ATM
എടിഎം കാർഡ് ഇല്ലാതെ ഇനി യുപിഐ ഉപയോഗിച്ച് പണം പിൻവലിക്കാം; എൻപിസിഐയുടെ പുതിയ നീക്കം
യുണിഫൈഡ് പേയ്മെന്റ് ഇന്റർഫേസ് (UPI) ഉപയോഗിച്ച് എടിഎമ്മിൽ നിന്ന് പണം പിൻവലിക്കാൻ കഴിയുന്ന സംവിധാനം വരുന്നു. ഇതിലൂടെ എടിഎം കാർഡിന്റെ ആവശ്യമില്ലാതെ യുപിഐ ഉപയോഗിച്ച് പണം പിൻവലിക്കാൻ സാധിക്കും. ക്യൂ ആർ കോഡ് ഉപയോഗിച്ച് എടിഎമ്മിൽ നിന്ന് പണം പിൻവലിക്കാൻ അനുവദിക്കുന്ന സംവിധാനം ഒരുക്കുന്നതിന് അനുമതി തേടി നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യ (NPCI) റിസർവ് ബാങ്ക് ഓഫ് ഇന്ത്യയെ (RBI) സമീപിച്ചു.
എടിഎമ്മുകൾ അടച്ചിടുമെന്ന പ്രചാരണം വ്യാജം; കേന്ദ്രസർക്കാർ വിശദീകരണം
അതിർത്തിയിലെ സംഘർഷത്തിന്റെ പശ്ചാത്തലത്തിൽ എടിഎമ്മുകൾ അടച്ചിടുമെന്ന തരത്തിലുള്ള സന്ദേശങ്ങൾ വാട്സാപ്പിൽ പ്രചരിക്കുന്നുണ്ട്. ഇത് വ്യാജമാണെന്ന് കേന്ദ്രസർക്കാർ അറിയിച്ചു. ബാങ്ക് ഉപഭോക്താക്കൾക്ക് എപ്പോൾ വേണമെങ്കിലും എടിഎം വഴി പണം പിൻവലിക്കാമെന്നും സിഡിഎമ്മുകളിൽ നിക്ഷേപം നടത്താമെന്നും അധികൃതർ അറിയിച്ചു. ഏതെങ്കിലും തരത്തിലുള്ള സംശയങ്ങളുണ്ടെങ്കിൽ ബന്ധപ്പെട്ട ബാങ്കുമായി ഉടൻ തന്നെ ബന്ധപ്പെടാവുന്നതാണ്.
എടിഎം ഇടപാടുകൾക്ക് മെയ് 1 മുതൽ ചാർജ് കൂടും
മെയ് ഒന്നു മുതൽ എടിഎം ഇടപാടുകൾക്ക് ചാർജ് 23 രൂപയായി ഉയരും. റിസർവ് ബാങ്ക് ഓഫ് ഇന്ത്യയാണ് ഇതിന് അനുമതി നൽകിയത്. ഓരോ മാസവും അഞ്ച് സൗജന്യ ഇടപാടുകൾക്ക് ശേഷം മാത്രമേ പുതിയ നിരക്ക് ബാധകമാകൂ.