Bribery Case
കൈക്കൂലി കേസിൽ മുൻ വില്ലേജ് ഓഫീസർക്ക് 7 വർഷം തടവ്
കോട്ടയം വിജിലൻസ് കോടതി, കൈക്കൂലി കേസിൽ മുൻ വില്ലേജ് ഓഫീസർക്ക് 7 വർഷം കഠിന തടവും 75,000 രൂപ പിഴയും വിധിച്ചു. കിടങ്ങൂർ മുൻ വില്ലേജ് ഓഫീസർ പി കെ ബിജു മോനെയാണ് ശിക്ഷിച്ചത്. സ്ഥലം പോക്കുവരവ് ചെയ്തു നൽകുന്നതിന് 3000 രൂപയും മദ്യകുപ്പിയും കൈക്കൂലി വാങ്ങിയ കേസിലാണ് നടപടി.
കൊച്ചി കോർപ്പറേഷനിൽ കൈക്കൂലി കേസ്; രണ്ട് ഉദ്യോഗസ്ഥർ പിടിയിൽ
കൊച്ചി കോർപ്പറേഷനിലെ രണ്ട് ഉദ്യോഗസ്ഥർ കൈക്കൂലിയുമായി പിടിയിലായി. ഇടപ്പള്ളി സോണൽ ഓഫീസിലെ സൂപ്രണ്ട് ലാലിച്ചനും ഇൻസ്പെക്ടർ മണികണ്ഠനുമാണ് പിടിയിലായത്. ഭൂമിയുടെ പേര് മാറ്റുന്നതിന് കൈക്കൂലി ആവശ്യപ്പെട്ടതിനെ തുടർന്നാണ് ഇവരെ പിടികൂടിയത്.
മഞ്ചേശ്വരം കോഴക്കേസിൽ കെ. സുരേന്ദ്രന് ഹൈക്കോടതി നോട്ടീസ്
മഞ്ചേശ്വരം തിരഞ്ഞെടുപ്പ് കോഴക്കേസിൽ കെ. സുരേന്ദ്രനെ കുറ്റവിമുക്തനാക്കിയതിനെതിരെ സർക്കാർ നൽകിയ അപ്പീലിൽ ഹൈക്കോടതി നോട്ടീസ് അയച്ചു. ബിഎസ്പി സ്ഥാനാർത്ഥിക്ക് സ്ഥാനാർത്ഥിത്വം പിൻവലിക്കാൻ കോഴ നൽകിയെന്നാണ് കേസ്. ഹർജി ഈ മാസം 30-ന് വീണ്ടും പരിഗണിക്കും.
കൈക്കൂലി കേസ്: കെ.എൻ.കുട്ടമണിയെ ചെയർമാൻ സ്ഥാനത്ത് നിന്ന് നീക്കും
കൈക്കൂലി കേസിൽ അറസ്റ്റിലായ കെ.എൻ.കുട്ടമണിയെ കേരള സംസ്ഥാന കളിമൺപാത്ര നിർമ്മാണ വിപണന ക്ഷേമ വികസന കോർപ്പറേഷൻ ചെയർമാൻ സ്ഥാനത്ത് നിന്ന് നീക്കാൻ മന്ത്രി ഒ.ആർ.കേളു നിർദേശം നൽകി. സിഐടിയുവിന്റെ സംസ്ഥാന കമ്മിറ്റി അംഗവും സിപിഐഎം പ്രവർത്തകനുമാണ് അറസ്റ്റിലായ കുട്ടമണി. കളിമൺ പാത്രങ്ങളുടെ വിതരണവുമായി ബന്ധപ്പെട്ട് കമ്മീഷൻ ആവശ്യപ്പെട്ടതിനെ തുടർന്നാണ് ഇയാളെ വിജിലൻസ് അറസ്റ്റ് ചെയ്തത്.
കൈക്കൂലി കേസ്: ഇഡി അസിസ്റ്റന്റ് ഡയറക്ടർ ശേഖർ കുമാറിനെ ചോദ്യം ചെയ്യാൻ വിജിലൻസ്
ഇ.ഡി. അസിസ്റ്റന്റ് ഡയറക്ടർ ശേഖർ കുമാറിനെ കൈക്കൂലി കേസിൽ വിജിലൻസ് ചോദ്യം ചെയ്യുന്നു. ഹൈക്കോടതി മുൻകൂർ ജാമ്യം അനുവദിച്ചതിനെ തുടർന്ന് അദ്ദേഹം വിജിലൻസ് ഓഫീസിൽ ഹാജരായി. മറ്റ് പ്രതികളുമായി ശേഖർ കുമാർ ആശയവിനിമയം നടത്തിയതിൻ്റെ തെളിവുകൾ ലഭിച്ചിട്ടുണ്ട്.
കൈക്കൂലിക്കേസിൽ ഇഡി അസിസ്റ്റന്റ് ഡയറക്ടർക്ക് മുൻകൂർ ജാമ്യം
വിജിലൻസ് രജിസ്റ്റർ ചെയ്ത കൈക്കൂലിക്കേസിൽ ഇ.ഡി അസിസ്റ്റന്റ് ഡയറക്ടർ ശേഖർ കുമാറിന് ഹൈക്കോടതി മുൻകൂർ ജാമ്യം അനുവദിച്ചു. കൊല്ലം സ്വദേശിയായ കശുവണ്ടി വ്യവസായി അനീഷ് നൽകിയ പരാതിയിലാണ് ശേഖർ കുമാറിനെ ഒന്നാം പ്രതിയാക്കി വിജിലൻസ് കേസെടുത്തത്. അന്വേഷണത്തോട് പൂർണ്ണമായി സഹകരിക്കണമെന്ന് ഹൈക്കോടതി നിർദേശമുണ്ട്.
ഇ.ഡിക്ക് നൽകിയ കത്തിന് മറുപടി കാത്ത് വിജിലൻസ്; കൂടുതൽ വിവരങ്ങൾ തേടി അന്വേഷണ സംഘം
ഇ.ഡി ഉദ്യോഗസ്ഥർക്കെതിരായ കൈക്കൂലി കേസിൽ വിജിലൻസ് അന്വേഷണം ശക്തമാക്കുന്നു. ഇതിന്റെ ഭാഗമായി ഇ.ഡിക്ക് നൽകിയ കത്തിന് മറുപടി കിട്ടാനായി കാത്തിരിക്കുകയാണ് വിജിലൻസ്. കേസിൽ ഉൾപ്പെട്ട കൂടുതൽ രേഖകൾ ആവശ്യപ്പെട്ട് വിജിലൻസ് ഉദ്യോഗസ്ഥർ ഇ.ഡി ഓഫീസിൽ നേരിട്ടെത്തി.
കൈക്കൂലിക്കേസിൽ ഇഡി അസിസ്റ്റന്റ് ഡയറക്ടർക്ക് ഹൈക്കോടതിയുടെ സംരക്ഷണം
കൈക്കൂലിക്കേസിൽ ഇ.ഡി. അസിസ്റ്റന്റ് ഡയറക്ടർ ശേഖർ കുമാറിൻ്റെ അറസ്റ്റ് ഹൈക്കോടതി തടഞ്ഞു. ശേഖർ കുമാറിൻ്റെ മുൻകൂർ ജാമ്യാപേക്ഷയിൽ വിജിലൻസിന് കോടതി നോട്ടീസ് അയച്ചു. കേസ് വീണ്ടും പരിഗണിക്കുന്നതുവരെ അറസ്റ്റ് ഉണ്ടാകില്ല.
ഇഡി ഉദ്യോഗസ്ഥന്റെ കോഴക്കേസ്: പരാതിക്കാരന്റെ വിവരങ്ങൾ തേടി വിജിലൻസ് വീണ്ടും ഇഡിക്ക് കത്ത് നൽകി
ഇ.ഡി ഉദ്യോഗസ്ഥൻ ഉൾപ്പെട്ട കോഴക്കേസിൽ വിജിലൻസ് തങ്ങളുടെ നിലപാട് കടുപ്പിക്കുന്നു. കേസിൽ പരാതിക്കാരനായ അനീഷ് ബാബുവിന്റെ വിവരങ്ങൾ ആവശ്യപ്പെട്ട് ഇ.ഡിക്ക് വിജിലൻസ് വീണ്ടും കത്ത് നൽകി. കേസ് ഫയൽ ആവശ്യപ്പെട്ട് നേരത്തെ കത്ത് നൽകിയിട്ടും ഇ.ഡി അനുകൂല നിലപാട് സ്വീകരിച്ചിരുന്നില്ല. അനീഷ് ബാബുവിനെതിരായ ഇ.സി.ഐ.ആറും സമൻസും ആവശ്യപ്പെട്ടാണ് വിജിലൻസ് വീണ്ടും കത്തയച്ചിരിക്കുന്നത്.
ഇ.ഡി ഉദ്യോഗസ്ഥൻ പ്രതിയായ കേസിൽ പരാതിക്കാരനെ അവിശ്വസിക്കാനാവില്ലെന്ന് വിജിലൻസ് എസ്.പി
ഇ.ഡി ഉദ്യോഗസ്ഥൻ ഉൾപ്പെട്ട കോഴക്കേസിൽ പരാതിക്കാരനായ അനീഷ് ബാബുവിനെ അവിശ്വസിക്കുന്നില്ലെന്ന് വിജിലൻസ് എസ്.പി. എസ്. ശശിധരൻ ട്വൻ്റിഫോറിനോട് പറഞ്ഞു. ഡിജിറ്റൽ തെളിവുകൾ ലഭിക്കുന്നതനുസരിച്ച് ഇ.ഡി ഉദ്യോഗസ്ഥനെ വിളിക്കുമെന്നും അദ്ദേഹം കൂട്ടിച്ചേർത്തു. പ്രതികൾക്ക് ജാമ്യം ലഭിച്ചത് തിരിച്ചടിയല്ലെന്നും അദ്ദേഹം വ്യക്തമാക്കി.
ഇഡി ഉദ്യോഗസ്ഥൻ പ്രതിയായ കോഴക്കേസിൽ മൂന്ന് പേർക്ക് ജാമ്യം
ഇ.ഡി ഉദ്യോഗസ്ഥൻ പ്രതിയായ കോഴക്കേസിൽ മൂന്ന് പ്രതികൾക്ക് ഉപാധികളോടെ ജാമ്യം ലഭിച്ചു. മൂവാറ്റുപുഴ വിജിലൻസ് കോടതിയാണ് ജാമ്യം അനുവദിച്ചത്. അടുത്ത ഏഴ് ദിവസത്തേക്ക് മൂന്ന് പ്രതികളും ദിവസവും അന്വേഷണ സംഘത്തിന് മുന്നിൽ ഹാജരാകണമെന്ന് കോടതി നിർദ്ദേശിച്ചിട്ടുണ്ട്.
കൊച്ചി ഇഡി കൈക്കൂലി കേസ്; ഉദ്യോഗസ്ഥരെ സസ്പെൻഡ് ചെയ്യണമെന്ന് എ എ റഹീം എംപി
കൊച്ചിയിലെ ഇ.ഡി. യൂണിറ്റിലെ കൈക്കൂലി കേസിൽ അറസ്റ്റിലായ ഉദ്യോഗസ്ഥനെ ഉടൻ സസ്പെൻഡ് ചെയ്യണമെന്ന് എ.എ. റഹീം എം.പി. കേന്ദ്ര ധനകാര്യ മന്ത്രിക്ക് കത്തയച്ചു. കള്ളപ്പണം തടയേണ്ട ഉദ്യോഗസ്ഥർ തന്നെ അഴിമതി നടത്തുന്നത് നിയമവാഴ്ചയ്ക്ക് ഭീഷണിയാണെന്ന് അദ്ദേഹം കത്തിൽ ചൂണ്ടിക്കാട്ടി. കുറ്റാരോപിതരായ മുഴുവൻ ആളുകളെയും ഉടൻ സസ്പെൻഡ് ചെയ്യണമെന്നും എംപി ആവശ്യപ്പെട്ടു.