Assault Case
മെഡിക്കൽ കോളേജിൽ ഡോക്ടറെ കയ്യേറ്റം ചെയ്തു എന്ന പരാതി വ്യാജമെന്ന് ഭർത്താവ്
തിരുവനന്തപുരം മെഡിക്കൽ കോളേജിൽ വനിതാ പിജി ഡോക്ടറെ കയ്യേറ്റം ചെയ്തു എന്ന പരാതിയിൽ പ്രതികരണവുമായി ഭർത്താവ് റെയ്നോൾഡ് രംഗത്ത്. ഭാര്യയുടെ മരണം മെഡിക്കൽ കോളേജിലെ അനാസ്ഥ മൂലമാണെന്നും, ഡോക്ടർക്കെതിരെയുള്ള പരാതി വ്യാജമാണെന്നും റെയ്നോൾഡ് 24 നോട് പറഞ്ഞു. ഈ വിഷയത്തിൽ മനുഷ്യാവകാശ കമ്മീഷനിൽ പരാതി നൽകിയിട്ടുണ്ടെന്നും റെയ്നോൾഡ് കൂട്ടിച്ചേർത്തു.
കൊഴുവ വറുത്തത് എടുത്തതിനെ ചൊല്ലി തർക്കം; തൃശ്ശൂരിൽ യുവാവിന് മർദ്ദനം, 3 പേർ പിടിയിൽ
തൃശ്ശൂരിൽ കള്ള് ഷാപ്പിൽ കൊഴുവ വറുത്തത് എടുത്തതിനെ ചൊല്ലിയുണ്ടായ തർക്കത്തിൽ യുവാവിന് മർദ്ദനമേറ്റു. സംഭവത്തിൽ സഹോദരങ്ങൾ ഉൾപ്പെടെ മൂന്ന് പേരെ വലപ്പാട് പോലീസ് അറസ്റ്റ് ചെയ്തു. തൃപ്രയാർ കള്ള് ഷാപ്പിലാണ് കേസിനാസ്പദമായ സംഭവം നടന്നത്.
മാനേജരെ മർദിച്ച കേസ്: ഉണ്ണി മുകുന്ദന്റെ മുൻകൂർ ജാമ്യാപേക്ഷ ഇന്ന് കോടതിയിൽ
നടൻ ഉണ്ണി മുകുന്ദനെതിരെ മാനേജർ നൽകിയ പരാതിയിൽ എറണാകുളം സെഷൻസ് കോടതി ഇന്ന് മുൻകൂർ ജാമ്യാപേക്ഷ വീണ്ടും പരിഗണിക്കും. ഇൻഫോപാർക്ക് പോലീസ് ഉണ്ണി മുകുന്ദനെതിരെ കേസെടുത്തിട്ടുണ്ട്. തുടർന്ന് നടൻ മുൻകൂർ ജാമ്യത്തിനായി അപേക്ഷ നൽകിയിരിക്കുകയാണ്.
മാനേജരെ മർദ്ദിച്ച കേസിൽ ഡിജിപിക്ക് പരാതി നൽകി ഉണ്ണി മുകുന്ദൻ
മുൻ മാനേജർ വിപിൻ കുമാർ മർദ്ദിച്ചെന്ന കേസിൽ നടൻ ഉണ്ണി മുകുന്ദൻ ഡിജിപിക്ക് പരാതി നൽകി. വിപിൻ കുമാർ അപവാദ പ്രചരണം നടത്തുന്ന ഒരാളാണെന്നും തനിക്ക് നേരത്തെ പരാതി ലഭിച്ചിരുന്നുവെന്നും ഉണ്ണി മുകുന്ദൻ വ്യക്തമാക്കി. നിലവിൽ ഉയർന്ന ആരോപണങ്ങൾ അടിസ്ഥാനരഹിതമാണെന്നും വിപിനൊപ്പം മറ്റു ചില ശത്രുക്കളുമുണ്ടെന്നും ഉണ്ണി മുകുന്ദൻ വിശദീകരിച്ചു.
മാനേജരെ മർദിച്ച കേസിൽ ഉണ്ണി മുകുന്ദൻ മുൻകൂർ ജാമ്യാപേക്ഷ നൽകി; പരാതിയിൽ കഴമ്പില്ലെന്ന് പൊലീസ്
നടൻ ഉണ്ണി മുകുന്ദൻ മുൻകൂർ ജാമ്യാപേക്ഷ നൽകി. തനിക്കെതിരെയുള്ളത് വ്യാജ പരാതിയാണെന്ന് ഹർജിയിൽ പറയുന്നു. അതേസമയം, പരാതിയിൽ കഴമ്പില്ലെന്ന് പൊലീസ് കണ്ടെത്തി.
പെരിന്തൽമണ്ണയിൽ സെക്യൂരിറ്റി ജീവനക്കാരനെ മർദിച്ച് നഗരസഭാ കൗൺസിലർ; സിസിടിവി ദൃശ്യങ്ങൾ പുറത്ത്
പെരിന്തൽമണ്ണയിൽ പാർക്കിങ് സ്ഥലത്തെ തർക്കത്തിനിടെ സെക്യൂരിറ്റി ജീവനക്കാരനെ നഗരസഭാ കൗൺസിലർ മർദിച്ചതായി പരാതി. കോൺഗ്രസ് നഗരസഭാംഗം സക്കീർ ഹുസൈനാണ് മർദിച്ചതെന്നാണ് ആരോപണം. സംഭവത്തിൽ സിസിടിവി ദൃശ്യങ്ങൾ പൊലീസിന് ലഭിച്ചിട്ടുണ്ട്.
യുവ അഭിഭാഷകയെ മർദ്ദിച്ച കേസിൽ അറസ്റ്റിലായ ബെയിലിൻ ദാസിനെ ഇന്ന് കോടതിയിൽ ഹാജരാക്കും
തിരുവനന്തപുരത്ത് യുവ അഭിഭാഷകയെ മർദ്ദിച്ച കേസിൽ അറസ്റ്റിലായ അഡ്വ. ബെയിലിൻ ദാസിനെ ഇന്ന് കോടതിയിൽ ഹാജരാക്കും. തിരുവനന്തപുരം അഡീഷണൽ സെഷൻസ് കോടതിയിൽ മുൻകൂർ ജാമ്യാപേക്ഷ നൽകിയതിന് പിന്നാലെയാണ് ഇയാളെ പോലീസ് പിടികൂടിയത്. സ്ത്രീത്വത്തെ അപമാനിക്കൽ ഉൾപ്പെടെയുള്ള വകുപ്പുകൾ ചുമത്തിയിട്ടുണ്ട്.
പൾസർ സുനി വീണ്ടും കുഴപ്പത്തിൽ; ഹോട്ടലിൽ അതിക്രമം, ജാമ്യം റദ്ദാക്കണമെന്ന് പൊലീസ്
റസ്റ്റോറന്റിൽ അതിക്രമം നടത്തിയതിന് പൾസർ സുനിക്കെതിരെ പുതിയ കേസ്. ഭക്ഷണം വൈകിയതിനെ തുടർന്ന് ജീവനക്കാരെ അസഭ്യം പറയുകയും ഗ്ലാസ് എറിഞ്ഞ് പൊട്ടിക്കുകയും ചെയ്തു. നടിയെ ആക്രമിച്ച കേസിലെ പ്രതിയായ സുനിയുടെ ജാമ്യം റദ്ദാക്കണമെന്ന് പൊലീസ്.