Accident
കോട്ടയം മെഡിക്കൽ കോളജ് അപകടം: മരിച്ച ബിന്ദുവിന്റെ കുടുംബത്തിന് ധനസഹായം കൈമാറി
കോട്ടയം മെഡിക്കൽ കോളജിൽ കെട്ടിടം തകർന്ന് മരിച്ച ബിന്ദുവിന്റെ കുടുംബത്തിന് സർക്കാർ പ്രഖ്യാപിച്ച 10 ലക്ഷം രൂപയുടെ ധനസഹായം മന്ത്രി വി.എൻ. വാസവൻ കൈമാറി. ബിന്ദുവിന്റെ ഭർത്താവ് വിശ്രുതൻ, അമ്മ സീതാലക്ഷ്മി, മകൻ നവനീത് എന്നിവരെ മന്ത്രി നേരിൽ കണ്ടു. ജൂലൈ മൂന്നിനാണ് മെഡിക്കൽ കോളജ് വാർഡിലെ പഴയ ശുചിമുറി കെട്ടിടം ഇടിഞ്ഞുവീണ് അപകടമുണ്ടായത്.
കൊച്ചി മെട്രോയിൽ ട്രാക്കിൽ നിന്ന് ചാടിയ യുവാവ് മരിച്ചു
എറണാകുളം വടക്കെകോട്ട മെട്രോ സ്റ്റേഷനിൽ ട്രാക്കിൽ നിന്ന് ചാടിയ യുവാവ് മരിച്ചു. തിരൂരങ്ങാടി സ്വദേശി നിസാർ ആണ് മരിച്ചത്. അനുനയ ശ്രമങ്ങൾ നടക്കുന്നതിനിടെയാണ് നിസാർ താഴത്തേക്ക് ചാടിയത്.
മീഞ്ചന്ത അപകടം: കോഴിക്കോട് കോർപറേഷൻ പരിധിയിലെ ബസ് സ്റ്റോപ്പുകളിൽ സുരക്ഷാ പരിശോധന നടത്താൻ തീരുമാനം
കോഴിക്കോട് കോർപറേഷൻ പരിധിയിലെ ബസ് സ്റ്റോപ്പുകളിൽ സുരക്ഷാ പരിശോധന നടത്താൻ കോർപറേഷൻ തീരുമാനിച്ചു. മീഞ്ചന്തയിൽ ബസ് സ്റ്റോപ്പ് തകർന്ന് വിദ്യാർത്ഥിനിക്ക് ഗുരുതരമായി പരുക്കേറ്റതിനെ തുടർന്നാണ് ഈ തീരുമാനം. കോർപറേഷന്റെ പൊതുമരാമത്ത് വിഭാഗം പരിശോധന നടത്തി സുരക്ഷ ഉറപ്പ് വരുത്തും.
കാട്ടുപോത്ത് കുറുകെ ചാടി അപകടം; കുട്ടികളടക്കം അഞ്ചുപേർക്ക് പരിക്ക്
തിരുവനന്തപുരം-തെൻകാശി അന്തർസംസ്ഥാന പാതയിൽ കാട്ടുപോത്ത് കുറുകെ ചാടിയതിനെ തുടർന്ന് വാഹനാപകടം. അപകടത്തിൽ കുട്ടികളടക്കം അഞ്ചുപേർക്ക് പരുക്കേറ്റു. പരുക്കേറ്റവരെ കുളത്തുപ്പുഴ ആശുപത്രിയിൽ പ്രവേശിപ്പിച്ചു, ഗുരുതരമായി പരുക്കേറ്റ ഒരാളെ തിരുവനന്തപുരം മെഡിക്കൽ കോളേജിലേക്ക് മാറ്റി.
മുക്കം ഇരുവഴിഞ്ഞി പുഴയിൽ വിദ്യാർത്ഥി ഒഴുക്കിൽപ്പെട്ടു; തിരച്ചിൽ ഊർജ്ജിതമാക്കി
കോഴിക്കോട് മുക്കം ഇരുവഴിഞ്ഞി പുഴയിലെ പതങ്കയം വെള്ളച്ചാട്ടത്തിൽ വിദ്യാർത്ഥി ഒഴുക്കിൽപ്പെട്ടു. മഞ്ചേരിയിൽ നിന്ന് വന്ന ആറംഗ സംഘത്തിലെ ഒരംഗമായ പ്ലസ് വൺ വിദ്യാർത്ഥി അലൻ അഷ്റഫിനെയാണ് കാണാതായത്. മുക്കം ഫയർഫോഴ്സും പൊലീസും നാട്ടുകാരും ചേർന്ന് തിരച്ചിൽ ഊർജിതമാക്കി.
ലഹരി ഉപയോഗിച്ച് അപകടം: കെ.എസ്.യു നേതാവിനെ പുറത്താക്കാൻ വ്യാജ സർക്കുലറുമായി ജില്ലാ നേതൃത്വം
കോട്ടയത്ത് കെ.എസ്.യു നേതാവ് ലഹരി ഉപയോഗിച്ച് അപകടം ഉണ്ടാക്കിയ സംഭവം പുതിയ വഴിത്തിരിവിലേക്ക്. അപകടം നടന്നത് ജൂബിൻ ജേക്കബ് കോളേജിലെ കെ.എസ്.യു പരിപാടിയിൽ പങ്കെടുത്ത ശേഷം മടങ്ങുമ്പോളാണെന്ന് പുതിയ ദൃശ്യങ്ങൾ വ്യക്തമാക്കുന്നു. സംഘടനയിൽ നിന്നും ജൂബിനെ പുറത്താക്കിയെന്ന് വരുത്തി തീർക്കാൻ ജില്ലാ കമ്മിറ്റി ഒരുക്കിയ സർക്കുലർ വ്യാജമാണെന്നും തെളിഞ്ഞു.
കോട്ടയത്ത് മദ്യലഹരിയിൽ കാറോടിച്ച് അപകടം: സിഎംഎസ് കോളേജ് വിദ്യാർത്ഥി അറസ്റ്റിൽ
കോട്ടയം സിഎംഎസ് കോളേജ് വിദ്യാർത്ഥി ജൂബിൻ ലാലു മദ്യലഹരിയിൽ വാഹനമോടിച്ച് അപകടം ഉണ്ടാക്കി. കോട്ടയം മുതൽ പനമ്പാലം വരെ 12 ഓളം വാഹനങ്ങളിൽ ഇടിച്ചു. കെ.എസ്.യുവിൽ നിന്നും പുറത്താക്കിയ വ്യക്തിയാണ് ജൂബിൻ ലാലു.
ലഹരിയിൽ അപകടകരമായി വാഹനം ഓടിച്ച് കെ.എസ്.യു നേതാവ്; പ്രതിഷേധം ശക്തം
കോട്ടയം സി.എം.എസ് കോളേജിലെ കെ.എസ്.യു പ്രവർത്തകനും രാജീവ് ഗാന്ധി ഫൗണ്ടേഷൻ്റെ കോട്ടയം ജില്ലാ പ്രസിഡൻ്റുമായ ജൂബിൻ ജേക്കബ് ലഹരി ഉപയോഗിച്ച് അപകടകരമായി വാഹനം ഓടിച്ച സംഭവം വിവാദമാകുന്നു. ജൂബിൻ ഓടിച്ച ഫോർച്യൂണർ സി.എം.എസ് കോളേജ് മുതൽ പനമ്പാലം വരെ അപകടകരമായ രീതിയിൽ ഓടിക്കുകയായിരുന്നു. ഏകദേശം എട്ടോളം വാഹനങ്ങളിൽ ഇടിച്ചതിന് ശേഷം വാഹനം ഒരു മരത്തിൽ ഇടിച്ച് നിൽക്കുകയായിരുന്നു.
അരീക്കോട് മാലിന്യ സംസ്കരണ യൂണിറ്റിലുണ്ടായ അപകടത്തിൽ മൂന്ന് തൊഴിലാളികൾ മരിച്ചു
മലപ്പുറം അരീക്കോട് മാലിന്യ സംസ്കരണ യൂണിറ്റിലുണ്ടായ അപകടത്തിൽ മൂന്ന് ഇതര സംസ്ഥാന തൊഴിലാളികൾ മരിച്ചു. സ്വകാര്യ വ്യക്തിയുടെ കോഴി മാലിന്യ സംസ്കരണ പ്ലാന്റിലാണ് അപകടം സംഭവിച്ചത്. പ്ലാന്റിലെ ടാങ്കിൽ അകപ്പെട്ട തൊഴിലാളികളെ രക്ഷിക്കാൻ ശ്രമിക്കുന്നതിനിടെയാണ് അപകടമുണ്ടായത്.
കോട്ടയം മെഡിക്കൽ കോളേജ് അപകടം: ജില്ലാ കളക്ടർ സർക്കാരിന് റിപ്പോർട്ട് സമർപ്പിച്ചു
കോട്ടയം മെഡിക്കൽ കോളേജിൽ കെട്ടിടം തകർന്ന് ഒരാൾ മരിച്ച സംഭവത്തിൽ ജില്ലാ കളക്ടർ സർക്കാരിന് അന്വേഷണ റിപ്പോർട്ട് സമർപ്പിച്ചു. പിഡബ്ല്യുഡി റിപ്പോർട്ട് ലഭിച്ച ശേഷം സർക്കാർ തുടർനടപടികൾ സ്വീകരിക്കും. രക്ഷാപ്രവർത്തനം വൈകിയിട്ടില്ലെന്നും റിപ്പോർട്ടിൽ പറയുന്നു.
പാലക്കാട് കിഴക്കഞ്ചേരിയിൽ വെള്ളക്കെട്ടിൽ വീണ് നാലര വയസ്സുകാരൻ മരിച്ചു
പാലക്കാട് കിഴക്കഞ്ചേരിയിൽ തരിശുഭൂമിയിലെ വെള്ളക്കെട്ടിൽ വീണ് നാലര വയസ്സുകാരൻ മരിച്ചു. കിഴക്കഞ്ചേരി ജോമോൻ്റെ മകൻ ഏബൽ ആണ് മരിച്ചത്. കളിക്കുന്നതിനിടെ വെള്ളക്കുഴിയിൽ വീണ കുട്ടിയെ ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കോഴിക്കോട് മീഞ്ചന്തയിൽ ബസ് സ്റ്റോപ്പ് തകർന്ന് വീണ് വിദ്യാർത്ഥിക്ക് പരിക്ക്
കോഴിക്കോട് മീഞ്ചന്തയിൽ ബസ് സ്റ്റോപ്പ് തകർന്ന് വീണ് വിദ്യാർത്ഥിക്ക് പരുക്കേറ്റു. മീഞ്ചന്ത ആർട്സ് സയൻസ് കോളേജിന് സമീപമുള്ള ബസ് സ്റ്റോപ്പാണ് തകർന്ന് വീണത്. രണ്ടാം വർഷ ബിരുദവിദ്യാർത്ഥിക്ക് കാലിന് പരുക്കേറ്റു.