Accident
കോഴിക്കോട് കോടഞ്ചേരിയിൽ ഷോക്കേറ്റ് സഹോദരങ്ങൾ മരിച്ചു
കോഴിക്കോട് കോടഞ്ചേരിയിൽ തോട്ടിൽ മീൻ പിടിക്കാൻ ഇറങ്ങിയ സഹോദരങ്ങൾ ഷോക്കേറ്റ് മരിച്ചു. ചന്ദ്രൻകുന്നേൽ ബിജു-ഷീബ ദമ്പതികളുടെ മക്കളായ നിഥിൻ ബിജു (13), ഐബിൻ ബിജു (11) എന്നിവരാണ് മരിച്ചത്. ശക്തമായ കാറ്റിൽ മരം ഇലക്ട്രിക് പോസ്റ്റിലേക്ക് മറിഞ്ഞുവീണ് ലൈൻ പൊട്ടി തോട്ടിലേക്ക് വീണതിനെ തുടർന്നാണ് അപകടമുണ്ടായത്.
സിക്കിമിൽ സഹ സൈനികനെ രക്ഷിക്കാൻ ശ്രമിച്ച സൈനികൻ മുങ്ങിമരിച്ചു
സിക്കിമിൽ പുഴയിൽ വീണ സൈനികനെ രക്ഷിക്കാൻ ശ്രമിക്കുന്നതിനിടെ ലെഫ്റ്റനന്റ് ശശാങ്ക് തിവാരി മുങ്ങിമരിച്ചു. അഗ്നിവീർ സ്റ്റീഫൻ സുബ്ബയെ രക്ഷിക്കുന്നതിനിടെയാണ് അപകടമുണ്ടായത്. അദ്ദേഹത്തിന്റെ ധീരതയെ സൈന്യം പ്രശംസിച്ചു.
മരം വീണ് വീട് തകർന്നു; ടി വി കണ്ടിരുന്ന കുട്ടികൾ അത്ഭുതകരമായി രക്ഷപ്പെട്ടു
തിരുവനന്തപുരം കിളിമാനൂരിൽ വീടിന് മുകളിലേക്ക് റബ്ബർ മരം കടപുഴകി വീണ് മേൽക്കൂര തകർന്നു. അപകടം നടക്കുമ്പോൾ ടി വി കണ്ടുകൊണ്ടിരുന്ന കുട്ടികൾ അത്ഭുതകരമായി രക്ഷപ്പെട്ടു. മേലേപയ്യനാട് സ്വദേശി അനിതാ വിജിയുടെ വീടിന്റെ മേൽക്കൂരയാണ് തകർന്നത്.
മെഡിക്കൽ കോളേജിൽ ഓക്സിജൻ സിലിണ്ടർ പൊട്ടിത്തെറിച്ച് അപകടം; അനസ്തേഷ്യ ടെക്നീഷ്യന് ഗുരുതര പരിക്ക്
തിരുവനന്തപുരം മെഡിക്കൽ കോളേജിൽ ഓക്സിജൻ സിലിണ്ടറിലെ ഫ്ലോമീറ്റർ പൊട്ടിത്തെറിച്ച് അനസ്തേഷ്യ ടെക്നീഷ്യന് ഗുരുതര പരിക്ക്. പാലക്കാട് സ്വദേശി അഭിഷേകിനാണ് തലയ്ക്ക് പരിക്കേറ്റത്. രണ്ട് മാസം മുൻപ് തിരുവനന്തപുരം എസ്എടി ആശുപത്രിയിലും സമാനമായ സംഭവം നടന്നിരുന്നു.
ഇന്ധനം നിറയ്ക്കുമ്പോൾ കാർ മുന്നോട്ടെടുത്തു; ജീവനക്കാരന് ഗുരുതര പരിക്ക്
തൃശ്ശൂർ പുതുക്കാട് പെട്രോൾ പമ്പിൽ ഇന്ധനം നിറയ്ക്കുന്നതിനിടെ ജീവനക്കാരന് ഗുരുതര പരിക്ക്. ടാങ്കിൽ വെച്ചിരുന്ന നോസിൽ തലയിൽ വന്നിടിച്ചാണ് 75 കാരനായ ദേവസിക്ക് പരിക്കേറ്റത്. സിസിടിവി ദൃശ്യങ്ങൾ പുറത്ത് വന്നു.
കൂരിയാട് ദേശീയപാത തകർന്ന സംഭവം; സന്ദർശനം ഒഴിവാക്കണമെന്ന് കളക്ടർ
മലപ്പുറം കൂരിയാട് ദേശീയപാതയിലെ തകർന്ന ഭാഗം സന്ദർശിക്കുന്നത് ഒഴിവാക്കണമെന്ന് ജില്ലാ കളക്ടർ അറിയിച്ചു. ഗതാഗതക്കുരുക്ക് ഒഴിവാക്കാനും സുരക്ഷാ ഭീഷണിയുള്ളതിനാലുമാണ് ഈ നിർദ്ദേശം. വിദഗ്ധ സമിതി റിപ്പോർട്ട് സമർപ്പിച്ച ശേഷം സർവ്വകക്ഷി യോഗം വിളിക്കുമെന്നും കളക്ടർ അറിയിച്ചു.
കാസർഗോഡ് മഡിയനിൽ കുളത്തിൽ വീണ് രണ്ട് കുട്ടികൾ മുങ്ങി മരിച്ചു
കാസർഗോഡ് മഡിയനിൽ കുളത്തിൽ വീണ് രണ്ട് കുട്ടികൾ മുങ്ങി മരിച്ചു. അഞ്ചു കുട്ടികള് അടങ്ങുന്ന സംഘത്തില് ഒരാളുടെ ചെരുപ്പ് എടുക്കാന് ശ്രമിക്കുന്നതിനിടെയാണ് അപകടം നടന്നത്. അപകടത്തില് മരിച്ച രണ്ട് കുട്ടികളുടെയും മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് കൈമാറും.
തൃശ്ശൂർ പാത്രമംഗലത്ത് കുളത്തിൽ മുങ്ങി 15കാരൻ മരിച്ചു
തൃശ്ശൂർ പാത്രമംഗലത്ത് കുളത്തിൽ മുങ്ങി 15 വയസ്സുകാരൻ മരിച്ചു. കുന്നംകുളം ചെറുവത്തൂർ സ്വദേശി സുനോജിന്റെ മകൻ അദ്വൈത് (15) ആണ് മരിച്ചത്. ആദൂരിലെ ബന്ധുവീട്ടിൽ എത്തിയതായിരുന്നു അദ്വൈത്, വൈകുന്നേരം കൂട്ടുകാരുമൊത്ത് കുളത്തിൽ ഇറങ്ങിയപ്പോഴാണ് അപകടം സംഭവിച്ചത്.
കൂരിയാട് അപകടം: അശാസ്ത്രീയ നിർമ്മാണമാണ് കാരണമെന്ന് വി.ടി. ബൽറാം
കൂരിയാട് റോഡപകടം അശാസ്ത്രീയ നിർമ്മാണം മൂലമെന്ന് വി.ടി. ബൽറാം. മലപ്പുറം ജില്ലാ കളക്ടർ അടിയന്തര യോഗം വിളിച്ചു. വിദഗ്ധ സംഘം നാളെ സ്ഥലം സന്ദർശിക്കും.
കേദാർനാഥിൽ എയർ ആംബുലൻസ് തകർന്നു; യാത്രക്കാർ രക്ഷപ്പെട്ടു
ഉത്തരാഖണ്ഡിലെ കേദാർനാഥിൽ ഋഷികേശ് എയിംസ് ആശുപത്രിയുടെ എയർ ആംബുലൻസ് തകർന്നു. സാങ്കേതിക തകരാറിനെ തുടർന്ന് അടിയന്തര ലാൻഡിംഗ് നടത്തവേയായിരുന്നു അപകടം. ഹെലികോപ്റ്ററിലുണ്ടായിരുന്നവരെല്ലാം സുരക്ഷിതരാണ്.
വടകരയില് കാറും ട്രാവലറും കൂട്ടിയിടിച്ച് നാല് മരണം
കോഴിക്കോട് വടകര മൂരാട് പാലത്തിന് സമീപം ദേശീയ പാതയില് ട്രാാവലറും കാറും കൂട്ടിയിടിച്ച് നാല് മരണം. കാർ യാത്രക്കാരായ ന്യൂ മാഹി സ്വദേശിനി റോജ, പുന്നോൽ സ്വദേശിനി ജയവല്ലി, അഴിയൂർ സ്വദേശിനി രഞ്ജി, മാഹി സ്വദേശി ഷിഗിൻ ലാൽ എന്നിവരാണ് മരിച്ചത്. കാറിലുണ്ടായിരുന്ന മറ്റ് രണ്ട് പേരെ ഗുരുതരമായ പരിക്കുകളോടെ ആശുപത്രിയില് പ്രവേശിപ്പിച്ചു.
ഉത്തരാഖണ്ഡിൽ ഹെലികോപ്റ്റർ അപകടം; 5 മരണം
ഉത്തരാഖണ്ഡിലെ ഉത്തരകാശിയിൽ ഹെലികോപ്റ്റർ തകർന്ന് 5 പേർ മരിച്ചു. 7 പേരടങ്ങുന്ന സംഘം സഞ്ചരിച്ച ഹെലികോപ്റ്ററാണ് തകർന്നത്. ജില്ലാ ഭരണകൂടവും എസ്ആർഡിഎഫും ചേർന്ന് രക്ഷാപ്രവർത്തനം നടത്തി.