Jaundice Outbreak in Kalamassery: Over 40 Cases Confirmed

കളമശ്ശേരിയിൽ മഞ്ഞപ്പിത്തം പടരുന്നതായി റിപ്പോർട്ട്. എറണാകുളം ജില്ലയിലെ കളമശ്ശേരി പ്രദേശത്ത് മഞ്ഞപ്പിത്തം വ്യാപകമായി പടരുന്നതായി ആരോഗ്യവകുപ്പ് അധികൃതർ സ്ഥിരീകരിച്ചു. കുട്ടികൾ ഉൾപ്പെടെ നാൽപ്പതിലധികം പേർക്കാണ് ഇതുവരെ രോഗം സ്ഥിരീകരിച്ചിരിക്കുന്നത്. ഇതിൽ ഒരു കുട്ടിയുടെ നില ഗുരുതരമാണെന്നും റിപ്പോർട്ടുകൾ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എച്ച്.എം.ടി എസ്റ്റേറ്റ് പ്രദേശത്ത് മാത്രം 21 പേർക്കാണ് രോഗം സ്ഥിരീകരിച്ചിരിക്കുന്നത്. പൈപ്പ് ലൈൻ, പെരിങ്ങഴ, കുറുപ്ര തുടങ്ങിയ പ്രദേശങ്ങളിലാണ് രോഗബാധ കൂടുതലായി റിപ്പോർട്ട് ചെയ്യപ്പെട്ടിരിക്കുന്നത്. വിട്ടുമാറാത്ത പനി, ഛർദി, തലകറക്കം, ക്ഷീണം, ശരീരവേദന തുടങ്ങിയ ലക്ഷണങ്ങളോടെയാണ് മിക്കവരും ആശുപത്രിയിൽ എത്തിയത്.

കേരളത്തിന്റെ പുതിയ ഗവർണറായി രാജേന്ദ്ര വിശ്വനാഥ് ആർലേക്കർ സത്യപ്രതിജ്ഞ ചെയ്തു

മഞ്ഞപ്പിത്തം എന്നത് ഉഷ്ണകാലാവസ്ഥയിൽ കൂടുതലായി കാണപ്പെടുന്ന ഒരു രോഗലക്ഷണമാണ്. കരളിൽ നിർമ്മിക്കപ്പെടുന്ന പിത്തരസത്തിന്റെ നിർമ്മാണത്തിലോ വിതരണത്തിലോ ഉണ്ടാകുന്ന തകരാറുമൂലമാണ് ഇത് സംഭവിക്കുന്നത്. രക്തത്തിൽ ബിലിറൂബിന്റെ അളവ് കൂടുമ്പോൾ കണ്ണ്, ത്വക്ക്, നഖം എന്നീ ശരീരഭാഗങ്ങളിലും മൂത്രത്തിലും മഞ്ഞനിറം പ്രത്യക്ഷപ്പെടുന്നു.

രോഗലക്ഷണങ്ങളിൽ പനി, വയറുവേദന, ഓക്കാനം, ഛർദ്ദി, വിശപ്പില്ലായ്മ, വയറിളക്കം, മൂത്രത്തിന് നിറവ്യത്യാസം, കണ്ണിന് മഞ്ഞ നിറം തുടങ്ങിയവ ഉൾപ്പെടുന്നു. ശരിയായ ചികിത്സ ലഭിച്ചില്ലെങ്കിൽ രോഗം മൂർച്ഛിക്കാനും രക്തത്തിൽ ബിലിറുബിന്റെ അളവ് അപകടകരമായ വിധം ഉയരാനും സാധ്യതയുണ്ട്.

കൊല്ലം കൊലപാതകം: 19 വർഷത്തിനു ശേഷം പ്രതികൾ പിടിയിൽ; ദുരൂഹതയ്ക്ക് വിരാമം

മലിനമായ ജലസ്രോതസ്സുകൾ, മലിനജലം ഉപയോഗിച്ച് നിർമ്മിക്കുന്ന ഭക്ഷണം, ഐസ്, ശീതള പാനീയങ്ങൾ എന്നിവയിലൂടെയാണ് രോഗം പ്രധാനമായും പടരുന്നത്. രോഗവ്യാപനം തടയാൻ കുടിവെള്ള സ്രോതസ്സുകൾ ശുദ്ധീകരിക്കുക, വ്യക്തിശുചിത്വവും പരിസരശുചിത്വവും പാലിക്കുക, തുറസ്സായ സ്ഥലങ്ങളിൽ മലമൂത്ര വിസർജ്ജനം ഒഴിവാക്കുക തുടങ്ങിയ നിർദേശങ്ങൾ ആരോഗ്യവകുപ്പ് നൽകിയിട്ടുണ്ട്.

Story Highlights: Jaundice Cases On The Rise In Kalamassery, Ernakulum