Andhra Pradesh
തമിഴ്നാടിനും ആന്ധ്രയ്ക്കും പ്രളയ മുന്നറിയിപ്പ്; ശ്രീലങ്കയിൽ അടിയന്തരാവസ്ഥ
തമിഴ്നാടിനും ആന്ധ്രാപ്രദേശിനും കേന്ദ്ര ജല കമ്മീഷൻ പ്രളയ മുന്നറിയിപ്പ് നൽകി. ഡിറ്റ്വ ചുഴലിക്കാറ്റിനെ തുടർന്ന് തമിഴ്നാട്ടിൽ ശക്തമായ മഴ തുടരുകയാണ്. ശ്രീലങ്കയിലും ഇന്തോനേഷ്യയിലും തായ്ലന്റിലുമായി പ്രളയത്തിലും ഉരുൾപൊട്ടലിലുമായി ആയിരത്തിലധികം ആളുകൾ മരിച്ചു.
ആന്ധ്രയിലെ ക്ഷേത്രത്തിൽ തിക്കിലും തിരക്കിലുംപെട്ട് 9 മരണം
ആന്ധ്രാപ്രദേശിലെ ശ്രീകാകുളത്ത് വെങ്കടേശ്വരസ്വാമി ക്ഷേത്രത്തിൽ തിക്കിലും തിരക്കിലുംപെട്ട് 9 പേർ മരിച്ചു. ഏകാദശി ഉത്സവത്തിൽ പങ്കെടുക്കാൻ എത്തിയ ഭക്തജനങ്ങളുടെ തിരക്ക് നിയന്ത്രിക്കാൻ സാധിക്കാതെ വന്നതാണ് അപകടകാരണം. സംഭവത്തിൽ ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു ദുഃഖം രേഖപ്പെടുത്തി.
മോൻത ചുഴലിക്കാറ്റ് കരതൊട്ടു; ആന്ധ്രയിൽ അതീവ ജാഗ്രത
ബംഗാൾ ഉൾക്കടലിൽ രൂപംകൊണ്ട മോൻത ചുഴലിക്കാറ്റ് ആന്ധ്രാപ്രദേശിൽ കരതൊട്ടു. ആന്ധ്രയിലെ 17 ജില്ലകളിൽ നിന്നും പതിനായിരക്കണക്കിന് ആളുകളെ സുരക്ഷിത കേന്ദ്രങ്ങളിലേക്ക് മാറ്റി. കേരളത്തിൽ എട്ട് ജില്ലകളിൽ യെല്ലോ അലർട്ട് പ്രഖ്യാപിച്ചു.
സൈബർ തട്ടിപ്പ് കേസ്: പ്രതികളെ ആന്ധ്രയിൽ നിന്നും പിടികൂടി
സൈബർ കേസിൽ പ്രതികളായ മേഘ ഗിരീഷിനെയും അമീർ സുഹൈൽ ഷെയ്ക്കിനെയും ആന്ധ്രപ്രദേശിലെ കവാലിയിൽ വെച്ച് ചോമ്പാല പോലീസ് അറസ്റ്റ് ചെയ്തു. ഒഞ്ചിയം സ്വദേശിയായ യുവാവിന് ലോൺ ആപ്പ് വഴി 11,1000 രൂപ നഷ്ടപ്പെട്ട കേസിൽ ആണ് അറസ്റ്റ്. ചോമ്പാല പോലീസ് ഇൻസ്പെക്ടർ സേതുനാഥ് എസ് ആറിൻ്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
ആന്ധ്രയിൽ ഗുഡ്സ് ട്രെയിനിന് മുന്നിൽ ചാടി ദമ്പതികളും കുഞ്ഞും ജീവനൊടുക്കി
ആന്ധ്രാപ്രദേശിൽ ഗുഡ്സ് ട്രെയിനിന് മുന്നിൽ ചാടി മൂന്നംഗ കുടുംബം ആത്മഹത്യ ചെയ്തു. കടപ്പ റെയിൽവെ സ്റ്റേഷന് സമീപം ഞായറാഴ്ച രാത്രി 11 മണിയോടെയാണ് അപകടം നടന്നത്. കുടുംബ വഴക്കിനെ തുടർന്നുള്ള കൂട്ട ആത്മഹത്യയാണെന്നാണ് പൊലീസ് പറയുന്നത്.
ആന്ധ്രാപ്രദേശിൽ പടക്കനിർമ്മാണശാലയിലുണ്ടായ സ്ഫോടനത്തിൽ ആറ് മരണം
ആന്ധ്രാപ്രദേശിലെ പടക്കനിർമ്മാണശാലയിലുണ്ടായ സ്ഫോടനത്തിൽ ആറ് പേർ മരിച്ചു. റായവാരത്തെ ഗണപതി ഗ്രാൻഡ് പടക്ക ഫാക്ടറിയിലാണ് സ്ഫോടനമുണ്ടായത്. ആന്ധ്രാപ്രദേശ് മുഖ്യമന്ത്രി എൻ. ചന്ദ്രബാബു നായിഡു സംഭവത്തിൽ ദുഃഖം രേഖപ്പെടുത്തി.
തിളച്ച പാലിൽ വീണ് ഒന്നര വയസ്സുകാരിക്ക് ദാരുണാന്ത്യം
ആന്ധ്രയിലെ അനന്തപൂരിൽ സ്കൂളിൽ കളിച്ചുകൊണ്ടിരിക്കെ തിളച്ച പാലിൽ വീണ് ഒന്നര വയസ്സുകാരി ദാരുണമായി മരിച്ചു. അംബേദ്കർ ഗുരുകുൽ സ്കൂളിലെ ജീവനക്കാരി കൃഷ്ണവേണിയുടെ മകൾ അക്ഷിതയാണ് മരിച്ചത്. കുട്ടിയുമായാണ് അമ്മ സ്ഥിരം സ്കൂളിൽ വരാറുള്ളത്.
ആന്ധ്രയിൽ ആറാം ക്ലാസ് വിദ്യാർത്ഥിനിയെ അധ്യാപിക മർദിച്ചു; തലയോട്ടിക്ക് പൊട്ടൽ
ആന്ധ്രാപ്രദേശിലെ ചിറ്റൂരിൽ ആറാം ക്ലാസ് വിദ്യാർത്ഥിക്ക് അധ്യാപികയുടെ ക്രൂര മർദ്ദനം. ശാരീരിക ശിക്ഷയുടെ പേരിൽ സാത്വിക നാഗശ്രീ എന്ന പെൺകുട്ടിയുടെ തലയിൽ ഹിന്ദി അധ്യാപികയായ സലീമ ബാഷ സ്റ്റീൽ ലഞ്ച് ബോക്സ് അടങ്ങിയ സ്കൂൾ ബാഗ് കൊണ്ട് അടിച്ചു. സംഭവത്തിൽ പുംഗാനൂർ പോലീസ് കേസെടുത്ത് അന്വേഷണം ആരംഭിച്ചു.
അച്ഛനെ കൊന്ന് ജോലി തട്ടിയെടുക്കാൻ ശ്രമം; മകന് അറസ്റ്റില്
ആന്ധ്രാപ്രദേശിൽ അച്ഛനെ കൊലപ്പെടുത്തി ജോലി തട്ടിയെടുക്കാൻ ശ്രമിച്ച മകനെ പോലീസ് അറസ്റ്റ് ചെയ്തു. കുർണൂൽ ജില്ലയിലെ കോടുമുരു മണ്ഡലത്തിലെ പുലകുർത്തി ഗ്രാമത്തിലാണ് സംഭവം നടന്നത്. രാമചാരിയുടെ മകൻ വീരസായിയാണ് അറസ്റ്റിലായത്.
ആന്ധ്രയിൽ 17 വയസ്സുകാരിയെ കൂട്ടബലാത്സംഗം ചെയ്തു; ക്ഷേത്രത്തിനരികെ ഉപേക്ഷിച്ചു
ആന്ധ്രാപ്രദേശിൽ 17 വയസ്സുള്ള ആദിവാസി പെൺകുട്ടി കൂട്ടബലാത്സംഗത്തിനിരയായി. മയക്കുമരുന്ന് കലർത്തിയ ശീതളപാനീയം നൽകിയ ശേഷം പെൺകുട്ടിയെ ക്ഷേത്രത്തിനരികെ ഉപേക്ഷിച്ചെന്നും പരാതിയിൽ പറയുന്നു. സംഭവത്തിൽ പോലീസ് അന്വേഷണം ആരംഭിച്ചു.
കൊതുകുശല്യം തടയാൻ എഐ; ആന്ധ്രാപ്രദേശ് സർക്കാരിന്റെ പുതിയ പദ്ധതി
ആന്ധ്രാപ്രദേശിൽ കൊതുകുശല്യം തടയാൻ സ്മാർട്ട് മോസ്ക്വിറ്റോ സർവൈലൻസ് സിസ്റ്റം (SMoSS) എന്ന പദ്ധതിക്ക് തുടക്കം. ആറ് മുനിസിപ്പൽ കോർപ്പറേഷനുകളിലെ 66 ഇടങ്ങളിൽ ആദ്യഘട്ടത്തിൽ പദ്ധതി നടപ്പാക്കും. AI സാങ്കേതികവിദ്യ ഉപയോഗിച്ച് കൊതുകുകളുടെ സാന്നിധ്യം കൃത്യമായി നിരീക്ഷിച്ച് നിയന്ത്രിക്കുകയാണ് ലക്ഷ്യം.
ആന്ധ്രയിൽ വിവാഹം കഴിഞ്ഞു ഒരു മാസം; 32കാരന്റെ മൃതദേഹം കനാലിൽ കണ്ടെത്തി, ഭാര്യയും അമ്മയും അറസ്റ്റിൽ
ആന്ധ്രാപ്രദേശിൽ വിവാഹം കഴിഞ്ഞ് ഒരു മാസത്തിനു ശേഷം 32 വയസ്സുള്ള യുവാവിനെ കനാലിൽ മരിച്ച നിലയിൽ കണ്ടെത്തി. സംഭവത്തിൽ ഭാര്യയെയും ഭാര്യാമാതാവിനെയും പോലീസ് അറസ്റ്റ് ചെയ്തു. കുർണൂൽ സ്വദേശിയായ തേജേശ്വറിൻ്റെ മൃതദേഹമാണ് കണ്ടെത്തിയത്. ജൂൺ 17-ന് ഇയാളെ കാണാതായതിനെ തുടർന്ന് പോലീസ് അന്വേഷണം ആരംഭിച്ചിരുന്നു.