Bangladesh Politics
വധശിക്ഷാ വിധി രാഷ്ട്രീയ പ്രേരിതമെന്ന് ഷെയ്ഖ് ഹസീന
അന്താരാഷ്ട്ര കുറ്റകൃത്യ ട്രിബ്യൂണലിന്റെ വിധി പക്ഷപാതപരവും രാഷ്ട്രീയ പ്രേരിതവുമാണെന്ന് ബംഗ്ലാദേശ് മുൻ പ്രധാനമന്ത്രി ഷെയ്ഖ് ഹസീന പ്രതികരിച്ചു. കോടതിയിൽ സ്വയം പ്രതിരോധിക്കാൻ അവസരം ലഭിച്ചില്ലെന്നും ഇഷ്ടമുള്ള അഭിഭാഷകരെ വെച്ച് വാദിക്കാൻ സാധിച്ചില്ലെന്നും അവർ ആരോപിച്ചു. നിഷ്പക്ഷമായ ഒരു അന്താരാഷ്ട്ര വേദിയിൽ വിചാരണ നേരിടാൻ തയ്യാറാണെന്നും അവർ കൂട്ടിച്ചേർത്തു.
ബംഗ്ലാദേശിൽ ഷെയ്ഖ് ഹസീനയുടെ അവാമി ലീഗിന് നിരോധനം
ബംഗ്ലാദേശിൽ മുൻ പ്രധാനമന്ത്രി ഷെയ്ഖ് ഹസീനയുടെ പാർട്ടിയായ അവാമി ലീഗിനെ നിരോധിച്ചു. മുഹമ്മദ് യൂനുസിന്റെ നേതൃത്വത്തിലുള്ള ഇടക്കാല സർക്കാരാണ് ഭീകരവിരുദ്ധ നിയമപ്രകാരം നടപടിയെടുത്തത്. രാജ്യത്തിന്റെ സുരക്ഷയും പരമാധികാരവും സംരക്ഷിക്കുകയാണ് ലക്ഷ്യമെന്ന് സർക്കാർ അറിയിച്ചു.
അമേരിക്കയുടെ ആസൂത്രിത നീക്കം: ഷെയ്ഖ് ഹസീന വെളിപ്പെടുത്തൽ
ബംഗ്ലാദേശിലെ സംഭവങ്ങൾക്കു പിന്നിൽ അമേരിക്കയുടെ ആസൂത്രിത നീക്കമുണ്ടായിരുന്നുവെന്ന് മുൻ പ്രധാനമന്ത്രി ഷെയ്ഖ് ഹസീന വെളിപ്പെടുത്തി. തന്റെ സർക്കാരിനെ പുറത്താക്കാൻ അമേരിക്ക ശ്രമിച്ചുവെന്നും കൂടുതൽ ജീവനുകൾ നഷ്ടപ്പെടുന്നത് ഒഴിവാക്കാനാണ് രാജിവച്ചതെന്നും അവർ പറഞ്ഞു.