Ahmedabad
അഹമ്മദാബാദ് വിമാന ദുരന്തം: ബ്ലാക്ക് ബോക്സ് വിവര പരിശോധന തുടങ്ങി
അഹമ്മദാബാദ് വിമാന ദുരന്തവുമായി ബന്ധപ്പെട്ട് ബ്ലാക്ക് ബോക്സുകളില് നിന്നുള്ള വിവരങ്ങള് പരിശോധന ആരംഭിച്ചു. എയര്ക്രാഫ്റ്റ് ആക്സിഡന്റ് ഇന്വെസ്റ്റിഗേഷന് ബ്യൂറോയും നാഷണല് ട്രാന്സ്പോര്ട്ട് സേഫ്റ്റി ബോര്ഡും ചേര്ന്നാണ് വിവരങ്ങള് ശേഖരിക്കുന്നത്. ജൂണ് 13നും 16നുമായി രണ്ട് ബ്ലാക്ക് ബോക്സുകള് കണ്ടെടുത്തിരുന്നു.
അഹമ്മദാബാദ് വിമാന ദുരന്തം: 275 മരണം സ്ഥിരീകരിച്ച് ഗുജറാത്ത് സർക്കാർ
അഹമ്മദാബാദ് വിമാന അപകടത്തിൽ 275 പേർ മരിച്ചതായി ഗുജറാത്ത് സർക്കാർ സ്ഥിരീകരിച്ചു. മരിച്ചവരിൽ 241 പേർ വിമാനത്തിലെ യാത്രക്കാരും 34 പേർ നാട്ടുകാരുമാണ്. എയർക്രാഫ്റ്റ് ആക്സിഡന്റ് ഇൻവെസ്റ്റിഗേഷൻ ബ്യൂറോ അപകടത്തെക്കുറിച്ച് അന്വേഷണം നടത്തുന്നു.
എയർ ഇന്ത്യ വിമാനാപകടം; ജീവൻ നഷ്ടപ്പെട്ടവരുടെ കുടുംബത്തിന് ആശ്വാസമായി ഡോ. ഷംഷീർ വയലിന്റെ സഹായം
അഹമ്മദാബാദ് എയർ ഇന്ത്യ വിമാനാപകടത്തിൽ മരിച്ച ബി.ജെ. മെഡിക്കൽ കോളേജിലെ വിദ്യാർത്ഥികളുടെ കുടുംബത്തിന് ഡോ. ഷംഷീർ വയലിൽ ആറ് കോടി രൂപയുടെ സഹായം നൽകി. ദുരന്തത്തിൽ ജീവൻ നഷ്ടപ്പെട്ട നാല് യുവ മെഡിക്കൽ വിദ്യാർത്ഥികളുടെ കുടുംബങ്ങൾക്ക് ഒരു കോടി രൂപയുടെ ചെക്ക് കൈമാറി. കൂടാതെ, അപകടത്തിൽ ഉറ്റവരെ നഷ്ടപ്പെട്ട ഡോക്ടർമാർക്കും, ഗുരുതരമായി പൊള്ളലേറ്റവർക്കും ധനസഹായം നൽകി.
അഹമ്മദാബാദ് വിമാന ദുരന്തം: മലയാളി നഴ്സ് രഞ്ജിതയുടെ മൃതദേഹം തിരിച്ചറിഞ്ഞു
അഹമ്മദാബാദ് വിമാന ദുരന്തത്തിൽ മരിച്ച മലയാളി നഴ്സ് രഞ്ജിതയുടെ മൃതദേഹം തിരിച്ചറിഞ്ഞു. പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങാനിരിക്കെയാണ് രഞ്ജിതയുടെ മരണം. മൃതദേഹം നാളെ നാട്ടിലെത്തിക്കും.
അഹമ്മദാബാദ് വിമാന അപകടം: സാങ്കേതിക തകരാറില്ലെന്ന് എയർ ഇന്ത്യ സിഇഒ
അഹമ്മദാബാദിൽ അപകടത്തിൽപ്പെട്ട എയർ ഇന്ത്യ ബോയിംഗ് വിമാനത്തിന് സാങ്കേതിക തകരാറുകൾ ഉണ്ടായിരുന്നില്ലെന്ന് സിഇഒ ക്യാംപ് ബെൽ വിൽസൺ. വിമാനത്തിന്റെ രണ്ട് ബ്ലാക്ക് ബോക്സുകളും കണ്ടെടുത്തിട്ടുണ്ട്. യാത്രക്കാർക്ക് ഉണ്ടായ ബുദ്ധിമുട്ടുകളിൽ അദ്ദേഹം ഖേദം പ്രകടിപ്പിച്ചു.
അഹമ്മദാബാദ് വിമാന ദുരന്തം: ബ്ലാക്ക് ബോക്സിന് കേടുപാട്; വിവരങ്ങൾ വീണ്ടെടുക്കാൻ യുഎസ് സഹായം തേടാൻ സാധ്യത
അഹമ്മദാബാദിൽ അപകടത്തിൽപ്പെട്ട എയർ ഇന്ത്യ വിമാനത്തിൻ്റെ ബ്ലാക്ക് ബോക്സിന് കേടുപാടുകളുണ്ടെന്ന് റിപ്പോർട്ട്. ഡൽഹിയിലെ ലാബിൽ വിവരങ്ങൾ വീണ്ടെടുക്കാൻ കഴിയാത്തതിനാൽ ബ്ലാക്ക് ബോക്സ് അമേരിക്കയിലേക്ക് അയക്കാൻ എയർക്രാഫ്റ്റ് ആക്സിഡൻ്റ് ഇൻവെസ്റ്റിഗേഷൻ ബ്യൂറോ തീരുമാനിച്ചു. അപകടത്തിൽ മരിച്ചവരുടെ മൃതദേഹങ്ങൾ തിരിച്ചറിയാനുള്ള ശ്രമങ്ങൾ ഇപ്പോഴും പുരോഗമിക്കുകയാണ്.
അഹമ്മദാബാദ് വിമാന ദുരന്തം: 135 പേരെ ഡിഎൻഎ പരിശോധനയിലൂടെ തിരിച്ചറിഞ്ഞു
അഹമ്മദാബാദ് വിമാന അപകടത്തിൽ മരിച്ചവരുടെ മൃതദേഹങ്ങൾ തിരിച്ചറിയുന്നതിനുള്ള ഡിഎൻഎ പരിശോധന പുരോഗമിക്കുന്നു. ഇതുവരെ 135 പേരെ തിരിച്ചറിഞ്ഞു, 101 മൃതദേഹങ്ങൾ ബന്ധുക്കൾക്ക് വിട്ടുനൽകി. അപകടത്തിൽപ്പെട്ട വിമാനം പറത്തിയ പൈലറ്റ് സുമീത് സബർവാളിന്റെ മൃതദേഹം മുംബൈയിൽ സംസ്കരിച്ചു.
അഹമ്മദാബാദ് വിമാന ദുരന്തം; മെഡിക്കൽ വിദ്യാർത്ഥികളുടെ കുടുംബത്തിന് സഹായവുമായി ഡോ. ഷംഷീർ വയലിൽ
അഹമ്മദാബാദ് വിമാന ദുരന്തത്തിൽ ജീവൻ നഷ്ടപ്പെട്ട ബിജെ മെഡിക്കൽ കോളേജിലെ വിദ്യാർത്ഥികളുടെയും ഡോക്ടർമാരുടെയും കുടുംബാംഗങ്ങൾക്ക് ആശ്വാസ ധനവുമായി ഡോ. ഷംഷീർ വയലിൽ. ദുരന്തത്തിൽ മരിച്ച എംബിബിഎസ് വിദ്യാർത്ഥികളുടെ കുടുംബത്തിന് ഒരു കോടി രൂപ വീതവും ഗുരുതരമായി പരിക്കേറ്റ വിദ്യാർത്ഥികൾക്കും ഡോക്ടർമാർക്കും 20 ലക്ഷം രൂപ വീതവും നൽകും. ആരോഗ്യ സേവനം ലക്ഷ്യമാക്കിയിരുന്ന വിദ്യാർത്ഥികളുടെ സ്വപ്നം നിറവേറ്റാനും കുടുംബാംഗങ്ങളെ സഹായിക്കാനുമാണ് ഈ ധനസഹായം നൽകുന്നതെന്ന് ഡോ. ഷംഷീർ അറിയിച്ചു.
അഹമ്മദാബാദ് വിമാന ദുരന്തം: വിജയ് രൂപാണിയുടെ മൃതദേഹം ഏറ്റുവാങ്ങി
അഹമ്മദാബാദ് വിമാന അപകടത്തിൽ മരിച്ച ഗുജറാത്ത് മുൻ മുഖ്യമന്ത്രി വിജയ് രൂപാണിയുടെ മൃതദേഹം ബന്ധുക്കൾ ഏറ്റുവാങ്ങി. ഇതുവരെ 41 മൃതദേഹങ്ങൾ തിരിച്ചറിഞ്ഞു. ഇന്ന് വൈകുന്നേരം അഞ്ചുമണിയോടെ രൂപാണിയുടെ സംസ്കാരം രാജ്കോട്ടിൽ നടക്കും.
അഹമ്മദാബാദ് വിമാന അപകടം: യുഎസ്, യുകെ വിദഗ്ധ സംഘമെത്തി; പാർലമെന്റ് സമിതിയും അന്വേഷിക്കും
അഹമ്മദാബാദ് വിമാന അപകടത്തിൽ യുഎസ്, യുകെ എന്നിവിടങ്ങളിൽ നിന്നുള്ള വിദഗ്ധ സംഘം സ്ഥലത്തെത്തി. എയർക്രാഫ്റ്റ് ആക്സിഡന്റ് ഇൻവെസ്റ്റിഗേഷൻ ബ്യൂറോയുമായി സഹകരിച്ച് വിദഗ്ധ സംഘം പ്രവർത്തിക്കും. അപകടത്തെക്കുറിച്ച് പഠിക്കാൻ ജെഡിയു എംപി സഞ്ജയ് ഝായുടെ നേതൃത്വത്തിലുള്ള പാർലമെന്റ് കമ്മിറ്റിയെയും ചുമതലപ്പെടുത്തിയിട്ടുണ്ട്.
അഹമ്മദാബാദ് വിമാന ദുരന്തം: 45 മൃതദേഹങ്ങൾ തിരിച്ചറിഞ്ഞു
അഹമ്മദാബാദ് വിമാന അപകടത്തിൽ മരിച്ചവരുടെ മൃതദേഹങ്ങൾ ബന്ധുക്കൾക്ക് കൈമാറാൻ തുടങ്ങി. ഗുജറാത്ത് മുൻ മുഖ്യമന്ത്രി വിജയ് രൂപാണി ഉൾപ്പെടെ 45 പേരുടെ മൃതദേഹങ്ങൾ ഇതുവരെ തിരിച്ചറിഞ്ഞു. അപകടത്തിൽ മരിച്ച മലയാളി പുല്ലാട് സ്വദേശി രജിതയുടെ മൃതദേഹം രണ്ട് ദിവസത്തിനുള്ളിൽ ബന്ധുക്കൾക്ക് കൈമാറും.
അഹമ്മദാബാദ് വിമാനാപകടം: മരിച്ചവരുടെ കുടുംബത്തിന് എയർ ഇന്ത്യയുടെ ധനസഹായം
അഹമ്മദാബാദ് വിമാനാപകടത്തിൽ മരിച്ചവരുടെ കുടുംബാംഗങ്ങൾക്ക് എയർ ഇന്ത്യ 25 ലക്ഷം രൂപയുടെ ഇടക്കാല ധനസഹായം നൽകും. നേരത്തെ പ്രഖ്യാപിച്ച ഒരു കോടി രൂപയ്ക്ക് പുറമെയാണിത്. വ്യോമസുരക്ഷയിൽ ഒരു വിട്ടുവീഴ്ചയുമില്ലെന്നും എയർ ഇന്ത്യ അറിയിച്ചു.