്ങളും അദ്ദേഹം മുന്നോട്ട് വെച്ചു. സഭ നിർത്തിവെച്ച് ഈ വിഷയം ചർച്ച ചെയ്യണമെന്ന് നോട്ടീസിൽ ആവശ്യപ്പെട്ടിട്ടുണ്ട്.
കന്യാസ്ത്രീകളോടൊപ്പം ജോലിക്ക് അയച്ചത് എന്റെ സമ്മതത്തോടെ; ഛത്തീസ്ഗഡിലെ പെൺകുട്ടിയുടെ അമ്മയുടെ പ്രതികരണം
ഛത്തീസ്ഗഡിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവം വിവാദമായതോടെ പ്രതികരണവുമായി പെൺകുട്ടിയുടെ അമ്മ. നിർബന്ധിത മതപരിവർത്തനം, മനുഷ്യക്കടത്ത് എന്നീ ആരോപണങ്ങൾ അവർ നിഷേധിച്ചു. കുടുംബത്തിന്റെ സാമ്പത്തിക ബുദ്ധിമുട്ടുകൾ പരിഹരിക്കുന്നതിന് വേണ്ടിയാണ് മകളെ ജോലിക്കയച്ചതെന്നും അവർ വ്യക്തമാക്കി. കന്യാസ്ത്രീകളുമായി വർഷങ്ങളായുള്ള ബന്ധമുണ്ടെന്നും ബുദ്ധിമുട്ടുകൾ ഉണ്ടായപ്പോൾ സഭ എല്ലാ പിന്തുണയുമായി കൂടെയുണ്ടായിരുന്നുവെന്നും അവർ കൂട്ടിച്ചേർത്തു.
കന്യാസ്ത്രീകളുടെ അറസ്റ്റ്: ബിജെപിക്കെതിരെ പരോക്ഷ വിമർശനവുമായി ദീപിക
ഛത്തീസ്ഗഢിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവത്തിൽ ബിജെപിക്കെതിരെ പരോക്ഷ വിമർശനവുമായി കത്തോലിക്ക സഭ മുഖപത്രം ദീപിക. കന്യാസ്ത്രീകളെ അറസ്റ്റ് ചെയ്തതും പിന്നീട് അവരെ പുറത്തിറക്കിയതും ആരെന്ന് ജനങ്ങൾക്ക് അറിയാമെന്ന് ദീപിക മുഖപ്രസംഗത്തിൽ പറയുന്നു. വർഗീയതയ്ക്ക് മേൽ മതേതര സാഹോദര്യത്തിന്റെ വിജയമാണ് കന്യാസ്ത്രീകൾക്ക് ജാമ്യം ലഭിച്ചതിലൂടെ ഉണ്ടായതെന്നും ദീപിക വിലയിരുത്തുന്നു.