സൗദി അറേബ്യയിലെ ജയിലിൽ കഴിയുന്ന കോഴിക്കോട് സ്വദേശി അബ്ദുൽ റഹീമിന്റെ മോചന ഹർജി റിയാദ് ക്രിമിനൽ കോടതി നാളെ വീണ്ടും പരിഗണിക്കും. വധശിക്ഷ റദ്ദാക്കിയതിന് ശേഷം പബ്ലിക് റൈറ്റ്സ് പ്രകാരം മോചന ഹർജി പരിഗണിച്ച കോടതി മൂന്ന് തവണയാണ് കേസ് മാറ്റിവച്ചത്. നാളത്തെ വിധി അന്തിമമാകുമെന്ന പ്രതീക്ഷയിലാണ് റഹീമിന്റെ കുടുംബവും നിയമ സഹായസമിതി പ്രവർത്തകരും.
പതിനെട്ട് വർഷത്തെ ജയിൽവാസത്തിനൊടുവിൽ കോഴിക്കോട് കോടമ്പുഴ സ്വദേശി അബ്ദുറഹീമിന്റെ മോചനത്തിന് വഴി തെളിഞ്ഞത് മരിച്ച സൗദി ബാലൻ അനസ് അൽ ശാഹിരിയുടെ കുടുംബം ദിയാധനം കൈപ്പറ്റി മാപ്പ് നൽകാൻ തയ്യാറായതോടെയാണ്. 34 കോടി രൂപ ദിയാധനം നൽകിയതിനെ തുടർന്ന് കുടുംബത്തിന്റെ സമ്മതപ്രകാരം ജുലൈ രണ്ടിന് കോടതി വധശിക്ഷ റദ്ദാക്കി. തുടർന്ന് മൂന്ന് തവണ മോചന ഹർജിയിൽ വിധി പറയാൻ കോടതി ചേർന്നെങ്കിലും മാറ്റിവയ്ക്കുകയായിരുന്നു.
നിലവിൽ പബ്ലിക് റൈറ്റ്സ് പ്രകാരമുള്ള നടപടിക്രമങ്ങളാണ് പുരോഗമിക്കുന്നത്. ഇതിന്റെ ഭാഗമായി പബ്ലിക് പ്രോസിക്യൂഷനും റഹീമിന്റെ അഭിഭാഷകനും അവരവരുടെ വാദങ്ങൾ വീണ്ടും കോടതിക്ക് മുന്നിൽ അവതരിപ്പിച്ചു. കേസിൽ 18 വർഷത്തെ തടവ് റഹീം അനുഭവിച്ചുകഴിഞ്ഞെന്ന് വിചാരണവേളയിൽ റഹീമിന്റെ അഭിഭാഷകർ ചൂണ്ടിക്കാണിച്ചിരുന്നു. കുടുംബം മാപ്പ് നൽകിയതിനൊപ്പം ഇക്കാര്യം കൂടി കണക്കിലെടുത്ത് മോചന ഉത്തരവ് നൽകുമെന്നാണ് പ്രതീക്ഷ. അനുകൂല വിധിയുണ്ടായാൽ മോചന ഉത്തരവിന്റെ പകർപ്പ് ഗവർണറേറ്റിലേക്കും ജയിലിലേക്കും കോടതി കൈമാറും. തുടർന്ന് ആഭ്യന്തരമന്ത്രാലയത്തിന് കീഴിലുള്ള പാസ്പോർട്ട് വിഭാഗമായ ജവാസാത്ത് ഫൈനൽ എക്സിറ്റ് നടപടികൾ പൂർത്തിയാക്കും. ഇന്ത്യൻ എംബസി യാത്രാരേഖകൾ കൈമാറുന്നതോടെ റഹീമിന് ജയിൽ മോചിതനായി രാജ്യം വിടാനാകും.
Story Highlights: Saudi court to consider release petition of Abdul Raheem, a Kozhikode native imprisoned for 18 years, after death sentence was revoked.
സൗദി അറേബ്യയില്‍ അപകടത്തില്‍പ്പെട്ട് കോമയിലായ 29 കാരന്‍ റംസലിനെ നാട്ടിലെത്തിച്ച് ചികിത്സിക്കാന്‍ കുടുംബം Read more
സൗദി ജയിലിൽ കഴിയുന്ന അബ്ദുൾ റഹീമിന്റെ കേസ് പരിഗണന വീണ്ടും മാറ്റിവച്ചു. ജനുവരി Read more
കോഴിക്കോട് നഗരത്തിലെ ഗതാഗതക്കുരുക്കിൽ കുടുങ്ങിയ രണ്ട് ആംബുലൻസുകളിലെ രോഗികൾ മരിച്ചു. എടരിക്കോട് സ്വദേശിനി Read more
റിയാദിലെ കോടതി ഇന്ന് അബ്ദുൽ റഹീമിന്റെ ജയിൽ മോചന കേസ് പരിഗണിക്കും. ഇന്ത്യൻ Read more
റിയാദിലെ കോടതി ഇന്ന് അബ്ദുറഹീമിന്റെ കേസ് പരിഗണിക്കും. 18 വർഷത്തെ ജയിൽവാസത്തിനു ശേഷം Read more
സൗദി ജയിലിൽ കഴിയുന്ന അബ്ദുൽ റഹീമിന്റെ കേസ് നാളെ റിയാദിലെ കോടതി വീണ്ടും Read more
എം.ടി. വാസുദേവൻ നായരുടെ ആരോഗ്യനില ഗുരുതരമായി തുടരുന്നു. കോഴിക്കോട് ബേബി മെമ്മോറിയൽ ആശുപത്രിയിൽ Read more
കോഴിക്കോട് അഡീഷണൽ ജില്ലാ ജഡ്ജി എം. സുഹൈബിന് സസ്പെൻഷൻ. ജീവനക്കാരിയോട് അനുചിതമായി പെരുമാറിയെന്ന Read more
കോഴിക്കോട് വടകരയിൽ നിർത്തിയിട്ട കാരവനിൽ രണ്ട് യുവാക്കളുടെ മൃതദേഹങ്ങൾ കണ്ടെത്തി. പട്ടാമ്പി സ്വദേശികളായ Read more
തിരുവനന്തപുരം, കോഴിക്കോട് നഗരങ്ങളിൽ മെട്രോ റെയിൽ സംവിധാനം നടപ്പിലാക്കാൻ അനുമതി തേടി മുഖ്യമന്ത്രി Read more
