Blackout
ജയ്സാൽമീറിൽ ഇന്നും രാത്രി ബ്ലാക്ക് ഔട്ട്; സുരക്ഷ ശക്തമാക്കി
രാജസ്ഥാനിലെ ജയ്സാൽമീർ, ബാർമിർ ജില്ലകളിൽ ഇന്ന് രാത്രിയും ബ്ലാക്ക് ഔട്ട് പ്രഖ്യാപിച്ചു. രാത്രി 8 മണി മുതൽ രാവിലെ 6 മണി വരെയാണ് ബ്ലാക്ക് ഔട്ട്. സുരക്ഷാ മുൻകരുതലുകൾ കണക്കിലെടുത്ത് എല്ലാവരും സഹകരിക്കണമെന്ന് അധികൃതർ അറിയിച്ചു.
പാക് പ്രകോപനം: അതിർത്തിയിൽ ബ്ലാക്ക് ഔട്ട്; ജാഗ്രതാ നിർദ്ദേശം
പാകിസ്താൻ അതിർത്തിയിൽ പ്രകോപനം തുടരുന്ന സാഹചര്യത്തിൽ, അതിർത്തി മേഖലകളിൽ അടിയന്തരമായി ബ്ലാക്ക് ഔട്ട് ഏർപ്പെടുത്താൻ തീരുമാനിച്ചു. ജമ്മുവിലെ അഖ്നൂർ, രാജൗരി, ആർഎസ് പുര എന്നിവിടങ്ങളിൽ പാക് സൈന്യം ഷെല്ലാക്രമണം നടത്തിയതാണ് ഈ അടിയന്തര തീരുമാനത്തിലേക്ക് നയിച്ചത്. അതിർത്തിയിൽ പാകിസ്താനെതിരെ തിരിച്ചടിക്കാൻ ബിഎസ്എഫിന് പൂർണ്ണ സ്വാതന്ത്ര്യം നൽകിയിട്ടുണ്ട്
ജമ്മുവിൽ ബ്ലാക്ക്ഔട്ട്, സൈറനുകൾ മുഴങ്ങുന്നു; പാക് പ്രകോപനമെന്ന് റിപ്പോർട്ട്
ജമ്മുവിൽ ബ്ലാക്ക്ഔട്ടാണെന്നും നഗരത്തിൽ സൈറനുകൾ മുഴങ്ങിക്കേൾക്കുന്നുവെന്നും ജമ്മു കശ്മീർ മുഖ്യമന്ത്രി ഒമർ അബ്ദുള്ള അറിയിച്ചു. അതിർത്തി മേഖലകളിൽ പാക് പ്രകോപനമുണ്ടായെന്നും റിപ്പോർട്ടുകളുണ്ട്. ഏഴ് ഇടങ്ങളിൽ ഡ്രോൺ ആക്രമണശ്രമം നടന്നെന്നും ഡ്രോണുകളെല്ലാം ഇന്ത്യ വെടിവെച്ചിട്ടെന്നും പറയുന്നു.
അമൃത്സറിൽ സൈറൺ; ജനങ്ങളോട് പുറത്തിറങ്ങരുതെന്ന് നിർദ്ദേശം
സുരക്ഷാ മുന്നറിയിപ്പിനെ തുടർന്ന് അമൃത്സറിലെ ജനങ്ങളോട് വീടിന് പുറത്തിറങ്ങരുതെന്ന് നിർദ്ദേശം നൽകി. പുലർച്ചെ 6.37ന് അമൃത്സറിലാണ് സൈറൺ മുഴങ്ങിയത്. രാജസ്ഥാനിലെ പ്രധാന നഗരങ്ങളിലും രാത്രിയിൽ ബ്ലാക്ക് ഔട്ട് ആചരിച്ചു.
രാജ്യത്ത് അതീവ ജാഗ്രത; പലയിടത്തും ബ്ലാക്ക് ഔട്ട്
രാജ്യത്ത് സുരക്ഷാ കാരണങ്ങളാൽ അതീവ ജാഗ്രത പ്രഖ്യാപിച്ചു. പഞ്ചാബ്, ഹരിയാന, രാജസ്ഥാൻ എന്നിവിടങ്ങളിൽ അതീവ ജാഗ്രത നിർദ്ദേശം നൽകി. രാജ്യത്തുടനീളമുള്ള എല്ലാ വിമാനത്താവളങ്ങളും അടച്ചിട്ടിരിക്കുകയാണ്.