World
കാശ്മീർ പ്രശ്നം: ഇന്ത്യ-പാക് മധ്യസ്ഥതയ്ക്ക് ഇറാൻ തയ്യാർ
കാശ്മീർ വിഷയത്തിൽ ഇന്ത്യയ്ക്കും പാകിസ്ഥാനുമിടയിൽ മധ്യസ്ഥത വഹിക്കാൻ ഇറാൻ തയ്യാറാണെന്ന് വിദേശകാര്യ മന്ത്രി. ഏപ്രിൽ 22ന് ജമ്മു കശ്മീരിൽ നടന്ന ഭീകരാക്രമണത്തെ യുഎൻ രക്ഷാസമിതി അപലപിച്ചു. ഭീകരർക്കെതിരായ നീക്കങ്ങളെ പിന്തുണയ്ക്കാൻ എല്ലാ രാജ്യങ്ങൾക്കും ബാധ്യതയുണ്ടെന്ന് യുഎൻ.
ബലൂചിസ്ഥാനിൽ സ്ഫോടനം: 10 പാകിസ്താൻ സൈനികർ കൊല്ലപ്പെട്ടു
പാകിസ്താനിലെ ബലൂചിസ്ഥാനിൽ നടന്ന സ്ഫോടനത്തിൽ 10 സൈനികർ കൊല്ലപ്പെട്ടു. ക്വറ്റയിൽ സുരക്ഷാ ഉദ്യോഗസ്ഥരുമായി സഞ്ചരിച്ചിരുന്ന വാഹനത്തിനു സമീപം ബോംബ് പൊട്ടിത്തെറിക്കുകയായിരുന്നു. ബലൂച്ച് ലിബറേഷൻ ആർമി ആണ് ആക്രമണത്തിന്റെ ഉത്തരവാദിത്വം ഏറ്റെടുത്തത്.
ഫ്രാൻസിസ് മാർപാപ്പയുടെ സംസ്കാര ചടങ്ങുകൾ പൂർത്തിയായി
റോമിലെ സെന്റ് മേരി മേജർ ബസലിക്കയിൽ ഫ്രാൻസിസ് മാർപാപ്പയുടെ സംസ്കാര ചടങ്ങുകൾ പൂർത്തിയായി. ലോകമെമ്പാടുമുള്ള രാഷ്ട്രത്തലവന്മാരും വിശ്വാസികളും ചടങ്ങിൽ പങ്കെടുത്തു. മാർപാപ്പയുടെ ആഗ്രഹപ്രകാരം ലളിതമായ ചടങ്ങുകളാണ് നടന്നത്.
പഹൽഗാം ആക്രമണം: യാത്രാ മുന്നറിയിപ്പുമായി യുകെ
പഹൽഗാമിലെ ഭീകരാക്രമണത്തിന് പിന്നാലെ ഇന്ത്യ-പാക് അതിർത്തിയിൽ സഞ്ചരിക്കുന്നതിനെതിരെ യുകെ പൗരന്മാർക്ക് മുന്നറിയിപ്പ്. അതിർത്തിയിൽ നിന്ന് 10 കിലോമീറ്റർ ചുറ്റളവിൽ സഞ്ചരിക്കരുതെന്നും പഹൽഗാം, ഗുൽമാർഗ് തുടങ്ങിയ സ്ഥലങ്ങൾ ഒഴിവാക്കണമെന്നും നിർദ്ദേശം. ജമ്മുവിലേക്ക് വിമാനമാർഗം മാത്രമേ യാത്ര ചെയ്യാവൂ എന്നും യുകെ അറിയിച്ചു.
ഇന്ത്യ-പാക് സംഘർഷം: മധ്യസ്ഥതയുമായി ഇറാൻ
പഹൽഗാം ഭീകരാക്രമണത്തിന് പിന്നാലെ വഷളായ ഇന്ത്യ-പാക് ബന്ധത്തിൽ മധ്യസ്ഥത വഹിക്കാൻ ഇറാൻ തയ്യാറാണെന്ന് അറിയിച്ചു. ഇരു രാജ്യങ്ങളും തങ്ങളുടെ സഹോദര രാജ്യങ്ങളാണെന്നും മേഖലയിൽ സമാധാനം നിലനിർത്തേണ്ടത് പ്രധാനമാണെന്നും ഇറാൻ വിദേശകാര്യ മന്ത്രി പറഞ്ഞു. മറ്റ് അയൽക്കാരെക്കാൾ പ്രാധാന്യത്തോടെയാണ് ഇറാൻ ഇരു രാജ്യങ്ങളെയും കാണുന്നതെന്നും അദ്ദേഹം കൂട്ടിച്ചേർത്തു.
പഹൽഗാം ആക്രമണം: ഇന്ത്യയ്ക്ക് പിന്തുണയുമായി അമേരിക്ക
പഹൽഗാം ഭീകരാക്രമണത്തിൽ ഇന്ത്യയ്ക്ക് പൂർണ്ണ പിന്തുണ നൽകുമെന്ന് അമേരിക്ക. ക്രൂരകൃത്യത്തിന് ഉത്തരവാദികളായവരെ കണ്ടെത്തുന്നതിനും ശിക്ഷിക്കുന്നതിനും ഇന്ത്യയെ സഹായിക്കുമെന്ന് അമേരിക്കൻ രഹസ്യാന്വേഷണ വിഭാഗം മേധാവി തുൾസി ഗബാർഡ്. പ്രധാനമന്ത്രി നരേന്ദ്ര മോദിയുടെ പ്രഖ്യാപനത്തിന് പിന്നാലെയാണ് ഗബാർഡിന്റെ പ്രതികരണം.
സൂര്യപ്രകാശം കുറയ്ക്കാൻ യുകെ പരീക്ഷണം
ഭൂമിയിലേക്കെത്തുന്ന സൂര്യപ്രകാശത്തിന്റെ തീവ്രത കുറയ്ക്കാനുള്ള പരീക്ഷണത്തിന് യുകെ ഭരണകൂടം തയ്യാറെടുക്കുന്നു. 567 കോടി രൂപയുടെ സർക്കാർ ധനസഹായത്തോടെയാണ് പദ്ധതി നടപ്പിലാക്കുക. സ്ട്രാറ്റോസ്ഫിയറിൽ സൂര്യപ്രകാശം പ്രതിഫലിപ്പിക്കുന്നതിനായി ചെറുകണികകൾ പുറത്തുവിടുന്നതാണ് പരീക്ഷണം.
ഷെന്ഷോ-20 വിക്ഷേപണം വിജയകരം; ചൈനയുടെ ബഹിരാകാശ മുന്നേറ്റത്തിന് പുതിയൊരു അധ്യായം
മൂന്ന് ബഹിരാകാശ യാത്രികരുമായി ചൈനയുടെ ഷെന്ഷോ-20 ക്രൂഡ് ബഹിരാകാശ പേടകം വിക്ഷേപിച്ചു. ജിയുക്വാന് സാറ്റലൈറ്റ് ലോഞ്ച് സെന്ററിൽ നിന്നാണ് വിക്ഷേപണം നടന്നത്. ഈ വർഷം ഒക്ടോബർ അവസാനത്തോടെ യാത്രികർ തിരിച്ചെത്തുമെന്ന് പ്രതീക്ഷിക്കുന്നു.
പഹൽഗാം ഭീകരാക്രമണം: ന്യൂയോർക്ക് ടൈംസിനെതിരെ യുഎസ് ഭരണകൂടം
പഹൽഗാമിലെ ഭീകരാക്രമണ വാർത്ത റിപ്പോർട്ട് ചെയ്തതിൽ ന്യൂയോർക്ക് ടൈംസിനെതിരെ യുഎസ് ഭരണകൂടത്തിന്റെ വിമർശനം. ഭീകരവാദത്തെ ലഘൂകരിക്കുന്ന പദപ്രയോഗമാണ് ഉപയോഗിച്ചതെന്ന് ആക്ഷേപം. 26 പേരുടെ മരണത്തിനിടയാക്കിയ ആക്രമണത്തിന് ശക്തമായി തിരിച്ചടിക്കുമെന്ന് ഇന്ത്യ.
പഹൽഗാം ആക്രമണം: ഇന്ത്യയും പാകിസ്താനും സംയമനം പാലിക്കണമെന്ന് ഐക്യരാഷ്ട്രസഭ
പഹൽഗാം ഭീകരാക്രമണത്തിന്റെ പശ്ചാത്തലത്തിൽ ഇന്ത്യയും പാകിസ്താനും പരമാവധി സംയമനം പാലിക്കണമെന്ന് ഐക്യരാഷ്ട്രസഭ ആവശ്യപ്പെട്ടു. ഭീകരാക്രമണത്തിന് പിന്നിൽ പാകിസ്താൻ ഭീകരരാണെന്ന് ജമ്മു കശ്മീർ പോലീസ് സ്ഥിരീകരിച്ചു. ഇന്ത്യ വിവിധ രാജ്യങ്ങളുടെ നയതന്ത്ര പ്രതിനിധികളെ വിളിച്ചുവരുത്തി പാകിസ്താന്റെ പങ്ക് വിശദീകരിച്ചു.
ട്രംപ് സൗദിക്ക് 100 ബില്യൺ ഡോളറിന്റെ ആയുധ കരാർ വാഗ്ദാനം ചെയ്യുന്നു
മെയ് 13 ന് സൗദി അറേബ്യയിൽ നടക്കുന്ന സന്ദർശന വേളയിൽ, യുഎസ് പ്രസിഡന്റ് ഡൊണാൾഡ് ട്രംപ് 100 ബില്യൺ ഡോളറിലധികം വിലമതിക്കുന്ന ഒരു ആയുധ പാക്കേജ് വാഗ്ദാനം ചെയ്യാൻ ഒരുങ്ങുന്നു. ഈ കരാർ സൗദി അറേബ്യയുടെ പ്രതിരോധശേഷി വർദ്ധിപ്പിക്കുന്നതിനൊപ്പം അമേരിക്കൻ സമ്പദ്വ്യവസ്ഥയ്ക്കും ഗണ്യമായ നേട്ടമുണ്ടാക്കുമെന്നാണ് പ്രതീക്ഷ. ഗസ്സയിലെ ആക്രമണം, റഷ്യ-യുക്രൈൻ യുദ്ധം തുടങ്ങിയ സുപ്രധാന അന്താരാഷ്ട്ര വിഷയങ്ങളും ഇരു നേതാക്കളും തമ്മിലുള്ള കൂടിക്കാഴ്ചയിൽ ചർച്ചയാകും.
ഇന്ത്യക്കാർക്ക് 48 മണിക്കൂർ; വാഗ അതിർത്തി അടച്ച് പാകിസ്താൻ
ഇന്ത്യയുമായുള്ള നയതന്ത്ര ബന്ധം വഷളായതിനെ തുടർന്ന് പാകിസ്താൻ വാഗ അതിർത്തി അടച്ചു. 48 മണിക്കൂറിനുള്ളിൽ ഇന്ത്യക്കാർ പാകിസ്താൻ വിടണമെന്ന് നിർദേശം. ഇന്ത്യൻ വിമാനങ്ങൾക്കുള്ള വ്യോമപാതയും പാകിസ്താൻ അടച്ചു.