Accident
തമിഴ്നാട് കടലൂരിൽ റെയിൽവേ ട്രാക്കിലേക്ക് സ്കൂൾ വാൻ മറിഞ്ഞ് 9 വിദ്യാർത്ഥികൾക്ക് പരിക്ക്
തമിഴ്നാട് കടലൂരിൽ റെയിൽവേ ട്രാക്കിലേക്ക് സ്കൂൾ വാൻ മറിഞ്ഞ് 9 വിദ്യാർത്ഥികൾക്ക് പരിക്കേറ്റു. പൂവനൂരിലെ ലെവൽ ക്രോസിൽ വെച്ച് വാൻ നിയന്ത്രണം തെറ്റി തൂണിലിടിച്ചാണ് അപകടമുണ്ടായത്. പരിക്കേറ്റ കുട്ടികളെ വിരുദാചലം സർക്കാർ ആശുപത്രിയിൽ പ്രവേശിപ്പിച്ചു.
ഉത്തർപ്രദേശിൽ ട്രാക്ടർ കണ്ടെയ്നർ കൂട്ടിയിടി: 8 മരണം, 43 പേർക്ക് പരിക്ക്
ഉത്തർപ്രദേശിൽ ട്രാക്ടർ കണ്ടെയ്നറുമായി കൂട്ടിയിടിച്ച് 8 പേർ മരിച്ചു. 43 പേർക്ക് പരിക്കേറ്റു. കസ്കഞ്ചിൽ നിന്ന് രാജസ്ഥാനിലേക്ക് പോവുകയായിരുന്ന ട്രാക്ടറാണ് അപകടത്തിൽപ്പെട്ടത്.
ഡൽഹി ദരിയാ ഗഞ്ചിൽ കെട്ടിടം തകർന്ന് 3 മരണം
ഡൽഹി ദരിയാ ഗഞ്ചിൽ കെട്ടിടം തകർന്ന് മൂന്ന് പേർ മരിച്ചു. രണ്ട് നിലകളുള്ള കെട്ടിടമാണ് തകർന്നുവീണത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
വടകരയില് നടപ്പാത യാത്രക്കാരനെ ഇടിച്ചുതെറിപ്പിച്ച ശേഷം കടന്നുകളഞ്ഞ ഡ്രൈവര് പിടിയില്
വടകരയില് കാല്നടയാത്രക്കാരനെ ഇടിച്ചുതെറിപ്പിച്ച് കടന്നുകളഞ്ഞ കാർ ഡ്രൈവറെ പൊലീസ് അറസ്റ്റ് ചെയ്തു. അപകടത്തില് ഗുരുതരമായി പരിക്കേറ്റ് ചികിത്സയിലായിരുന്ന അമല് കൃഷ്ണ കഴിഞ്ഞ ദിവസം മരണപ്പെട്ടിരുന്നു. 150-ഓളം സിസിടിവി ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തിലാണ് കാര് കണ്ടെത്തിയത്.
പാലക്കാട് കൊഴിഞ്ഞാമ്പാറയിൽ ബസ് കയറിയിറങ്ങി രണ്ടാം ക്ലാസുകാരിക്ക് ദാരുണാന്ത്യം
പാലക്കാട് കൊഴിഞ്ഞാമ്പാറയിൽ സ്കൂട്ടറിൽ നിന്ന് വീണ രണ്ടാം ക്ലാസ് വിദ്യാർത്ഥിനി ബസിനടിയിൽപ്പെട്ട് മരിച്ചു. നസ്രിയത്ത് മൻസിയ എന്ന കുട്ടിയാണ് മരിച്ചത്. പിതാവിനോടൊപ്പം സ്കൂളിലേക്ക് പോകുമ്പോഴായിരുന്നു അപകടം സംഭവിച്ചത്.
കോട്ടയത്ത് കാർ മതിലിലിടിച്ച് മൂന്ന് വയസ്സുകാരൻ മരിച്ചു
കോട്ടയം പാമ്പാടി കുറ്റിക്കലിൽ കാർ സ്കൂൾ മതിലിലിടിച്ച് മൂന്ന് വയസ്സുകാരൻ മരിച്ചു. മാമോദിസ കഴിഞ്ഞ് മടങ്ങും വഴി നിയന്ത്രണം വിട്ട കാർ മതിലിലിടിക്കുകയായിരുന്നു. അപകടത്തിൽ ആറുപേർക്ക് പരിക്കേറ്റു.
വടകരയിൽ ഷോക്കേറ്റ് വീട്ടമ്മ മരിച്ചു
കോഴിക്കോട് വടകരയിൽ മുറ്റം അടിക്കുന്നതിനിടെ വൈദ്യുതാഘാതമേറ്റ് വീട്ടമ്മ മരിച്ചു. തോടന്നൂരിലെ ഉഷ ആശാരിക്കണ്ടി (51) ആണ് മരിച്ചത്. മരം പൊട്ടിവീണ് വൈദ്യുതി ലൈനിൽ തട്ടിയതിനെ തുടർന്ന് വീട്ടുമുറ്റത്തേക്ക് പതിച്ച മരക്കൊമ്പിൽ തട്ടിയതാണ് അപകട കാരണം.
ബെംഗളൂരുവിൽ വീടിനുള്ളിൽ സ്ഫോടനം; എട്ട് വയസ്സുകാരൻ മരിച്ചു, ഒൻപത് പേർക്ക് പരിക്ക്
ബെംഗളൂരു ചിന്നയൻപാളയത്ത് വീടിനുള്ളിൽ ഗ്യാസ് സിലിണ്ടർ പൊട്ടിത്തെറിച്ച് എട്ട് വയസ്സുകാരൻ മരിച്ചു. ഒൻപത് പേർക്ക് പരിക്കേറ്റു. മൂന്ന് വീടുകൾ പൂർണമായും ആറ് വീടുകൾ ഭാഗികമായും തകർന്നു.
കോട്ടയം മെഡിക്കൽ കോളജ് അപകടം: മരിച്ച ബിന്ദുവിന്റെ കുടുംബത്തിന് ധനസഹായം കൈമാറി
കോട്ടയം മെഡിക്കൽ കോളജിൽ കെട്ടിടം തകർന്ന് മരിച്ച ബിന്ദുവിന്റെ കുടുംബത്തിന് സർക്കാർ പ്രഖ്യാപിച്ച 10 ലക്ഷം രൂപയുടെ ധനസഹായം മന്ത്രി വി.എൻ. വാസവൻ കൈമാറി. ബിന്ദുവിന്റെ ഭർത്താവ് വിശ്രുതൻ, അമ്മ സീതാലക്ഷ്മി, മകൻ നവനീത് എന്നിവരെ മന്ത്രി നേരിൽ കണ്ടു. ജൂലൈ മൂന്നിനാണ് മെഡിക്കൽ കോളജ് വാർഡിലെ പഴയ ശുചിമുറി കെട്ടിടം ഇടിഞ്ഞുവീണ് അപകടമുണ്ടായത്.
കൊച്ചി മെട്രോയിൽ ട്രാക്കിൽ നിന്ന് ചാടിയ യുവാവ് മരിച്ചു
എറണാകുളം വടക്കെകോട്ട മെട്രോ സ്റ്റേഷനിൽ ട്രാക്കിൽ നിന്ന് ചാടിയ യുവാവ് മരിച്ചു. തിരൂരങ്ങാടി സ്വദേശി നിസാർ ആണ് മരിച്ചത്. അനുനയ ശ്രമങ്ങൾ നടക്കുന്നതിനിടെയാണ് നിസാർ താഴത്തേക്ക് ചാടിയത്.
മീഞ്ചന്ത അപകടം: കോഴിക്കോട് കോർപറേഷൻ പരിധിയിലെ ബസ് സ്റ്റോപ്പുകളിൽ സുരക്ഷാ പരിശോധന നടത്താൻ തീരുമാനം
കോഴിക്കോട് കോർപറേഷൻ പരിധിയിലെ ബസ് സ്റ്റോപ്പുകളിൽ സുരക്ഷാ പരിശോധന നടത്താൻ കോർപറേഷൻ തീരുമാനിച്ചു. മീഞ്ചന്തയിൽ ബസ് സ്റ്റോപ്പ് തകർന്ന് വിദ്യാർത്ഥിനിക്ക് ഗുരുതരമായി പരുക്കേറ്റതിനെ തുടർന്നാണ് ഈ തീരുമാനം. കോർപറേഷന്റെ പൊതുമരാമത്ത് വിഭാഗം പരിശോധന നടത്തി സുരക്ഷ ഉറപ്പ് വരുത്തും.
കാട്ടുപോത്ത് കുറുകെ ചാടി അപകടം; കുട്ടികളടക്കം അഞ്ചുപേർക്ക് പരിക്ക്
തിരുവനന്തപുരം-തെൻകാശി അന്തർസംസ്ഥാന പാതയിൽ കാട്ടുപോത്ത് കുറുകെ ചാടിയതിനെ തുടർന്ന് വാഹനാപകടം. അപകടത്തിൽ കുട്ടികളടക്കം അഞ്ചുപേർക്ക് പരുക്കേറ്റു. പരുക്കേറ്റവരെ കുളത്തുപ്പുഴ ആശുപത്രിയിൽ പ്രവേശിപ്പിച്ചു, ഗുരുതരമായി പരുക്കേറ്റ ഒരാളെ തിരുവനന്തപുരം മെഡിക്കൽ കോളേജിലേക്ക് മാറ്റി.