BJP
കേരളത്തിൽ എയിംസ് സ്ഥാപിക്കാൻ ബിജെപിക്ക് മാത്രമേ കഴിയൂ: അനൂപ് ആന്റണി
കേരളത്തിൽ എയിംസ് സ്ഥാപിക്കുന്നതുമായി ബന്ധപ്പെട്ട് ബിജെപി സംസ്ഥാന ജനറൽ സെക്രട്ടറി അനൂപ് ആന്റണിയുടെ പ്രതികരണം ശ്രദ്ധേയമാകുന്നു. എയിംസ് കേരളത്തിൽ സ്ഥാപിക്കണമെന്നതാണ് ബിജെപിയുടെ പ്രധാന നിലപാടെന്നും, അത് നടപ്പാക്കാൻ ബിജെപിക്ക് മാത്രമേ സാധിക്കുകയുള്ളൂ എന്നും അദ്ദേഹം വ്യക്തമാക്കി. ഈ വിഷയത്തിൽ പാർട്ടിക്കുള്ള കൃത്യമായ നിലപാട് സംസ്ഥാന സമിതിയിൽ ചർച്ച ചെയ്യുമെന്നും അദ്ദേഹം കൂട്ടിച്ചേർത്തു.
ബിജെപി സംസ്ഥാന സമിതി യോഗം ഇന്ന് കൊല്ലത്ത്; എയിംസ് വിഷയം ചർച്ചയായേക്കും
ബിജെപി സംസ്ഥാന സമിതി യോഗം ഇന്ന് കൊല്ലത്ത് നടക്കും. രാജീവ് ചന്ദ്രശേഖറിൻ്റെ നേതൃത്വത്തിലുള്ള പുതിയ സംസ്ഥാന കമ്മിറ്റിയുടെ ആദ്യ യോഗമാണിത്. യോഗത്തിൽ ജെ പി നദ്ദ പങ്കെടുക്കും. തദ്ദേശ തിരഞ്ഞെടുപ്പ് മുന്നൊരുക്കം, എയിംസ് വിഷയം, സാമുദായിക സംഘടനകളുമായുള്ള ബന്ധം തുടങ്ങിയ വിഷയങ്ങൾ ചർച്ചയാകും.
എയിംസ് വിഷയത്തിൽ ബിജെപിയിൽ ഭിന്നതയില്ലെന്ന് പി.കെ. കൃഷ്ണദാസ്; കേന്ദ്രമാണ് തീരുമാനമെടുക്കേണ്ടതെന്ന് അഭിപ്രായം
എയിംസ് കേരളത്തിൽ സ്ഥാപിക്കുന്നതുമായി ബന്ധപ്പെട്ട് രാഷ്ട്രീയ വിവാദങ്ങൾ തുടരുന്നതിനിടെ, വിഷയത്തിൽ പ്രതികരണവുമായി ബിജെപി നേതാക്കൾ രംഗത്ത്. എയിംസ് സ്ഥാപിക്കുന്ന കാര്യത്തിൽ ബിജെപിക്ക് ഒറ്റ അഭിപ്രായമാണെന്നും ഇതിൽ ആർക്കും ഭിന്നതയില്ലെന്നും പി. കെ. കൃഷ്ണദാസ് വ്യക്തമാക്കി. അതേസമയം, കേന്ദ്രത്തിന്റെ തീരുമാനമാണ് ഇതിൽ നിർണ്ണായകമെന്നും അദ്ദേഹം കൂട്ടിച്ചേർത്തു.
കോൺഗ്രസ് ആദിവാസികളെ അവഗണിച്ചു, ബിജെപി സർക്കാർ മുൻഗണന നൽകി; പ്രധാനമന്ത്രി നരേന്ദ്ര മോദി
കോൺഗ്രസ് എക്കാലത്തും ആദിവാസി സമൂഹത്തെ അവഗണിച്ചെന്നും, ബിജെപി സർക്കാർ ഈ സമൂഹത്തിന് മുൻഗണന നൽകി പ്രത്യേക മന്ത്രാലയം സ്ഥാപിച്ചെന്നും പ്രധാനമന്ത്രി നരേന്ദ്ര മോദി അഭിപ്രായപ്പെട്ടു. ആഗോളതലത്തിൽ പല തടസ്സങ്ങൾ ഉണ്ടായിട്ടും ഇന്ത്യ വികസനത്തിന്റെയും വളർച്ചയുടെയും പാത പിന്തുടരുകയാണ്. സ്വാശ്രയത്വമാണ് സർക്കാരിന്റെ പ്രധാന ദർശനമെന്നും അദ്ദേഹം കൂട്ടിച്ചേർത്തു.
പിണറായി ഭരണം അയ്യപ്പൻ നൽകുന്ന ശിക്ഷ, ബിജെപി പണം കൊണ്ട് താമര വിരിയിച്ചു; കെ.മുരളീധരൻ
മുഖ്യമന്ത്രി പിണറായി വിജയനെതിരെ രൂക്ഷ വിമർശനവുമായി കെ. മുരളീധരൻ രംഗത്ത്. ബിജെപി കൗൺസിലറുടെ ആത്മഹത്യയുമായി ബന്ധപ്പെട്ടും അദ്ദേഹം പ്രതികരണം നടത്തി. തിരുവനന്തപുരം നഗരസഭയിൽ ഭരണപക്ഷം ഈനാംപേച്ചിയെപ്പോലെയും പ്രതിപക്ഷം മരപ്പട്ടിയായി മാറിയെന്നും മുരളീധരൻ വിമർശിച്ചു.
കേരളത്തിൽ കോൺഗ്രസ് പിന്തുണ ആകാമെന്ന് സി.പി.ഐ; ബിജെപി വിരുദ്ധ നിലപാട് ലക്ഷ്യം വെക്കുന്നു.
ബിജെപിയെ തടയുന്നതിന് കേരളത്തിൽ കോൺഗ്രസിനെ പിന്തുണയ്ക്കുന്നതിൽ തെറ്റില്ലെന്ന് സി.പി.ഐ പാർട്ടി കോൺഗ്രസ് ചർച്ചയിൽ അഭിപ്രായമുയർന്നു. വിശാല ഇടത് പാർട്ടികളുടെ പുനരേകീകരണത്തിന് സി.പി.ഐ മുൻകൈ എടുക്കണമെന്നും ആവശ്യമുയർന്നു. ആർ.എസ്.പി, ഫോർവേഡ് ബ്ലോക്ക് തുടങ്ങിയ പാർട്ടികളെയും ചേർത്തുനിർത്തണമെന്നും നിർദ്ദേശമുണ്ട്.
അനിൽ ആത്മഹത്യ: ബിജെപിക്ക് ഉത്തരവാദിത്വമെന്ന് വി. ജോയ്
തിരുമല വാർഡ് കൗൺസിലർ അനിൽ ആത്മഹത്യ ചെയ്ത സംഭവത്തിൽ ബിജെപി നേതൃത്വത്തിനെതിരെ ചോദ്യങ്ങളുമായി സിപിഐഎം തിരുവനന്തപുരം ജില്ലാ സെക്രട്ടറി വി. ജോയ്. അനിലിന്റെ മരണവുമായി ബന്ധപ്പെട്ട് ബിജെപിക്ക് ഒളിച്ചുവയ്ക്കാനുള്ള കാര്യങ്ങളെന്തെല്ലാമാണെന്നും, ബിജെപി നേതാക്കൾ ഇതിന് മറുപടി പറയണമെന്നും അദ്ദേഹം ആവശ്യപ്പെട്ടു. സംഭവത്തിൽ വിശദമായ അന്വേഷണം നടത്തണമെന്നും വി. ജോയ് ആവശ്യപ്പെട്ടു.
തിരുവനന്തപുരം തിരുമലയിൽ കൗൺസിലർ ആത്മഹത്യ ചെയ്ത സംഭവം; നിർണ്ണായകമായ ആത്മഹത്യാക്കുറിപ്പ് പുറത്ത്
തിരുവനന്തപുരം തിരുമലയിൽ ബിജെപി കൗൺസിലർ ആത്മഹത്യ ചെയ്ത സംഭവത്തിൽ നിർണ്ണായകമായ ആത്മഹത്യാക്കുറിപ്പ് പുറത്ത്. സാമ്പത്തിക പ്രതിസന്ധിയാണ് ആത്മഹത്യക്ക് കാരണമെന്നും, പല ആളുകളെയും സഹായിച്ചുവെന്നും, വായ്പയെടുത്തവർ കൃത്യ സമയത്ത് പണം തിരിച്ചടയ്ക്കാത്തത് പ്രതിസന്ധിയുണ്ടാക്കിയെന്നും ആത്മഹത്യാക്കുറിപ്പിൽ പറയുന്നു. തിരുമലയിലെ നഗരസഭ കോർപ്പറേഷനിലെ ഓഫീസിലെത്തിയാണ് അനിൽ ജീവനൊടുക്കിയത്.
തിരുവനന്തപുരം: ബിജെപി കൗൺസിലർ കെ. അനിൽ കുമാറിനെ തൂങ്ങിമരിച്ച നിലയിൽ കണ്ടെത്തി
തിരുവനന്തപുരം തിരുമലയിലെ ബിജെപി കൗൺസിലർ കെ. അനിൽ കുമാറിനെ ഓഫീസിനുള്ളിൽ തൂങ്ങിമരിച്ച നിലയിൽ കണ്ടെത്തി. അദ്ദേഹത്തിന്റെ ആത്മഹത്യാക്കുറിപ്പിൽ ബിജെപിക്കെതിരെ പരാമർശങ്ങളുണ്ട്. സാമ്പത്തികമായി തകർന്ന സഹകരണ ബാങ്കിനെ പാർട്ടി സംരക്ഷിച്ചില്ലെന്നും കത്തിൽ പറയുന്നു.
തിരുവനന്തപുരത്ത് ബിജെപി കൗൺസിലർ തൂങ്ങിമരിച്ചു; ആത്മഹത്യ കുറിപ്പിൽ നേതാക്കൾക്കെതിരെ ആരോപണം
തിരുവനന്തപുരം തിരുമലയിലെ ബിജെപി കൗൺസിലർ അനിൽ ഓഫീസിനകത്ത് തൂങ്ങിമരിച്ച നിലയിൽ കാണപ്പെട്ടു. ആത്മഹത്യാക്കുറിപ്പിൽ ചില ബിജെപി നേതാക്കൾക്കെതിരെ ഗുരുതരമായ ആരോപണങ്ങൾ ഉന്നയിച്ചിട്ടുണ്ട്. പാർട്ടിക്കുള്ളിലെ ഭിന്നതകളാണ് ആത്മഹത്യയിലേക്ക് നയിച്ചതെന്നാണ് സൂചന.
എഐഎസ്എഫ് മുൻ സംസ്ഥാന സെക്രട്ടറി അരുൺ ബാബു ബിജെപിയിൽ ചേർന്നു
എഐഎസ്എഫ് മുൻ സംസ്ഥാന സെക്രട്ടറി അരുൺ ബാബു ബിജെപിയിൽ ചേർന്നു. മുൻ എസ്എഫ്ഐ നേതാവും കോൺഗ്രസ് പ്രവർത്തകർ അടക്കം പാർട്ടിയിൽ ചേർന്നെന്നും ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ ഫേസ്ബുക്കിൽ കുറിച്ചു. വികസിത കേരളം എന്ന കാഴ്ചപ്പാടിന് പിന്നിൽ അണിനിരക്കുന്നവർ ബിജെപിയിലേക്ക് വരുന്നുവെന്ന് അദ്ദേഹം കൂട്ടിച്ചേർത്തു.
ബിജെപി ദേശീയ കൗൺസിൽ അംഗം ചേറ്റൂർ ബാലകൃഷ്ണൻ അന്തരിച്ചു
ബി.ജെ.പി ദേശീയ കൗൺസിൽ അംഗം ചേറ്റൂർ ബാലകൃഷ്ണൻ (80) അന്തരിച്ചു. കോഴിക്കോട് ഓമശ്ശേരിയിലെ വീട്ടിൽ വാർധക്യ സഹജമായ അസുഖങ്ങളെ തുടർന്ന് വിശ്രമത്തിലായിരുന്നു അദ്ദേഹം. ഇന്ന് വൈകീട്ട് 5 മണിക്ക് വീട്ടുവളപ്പിൽ സംസ്കാരം നടക്കും.