Binoy Viswam
ബിനോയ് വിശ്വത്തിന്റെ ആരോപണങ്ങൾ തള്ളി കെ.ഇ. ഇസ്മായിൽ; എന്നും സിപിഐ പ്രവർത്തകനായിരിക്കുമെന്ന് പ്രതികരണം
സിപിഐ സംസ്ഥാന സെക്രട്ടറി ബിനോയ് വിശ്വത്തിന്റെ ആരോപണങ്ങൾക്കെതിരെ പ്രതികരിച്ച് മുതിർന്ന നേതാവ് കെ.ഇ. ഇസ്മായിൽ. താൻ എല്ലാക്കാലത്തും സിപിഐ പ്രവർത്തകനായിരിക്കുമെന്നും ജീവശ്വാസം നിലയ്ക്കും വരെ പാർട്ടിക്കുവേണ്ടി പ്രവർത്തിക്കുമെന്നും അദ്ദേഹം പറഞ്ഞു. സമ്മേളനത്തിന്റെ സമാപന പരിപാടിയിൽ പങ്കെടുക്കാൻ ആലപ്പുഴയിൽ എത്തിയപ്പോഴായിരുന്നു അദ്ദേഹത്തിന്റെ പ്രതികരണം.
ബിനോയ് വിശ്വം സിപിഐ സംസ്ഥാന സെക്രട്ടറിയായി തിരഞ്ഞെടുക്കപ്പെട്ടു
സിപിഐ സംസ്ഥാന സെക്രട്ടറിയായി ബിനോയ് വിശ്വത്തെ തിരഞ്ഞെടുത്തു. സംസ്ഥാന കൗൺസിലാണ് ബിനോയ് വിശ്വത്തെ സെക്രട്ടറിയായി തിരഞ്ഞെടുത്തത്. സമ്മേളനത്തിലൂടെ ബിനോയ് വിശ്വം സംസ്ഥാന സെക്രട്ടറി സ്ഥാനത്തേക്ക് എത്തുന്നത് ഇതാദ്യമാണ്.
സിപിഐ സംസ്ഥാന സമ്മേളനം ഇന്ന് സമാപിക്കും; ബിനോയ് വിശ്വം സംസ്ഥാന സെക്രട്ടറിയായി തുടരും
സിപിഐ സംസ്ഥാന സമ്മേളനം ഇന്ന് സമാപിക്കും. വൈകുന്നേരം നടക്കുന്ന പൊതുസമ്മേളനം ജനറൽ സെക്രട്ടറി ഡി.രാജ ഉദ്ഘാടനം ചെയ്യും. സംസ്ഥാന സെക്രട്ടറിയായി ബിനോയ് വിശ്വം തുടരും. സമ്മേളനത്തിൽ ദേശീയ നേതൃത്വത്തിനും ആഭ്യന്തര വകുപ്പിനുമെതിരെ വിമർശനങ്ങളുണ്ടായി.
പോലീസ് അതിക്രമങ്ങളിൽ മാതൃകാപരമായ നടപടി സ്വീകരിക്കും: ബിനോയ് വിശ്വം
പോലീസ് അതിക്രമങ്ങളുമായി ബന്ധപ്പെട്ട പരാതികളിൽ സർക്കാർ മാതൃകാപരമായ നടപടികൾ സ്വീകരിക്കുമെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം. എൽഡിഎഫിൻ്റെ പോലീസ് നയം വ്യക്തമാണ്. ഉദ്യോഗസ്ഥർക്കെതിരെ പെട്ടെന്ന് നടപടി എടുക്കുക പ്രായോഗികമല്ലെന്നും പരാതികൾ അന്വേഷിച്ച ശേഷം മാത്രമായിരിക്കും നടപടി സ്വീകരിക്കുകയെന്നും അദ്ദേഹം പറഞ്ഞു.
എഡിജിപി അജിത്കുമാറിൻ്റെ വിഷയത്തിൽ സിപിഐ നിലപാട് കടുപ്പിച്ച് ബിനോയ് വിശ്വം
എഡിജിപി എം.ആർ. അജിത്കുമാറിൻ്റെ വിഷയത്തിൽ സി.പി.ഐയുടെ നിലപാടിൽ മാറ്റമില്ലെന്ന് സംസ്ഥാന സെക്രട്ടറി ബിനോയ് വിശ്വം അറിയിച്ചു. ഉദ്യോഗസ്ഥർ പാലിക്കേണ്ട ചില ചട്ടങ്ങളും നടപടിക്രമങ്ങളുമുണ്ട്, എന്നാൽ അത് പാലിക്കപ്പെട്ടിട്ടില്ലെന്നും അദ്ദേഹം കുറ്റപ്പെടുത്തി. സി.പി.ഐയുമായി ആലോചിക്കാതെ എൽ.ഡി.എഫിന് മുന്നോട്ട് പോകാൻ കഴിയില്ലെന്നും ബിനോയ് വിശ്വം വ്യക്തമാക്കി.
അടൂരിന്റെ പ്രസ്താവന സാമൂഹിക കാഴ്ചപ്പാടിന് നിരക്കാത്തതെന്ന് ബിനോയ് വിശ്വം
സിനിമാ കോൺക്ലേവിലെ അടൂരിന്റെ പ്രസ്താവന സാമൂഹിക കാഴ്ചപ്പാടിന് നിരക്കാത്തതാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞു. ദളിതർക്കും സ്ത്രീകൾക്കും സിനിമ മേഖലയിൽ ഇടം നൽകാനുള്ള എൽഡിഎഫ് സർക്കാരിന്റെ ശ്രമങ്ങളെ അദ്ദേഹം പ്രശംസിച്ചു. വാക്കു കൊണ്ട് മുറിവേറ്റവരോട് അടൂർ ഖേദം പ്രകടിപ്പിക്കുമെന്ന് കമ്മ്യൂണിസ്റ്റ് പാർട്ടി പ്രതീക്ഷിക്കുന്നതായും അദ്ദേഹം കൂട്ടിച്ചേർത്തു.
ബിനോയ് വിശ്വത്തിനെതിരെയും സർക്കാരിനെതിരെയും രൂക്ഷ വിമർശനവുമായി സിപിഐ മലപ്പുറം ജില്ലാ സമ്മേളനം
സിപിഐ മലപ്പുറം ജില്ലാ സമ്മേളനത്തിൽ സംസ്ഥാന സെക്രട്ടറി ബിനോയ് വിശ്വത്തിനെതിരെയും സർക്കാരിനെതിരെയും രൂക്ഷ വിമർശനങ്ങൾ ഉയർന്നു. എൽഡിഎഫ് സർക്കാർ ഏകാധിപത്യ ശൈലിയിലേക്ക് നീങ്ങുകയാണെന്നും, സിപിഐ മന്ത്രിമാരുടെ വകുപ്പുകളിലെ ഫണ്ടുകൾ പോലും സിപിഐഎം മന്ത്രിമാർക്ക് വകമാറ്റുന്നുവെന്നും വിമർശനമുണ്ടായി. വെള്ളാപ്പള്ളിയുടെ വിദ്വേഷ പ്രസ്താവനയിൽ നേതൃത്വം ശക്തമായ നിലപാട് എടുക്കുന്നതിൽ പരാജയപ്പെട്ടെന്നും സമ്മേളനം കുറ്റപ്പെടുത്തി.
വി.എസ് അച്യുതാനന്ദൻ്റെ ജീവിതം പോരാട്ടമായിരുന്നു: ബിനോയ് വിശ്വം
വി.എസ്. അച്യുതാനന്ദനെ അനുസ്മരിച്ച് സി.പി.ഐ സംസ്ഥാന സെക്രട്ടറി ബിനോയ് വിശ്വം. വി.എസ് തൻ്റെ നിലപാടുകളിൽ ഉറച്ചുനിന്നെന്നും തൊഴിലാളിവർഗ്ഗത്തിൻ്റെ ഉന്നമനത്തിനായി അദ്ദേഹം പോരാടിയെന്നും ബിനോയ് വിശ്വം അഭിപ്രായപ്പെട്ടു. അദ്ദേഹത്തിന്റെ ജീവിതം ഒരു പോരാട്ടമായിരുന്നുവെന്നും അദ്ദേഹം കൂട്ടിച്ചേർത്തു.
സനാതന ധർമ്മം പഠിപ്പിക്കാൻ സ്കൂളുകളും ഗോശാലകളും വേണമെന്ന ഗവർണറുടെ പ്രസ്താവനക്കെതിരെ സി.പി.ഐ
കേരളത്തിൽ സനാതന ധർമ്മം പഠിപ്പിക്കാനായി സ്കൂളുകളും പശുക്കൾക്ക് വേണ്ടി ഗോശാലകളും നിർമ്മിക്കണം എന്ന ഗവർണറുടെ പ്രസ്താവനക്കെതിരെ സി.പി.ഐ രംഗത്ത്. ഗവർണർ യഥാർത്ഥ ഇന്ത്യൻ പാരമ്പര്യം ഇനിയും മനസ്സിലാക്കേണ്ടതുണ്ടെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം അഭിപ്രായപ്പെട്ടു. കണ്ണൂർ തളിപ്പറമ്പ് രാജരാജേശ്വര ക്ഷേത്രത്തിലെ പരിപാടിയിൽ പങ്കെടുക്കവെയായിരുന്നു ഗവർണറുടെ ഈ പരാമർശം.
ബിനോയ് വിശ്വത്തിനെതിരെ പരാമർശം; സി.പി.ഐ നേതാക്കൾക്ക് താക്കീത്
സിപിഐ സംസ്ഥാന സെക്രട്ടറി ബിനോയ് വിശ്വത്തിനെതിരായ പരാമർശത്തിൽ നടപടിയുമായി പാർട്ടി. സംസ്ഥാന എക്സിക്യൂട്ടീവ് അംഗം കമല സദാനന്ദനെയും എറണാകുളം ജില്ലാ സെക്രട്ടറി കെ.എം. ദിനകരനെയും താക്കീത് ചെയ്തു. നേതാക്കളുടെ മാപ്പപേക്ഷ പരിഗണിച്ച് നടപടി താക്കീതിൽ ഒതുക്കി.
ബിനോയ് വിശ്വത്തിനെതിരെ പരാമർശം: സി.പി.ഐ നേതാക്കൾ മാപ്പ് പറഞ്ഞു
സി.പി.ഐ സംസ്ഥാന സെക്രട്ടറി ബിനോയ് വിശ്വത്തിനെതിരായുള്ള സംഭാഷണത്തിൽ നേതാക്കൾ മാപ്പ് പറഞ്ഞു. സംസ്ഥാന എക്സിക്യൂട്ടീവ് അംഗം കമലാ സദാനന്ദനും, എറണാകുളം ജില്ലാ സെക്രട്ടറി കെ.എം. ദിനകരനുമാണ് പാർട്ടിയ്ക്ക് വിശദീകരണം നൽകിയത്. മാപ്പപേക്ഷിച്ച സാഹചര്യത്തിൽ നടപടി താക്കീതിൽ ഒതുങ്ങിയേക്കും.
നിലമ്പൂരിലെ പരാജയം അംഗീകരിക്കുന്നു; പാഠം പഠിച്ച് മുന്നോട്ട് പോകുമെന്ന് ബിനോയ് വിശ്വം
സിപിഐ സംസ്ഥാന സെക്രട്ടറി ബിനോയ് വിശ്വം നിലമ്പൂരിലെ ഉപതിരഞ്ഞെടുപ്പിലെ പരാജയം അംഗീകരിച്ചു. എൽഡിഎഫ് രാഷ്ട്രീയം മാത്രമാണ് പറഞ്ഞിട്ടുള്ളതെന്നും എന്നിട്ടും പരാജയപ്പെട്ടുവെന്നും അദ്ദേഹം പറഞ്ഞു. പരാജയത്തിൽ നിന്ന് പാഠങ്ങൾ പഠിച്ച് മുന്നോട്ട് പോകുമെന്നും അദ്ദേഹം വ്യക്തമാക്കി.