ASHA Workers Protest
ആശാ വർക്കർമാരുടെ സമരത്തെ പരിഹസിച്ച് സലിം കുമാർ
ആശാ വർക്കർമാരുടെ സമരത്തെ പരിഹസിച്ച് നടൻ സലിം കുമാർ. പഴനിയിലും ശബരിമലയിലും നടത്തുന്ന വഴിപാടുകൾ സെക്രട്ടേറിയറ്റിന് മുന്നിലാണ് ഇപ്പോൾ ആശാ വർക്കർമാർ നടത്തുന്നതെന്ന് സലിം കുമാർ പറഞ്ഞു. യുവതലമുറയെയും സലിം കുമാർ പരിഹസിച്ചു.
ആശാ വർക്കേഴ്സിന്റെ സമരം ശക്തമാകുന്നു; മുടിമുറിച്ച് പ്രതിഷേധം
അമ്പതാം ദിവസത്തിലേക്ക് കടന്ന ആശാ വർക്കേഴ്സിന്റെ സമരം കൂടുതൽ ശക്തമായി. സെക്രട്ടേറിയറ്റിന് മുന്നിൽ മുടി മുറിച്ചാണ് പ്രതിഷേധം. ഓണറേറിയം 21000 രൂപയാക്കുക, വിരമിക്കൽ ആനുകൂല്യമായി അഞ്ച് ലക്ഷം രൂപ നൽകുക തുടങ്ങിയ ആവശ്യങ്ങൾ ഉന്നയിച്ചാണ് സമരം.
ആശാ വർക്കർമാരുടെ സമരത്തിന് പിന്തുണയുമായി കേന്ദ്രമന്ത്രി സുരേഷ് ഗോപി
ആശാ വർക്കർമാരുടെ സമരത്തിന് പിന്തുണ പ്രഖ്യാപിച്ച് കേന്ദ്രമന്ത്രി സുരേഷ് ഗോപി സമരവേദിയിലെത്തി. ആശാ വർക്കർമാരുടെ ആവശ്യങ്ങൾ കേന്ദ്രസർക്കാരിനെ അറിയിക്കുമെന്നും പ്രധാനമന്ത്രിയെയും ആരോഗ്യമന്ത്രിയെയും വിഷയം ധരിപ്പിക്കുമെന്നും അദ്ദേഹം ഉറപ്പ് നൽകി. സമരത്തെ ആരും നിസ്സാരവത്കരിക്കരുതെന്നും മാനദണ്ഡങ്ങൾ പുനഃപരിശോധിക്കണമെന്ന ആവശ്യം ഉന്നയിക്കുമെന്നും സുരേഷ് ഗോപി വ്യക്തമാക്കി.
ആശാ വർക്കർമാർ ഉടൻ ജോലിയിൽ പ്രവേശിക്കണം: നാഷണൽ ഹെൽത്ത് മിഷൻ
സെക്രട്ടേറിയറ്റിന് മുന്നിൽ നടക്കുന്ന ആശാ വർക്കർമാരുടെ സമരം രണ്ടാഴ്ച പിന്നിട്ടു. സമരം ചെയ്യുന്ന ആശാ വർക്കർമാർ അടിയന്തരമായി ജോലിയിൽ പ്രവേശിക്കണമെന്ന് നാഷണൽ ഹെൽത്ത് മിഷൻ നിർദ്ദേശം നൽകി. ആശാ പ്രവർത്തകർക്ക് നൽകിയിട്ടുള്ള ചുമതലകൾ നിർവഹിക്കണമെന്നും നിർദ്ദേശത്തിൽ പറയുന്നു.