Mumbai Indians reach WPL final, beat Gujarat Giants by 47 runs

മുംബൈ ഇന്ത്യൻസ് വനിതാ പ്രീമിയർ ലീഗ് ഫൈനലിൽ പ്രവേശിച്ചു. എലിമിനേറ്റർ മത്സരത്തിൽ ഗുജറാത്തിനെ 47 റൺസിന് തകർത്താണ് മുംബൈയുടെ മുന്നേറ്റം. ഡൽഹി ക്യാപിറ്റൽസുമായാണ് ഫൈനൽ പോരാട്ടം. ശനിയാഴ്ചയാണ് കലാശപ്പോരാട്ടം നടക്കുക. മുംബൈയുടെ രണ്ടാം ഫൈനൽ പ്രവേശനമാണിത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹെയ്‌ലി മാത്യൂസിന്റെയും നാറ്റ് സ്കിവർ ബ്രണ്ടിന്റെയും മികച്ച പ്രകടനമാണ് മുംബൈയുടെ വിജയത്തിൽ നിർണായകമായത്. ഇരുവരും ചേർന്ന് 133 റൺസിന്റെ കൂട്ടുകെട്ടുണ്ടാക്കി. 50 പന്തിൽ നിന്ന് 77 റൺസാണ് ഹെയ്‌ലി മാത്യൂസ് നേടിയത്. നാറ്റ് സ്കിവർ ബ്രണ്ട് 41 പന്തിൽ നിന്ന് 77 റൺസ് നേടി. ഹർമൻപ്രീത് കൗർ 12 പന്തിൽ നിന്ന് 36 റൺസ് നേടി. ആദ്യം ബാറ്റ് ചെയ്ത മുംബൈ നാല് വിക്കറ്റ് നഷ്ടത്തിൽ 213 റൺസ് അടിച്ചെടുത്തു.

മതപരിവർത്തനത്തിന് വധശിക്ഷ നൽകുമെന്ന് മധ്യപ്രദേശ് മുഖ്യമന്ത്രി

ഗുജറാത്തിന്റെ ടോപ് സ്കോറർ 34 റൺസ് നേടിയ ഡാനിയേൽ ഗിബ്സണാണ്. മൂന്ന് ഗുജറാത്ത് താരങ്ങൾ റണ്ണൗട്ടായത് ടീമിന് തിരിച്ചടിയായി. 19.2 ഓവറിൽ 166 റൺസിന് ഗുജറാത്ത് ഓൾ ഔട്ടായി. സിമ്രാൻ ഷെയ്ഖ് (18), തനൂജ കൻവാർ (16) എന്നിവർ പൊരുതിയെങ്കിലും മുംബൈയുടെ സ്കോറിനൊപ്പമെത്താനായില്ല. മുംബൈക്കായി ഹെയ്‌ലി മാത്യൂസ് മൂന്ന് വിക്കറ്റും അമേലിയ കെർ രണ്ട് വിക്കറ്റും നേടി.