BJP Kerala
ബിജെപി നേതൃത്വത്തിനെതിരെ വിമർശനവുമായി എൻ കെ ശശി
ബിജെപി സംസ്ഥാന നേതൃത്വത്തിനെതിരെ രൂക്ഷ വിമർശനവുമായി എൻ കെ ശശി രംഗത്ത്. പാർട്ടിയിൽ തരംതാഴ്ത്തിയതിനെതിരെയാണ് എൻ കെ ശശിയുടെ പ്രതികരണം. ഗ്രൂപ്പിസം പാർട്ടിയെ തകർക്കുമെന്നും അദ്ദേഹം ഫേസ്ബുക്ക് ലൈവിൽ തുറന്നടിച്ചു.
കേരളത്തിലെ സാമ്പത്തിക സ്ഥിതി തകർച്ചയിലെന്ന് രാജീവ് ചന്ദ്രശേഖർ
കഴിഞ്ഞ 9 വർഷമായി കേരളത്തിലെ സാമ്പത്തികരംഗം തകർന്നു കിടക്കുകയാണെന്നും ഈ നിയമസഭാ സമ്മേളനത്തിൽ വിലക്കയറ്റം ചർച്ച ചെയ്യാത്തത് പ്രതിഷേധാർഹമാണെന്നും ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ അഭിപ്രായപ്പെട്ടു. രാഹുൽ ഗാന്ധിക്കെതിരായ കൊലവിളി പ്രസംഗം നടത്തിയ ബിജെപി വക്താവ് പ്രിൻ്റു മഹാദേവനെ തള്ളി രാജീവ് ചന്ദ്രശേഖർ രംഗത്ത് വന്നു. ശബരിമല സ്വർണ്ണ പാളി വിവാദത്തിൽ സർക്കാരിനെതിരെ രൂക്ഷ വിമർശനവുമായി രാജീവ് ചന്ദ്രശേഖർ രംഗത്തെത്തി.
‘കൃത്യതയില്ലാത്ത നേതൃത്വം’; രാജീവ് ചന്ദ്രശേഖറിനെതിരെ ബിജെപിയിൽ വിമർശനം കടുക്കുന്നു
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിനെതിരെ പാർട്ടിയിലെ വിവിധ സെല്ലുകളുടെ ചുമതലക്കാർ വിമർശനവുമായി രംഗത്ത്. സംസ്ഥാന അധ്യക്ഷനായി ആറുമാസം പിന്നിട്ടിട്ടും പാർട്ടിക്ക് കീഴിലെ സെല്ലുകൾ പുനഃസംഘടിപ്പിക്കുന്നതിൽ അദ്ദേഹം വീഴ്ച വരുത്തിയെന്നാണ് പ്രധാന വിമർശനം. പാർട്ടിയെ സംബന്ധിച്ച് ഒരു കാര്യത്തിലും കൃത്യതയില്ലാത്ത നേതൃത്വമാണ് ഇപ്പോഴുള്ളതെന്ന് അംഗങ്ങൾ തുറന്നടിച്ചു.
സിപിഎമ്മും കോൺഗ്രസും ജനങ്ങളെ ഒരുപോലെ വിഡ്ഢികളാക്കുന്നു; വിമർശനവുമായി രാജീവ് ചന്ദ്രശേഖർ
ബിജെപി സംസ്ഥാന അധ്യക്ഷനായ ശേഷം പുതിയ വോട്ടർമാരെ വോട്ടർപട്ടികയിൽ ചേർത്തുവെന്ന് രാജീവ് ചന്ദ്രശേഖർ അഭിപ്രായപ്പെട്ടു. വരുന്ന 35 ദിവസങ്ങൾ നിർണായകമാണെന്നും അദ്ദേഹം കൂട്ടിച്ചേർത്തു. കേരളത്തിൽ അധികാരം പിടിച്ചെടുക്കണമെന്നും, സിപിഎമ്മും കോൺഗ്രസ്സും ഒരുപോലെ ജനങ്ങളെ തെറ്റിദ്ധരിപ്പിക്കുകയാണെന്നും രാജീവ് ചന്ദ്രശേഖർ വിമർശിച്ചു.
ബിജെപി സംസ്ഥാന നേതൃത്വത്തിനെതിരെ വിമർശനം; ഗൃഹസമ്പർക്കത്തിന് ലഘുലേഖ പോലുമില്ലെന്ന് ആക്ഷേപം
ബിജെപി സംസ്ഥാന നേതൃത്വത്തിനെതിരെ ജില്ലാ അധ്യക്ഷന്മാരും പ്രഭാരിമാരും വിമർശനവുമായി രംഗത്ത്. ഗൃഹസമ്പർക്ക പരിപാടിക്കുള്ള ലഘുലേഖകളോ ഫണ്ട് പിരിവിനുള്ള കൂപ്പണുകളോ ഇതുവരെ വാർഡുകളിൽ എത്തിയിട്ടില്ലെന്ന് ആരോപണം. സംസ്ഥാന നേതൃത്വത്തിന്റെ ഭാഗത്തുനിന്നുള്ള വീഴ്ചകൾ പരിശോധിക്കണമെന്ന് കോഴിക്കോട് മേഖല സംഘടനാ സെക്രട്ടറി ജി.കാശിനാഥ് ആവശ്യപ്പെട്ടു.
എയിംസ്: സുരേഷ് ഗോപിക്കെതിരെ ബിജെപി നേതൃത്വം; ഭിന്നത രൂക്ഷം
കേരളത്തിൽ എയിംസ് അനുവദിക്കുന്നതുമായി ബന്ധപ്പെട്ട് കേന്ദ്ര സഹമന്ത്രി സുരേഷ് ഗോപിയും ബിജെപി നേതൃത്വവും തമ്മിൽ അഭിപ്രായഭിന്നത രൂക്ഷമാകുന്നു. പാർട്ടിയുമായി ആലോചിക്കാതെ ആലപ്പുഴയിൽ എയിംസ് സ്ഥാപിക്കണമെന്ന സുരേഷ് ഗോപിയുടെ പ്രസ്താവനക്കെതിരെ ബിജെപി രംഗത്ത്. ഈ വിഷയത്തിൽ കോഴിക്കോട്, കാസർഗോഡ് ജില്ലാ കമ്മിറ്റികൾ കടുത്ത പ്രതിഷേധം രേഖപ്പെടുത്തിയിട്ടുണ്ട്.
ആഗോള അയ്യപ്പ സംഗമം പൂർണ പരാജയമെന്ന് രാജീവ് ചന്ദ്രശേഖർ
ആഗോള അയ്യപ്പ സംഗമം പൂർണ പരാജയമാണെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ അഭിപ്രായപ്പെട്ടു. സംഗമം ബഹിഷ്കരിച്ച അയ്യപ്പഭക്തർക്ക് അദ്ദേഹം അഭിനന്ദനങ്ങൾ അറിയിച്ചു. ജനങ്ങളെ ചൂഷണം ചെയ്യുന്നവരെ അല്ല, സേവിക്കുന്ന നേതാക്കളെയാണ് ആവശ്യമെന്നും രാജീവ് ചന്ദ്രശേഖർ കൂട്ടിച്ചേർത്തു.
അയ്യപ്പ സംഗമത്തിൽ നിന്നുള്ള ബിജെപി പിന്മാറ്റം; സംസ്ഥാന നേതൃത്വത്തിനെതിരെ പാർട്ടിയിൽ അതൃപ്തി
ആഗോള അയ്യപ്പ സംഗമത്തിൽ നിന്നുള്ള ബിജെപി നേതാക്കളുടെ പിന്മാറ്റം സംസ്ഥാന രാഷ്ട്രീയത്തിൽ പുതിയ ചർച്ചകൾക്ക് വഴി തെളിയിക്കുന്നു. സംസ്ഥാന അധ്യക്ഷന്റെ ഏകപക്ഷീയമായ തീരുമാനത്തിനെതിരെ ഒരു വിഭാഗം ബിജെപി നേതാക്കൾ രംഗത്ത് വന്നിട്ടുണ്ട്. ഇത് പാർട്ടിയുടെ പ്രതിച്ഛായയെ ബാധിക്കുമെന്നും അവർ ആശങ്കപ്പെടുന്നു.
സുരേഷ് ഗോപിയുടെ കലുങ്ക് സംവാദത്തിനെതിരെ വിമർശനം; എയിംസിൽ വ്യക്തത വേണമെന്ന് കോർകമ്മിറ്റിയിൽ ആവശ്യം
കേന്ദ്രമന്ത്രി സുരേഷ് ഗോപിയുടെ 'കലുങ്ക് സൗഹൃദ സംവാദ'ത്തിനെതിരെ ബിജെപി കോർ കമ്മിറ്റിയിൽ വിമർശനം. സംസ്ഥാന നേതൃത്വവുമായി ആലോചിക്കാതെ പരിപാടി നടത്തിയതിൽ ഒരു വിഭാഗം നേതാക്കൾ അതൃപ്തി അറിയിച്ചു. എയിംസിൻ്റെ കാര്യത്തിൽ പാർട്ടി വ്യക്തത വരുത്തണമെന്നും, ക്രൈസ്തവ നയതന്ത്രം അധികമാകുന്നുവെന്നും വിമർശനങ്ങൾ ഉയർന്നു. നിയമസഭാ മണ്ഡലങ്ങളിൽ ശ്രദ്ധ കേന്ദ്രീകരിച്ച് തദ്ദേശ തിരഞ്ഞെടുപ്പിൽ പ്രവർത്തിക്കാൻ രാജീവ് ചന്ദ്രശേഖർ നിർദ്ദേശം നൽകി.
ബിജെപി വോട്ട് കണക്കിൽ കല്ലുകടി; സംസ്ഥാന നേതൃത്വത്തിനെതിരെ വിമർശനവുമായി രാജീവ് ചന്ദ്രശേഖർ
തദ്ദേശ തിരഞ്ഞെടുപ്പുമായി ബന്ധപ്പെട്ട് ബിജെപി അവകാശപ്പെട്ട വോട്ടുകളുടെ കണക്കുകൾ വ്യാജമാണെന്ന റിപ്പോർട്ട് രാജീവ് ചന്ദ്രശേഖറിന് ലഭിച്ചു. രണ്ട് ഏജൻസികൾ നടത്തിയ സർവേ റിപ്പോർട്ടുകൾ ലഭിച്ചതിന് പിന്നാലെ, സംസ്ഥാന അധ്യക്ഷൻ രാജീവ് ചന്ദ്രശേഖർ കോർ കമ്മിറ്റി അംഗങ്ങളെ അതൃപ്തി അറിയിച്ചു. തിരഞ്ഞെടുപ്പ് അടുത്തുവരുമ്പോൾ ഇത് പാർട്ടിക്കുള്ളിൽ വലിയ ചർച്ചകൾക്കും വിമർശനങ്ങൾക്കും വഴിവെക്കുന്നു.
ആഗോള അയ്യപ്പ സംഗമത്തിനെതിരല്ല, വിശ്വാസത്തെ എതിർക്കുന്നവരെ ക്ഷണിക്കുന്നതിനെയാണ് എതിർക്കുന്നത്; രാജീവ് ചന്ദ്രശേഖർ
ബിജെപി ആഗോള അയ്യപ്പ സംഗമത്തിനെതിരല്ലെന്നും വിശ്വാസത്തെ എതിർക്കുന്നവരെ ക്ഷണിക്കുന്നതിനെയാണ് എതിർക്കുന്നതെന്നും രാജീവ് ചന്ദ്രശേഖർ പറഞ്ഞു. സംസ്ഥാനത്തെ എല്ലാ ജനങ്ങൾക്കും ബിജെപി ഹെൽപ്പ് ഡെസ്ക് ഉപകാരപ്രദമാകും. എല്ലാ ജില്ലകളിലും ഹെൽപ്പ് ഡെസ്ക് ആരംഭിച്ചു കഴിഞ്ഞു, പരാതികൾ നൽകാൻ അവിടെ സൗകര്യമുണ്ടാകും എന്നും അദ്ദേഹം കൂട്ടിച്ചേർത്തു.
ബിജെപി സംസ്ഥാന കമ്മിറ്റി പ്രഖ്യാപിച്ചു; 163 അംഗങ്ങളെ ഉൾപ്പെടുത്തി രാജീവ് ചന്ദ്രശേഖർ
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ 163 അംഗ സംസ്ഥാന കമ്മിറ്റി പ്രഖ്യാപിച്ചു. വി. മുരളീധരൻ പക്ഷത്തിലെ പ്രധാന നേതാക്കളായ നാരായണൻ നമ്പൂതിരി, സി. ശിവൻകുട്ടി, പി. രഘുനാഥ് എന്നിവരെ കമ്മിറ്റിയിൽ ഒതുക്കി. യുവമോർച്ച മുൻ സംസ്ഥാന ജനറൽ സെക്രട്ടറി കെ. ഗണേഷ്, ഒബിസി മോർച്ച സംസ്ഥാന ജനറൽ സെക്രട്ടറി അഡ്വ. അരുൺ പ്രകാശ് എന്നിവരെയും പരിഗണിച്ചിട്ടില്ല.