Chandy Oommen
പുതുപ്പള്ളിയിൽ ചാണ്ടി ഉമ്മനും പഞ്ചായത്തും തമ്മിൽ തർക്കം രൂക്ഷമാകുന്നു
പുതുപ്പള്ളി പഞ്ചായത്തും ചാണ്ടി ഉമ്മനും തമ്മിലുള്ള തർക്കം രൂക്ഷമാകുന്നു. വികസന പ്രവർത്തനങ്ങളിൽ പഞ്ചായത്ത് ജനങ്ങളെ തെറ്റിദ്ധരിപ്പിക്കുന്നുവെന്നും പരിപാടികളിൽ ക്ഷണിക്കാതെ പേരും ഫോട്ടോയും ഉപയോഗിക്കുന്നുവെന്നും അദ്ദേഹം ആരോപിച്ചു. മിനി സിവിൽ സ്റ്റേഷന് ഉമ്മൻ ചാണ്ടിയുടെ പേര് നൽകുന്നത് തെരഞ്ഞെടുപ്പ് മുന്നിൽ കണ്ടാണെന്നും ചാണ്ടി ഉമ്മൻ ആരോപിക്കുന്നു.
എ.ഐ.സി.സി നിയമനം: സന്തോഷമെന്ന് ചാണ്ടി ഉമ്മൻ
എ.ഐ.സി.സി ടാലൻ്റ് ഹണ്ട് നോഡൽ കോർഡിനേറ്റർ ആയി നിയമിച്ചതിൽ സന്തോഷമുണ്ടെന്ന് ചാണ്ടി ഉമ്മൻ. പാർട്ടി നൽകുന്ന എല്ലാ ചുമതലകളും നിർവഹിക്കുമെന്നും അദ്ദേഹം പറഞ്ഞു. അരുണാചൽ പ്രദേശ്, മേഘാലയ സംസ്ഥാനങ്ങളുടെ ചുമതലയാണ് അദ്ദേഹത്തിന് നൽകിയിരിക്കുന്നത്.
കെപിസിസിയിൽ അതൃപ്തി അറിയിച്ച ചാണ്ടി ഉമ്മനും ഷമ മുഹമ്മദിനും എഐസിസിയിൽ പുതിയ സ്ഥാനങ്ങൾ
കെപിസിസി പുനഃസംഘടനയിൽ അതൃപ്തി അറിയിച്ച ചാണ്ടി ഉമ്മൻ എംഎൽഎയ്ക്കും ഷമ മുഹമ്മദിനും എഐസിസിയിൽ പുതിയ പദവികൾ ലഭിച്ചു. ടാലന്റ് ഹണ്ട് കോർഡിനേറ്റർമാരായാണ് ഇരുവരേയും നിയമിച്ചിരിക്കുന്നത്. ചാണ്ടി ഉമ്മന് മേഘാലയയുടെയും അരുണാചൽ പ്രദേശിന്റെയും, ഷമ മുഹമ്മദിന് ഗോവയുടെയും ചുമതല നൽകി.
കെ.സി വേണുഗോപാലിനെ ആരും വെട്ടിഒതുക്കാറില്ല; കെപിസിസി പുനഃസംഘടനയില് പ്രതികരണവുമായി ചാണ്ടി ഉമ്മന്
കെപിസിസി പുനഃസംഘടനയുമായി ബന്ധപ്പെട്ട് ഉയര്ന്ന അതൃപ്തികളില് ചാണ്ടി ഉമ്മന് എംഎല്എ പ്രതികരിച്ചു. തനിക്കെതിരായ മാധ്യമ പ്രചാരണങ്ങള് അദ്ദേഹം നിഷേധിച്ചു. കെപിസിസി പുനഃസംഘടനയുമായി ബന്ധപ്പെട്ട് കോണ്ഗ്രസില് ഉടലെടുത്തിരിക്കുന്ന അഭിപ്രായഭിന്നതകള് പരിഹരിക്കാന് ഹൈക്കമാന്റ് നിര്ദേശം നല്കിയിട്ടുണ്ട്.
കെപിസിസി പുനഃസംഘടന: പ്രതികരണവുമായി ചാണ്ടി ഉമ്മൻ എംഎൽഎ
കെപിസിസി പുനഃസംഘടനയിൽ തഴഞ്ഞതിൽ പ്രതികരണവുമായി ചാണ്ടി ഉമ്മൻ എംഎൽഎ. തനിക്ക് പാർട്ടി എല്ലാ പരിഗണനയും നൽകിയിട്ടുണ്ട്. ഏതെങ്കിലും തരത്തിലുള്ള അതൃപ്തിയുണ്ടെങ്കിൽ അത് പാർട്ടിക്കുള്ളിൽ തന്നെ സംസാരിക്കും. യൂത്ത് കോൺഗ്രസ് സ്ഥാനത്ത് നിന്ന് നീക്കിയതിൽ മാനസിക വിഷമമുണ്ടെന്നും അദ്ദേഹം പറഞ്ഞു.
കെപിസിസി പുനഃസംഘടന: അബിൻ വർക്കിക്കും ചാണ്ടി ഉമ്മനും പിന്തുണയുമായി ഓർത്തഡോക്സ് സഭ
കെപിസിസി പുനഃസംഘടനയിൽ അബിൻ വർക്കിക്കും ചാണ്ടി ഉമ്മനും പിന്തുണയുമായി ഓർത്തഡോക്സ് സഭ രംഗത്ത്. അബിൻ വർക്കിയും ചാണ്ടി ഉമ്മനും സഭയുടെ മക്കളാണെന്നും അവരെ സഭ ഒരിക്കലും കൈവിടില്ലെന്നും ഗീവർഗീസ് മാർ യൂലിയോസ് മെത്രാപ്പോലീത്ത പറഞ്ഞു. സാമൂഹിക പ്രതിബദ്ധതയോടെ പ്രവർത്തിക്കുന്നവരാണ് ഇരുവരുമെന്നും അദ്ദേഹം കൂട്ടിച്ചേർത്തു
സ്ഥാനം തെറിച്ചതിലെ പ്രതികരണത്തിൽ മലക്കം മറിഞ്ഞ് ചാണ്ടി ഉമ്മൻ; വ്യാഖ്യാനം തെറ്റായി, പാർട്ടിയാണ് വലുത്
യൂത്ത് കോൺഗ്രസ് നാഷണൽ ഔട്ട്റീച്ച് സെൽ ചെയർമാൻ സ്ഥാനത്തുനിന്ന് നീക്കിയതിനെക്കുറിച്ചുള്ള പ്രതികരണത്തിൽ മലക്കം മറിഞ്ഞ് ചാണ്ടി ഉമ്മൻ എം.എൽ.എ. തന്റെ പ്രതികരണം തെറ്റായി വ്യാഖ്യാനിച്ചുവെന്നും വേദനയുണ്ടെന്ന് മാത്രമാണ് പറഞ്ഞതെന്നും അദ്ദേഹം വ്യക്തമാക്കി. സമൂഹമാധ്യമങ്ങളിൽ വ്യാജ പ്രചരണം നടന്നുവെന്നും പാർട്ടിയാണ് വലുതെന്നും ചാണ്ടി ഉമ്മൻ പറഞ്ഞു. ഏതെങ്കിലും തരത്തിലുള്ള തെറ്റിദ്ധാരണകൾ ഉണ്ടായിട്ടുണ്ടെങ്കിൽ അത് തിരുത്താൻ ഉദ്ദേശിക്കുന്നുവെന്നും അദ്ദേഹം കൂട്ടിച്ചേർത്തു
കെപിസിസി പുനഃസംഘടനയിൽ അതൃപ്തി; പരിപാടിയിൽ നിന്ന് വിട്ട് നിന്ന് ചാണ്ടി ഉമ്മൻ
കെപിസിസി പുനഃസംഘടനയിൽ തഴഞ്ഞതിൽ പ്രതിഷേധിച്ച് ചാണ്ടി ഉമ്മൻ എംഎൽഎ കെപിസിസി പരിപാടിയിൽ നിന്ന് വിട്ടുനിന്നു. യൂത്ത് കോൺഗ്രസ് നാഷണൽ ഔട്ട്റീച്ച് സെൽ ചെയർമാൻ സ്ഥാനത്തുനിന്ന് ഒഴിവാക്കിയതിനെതിരെ ഇന്നലെ ചാണ്ടി ഉമ്മൻ പരസ്യമായി പ്രതികരിച്ചിരുന്നു. കെപിസിസി നേതൃത്വത്തിനെതിരെ കടുത്ത അതൃപ്തി അദ്ദേഹം പ്രകടിപ്പിച്ചു
യൂത്ത് കോൺഗ്രസ് അധ്യക്ഷ സ്ഥാനത്തേക്ക് അബിൻ വർക്കിയെ പരിഗണിക്കണമായിരുന്നു: ചാണ്ടി ഉമ്മൻ
യൂത്ത് കോൺഗ്രസ് അധ്യക്ഷ സ്ഥാനത്തേക്ക് അബിൻ വർക്കിയെ പരിഗണിക്കേണ്ടതായിരുന്നുവെന്ന് ചാണ്ടി ഉമ്മൻ പറഞ്ഞു. അബിൻ വർക്കിക്ക് അർഹതയുണ്ടെന്നും അദ്ദേഹത്തിന്റെ വിഷമം സ്വാഭാവികമാണെന്നും ചാണ്ടി ഉമ്മൻ വ്യക്തമാക്കി. വിഷയത്തിൽ ഒരു തീരുമാനമെടുക്കുന്നതിന് മുൻപ് അബിന്റെ അഭിപ്രായം പരിഗണിക്കേണ്ടിയിരുന്നുവെന്നും അദ്ദേഹം കൂട്ടിച്ചേർത്തു.
എ ഗ്രൂപ്പിന്റെ അമരത്തേക്ക് ചാണ്ടി ഉമ്മനോ? പുതിയ നീക്കങ്ങളുമായി കോൺഗ്രസ്
തിരഞ്ഞെടുപ്പ് അടുക്കുമ്പോൾ കേരളത്തിലെ കോൺഗ്രസ്സിൽ ഗ്രൂപ്പ് പോര് ശക്തമാവുകയാണ്. ഈ സാഹചര്യത്തിൽ എ ഗ്രൂപ്പിനെ ശക്തിപ്പെടുത്താനുള്ള ദൗത്യം ഏറ്റെടുത്ത് ചാണ്ടി ഉമ്മൻ രംഗത്തെത്തിയിരിക്കുകയാണ്. ഉമ്മൻ ചാണ്ടിയുടെ മരണശേഷം എ ഗ്രൂപ്പിന്റെ നേതൃസ്ഥാനത്തേക്ക് പുതിയൊരാൾ വരുമെന്നുള്ള സൂചനകൾ പുറത്തുവന്നുകൊണ്ടിരിക്കുകയാണ്.
നിമിഷപ്രിയയുടെ മോചനത്തിനായി വീണ്ടും ഗവർണറെ കണ്ട് ചാണ്ടി ഉമ്മൻ
യെമനിലെ ജയിലിൽ കഴിയുന്ന നിമിഷപ്രിയയുടെ മോചനത്തിനായി ചാണ്ടി ഉമ്മൻ എംഎൽഎ വീണ്ടും ഗവർണറെ കണ്ടു. നിമിഷപ്രിയയുടെ മോചനം തന്റെ പിതാവ് ഉമ്മൻ ചാണ്ടിയുടെ വലിയ ആഗ്രഹമായിരുന്നുവെന്ന് ചാണ്ടി ഉമ്മൻ ചൂണ്ടിക്കാട്ടി. കൊല്ലപ്പെട്ട തലാലിന്റെ സഹോദരൻ വധശിക്ഷ നടപ്പാക്കണമെന്ന് ആവശ്യപ്പെട്ട് അറ്റോർണി ജനറൽ അബ്ദുൽ സലാം അൽ-ഹൂത്തിക്ക് കത്തയച്ചു.
കന്യാസ്ത്രീകളുടെ അറസ്റ്റ്: രാജ്യദ്രോഹക്കുറ്റം ചുമത്തിയെന്ന് ചാണ്ടി ഉമ്മന്
കന്യാസ്ത്രീകളെ അറസ്റ്റ് ചെയ്ത സംഭവം രാജ്യദ്രോഹക്കുറ്റം ചുമത്തിയ രീതിയിലാണ് കാര്യങ്ങൾ മുന്നോട്ട് പോകുന്നതെന്ന് ചാണ്ടി ഉമ്മൻ എംഎൽഎ. ബജ്റംഗ്ദൾ പ്രവർത്തകരാണ് അവിടെ ഭയാനകമായ അന്തരീക്ഷം സൃഷ്ടിച്ചതെന്നും അവരാണ് കാര്യങ്ങൾ നിയന്ത്രിക്കുന്നതെന്നും അദ്ദേഹം കുറ്റപ്പെടുത്തി. ജാമ്യ വ്യവസ്ഥകൾ അംഗീകരിക്കാൻ കഴിയില്ലെന്നും അദ്ദേഹം വ്യക്തമാക്കി.