Accident News
കരിമാൻതോട് അപകടം: മരിച്ച കുട്ടികളുടെ സംസ്കാരം ഇന്ന്
പത്തനംതിട്ട കോന്നി കരിമാൻതോട് ഓട്ടോറിക്ഷ മറിഞ്ഞുണ്ടായ അപകടത്തിൽ മരിച്ച രണ്ടു കുട്ടികളുടെ സംസ്കാരം ഇന്ന് നടക്കും. കരിമാൻതോട് ശ്രീനാരായണ സ്കൂളിലെ പൊതുദർശനത്തിന് ശേഷം സംസ്കാരം നടക്കും. മൂന്നാം ക്ലാസ് വിദ്യാർത്ഥി ആദ്യ ലക്ഷ്മി, എൽകെജി വിദ്യാർത്ഥി യദു കൃഷ്ണൻ എന്നിവരാണ് അപകടത്തിൽ മരിച്ചത്.
അരൂർ-തുറവൂർ ഉയരപ്പാത: സുരക്ഷാ ഓഡിറ്റിങ്ങിന് ഉത്തരവിട്ട് ദേശീയപാത അതോറിറ്റി
അരൂർ-തുറവൂർ ഉയരപ്പാത നിർമ്മാണത്തിനിടെയുണ്ടായ അപകടത്തെ തുടർന്ന് ദേശീയപാത അതോറിറ്റി അടിയന്തര സുരക്ഷാ ഓഡിറ്റിംഗിന് ഉത്തരവിട്ടു. റൈറ്റ്സ് ലിമിറ്റഡിനാണ് ഓഡിറ്റിങ് ചുമതല. നിർമ്മാണത്തിൽ ഐആർസി മാനദണ്ഡങ്ങൾ പാലിക്കുന്നില്ലെന്ന് വിദഗ്ദ്ധ സമിതി കണ്ടെത്തിയിരുന്നു.
അരൂർ-തുറവൂർ ഉയരപ്പാതയിൽ ഗർഡർ അപകടം; നടപടിയെടുക്കുമെന്ന് എംഎൽഎ
അരൂർ - തുറവൂർ ഉയരപ്പാത നിർമ്മാണത്തിനിടെ ഗർഡർ പതിച്ച് അപകടം. അപകടത്തിൽ പിക്കപ്പ് വാൻ ഡ്രൈവർ മരിച്ചു. സംഭവത്തിൽ നടപടിയെടുക്കുമെന്ന് എംഎൽഎ ദലീമ അറിയിച്ചു.
അരൂർ – തുറവൂർ ഉയരപ്പാത നിർമ്മാണത്തിനിടെ ഗർഡർ വീണ് ഒരാൾ മരിച്ചു
അരൂർ - തുറവൂർ ഉയരപ്പാതയുടെ നിർമ്മാണത്തിനിടെ ഗർഡർ തകർന്ന് ഒരാൾ മരിച്ചു. പിക്കപ്പ് വാൻ ഡ്രൈവറായ പത്തനംതിട്ട സ്വദേശി രാജേഷാണ് മരിച്ചത്. പുലർച്ചെ രണ്ട് മണിയോടെയാണ് അപകടം നടന്നത്.
മന്ത്രി കെ.എൻ. ബാലഗോപാലിന്റെ വാഹനമിടിച്ച സംഭവം: ഡ്രൈവർ മദ്യപിച്ചിരുന്നെന്ന് കണ്ടെത്തൽ
ധനമന്ത്രി കെ.എൻ. ബാലഗോപാലിന്റെ വാഹനത്തിൽ ഇടിച്ച കാറിന്റെ ഡ്രൈവർ മദ്യപിച്ചിരുന്നതായി കണ്ടെത്തി. പത്തനംതിട്ട ഇലന്തൂർ സ്വദേശി മാത്യു തോമസിനെതിരെ കേസെടുത്തു. വാമനപുരത്ത് വെച്ചാണ് മന്ത്രി സഞ്ചരിച്ച കാർ അപകടത്തിൽപ്പെട്ടത്.
അടിമാലി മണ്ണിടിച്ചിൽ: സന്ധ്യയ്ക്ക് ഗുരുതര പരിക്ക്; വിദഗ്ധ ചികിത്സയ്ക്കായി എറണാകുളത്തേക്ക് മാറ്റി
ഇടുക്കി അടിമാലിക്കടുത്ത് ദേശീയപാത നിർമ്മാണത്തിനിടെ മണ്ണിടിഞ്ഞ് അപകടം. അപകടത്തിൽ സാരമായി പരിക്കേറ്റ സന്ധ്യയെ ആറ് മണിക്കൂർ നീണ്ട രക്ഷാപ്രവർത്തനത്തിന് ശേഷം പുറത്തെത്തിച്ചു. വിദഗ്ധ ചികിത്സയ്ക്കായി എറണാകുളം രാജഗിരി ആശുപത്രിയിലേക്ക് മാറ്റി. അപകടത്തിൽ സന്ധ്യയുടെ ഭർത്താവ് ബിജു മരിച്ചു.
കോഴിക്കോട് രാമനാട്ടുകരയിൽ സ്വകാര്യ ബസ്സുകളുടെ മത്സരയോട്ടം; സ്കൂട്ടർ യാത്രക്കാരിക്ക് ദാരുണാന്ത്യം
കോഴിക്കോട് രാമനാട്ടുകരയിൽ സ്വകാര്യ ബസ്സുകളുടെ മത്സരയോട്ടത്തിൽ സ്കൂട്ടർ യാത്രക്കാരി തസ്ലീമ മരിച്ചു. ബസ്സുകളുടെ മത്സരയോട്ടത്തിനിടെ റോഡിലേക്ക് തെറിച്ചു വീണ ഇവരുടെ ശരീരത്തിലൂടെ ബസ് കയറിയിറങ്ങുകയായിരുന്നു. താമരശ്ശേരിയിൽ അമിത വേഗതയിൽ ബസ് മറികടക്കാൻ ശ്രമിച്ചതിനെ തുടർന്ന് കെഎസ്ആർടിസി ബസ്സിലെ യാത്രക്കാരിക്ക് പരുക്കേറ്റു.
ടിവികെ റാലി അപകടം: മരിച്ചവരുടെ പോസ്റ്റുമോർട്ടം ഇന്ന്; ടിവികെ ജില്ലാ സെക്രട്ടറിക്കെതിരെ കേസ്
ടിവികെ റാലിക്കിടെയുണ്ടായ അപകടത്തിൽ മരിച്ചവരുടെ പോസ്റ്റുമോർട്ടം ഇന്ന് നടത്തും. ടി വി കെയുടെ കരൂർ വെസ്റ്റ് ജില്ലാ സെക്രട്ടറി മതിഴകനെതിരെ പൊലീസ് കേസെടുത്തു. മരിച്ചവരുടെ കുടുംബത്തിന് 10 ലക്ഷം രൂപയും പരുക്കേറ്റവർക്ക് ഒരു ലക്ഷം രൂപയും ധനസഹായം പ്രഖ്യാപിച്ചു.
കിളിമാനൂരിൽ വാഹനാപകടം: പാറശ്ശാല SHOയുടെ കാറിടിച്ച് ഒരാൾ മരിച്ചു
തിരുവനന്തപുരം കിളിമാനൂരിൽ അജ്ഞാത വാഹനമിടിച്ച് രാജൻ മരിച്ച സംഭവം. അപകടം നടന്നത് പാറശ്ശാല SHO അനിൽകുമാറിൻ്റെ ഉടമസ്ഥതയിലുള്ള വാഹനമിടിച്ചാണ്. അനിൽകുമാർ തന്നെയാണ് വാഹനം ഓടിച്ചതെന്ന് തെളിഞ്ഞാൽ സസ്പെൻഷൻ അടക്കമുള്ള ജാമ്യമില്ല വകുപ്പുകൾ ചുമത്തും.
ബസ്സിൽനിന്നിറങ്ങവേ മാധ്യമപ്രവർത്തകയ്ക്ക് മോതിരവിരൽ നഷ്ടമായി; അപകട കാരണം സ്വകാര്യ ബസ്സുകളിലെ രൂപകൽപ്പനയിലെ അപാകതകൾ
മാധ്യമപ്രവർത്തക രാഖി റാസിന് ബസ്സിൽ നിന്നിറങ്ങുന്നതിനിടെ മോതിരവിരൽ നഷ്ടപ്പെട്ട സംഭവം വേദനയും ഞെട്ടലുമുളവാക്കുന്നു. ബസ്സിന്റെ വാതിലിന്റെ ഭാഗത്തുള്ള ഇരുമ്പ് തകിടിൽ മോതിരം കുടുങ്ങിയതിനെ തുടർന്നാണ് രാഖിക്ക് വിരൽ നഷ്ടമായത്. ബസ്സുകളുടെ ബോഡി ഡിസൈനിൽ അപാകതകളുണ്ടെന്നും, ഇത് പരിഹരിച്ചില്ലെങ്കിൽ ഇനിയും ഇത്തരം അപകടങ്ങൾ സംഭവിക്കാമെന്നും രാഖി മുന്നറിയിപ്പ് നൽകുന്നു
ചെളി തെറിപ്പിച്ചത് ചോദ്യം ചെയ്ത വിദ്യാർത്ഥിയെ KSRTC സ്വിഫ്റ്റ് ബസ് ഇടിക്കാൻ ശ്രമിച്ചെന്ന് പരാതി
ആലപ്പുഴ അരൂരിൽ വിദ്യാർത്ഥിയുടെ ദേഹത്ത് ചെളി വെള്ളം തെറിപ്പിച്ചതിനെ ചോദ്യം ചെയ്തതിന് കെഎസ്ആർടിസി സ്വിഫ്റ്റ് ബസ് ഇടിപ്പിക്കാൻ ശ്രമിച്ചെന്ന് പരാതി. അരൂർ സ്വദേശി യദുകൃഷ്ണൻ ആണ് പരാതി നൽകിയത്. കൊച്ചിയിൽ നിന്ന് തിരുവനന്തപുരത്തേക്ക് പോവുകയായിരുന്ന കെഎസ്ആർടിസി സ്വിഫ്റ്റ് ബസ്സാണ് അപകടകരമായ രീതിയിൽ ഓടിച്ചത്.
കിണറ്റിൽ വീണ രണ്ടര വയസ്സുകാരിയെ രക്ഷിക്കാൻ അമ്മ കിണറ്റിലേക്ക് ചാടി; സംഭവം പാറശ്ശാലയിൽ
പാറശ്ശാലയിൽ കിണറ്റിൽ വീണ രണ്ടര വയസ്സുകാരിയെ അമ്മ രക്ഷിച്ചു. വീടിന്റെ മുറ്റത്ത് കളിക്കുന്നതിനിടെയാണ് കുട്ടി കിണറ്റിൽ വീണത്. കിണറിന് ആഴം കുറവായതിനാൽ വലിയ അപകടം ഒഴിവായി.