Accident
മലപ്പുറം എംഎസ്പി സ്കൂളിൽ വിദ്യാർത്ഥിനിയെ ഇടിച്ച സംഭവം; അധ്യാപികയുടെ ലൈസൻസ് സസ്പെൻഡ് ചെയ്തു
മലപ്പുറം എംഎസ്പി സ്കൂളിൽ വിദ്യാർത്ഥിനിയെ വാഹനം ഇടിച്ച സംഭവത്തിൽ അധ്യാപികയുടെ ലൈസൻസ് സസ്പെൻഡ് ചെയ്തു. മലപ്പുറം ആർടിഒയുടെ നിർദ്ദേശപ്രകാരം അധ്യാപികയെ ഡ്രൈവിംഗ് പരിശീലനത്തിന് അയച്ചു. പത്താം ക്ലാസ് വിദ്യാർത്ഥിനിക്ക് ഗുരുതരമായി പരുക്കേറ്റതിനെ തുടർന്ന് സഹപാഠികൾ പ്രതിഷേധം നടത്തിയിരുന്നു.
കൊല്ലത്ത് അങ്കണവാടിയിൽ ഫാൻ പൊട്ടിവീണ് മൂന്ന് വയസ്സുകാരന് പരിക്ക്
കൊല്ലം തിരുമുല്ലവാരത്ത് അങ്കണവാടി കെട്ടിടത്തിലെ ഫാൻ പൊട്ടിവീണ് മൂന്ന് വയസുകാരന് പരുക്കേറ്റു. തലയ്ക്ക് പരുക്കേറ്റ കുട്ടിയെ ആശുപത്രിയില് പ്രവേശിപ്പിച്ചു. വാടക കെട്ടിടത്തില് പ്രവര്ത്തിച്ചിരുന്ന അംഗനവാടിയിലെ പഴക്കം ചെന്ന ഫാനാണ് പൊട്ടിവീണത്.
മലപ്പുറത്ത് അധ്യാപികയുടെ കാറിടിച്ച് വിദ്യാർത്ഥിക്ക് പരിക്ക്; അന്വേഷണത്തിന് ഉത്തരവിട്ട് മന്ത്രി
മലപ്പുറം എംഎസ്പിഎച്ച്എസ്എസിൽ അധ്യാപികയുടെ വാഹനമിടിച്ച് വിദ്യാർത്ഥിനിക്ക് പരുക്കേറ്റു. സംഭവത്തിൽ അന്വേഷണത്തിന് വിദ്യാഭ്യാസ മന്ത്രി ഉത്തരവിട്ടു. സ്കൂൾ ഗ്രൗണ്ടിൽ വെച്ച് നടന്ന അപകടത്തെക്കുറിച്ച് വിശദമായ അന്വേഷണം നടത്താൻ വിദ്യാഭ്യാസ വകുപ്പ് തീരുമാനിച്ചു. പരിക്കേറ്റ വിദ്യാർത്ഥിനിയുടെ ചികിത്സ കോയമ്പത്തൂരിലെ ആശുപത്രിയിൽ നടക്കുകയാണ്.
കേദാർനാഥിൽ കല്ലുകൾ അടർന്ന് വീണ് രണ്ട് തീർത്ഥാടകർ മരിച്ചു
കേദാർനാഥ് തീർത്ഥാടനത്തിനിടെ കല്ലുകൾ അടർന്ന് വീണ് രണ്ട് തീർത്ഥാടകർ മരിച്ചു. മണ്ണിടിച്ചിലിനെ തുടർന്നാണ് അപകടമുണ്ടായത്. ദുരന്തനിവാരണ സേനാംഗങ്ങൾ സ്ഥലത്തെത്തി രക്ഷാപ്രവർത്തനം നടത്തുന്നു.
തിരുവല്ലയിൽ ബൈക്കപകടം: മിറർ കമ്പി നെഞ്ചിൽ തുളച്ചുകയറി 59-കാരൻ മരിച്ചു
പത്തനംതിട്ട ജില്ലയിലെ തിരുവല്ലയിൽ വാഹനാപകടത്തിൽ 59 വയസ്സുകാരൻ മരിച്ചു. ബൈക്കിന്റെ മിറർ കമ്പി നെഞ്ചിൽ തുളച്ചുകയറിയാണ് ദാരുണാന്ത്യം സംഭവിച്ചത്. അപകടത്തിൽ തിരുവല്ല പോലീസ് കേസ് രജിസ്റ്റർ ചെയ്തു.
തിരുവനന്തപുരത്ത് പിതാവിന്റെ കയ്യിൽ നിന്ന് വീണ് നാല് വയസ്സുകാരന് ദാരുണാന്ത്യം
തിരുവനന്തപുരം പാറശാലയിൽ പിതാവിന്റെ കയ്യിൽ നിന്ന് താഴെ വീണ് നാല് വയസ്സുകാരൻ മരിച്ചു. പരശുവയ്ക്കൽ പനയറക്കൽ സ്വദേശികളായ രജിൻ - ധന്യ ദമ്പതികളുടെ മകനാണ് മരിച്ചത്. കുട്ടിയെ നഴ്സറിയിലേക്ക് കൊണ്ടുപോകുന്നതിനിടെ കളിപ്പാട്ടത്തിൽ ചവിട്ടി പിതാവ് വീണതാണ് അപകടകാരണം.
കുഴിയിൽ വീണ് ബൈക്ക് യാത്രികൻ മരിച്ചു; ദേശീയപാതയിലെ അപകടം തുടർക്കഥയാവുന്നു
കോഴിക്കോട് വടകര ചോമ്പാല ദേശീയപാതയിൽ കുഴിയിൽ വീണ് ബൈക്ക് യാത്രികൻ മരിച്ചു. ചോമ്പാൽ സ്വദേശി ടി.ടി. നാണു (61) ആണ് മരിച്ചത്. മുക്കാളി കെ എസ് ഇ ബി ഓഫിസിന് സമീപമായിരുന്നു അപകടം. കനത്ത മഴയിൽ വെള്ളം കയറിയ കുഴിയിൽ ബൈക്ക് മറിഞ്ഞ് വിഴുകയായിരുന്നു.
മലപ്പുറത്ത് അധ്യാപികയുടെ കാറിടിച്ച് വിദ്യാർത്ഥിക്ക് പരിക്ക്; വിദ്യാർത്ഥികളുടെ പ്രതിഷേധം കനക്കുന്നു
മലപ്പുറം എംഎസ്പി ഹയർസെക്കൻഡറി സ്കൂളിൽ അധ്യാപികയുടെ കാറിടിച്ച് വിദ്യാർത്ഥിക്ക് പരുക്കേറ്റു. പരുക്കേറ്റ വിദ്യാർത്ഥിയെ ആശുപത്രിയിൽ എത്തിക്കാൻ വൈകിയെന്നും, കേസ് ഒതുക്കി തീർക്കാൻ ശ്രമിച്ചെന്നും വിദ്യാർത്ഥികൾ ആരോപിച്ചു. സംഭവത്തിൽ പ്രതിഷേധിച്ച് വിദ്യാർത്ഥികൾ ക്ലാസ്സുകൾ ബഹിഷ്കരിച്ച് പ്രതിഷേധം നടത്തുകയാണ്.
ഓടുന്ന കെഎസ്ആർടിസി ബസ്സിന്റെ ചില്ല് തകർത്ത് ഇതര സംസ്ഥാന തൊഴിലാളിയുടെ ചാട്ടം; ഗുരുതര പരിക്ക്
വയനാട്ടിൽ ഓടിക്കൊണ്ടിരുന്ന കെഎസ്ആർടിസി ബസ്സിന്റെ ചില്ല് തകർത്ത് ഝാർഖണ്ഡ് സ്വദേശിയായ മനോജ് കിഷൻ പുറത്തേക്ക് ചാടി. തലയ്ക്ക് ഗുരുതര പരിക്കേറ്റ ഇയാളെ കോഴിക്കോട് മെഡിക്കൽ കോളേജിലേക്ക് മാറ്റി. കോഴിക്കോട് നിന്നും മാനന്തവാടിക്ക് വരികയായിരുന്ന ബസ്സിൽ ചുണ്ടേൽ മുതൽ മനോജ് അസ്വസ്ഥത പ്രകടിപ്പിച്ചിരുന്നതായി ജീവനക്കാർ അറിയിച്ചു.
എറണാകുളം ചെല്ലാനത്ത് ബസ്സിൽ നിന്ന് ചാടിയ പതിനാറുകാരന് ദാരുണാന്ത്യം
എറണാകുളം ചെല്ലാനത്ത് സ്വകാര്യ ബസ്സിൽ നിന്ന് ചാടിയ പതിനാറുകാരൻ മരിച്ചു. ചെല്ലാനം സ്വദേശി പവൻ സുമോദാണ് മരിച്ചത്. ബസ്സിന്റെ ഡോർ തുറന്നിട്ട് വാഹനം ഓടിച്ചതിന് ഡ്രൈവർക്കെതിരെ കേസ് എടുത്തു.
കെനിയയിൽ വാഹനാപകടം; അഞ്ച് മലയാളികൾ ഉൾപ്പെടെ ആറ് ഇന്ത്യക്കാർക്ക് ദാരുണാന്ത്യം
കെനിയയിൽ ഉണ്ടായ വാഹനാപകടത്തിൽ അഞ്ച് മലയാളികൾ ഉൾപ്പെടെ ആറ് ഇന്ത്യക്കാർ മരിച്ചു. രണ്ട് കുട്ടികൾ ഉൾപ്പെടെയുള്ളവരാണ് മരിച്ചത്. ശക്തമായ മഴയിൽ വാഹനം നിയന്ത്രണം വിട്ട് മരത്തിലിടിച്ച് താഴ്ചയിലേക്ക് മറിഞ്ഞതാണ് അപകടകാരണം.
കെനിയയിൽ ടൂറിസം ബസ് അപകടത്തിൽ 5 മലയാളികൾ മരിച്ചു
കെനിയയിൽ ടൂറിസം സംഘം സഞ്ചരിച്ച ബസ് അപകടത്തിൽ 5 മലയാളികൾ ഉൾപ്പെടെ 6 പേർ മരിച്ചു. ഖത്തറിൽ നിന്ന് വിനോദയാത്രയ്ക്ക് പോയ 14 മലയാളികൾ ഉൾപ്പെട്ട സംഘമാണ് അപകടത്തിൽപ്പെട്ടത്. അപകടത്തിൽ 27 പേർക്ക് പരിക്കേറ്റിട്ടുണ്ട്.