Politics
മാസപ്പടി വിവാദം: മുഖ്യമന്ത്രി പ്രതികരിച്ചു
മാസപ്പടി ആരോപണങ്ങൾക്ക് മറുപടിയുമായി മുഖ്യമന്ത്രി പിണറായി വിജയൻ. മകളുടെ കമ്പനിക്ക് ലഭിച്ചത് കള്ളപ്പണമല്ലെന്നും കേസ് കോടതിയിലായതിനാൽ കൂടുതൽ പ്രതികരിക്കുന്നില്ലെന്നും അദ്ദേഹം പറഞ്ഞു. രാജി മോഹിച്ച് കാത്തിരിക്കുന്നവർക്ക് നിരാശയുണ്ടാകുമെന്നും മുഖ്യമന്ത്രി കൂട്ടിച്ചേർത്തു.
കേരളത്തിന് രാഷ്ട്രീയ മാറ്റം അനിവാര്യമെന്ന് രാജീവ് ചന്ദ്രശേഖർ
കേരളത്തിലെ രാഷ്ട്രീയത്തിൽ മാറ്റം ആവശ്യമാണെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. പ്രീണന രാഷ്ട്രീയത്തിന് അറുതി വരുത്തണമെന്നും അദ്ദേഹം ആവശ്യപ്പെട്ടു. കോൺഗ്രസും ഇടതുപക്ഷവും വർഗീയ ഭയം ജനിപ്പിക്കുന്ന രാഷ്ട്രീയമാണ് നടത്തുന്നതെന്നും അദ്ദേഹം കുറ്റപ്പെടുത്തി.
വഖഫ് ഭേദഗതി ബില്ലിനെതിരെ പ്രതിഷേധം: കരിപ്പൂർ വിമാനത്താവളത്തിൽ സംഘർഷം
വഖഫ് ഭേദഗതി ബില്ലിനെതിരെ എസ്ഐഒ-സോളിഡാരിറ്റി പ്രവർത്തകർ കരിപ്പൂർ വിമാനത്താവളത്തിലേക്ക് നടത്തിയ പ്രതിഷേധ മാർച്ചിൽ സംഘർഷം. പൊലീസ് ലാത്തിച്ചാർജും ടിയർഗ്യാസ് പ്രയോഗവും നടത്തി. നിരവധി പ്രവർത്തകർക്ക് പരിക്കേറ്റു.
ജാതി സെൻസസ് നടപ്പാക്കണം: രാഹുൽ ഗാന്ധി
ജാതി സെൻസസ് നടപ്പാക്കണമെന്ന് എഐസിസി സമ്മേളനത്തിൽ രാഹുൽ ഗാന്ധി ആവശ്യപ്പെട്ടു. ബിജെപിയും ആർഎസ്എസും ജനങ്ങളെ ജാതിയുടെയും മതത്തിന്റെയും പേരിൽ വേർതിരിക്കുന്നുവെന്ന് അദ്ദേഹം കുറ്റപ്പെടുത്തി. പിന്നാക്ക വിഭാഗങ്ങൾക്ക് അർഹമായ പ്രാതിനിധ്യം ലഭിക്കണമെന്നും അദ്ദേഹം പറഞ്ഞു.
എം.എ. ബേബിയുമായി 57 വർഷത്തെ അടുപ്പമെന്ന് ജി. സുധാകരൻ
എം.എ. ബേബിയുമായുള്ള തന്റെ അരനൂറ്റാണ്ടിലേറെ നീണ്ടുനിൽക്കുന്ന ബന്ധത്തെക്കുറിച്ച് സി.പി.ഐ.(എം) നേതാവ് ജി. സുധാകരൻ വാചാലനായി. 57 വർഷക്കാലമായിട്ടുള്ള ഈ ബന്ധം ഒരിക്കലും മുറിഞ്ഞുപോയിട്ടില്ലെന്ന് സുധാകരൻ പറഞ്ഞു. ബേബിയുടെ ജനറൽ സെക്രട്ടറി സ്ഥാനാരോഹണം പാർട്ടി അനുഭാവികളിൽ വലിയ പ്രതീക്ഷകൾ ജനിപ്പിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
വെള്ളാപ്പള്ളിയുടെ പരാമർശത്തിന് മറുപടിയുമായി മന്ത്രി കെ. ബി. ഗണേഷ് കുമാർ
മലപ്പുറം ജില്ലയെക്കുറിച്ചുള്ള വെള്ളാപ്പള്ളി നടേശന്റെ പരാമർശങ്ങൾക്ക് മറുപടിയുമായി മന്ത്രി കെ. ബി. ഗണേഷ് കുമാർ. മതേതരത്വമാണ് കേരളത്തിലെ എല്ലാ ജില്ലകളുടെയും ഐശ്വര്യമെന്ന് മന്ത്രി പറഞ്ഞു. മലപ്പുറം മികച്ച വിദ്യാഭ്യാസവും വികസനവുമുള്ള ഒരു നല്ല ജില്ലയാണെന്നും അദ്ദേഹം കൂട്ടിച്ചേർത്തു.
മാസപ്പടി കേസ്: വീണ വിജയൻ ഇഡിക്ക് മുന്നിൽ ഹാജരാകേണ്ടിവരുമെന്ന് ഷോൺ ജോർജ്
മാസപ്പടി വിവാദത്തിൽ വീണാ വിജയനെതിരെ സിബിഐ അന്വേഷണം ആവശ്യപ്പെട്ട് കത്ത് നൽകിയിട്ടുണ്ടെന്ന് ഷോൺ ജോർജ്. ഇഡിക്ക് മുന്നിൽ വീണ വിജയൻ ഹാജരാകേണ്ടി വരുമെന്നും അദ്ദേഹം പറഞ്ഞു. കേസിൽ മുഖ്യമന്ത്രിയും ഉൾപ്പെടെയുള്ളവരുടെ ഇടപാടുകൾ പുറത്ത് വരണമെന്നും അദ്ദേഹം ആവശ്യപ്പെട്ടു.
എൻ. പ്രശാന്ത് ഐ.എ.എസ്: പരാതികൾ നേരിട്ട് കേൾക്കാൻ മുഖ്യമന്ത്രിയുടെ നിർദ്ദേശം
എൻ. പ്രശാന്ത് ഐ.എ.എസിന്റെ പരാതികൾ നേരിട്ട് കേൾക്കാൻ മുഖ്യമന്ത്രി പിണറായി വിജയൻ നിർദ്ദേശം നൽകി. ചീഫ് സെക്രട്ടറി നേരിട്ട് ഹിയറിംഗ് നടത്തും. നിലവിൽ സസ്പെൻഷനിലാണ് എൻ. പ്രശാന്ത്.
വെള്ളാപ്പള്ളിയുടെ മലപ്പുറം പരാമർശത്തെ ന്യായീകരിച്ച് കേന്ദ്രമന്ത്രി ജോർജ് കുര്യൻ
വെള്ളാപ്പള്ളി നടേശന്റെ മലപ്പുറം പരാമർശത്തെ ന്യായീകരിച്ച് കേന്ദ്രമന്ത്രി ജോർജ് കുര്യൻ. സമുദായ നേതാക്കൾ അവരവരുടെ സമുദായത്തിനു വേണ്ടി സംസാരിക്കുന്നതിൽ തെറ്റില്ലെന്ന് കുര്യൻ. വഖഫ് ഭേദഗതി നിയമത്തിന് വലിയ പിന്തുണ ലഭിച്ചെന്നും കുര്യൻ അവകാശപ്പെട്ടു.
കോണ്ഗ്രസ് ദേശീയ സമ്മേളനം ഇന്ന് അഹമ്മദാബാദില്
ആറു പതിറ്റാണ്ടിനു ശേഷം ഗുജറാത്തില് വീണ്ടും കോണ്ഗ്രസ് ദേശീയ സമ്മേളനം. ദേശീയ അന്തർദേശീയ വിഷയങ്ങളിൽ പ്രത്യേക പ്രമേയങ്ങൾ അവതരിപ്പിക്കും. സമ്മേളനത്തില് രണ്ടായിരത്തിലധികം പ്രതിനിധികള് പങ്കെടുക്കും.
ആശാ വർക്കർമാരുടെ സമരത്തെ പരിഹസിച്ച് സലിം കുമാർ
ആശാ വർക്കർമാരുടെ സമരത്തെ പരിഹസിച്ച് നടൻ സലിം കുമാർ. പഴനിയിലും ശബരിമലയിലും നടത്തുന്ന വഴിപാടുകൾ സെക്രട്ടേറിയറ്റിന് മുന്നിലാണ് ഇപ്പോൾ ആശാ വർക്കർമാർ നടത്തുന്നതെന്ന് സലിം കുമാർ പറഞ്ഞു. യുവതലമുറയെയും സലിം കുമാർ പരിഹസിച്ചു.
വനിതാ സിപിഒ ഉദ്യോഗാർത്ഥികളുടെ സമരം ശക്തമാക്കി
സെക്രട്ടേറിയറ്റിന് മുന്നിൽ വനിതാ സിപിഒ ഉദ്യോഗാർത്ഥികളുടെ നിരാഹാര സമരം ഏഴാം ദിവസത്തിലേക്ക്. റാങ്ക് ലിസ്റ്റിന്റെ കാലാവധി അവസാനിക്കാൻ ദിവസങ്ങൾ മാത്രം ബാക്കി. കൈയ്യിൽ കർപ്പൂരം കത്തിച്ചുകൊണ്ട് വൈകാരികമായ പ്രതിഷേധം.