Building Collapse
കോഴിക്കോട് അങ്കണവാടിയിൽ കോൺക്രീറ്റ് പാളി അടർന്നു വീണു; ദുരന്തം ഒഴിവായത് തലനാരിഴയ്ക്ക്
കോഴിക്കോട് പുതിയപാലം ചുള്ളിയിൽ അങ്കണവാടിയുടെ മേൽക്കൂരയുടെ കോൺക്രീറ്റ് പാളി അടർന്നു വീണു. കുട്ടികൾ എത്തുന്നതിന് മുൻപ് അപകടം നടന്നതിനാൽ വൻ ദുരന്തം ഒഴിവായി. കെട്ടിടത്തിന്റെ ശോചനീയാവസ്ഥ പരിഹരിക്കാൻ അടിയന്തര നടപടി സ്വീകരിക്കണമെന്നാണ് നാട്ടുകാരുടെ ആവശ്യം.
ഡൽഹിയിൽ ഹുമയൂണിന്റെ ശവകുടീരത്തിന് സമീപം കെട്ടിടം തകർന്ന് 5 മരണം
ഡൽഹിയിൽ ഹുമയൂണിന്റെ ശവകുടീരത്തിന് സമീപമുള്ള വിശ്രമമുറി തകർന്ന് അഞ്ചു പേർ മരിച്ചു. 11 പേരെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചു. എൻഡിആർഎഫ് സംഘം സ്ഥലത്തെത്തി രക്ഷാപ്രവർത്തനം നടത്തുന്നു.
നാദാപുരത്ത് ഇരുനില കെട്ടിടം തകർന്ന് വീണു; ആളപായമില്ല
കോഴിക്കോട് നാദാപുരത്ത് കസ്തൂരിക്കുളത്ത് പഴക്കമേറിയ ഇരുനില കെട്ടിടം തകർന്ന് വീണു. കനത്ത മഴയെത്തുടർന്ന് പുലർച്ചെയായിരുന്നു അപകടം. കെട്ടിടത്തിൽ ഉഴിച്ചിൽ കേന്ദ്രം നടത്തിയിരുന്നയാൾ തലേദിവസം വീട്ടിൽ പോയതിനാൽ ദുരന്തം ഒഴിവായി.
കോട്ടയം മെഡിക്കൽ കോളേജ് കെട്ടിടം അപകടം: തിരച്ചിൽ വൈകിയതിന്റെ ഉത്തരവാദിത്തം ഏറ്റെടുത്ത് സൂപ്രണ്ട്
കോട്ടയം മെഡിക്കൽ കോളേജ് കെട്ടിടം തകർന്ന സംഭവത്തിൽ പ്രതികരണവുമായി സൂപ്രണ്ട്. തിരച്ചിൽ വൈകിയതിന്റെ പൂർണ്ണ ഉത്തരവാദിത്തം താൻ ഏറ്റെടുക്കുന്നതായി അദ്ദേഹം പറഞ്ഞു. പകരം സംവിധാനം ഒരുക്കാതെ കെട്ടിടം അടച്ചിടാൻ സാധിക്കുമായിരുന്നില്ലെന്നും സൂപ്രണ്ട് വ്യക്തമാക്കി.
കോട്ടയം മെഡിക്കൽ കോളേജ് അപകടം: ആരോഗ്യമന്ത്രിയെ പുറത്താക്കണമെന്ന് കെ. സുധാകരൻ
കോട്ടയം മെഡിക്കൽ കോളേജ് ആശുപത്രി കെട്ടിടം തകർന്ന് സ്ത്രീ മരിച്ച സംഭവം ദൗർഭാഗ്യകരമെന്ന് കെ. സുധാകരൻ എംപി. അപകടം നടന്നയുടൻ രക്ഷാപ്രവർത്തനം നടത്തിയിരുന്നെങ്കിൽ ഒരു ജീവൻ രക്ഷിക്കാമായിരുന്നുവെന്നും അദ്ദേഹം പറഞ്ഞു. ആരോഗ്യമന്ത്രിയെ പുറത്താക്കണമെന്നും സുധാകരൻ ആവശ്യപ്പെട്ടു.
കോട്ടയം മെഡിക്കൽ കോളജിൽ മുഖ്യമന്ത്രിയുടെ സന്ദർശനം; അപകടസ്ഥലം സന്ദർശിക്കാതെ മടങ്ങി
കോട്ടയം മെഡിക്കൽ കോളജിൽ കെട്ടിടം തകർന്ന് സ്ത്രീ മരിച്ച സംഭവത്തിൽ മുഖ്യമന്ത്രി പിണറായി വിജയൻ ആശുപത്രി സന്ദർശിച്ചു. ആരോഗ്യ മന്ത്രി വീണാ ജോർജ്, മന്ത്രി വി എൻ വാസവൻ എന്നിവരുമായി കൂടിക്കാഴ്ച നടത്തി. അപകടസ്ഥലം സന്ദർശിക്കാതെയാണ് മുഖ്യമന്ത്രി മടങ്ങിയത്, ഇതിനെതിരെ വ്യാപക പ്രതിഷേധം ഉയർന്നു.
കോട്ടയം മെഡിക്കൽ കോളേജ് അപകടം; മന്ത്രിമാർക്ക് ഉത്തരവാദിത്തം, വിമർശനവുമായി വി.ഡി. സതീശൻ
കോട്ടയം മെഡിക്കൽ കോളേജിൽ കെട്ടിടം ഇടിഞ്ഞുവീണ് സ്ത്രീ മരിച്ച സംഭവത്തിൽ പ്രതികരണവുമായി വി.ഡി. സതീശൻ. രക്ഷാപ്രവർത്തനം വൈകാൻ കാരണം മന്ത്രിമാരുടെ പ്രസ്താവനയാണെന്ന് അദ്ദേഹം ആരോപിച്ചു. സംഭവത്തിൽ മന്ത്രിമാർക്ക് ഉത്തരവാദിത്തമുണ്ടെന്നും സതീശൻ കുറ്റപ്പെടുത്തി.
കോട്ടയം മെഡിക്കൽ കോളേജിൽ കെട്ടിടം തകർന്ന് മരണം: ജില്ലാ കളക്ടർ അന്വേഷിക്കും, മന്ത്രിയുടെ പ്രതികരണം
കോട്ടയം മെഡിക്കൽ കോളേജ് ആശുപത്രി കെട്ടിടം തകർന്ന് സ്ത്രീ മരിച്ച സംഭവത്തിൽ ജില്ലാ കളക്ടർ അന്വേഷണം നടത്തും. ആരോഗ്യ മന്ത്രി വീണാ ജോർജ് ആണ് ഇക്കാര്യം അറിയിച്ചത്. 68 വർഷം മുൻപ് നിർമ്മിച്ച കെട്ടിടത്തിന്റെ ഭാഗമാണ് തകർന്നുവീണത്.
കോട്ടയം മെഡിക്കൽ കോളേജ് അപകടം; രക്ഷാപ്രവർത്തനം വൈകിയെന്ന് ചാണ്ടി ഉമ്മൻ
കോട്ടയം മെഡിക്കൽ കോളേജ് കെട്ടിടം തകർന്നുവീണ സംഭവത്തിൽ പ്രതിഷേധവുമായി ചാണ്ടി ഉമ്മൻ എംഎൽഎ. അപകട സ്ഥലത്ത് രക്ഷാപ്രവർത്തനം വൈകിയെന്ന് അദ്ദേഹം ആരോപിച്ചു. ആളൊഴിഞ്ഞ കെട്ടിടമെന്ന് പറഞ്ഞ് അധികൃതർ തെറ്റിദ്ധരിപ്പിക്കാൻ ശ്രമിക്കുന്നുവെന്നും ചാണ്ടി ഉമ്മൻ കുറ്റപ്പെടുത്തി. മകൾക്ക് കൂട്ടിരിക്കാനെത്തിയ തലയോലപ്പറമ്പ് സ്വദേശി ബിന്ദുവാണ് അപകടത്തിൽ മരിച്ചത്.
കോട്ടയം മെഡിക്കൽ കോളേജിൽ കെട്ടിടം തകർന്ന് സ്ത്രീ മരിച്ചു
കോട്ടയം മെഡിക്കൽ കോളേജിൽ കെട്ടിടം തകർന്ന് തലയോലപ്പറമ്പ് സ്വദേശി ബിന്ദു മരിച്ചു. മകൾക്ക് കൂട്ടിരിക്കാൻ എത്തിയതായിരുന്നു ബിന്ദു. രക്ഷാപ്രവർത്തനത്തിൽ വീഴ്ചയുണ്ടായെന്ന് ചാണ്ടി ഉമ്മൻ എംഎൽഎ ആരോപിച്ചു.
കോട്ടയം മെഡിക്കൽ കോളേജിൽ കെട്ടിടം ഇടിഞ്ഞുവീണു; രണ്ട് പേർക്ക് പരിക്ക്
കോട്ടയം മെഡിക്കൽ കോളേജിൽ 14-ാം വാർഡിന്റെ കെട്ടിടം ഇടിഞ്ഞുവീണു. അപകടത്തിൽ ഒരു കുട്ടിക്കും ഒരു സ്ത്രീക്കും പരിക്കേറ്റു. ഇരുവർക്കും സാരമായ പരുക്കുകളില്ലെന്നും രക്ഷാപ്രവർത്തനം പൂർത്തിയായെന്നും അധികൃതർ അറിയിച്ചു.
ഷിംലയിൽ അഞ്ചുനില കെട്ടിടം തകർന്നു വീണു; ആളപായമില്ല
ഷിംലയിലെ ഭട്ടകുഫറിൽ അഞ്ചുനില കെട്ടിടം തകർന്നു വീണു. അപകടത്തിൽ ആളപായം റിപ്പോർട്ട് ചെയ്തിട്ടില്ല. നാലുവരി പാതയുടെ നിർമ്മാണമാണ് കെട്ടിടത്തിന്റെ ബലക്ഷയത്തിന് കാരണമെന്നാണ് പ്രാഥമിക വിലയിരുത്തൽ.